Ester 2:22 - Tupanaarü Ore

²² Rü yexguma yemaxü̃ nacua̱xgu ga Maduquéu rü ãẽ̱xgacü naxma̱x ga Itémaxã nüxü̃ nixu ga ãẽ̱xgacüxü̃ nax yama̱xgüchaxü̃xü̃. Rü ngĩma ga Ité rü ãẽ̱xgacümaxã nüxü̃ iyaxu ga yema Maduquéu ngĩmaxã nüxü̃ ixuxü̃.

Ester 2:22 Referans Kwoze

Filipenses 2:4

¡Rü tama pegüguxicatama perüxĩnüe, natürü name nax ngẽma togügu perüxĩnüexü̃ rü pegü perüngü̃xẽxẽgüxü̃!

Romanos 11:33

Rü guxü̃ma i ngẽma Tupanaarü mexü̃gü rü taxúema nüxü̃ tacua̱x i norü mu. Rü ngẽxgumarüxü̃ ta i norü cua̱x rü norü ĩnü rü taxúema nüxü̃ tacua̱x i ngẽma. Rü taxúema nüxü̃ tacua̱x i ngẽma nagu naxĩnüxü̃ rü naxüxü̃.

Ngu̱xẽẽtaeruü̃arü ore 10:20

Rü tama name i nachiga quidexa ya yimá ãẽ̱xgacü, rü bai i curü ĩnüwa nax nüxü̃ quixuxü̃. Rü tama name i nachiga chixri quidexa i ngẽma diẽruã́xü̃, woo ngẽxguma cuxica cungexmagu. Erü ngẽma dexa rü nigoe ñoma werirüxü̃, rü nüma rü tá nüxü̃ nacua̱xama nax nachiga quidexaxü̃.

Ester 7:9

Rü yexguma ga Arboná ga ãẽ̱xgacüarü ngü̃xẽẽruxü̃ ixĩxü̃ rü ñanagürü: —Pa Cori, Pa Ãẽ̱xgacüx, ñaa Amáü̃ rü duü̃xü̃güxü̃ nanaxüxẽxẽ i wüxi i wẽxnaxãchica i 22 metruarü ngãxü̃ i norü máchane nax ngẽmagu nawẽxnaxãxü̃ca̱x ya Maduquéu ga cuxü̃ ípoxü̃cü ga yexguma Bigatá rü Tére cuxü̃ ima̱xgüchaü̃gu. Rü ngẽma wẽxnaxãchica rü Amáü̃pataa̱xtüwa nangẽxma —ñanagürü ga Arboná. Rü nüma ga ãẽ̱xgacü rü nanangãxü̃, rü ñanagürü: —¡Ngẽmagu peyawẽxnaxã i Amáü̃! —ñanagürü.