Ester 1:19 - Tupanaarü Ore

¹⁹ Rü cumaxã nüxü̃ tixu, Pa Ãẽ̱xgacüx, rü ngẽxguma chi curü me yixĩxgu nax cunaxunagüxü̃ca̱x i wüxi i mu i tagutáma texé iyarüxoxẽẽxü̃ i Pérchiaanewa rü Médiaanewa. Rü ngẽma muwa rü tá nüxü̃ quixu nax tagutáma wena cupe̱xewa nax nanguxü̃ i cuxma̱x i Báti. Rü ñu̱xũchi, Pa Ãẽ̱xgacüx, rü name i nai i cuxma̱xca̱x cudau i ngẽmaarü yexera cuga ĩnücü.

Ester 1:19 Referans Kwoze

Ester 8:8

Rü ñu̱xma rü pexü̃ chamu nax chauégagu penaxümatüxü̃ rü penaxunagüxü̃ i wüxi i to i mu i pexca̱x mexü̃ nax peétüwa nachogüxü̃. ¡Rü chorü ãnera i chauéga ngĩwa ngẽxmacümaxã penaxüéga! Erü wüxi i mupane i chauégagu unagüxü̃ rü chorü ãneraéga nawa ngóxü̃ rü taxucürüwama texé itayanaxoxẽxẽ —ñanagürü.

1 Chamué 15:28

Rü yexguma ga Chamué rü Chaúxü̃ ñanagürü: —Ñu̱xmatatama nixĩ i cuxna naya̱u̱xãxü̃ nax Iraétanüxü̃arü ãẽ̱xgacü quixĩxü̃, rü tá to i Iraétanüxü̃ i cuxü̃ rü yexera rümemaexü̃na nanaxã.

Ester 8:5

—Pa Ãẽ̱xgacüx, ngẽxguma chi aixcüma choxü̃ cungechaü̃gu, rü aixcüma cuxca̱x namexgu i ngẽma cuxna naxca̱x chacaxaxü̃, rü chanaxwa̱xe i cunaxümatü i to i mu i nüxü̃ ixuxü̃ nax marü yanaxoxü̃ i ngẽma mu ga Amáü̃ unagüxü̃ nax chautanüxü̃ i Yudíugüxü̃ nada̱i̱xü̃ca̱x i guxü̃ma i cuchixü̃anewa.

Danié 6:17

Rü nüma ga Danié rü leóü̃tanügu nayata̱xcuchigü rü wüxi ga nutamaxã nanangũxtaü̃gü. Rü nüma ga ãẽ̱xgacü rü norü ãnera yexma ngĩxü̃ naxü cua̱xruxü̃ nax aixcüma marü yanguxü̃ ga yema mu.

Ester 3:9

Rü ngẽmaca̱x Pa Ãẽ̱xgacüx, ega curü me yixĩxgu i ngẽma nüxü̃ chixuxü̃ ¡rü ẽcü naxunagü i wüxi i mu i nüxü̃ ixuxü̃ nax noxtacüma nada̱i̱xü̃ i ngẽma Yudíugü! Rü choma rü tá 330,000 quíru nagúxü̃ i diẽrumü ichaxã nax ngẽmamaxã naxütanüxü̃ca̱x nüxü̃́ i ngẽma nada̱i̱xü̃ —ñanagürü.

Nüxíraxü̃xü̃ ga popera ga ãẽ̱xgacügüchiga 3:28

Rü guxü̃ma ga Iraéanecüã̱xgü rü nüxü̃ nacuáchigagü ga yema ãẽ̱xgacü üxü̃ ga ñuxãcü nanamexẽẽãxü̃ ga yema taxüchixü̃ ga guxchaxü̃. Rü yemaca̱x nüxü̃ nangechaü̃gü yerü nüxü̃ nacuáchigagü ga ñuxãcü Tupana cua̱x nüxna ãxü̃ nax namexẽẽãxü̃ca̱x ga guxchaxü̃gü.

Ester 1:21

Rü yema Memucáü̃arü ucu̱xẽ rü ãẽ̱xgacüca̱x rü norü ngü̃xẽẽruü̃güca̱x rü name. Rü yemaca̱x ga nüma ga ãẽ̱xgacü rü nanamu nax naxümatüxü̃ ga yema mu.

Ester 1:18

Rü guxü̃ma i ngẽma ãẽ̱xgacügü i Pérchiaanewa rü Médiaanewa ngẽxmagüxü̃ naxma̱xgü rü ngẽxguma nüxü̃ nacuáchigagügu i ngẽma naxüxü̃ i ngẽma cuxma̱x, rü ngẽma ngexü̃gü rü tá ta ngẽmaãcü natemaxã nanaxügüe nax tama natega naxĩnüexü̃.

Ester 2:1

Rü yexguma marü inangüxmüguwena ga nüma ga ãẽ̱xgacü ga Achuéru, rü ngĩxna nacua̱xãchi ga naxma̱x ga Báti, rü nagu narüxĩnü ga yema mu ga nüma naxümatüxü̃gagu nax tagutáma wena ngĩxü̃ nadauxü̃.