Ester 2:7 - Tupanaarü Ore

⁷ Rü nüma ga Maduquéu rü nüxü̃́ iyexma ga wüxi ga nanepüxacü ga guxü̃wama ta̱xcucü. Rü ngĩéga rü Adachá rüe̱xna Ité nixĩ. Rü ngĩma rü imechametüxüchi rü ngĩxĩne rü namexẽchi.

Ester 2:7 Referans Kwoze

Ester 2:15

Rü ngĩma ga Ité ga Maduquéueya̱x ga Abiyáixacü, rü yexguma ngĩwa nanguxgu nax ãẽ̱xgacüpe̱xewa ngĩxü̃ nagagüxü̃, rü ngĩma rü inayaxu ga yema Egái ga pacügüarü dauruü̃arü ucu̱xẽ. Rü meama ngĩgü inga̱xãxẽ yema ngĩmaxã nüxü̃ yaxuxü̃rüxü̃. Rü yema naigü ga pacügü rü poraãcü ngĩmaxã itaãẽgü ga yexguma ngĩxü̃ nadaugügu.

Efesios 6:4

Rü pemax, Pa Papagü rü Pa Mamagüx, rü tama name i penanuexẽxẽ i pexacügü. Rü name nixĩ i mea peyaxucu̱xẽgü rü naãxẽxü̃ nüxü̃ pecua̱xẽxẽ rü penangúexẽxẽ i ngẽma tórü Coriarü ore.

2 Corintios 6:18

Rü choma rü Penatü tá chixĩ, rü pemax rü tá chaunegü rü chauxacügü pixĩgü”, ñanagürü ya tórü Cori ya Tupana ya Guxü̃étüwa Ngẽxmacü.

Naanearü ügüchiga 48:5

Rü ngẽmaca̱x i ñu̱xmax i ngẽma cunegü i Efraíü̃, rü Manaché ga nuxã Equítuanegu buexü̃ naxü̃pa nax nua Equítuanewa chaxũxü̃, rü chaunegürüxü̃ nixĩgü naxrüxü̃ i Rubéü̃ rü Chimeóü̃.

Nüxíraxü̃xü̃ ga popera ga Cuáü̃ ümatüxü̃ 3:1

¡Dücax, Pa Chauenexẽgüx, ñuxãcü poraãcü tüxü̃ nangechaü̃ ya Tanatü ya Tupana! Rü ngẽmaca̱x nixĩ i naxacügümaxã tüxü̃ naxuxü̃ i nümax. Rü aixcüma naxacügü tixĩgü. Rü ngẽmaca̱x ñoma i naanecüã̱x i duü̃xü̃gü rü tama tüxü̃ nacua̱xgüchaü̃ erü Tupanaxü̃ rü ta tama nacua̱xgüchaü̃.

Ester 8:1

Rü yematama ngunexü̃gu rü nüma ga ãẽ̱xgacü ga Achuéru rü naxma̱x ga Iténa nanaxãmare ga guma Amáü̃pata ga Yudíugümaxã rüxuanüxü̃. Rü nüma ga ãẽ̱xgacü rü Maduquéuca̱x nangema, rü yemaca̱x ãẽ̱xgacüxü̃tawa naxũ yerü ngĩma ga Ité rü nüxü̃ iyaxu nax ngĩnepü nane yixĩxü̃.

Yox 31:17

Rü taguma chaxicatama chachibü, rü guxü̃guma tümamaxã changau ya guxema taxcutagü.

Yox 31:18

Rü guxü̃guma ñoma chaunegü tixĩgüxü̃rüxü̃ tümamaxã chixĩ ga guxema taxcutagü. Rü guxema yutegüxe rü guxü̃guma tüxü̃ charüngü̃xẽẽxü̃.