Ester 3:15 - Tupanaarü Ore

¹⁵ Rü yexgumatama inaxĩãchi ga yema poperaarü ngeruü̃gü ga ãẽ̱xgacü imuãchitanüxü̃. Rü guma ĩane ga Chúchawa rü ta duü̃xü̃güxü̃ nüxü̃ nacua̱xẽxẽ ga yema mu. Rü yoxni nüma ga ãẽ̱xgacü rü Amáü̃maxã mechawa narütogü rü naxaxegü. Rü yexgumayane ga duü̃xü̃gü ga ĩane ga Chúchacüã̱xgü rü nanaxĩ̱xãchiãẽgü.

Ester 3:15 Referans Kwoze

Ester 8:15

Rü yema ngunexü̃ ga nagu naxunagüxü̃ ga yema mu, rü nüma ga Maduquéu rü nagu nicu̱x ga ãẽ̱xgacüchiru ga cómüxü̃ rü yáuxü̃. Rü nügü natüãtü namaxã ga wüxi ga tüãtüruxü̃ ga línuchinaxca̱x ga dauxracharaxü̃. Rü nügüeruwa nayanga̱xcuchi ga wüxi ga nga̱xcueruxü̃ ga úirunaxca̱x. Rü yemaacü ínaxũxü̃ ga ãẽ̱xgacüpatawa. Rü guxü̃ma ga duü̃xü̃gü ga Chúchacüã̱x rü tagaãcü nüxü̃ nicua̱xüü̃gü.

Ore i mexü̃ ga Cuáü̃ ümatüxü̃ 16:20

Rü aixcüma pemaxã nüxü̃ chixu rü pema rü tá pexauxe, rü tá pengechaü̃gü. Rü yoxni ñoma i naanecüã̱x i duü̃xü̃gü rü tá nataãẽgü. Natürü woo pema tá pengechaü̃gü, rü ngẽma perü ngechaü̃ rü tá taãẽxü̃ nananguxuchi.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:10

Rü ngẽma duü̃xü̃gü i ñoma i naanewa maxẽxü̃ rü tá nataãẽgü nax marü nayuexü̃ i ngẽma taxre. Rü ngẽma nax poraãcü nataãẽgüxü̃ rü tá nügüna ãmare naxãgü, yerü yema taxre ga orearü uruü̃gü rü poraãcü naãxẽwa nananguxẽẽgü.

Amúx 6:6

Rü taxü̃ i pexpáxü̃wa peyaxaxgü ya bínu. Rü pumara i yixichixü̃maxã pegü peyixemagü. Natürü tama nagu perüxĩnüe i ngẽma pechixü̃ane nax chixexü̃gu nanguxü̃.

Ochéa 7:5

Rü ngẽxguma nawa nanguxgu nax peta naxüxü̃ i nachixü̃anearü ãẽ̱xgacü, rü ngẽma norü ngü̃xẽẽruü̃gü rü bínumaxã nanangãxẽẽgü. Rü nüma ya ãẽ̱xgacü rü norü ngãxü̃maxã nüxü̃ narümoxẽ i duü̃xü̃gü i nüxü̃ cugüexü̃.

Ucu̱xẽgüchiga 29:2

Ngẽxguma ngẽma duü̃xü̃gü i mexü̃gu rüxĩnüexü̃ ĩanemaxã icua̱xgügu, duü̃xü̃gü rü nataãẽgü. Natürü ngẽxguma ngẽma duü̃xü̃gü i chixexü̃gu rüxĩnüexü̃ ĩanemaxã icua̱xgügu, rü duü̃xü̃gü rü ngúxü̃ ningegü.

Ucu̱xẽgüchiga 4:16

Erü ngẽma duü̃xü̃gü rü tama nataãẽgü ega tama chixexü̃ naxügügu, rü tama napee ega taxúexü̃ma chixexü̃gu nangu̱xẽẽgügu.

Ucu̱xẽgüchiga 1:16

Erü nümagü rü nañu̱xãẽgü nax chixexü̃ naxügüxü̃ca̱x rü napaxaãẽgü nax namáetagüxü̃ca̱x.

Ester 4:16

—¡Ẽcü ngéma naxũ rü nangutaque̱xexẽxẽ i guxü̃ma i Yudíugü i Chúchawa ngẽxmagüxü̃ nax cha̱u̱xca̱x aureãcü nayumüxẽgüxü̃ca̱x! ¡Rü tomaepü̱x i ngunexü̃ rü tomaepü̱x i chütaxü̃ rü taxuxü̃táma ta̱xacü nangõ̱xgü rüe̱xna ta̱xacü nixaxgü! Rü chomax, rü namaxã i chauxü̃taxü̃gü rü ngẽmaãcü tátama tanaxügü. Rü ngẽmawena rü tá ãẽ̱xgacüxü̃tawa íchayadau woo nachu̱xu nax texé ngéma ũmarexü̃ tama tümaca̱x nangemayane. Natürü tá ngéma chaxũama rü nüetama ega woo chayu̱xgu —ngĩgürügü.

Nüxíraxü̃xü̃ ga popera ga ãẽ̱xgacügüchiga 14:27

Rü yemawena ga ãẽ̱xgacü ga Roboáü̃ rü yema poxü̃ruü̃gü ga úirunaxca̱xchicüxü rü poxü̃ruü̃gü ga bróũchenaxca̱x inaxüxü̃. Rü ñu̱xũchi yema churaragüerugü ga guma ãẽ̱xgacüpataarü ĩã̱xgüarü dauruü̃güna nüxü̃ nadauxẽxẽ.

Naanearü ügüchiga 37:25

Rü yemawena rü ínarütogü rü nachibüe. Rü yexguma nachibüeyane rü yáxü̃gu nüxü̃ nadaugü ga Ismaétanüxü̃ ga Garaáxanewa ne ĩxü̃. Rü norü caméyutagu nayana ga pumaragü rü tuxuneruü̃gü rü pumara ga míra ga Equítuanewa nanaxü̃.

Ester 1:10

Rü yexguma 7 ga ngunexü̃ marü yangexgu ga yema peta, rü nüma ga ãẽ̱xgacü rü marü bínuarü ngu̱xmaxã nataãxẽ. Rü nanamu ga 7 ga norü ngü̃xẽẽruü̃gü ga Meumáü̃, rü Bichá, rü Arboná, rü Bixtá, rü Abáta, rü Chetáx, rü Cacá nax nape̱xewa ngĩxü̃ nagagüxü̃ca̱x ga yema naxma̱x ga Báti ga meama nga̱xãẽcü namaxã ga yema norü nga̱xcueruxü̃. Rü yemaacü nanamu nax guxü̃ma ga duü̃xü̃güxü̃ rü ãẽ̱xgacügüxü̃ ngĩxü̃ nawéxü̃ca̱x nax ñuxãcü namexẽchixü̃, yerü aixcüma imechametüxüchi.

Wiyaegü 37:7

Rü name nax cungea̱xmarexü̃ nape̱xewa ya Cori ya Tupana. ¡Rü yáxna naxĩnü! Rü nüma rü tá cuxü̃ narüngü̃xẽxẽ. ¡Rü taxṹ i quixãũãchixü̃ ega ngẽma chixexü̃ ügüxü̃ rü namuarü ngẽmaxü̃ã̱xgügu rü mea yaxũxgu i ngẽma nagu naxĩnüexü̃!

Ucu̱xẽgüchiga 31:4

Pa Lemuéx, tama name i ãẽ̱xgacügü bínu rü ngúxü̃ i a̱xchixü nax yaxaxgüxü̃.