Ester 2:23 - Tupanaarü Ore

²³ Rü nüma ga ãẽ̱xgacü rü naxca̱x ínicagüchigü nachiga ga yema nax yama̱xgüchaxü̃xü̃. Rü nüxü̃ nacuáchiga nax aixcüma yixĩxü̃ ga yema, rü yemaca̱x nanawẽxgünaxã ga yema taxre ga yatügü. Rü guxü̃ma ga yema ngupetüxü̃ rü ãẽ̱xgacüpe̱xewatama nanaxümatü nagu ga yema popera ga nagu naxümatüxü̃ ga yema ãẽ̱xgacügü üxü̃.

Ester 2:23 Referans Kwoze

Ester 10:2

Rü guxü̃ma ga yema Achuéru üxü̃ ga yexguma ãẽ̱xgacü yixĩxgu rü yema norü porachiga rü yema popera ga Médiaanearü rü Pérchiaanearü ãẽ̱xgacügüchiga nagu ümatüxü̃gu naxümatü. Rü yexgumarüxü̃ ta yema poperagu naxümatü nax ñuxãcü Maduquéuxü̃ natachigaxẽẽxü̃ ga Achuéru rü ñuxãcü norü ngü̃xẽẽruxü̃ ga poraxü̃ nax yixĩxü̃.

Naanearü ügüchiga 40:22

Natürü ga yema paũarü üruü̃güarü ãẽ̱xgacü, rü nüma ga Faraóü̃ rü norü purichíagüxü̃ namu nax nawẽxnaxãgüaxü̃ca̱x yema Yúche nüxü̃ ixuxü̃rüxü̃.

Naanearü ügüchiga 40:19

Rü tomaepü̱x i ngunexü̃wa nanguxgu, rü nüma ya Faraóü̃ tá nüxü̃ nadau i cupane nax ta̱xacüca̱x cupoxcuxü̃. Rü tá nanamu i norü purichíagü nax cuxü̃ nawẽxnaxãgüxü̃ca̱x. Rü naixtanüwa tá cuxü̃ narütuxẽẽgü. Rü ngurucugü tá nanangõ̱xgü i cuxune”, ñaxü̃chiga nixĩ —ñanagürü ga Yúche.

Maraquía 3:16

Natürü yema duü̃xü̃gü ga Tupanaga ĩnüexü̃ rü wüxichigü namücümaxã nidexa ga Cori ya Tupanachiga. Rü nüma ga Cori ya Tupana rü inarüxĩnü ga yema nüxü̃ yaxugüxü̃. Rü Tupanape̱xewa rü wüxi ga poperagu nanaxümatü ga naéga ga yema duü̃xü̃gü ga naga ĩnüexü̃ rü namaxã taãẽgüxü̃.

Ester 7:10

Rü nüma ga ãẽ̱xgacüarü duü̃xü̃gü rü yema nümatama ga Amáü̃ Maduquéuca̱x naxüxü̃ ga wẽxnaxãchicagu nanawẽxnaxãgü. Rü yexguma narüngüxmü ga ãẽ̱xgacü.

Ester 5:14

Rü yexguma ga naxma̱x rü namücügü rü ñanagürügü nüxü̃: —¡Ẽcü duü̃xü̃güxü̃ naxüxẽxẽ i wüxi i wẽxnaxãchica i 22 metru i norü máchane, rü moxü̃ pa̱xmama rü ãẽ̱xgacüna naca nax ngẽmagu nawẽxnaxãgüaxü̃ca̱x i Maduquéu! ¡Rü ñu̱xũchi ngẽmaãcü chibüwa naxũ namaxã ya ãẽ̱xgacü! Erü marü taxugutáma curüxĩnü i ngẽxguma —ñanagürügü. Rü yema ĩnü rü norü me nixĩ ga Amáü̃ rü yemaca̱x duü̃xü̃güxü̃ nanaxüxẽxẽ ga wüxi ga wẽxnaxãchica.

Yochué 8:29

Rü nüma ga Yochué rü wüxi ga naixtanüwa nanatuxẽxẽ ga Áiarü ãẽ̱xgacü ñu̱xmata nayáuane. Rü yexguma marü üa̱xcü yarüxücuxgu rü norü churaragüxü̃ namu nax ínachü̱xüxüegüaxü̃ca̱x rü ĩanearü poxeguxü̃arü ĩã̱xgu naxügüã̱xü̃ca̱x rü ngéma nuta naétü nanugüxü̃ca̱x. Rü gumá nutagü ga naétü nugücü rü ñu̱xma rü ta ngéma nangẽxmagü.

Ester 6:1

Rü yema chütaxü̃gu ga ãẽ̱xgacü rü tama nape rü inadauecha. Rü yemaca̱x naxca̱x nangema ga yema napane ga nagu naxümatüxü̃ ga guxü̃ma ga yema ãẽ̱xgacü üxü̃ nax naxca̱x nüxü̃ nadaumatügüxü̃ca̱x.

Édra 4:15

Rü name i nüxü̃ quidaugü i ngẽma poperagü ga nüxíraxü̃güxü̃ ga ãẽ̱xgacügü namaxã nguxü̃güxü̃. Rü ngẽma poperagüwa rü tá namaxã icuyarüxũ i ngẽma duü̃xü̃güchiga. Rü ngẽxguma tá nixĩ i nüxü̃ cucuáxü̃, Pa Ãẽ̱xgacüx, nax ñaa duü̃xü̃gü rü daixü̃ nacuáxü̃, rü wüxi ga ãũcümaxü̃ nax yixĩxü̃ naxca̱x ga yema togü ga nachixü̃anegüarü ãẽ̱xgacügü. Yerü ü̃paacü ga ñaa duü̃xü̃gü rü yema ãẽ̱xgacügümaxã nanue rü guma norü ĩanegu namaxã nügü nadai rü yemaca̱x nixĩ ga nagu napogüexü̃ ga norü ĩane.