Ester 2:18 - Tupanaarü Ore

¹⁸ Rü yemawena nüma ga ãẽ̱xgacü rü ngĩmaxã napetae rü taxü̃ma ga peta naxü. Rü nüxna naxu ga guxü̃ma ga yema ãẽ̱xgacüpatawa puracüexü̃ rü ñu̱xũchi yema norü ngúchaü̃maxã ãẽ̱xgacüaxü̃́ puracüexü̃. Rü nanaxüetanü, tümaca̱x ga naigü ga ĩanecüa̱x ga ãẽ̱xgacüaxü̃́ naxütanügüxe. Rü muxü̃ma ga ãmaregü duü̃xü̃güna naxã.

Ester 2:18 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 19:9

Rü ñu̱xũchi ga Tupanaarü orearü ngeruxü̃ ga daxũcüã̱x rü ñanagürü choxü̃: “Chanaxwa̱xe i cunaxümatü i ñaa ore i cumaxã tá nüxü̃ chixuxü̃: ‘Tataãẽgü ya yíxema tüxna naxuxe i norü ãmücüchixüwa ya Carnéruxacü’ ”, ñanagürü. Rü ñu̱xũchi ñanagürü ta: “Ngẽma nixĩ i Tupanaarü ore i aixcüma ixĩxü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:10

Rü ngẽma duü̃xü̃gü i ñoma i naanewa maxẽxü̃ rü tá nataãẽgü nax marü nayuexü̃ i ngẽma taxre. Rü ngẽma nax poraãcü nataãẽgüxü̃ rü tá nügüna ãmare naxãgü, yerü yema taxre ga orearü uruü̃gü rü poraãcü naãxẽwa nananguxẽẽgü.

Ore i mexü̃ ga Luca ümatüxü̃ 14:8

—Ngẽxguma texé cuxna uxgu i wüxi i ngĩgüarü petawa, rü tama name i petaarü yoraxü̃tawaxüchi üxü̃ i naxma̱xwe̱xewa cuyarüto. Erü yixcüra ngürüãchi tá ínangu i to i nüxna naxuxü̃ i curü yexera tachigaxü̃.

Ore i mexü̃ ga Matéu ümatüxü̃ 22:2

—Rü daxũwa ya Tupana ãẽ̱xgacü ixĩxü̃wa rü nanangẽxgumaraxü̃ ga wüxi ga nachixü̃anearü ãẽ̱xgacü ga nanearü ngĩgü üchiücürüxü̃ nixĩ.

Charumóü̃arü wiyae 5:1

Rü marü nagu chaxücu i chorü putüranecü, Pa Pacü Pa Cho̱xma̱x, rü ngéma nüxü̃ chayangau i naguxü̃raü̃xü̃ i pumaragü i chi̱xemaxü̃chixü̃. Rü marü nüxü̃ chaweneta ya chorü berure ya naxchiãü̃wa ngẽxmane, rü marü chayaxaxü i chorü bínu rü lechi. Pa Tomücügü ya Pexü̃ Tangechaü̃güxex, ¡Rü pechibüe rü pexaxegü! ¡Rü mea pegüxü̃́ peyanguxẽxẽ i ngẽma penaxwa̱xexü̃!

Charumóü̃arü wiyae 3:11

Pa Pacügü i Chióü̃cüã̱x ¡rü ípechoxü̃ nax ípeyadaugüxü̃ca̱x ya ãẽ̱xgacü ya Charomóü̃ rü nüxü̃ pedau i ngẽma nga̱xcueruxü̃ ga naé nüxü̃́ üxü̃ naxca̱x ga yema ngunexü̃ ga nagu yangĩxü̃ rü poraãcü nagu nataãẽxü̃.

Ester 1:7

Rü yema norü axepáxü̃gü rü úirunaxca̱x nixĩgü rü wüxichigü rü nanatoraxü̃gü. Rü yemagu nixĩ ga namaxã nabaegüxü̃ ga guma ãẽ̱xgacüarü bínu ga taxüchicü.

Neemía 8:11

Rü yexgumarüxü̃ ta ga nüma ga Lebítanüxü̃ rü duü̃xü̃gümaxã nüxü̃ nixugüe rü ñanagürügü: —¡Marütama nax pexauxexü̃! Erü ñoma i ngunexü̃ rü woetama Cori ya Tupanaca̱x ítanaxǘxüchi —ñanagürü.

Naanearü ügüchiga 29:22

Rü yexguma ga Labáü̃ rü naxacüxü̃ naxüchíxü ga nax naxãtexü̃. Rü yemaca̱x nüxna naxu ga guxü̃ma ga duü̃xü̃gü ga norü ngaicamagu pegüxü̃.

Ore i mexü̃ ga Márcu ümatüxü̃ 6:21

Natürü wüxi ga ngunexü̃ nawa nangu nax ngĩxü̃́ natauxchaxü̃ nax yamáaxü̃ca̱x ga Cuáü̃, ga yexguma Eródearü taunecüarü ngunexü̃wa nanguxgu rü wüxi ga peta ga taxü̃ naxü̱xgu naxca̱x ga norü ñatügumaegüxü̃ ga ãẽ̱xgacügü, rü norü churaragüarü ãẽ̱xgacügü rü yema Gariréaanecüã̱x ga tachigagüxü̃.