Ester 1:17 - Tupanaarü Ore

¹⁷ Rü ngẽxguma ngẽma naigü i ngexü̃gü i curü naanewa ngẽxmagüxü̃ nüxü̃ cua̱xgügu i ngẽma naxüxü̃ i ngẽma cuxma̱x i Báti, rü nümagü rü ta rü taxũtáma natega naxĩnüe. Erü tá nüxü̃ nixugüe rü ãẽ̱xgacü ya Achuéru rü naxma̱x ga Bática̱x nangema rü ngĩma rü tama naga ixĩnü.

Ester 1:17 Referans Kwoze

Efesios 5:33

Natürü ngẽma ore rü pechiga ta nixĩ. Rü wüxichigü i pema i yatügü rü name nixĩ i pema̱xü̃ nax pengechaü̃xü̃ ngẽma pegütama nax pengechaü̃xü̃rüxü̃. Rü ngẽxgumarüxü̃ ta i pemax, i ngexü̃gü rü penaxwa̱xe i petega pexĩnüe.

2 Chamué 6:16

Rü yexguma Dabíarü Ĩanewa nanguxgu ga baú ga Cori ya Tupanaarü mugü nawa yexmaxü̃, rü Micá ga Chaú naxacü rü beü̃tánawa íidauxuchi. Rü nüxü̃ nax nadauxü̃ ga ãẽ̱xgacü ga Dabí ga íiyuxãchiü̃xü̃ rü íyañaãchiü̃xü̃ nape̱xewa ga Cori ya Tupana, rü ngĩma rü poraãcü naxcha̱xwa ixãne.

Édra 4:6

Rü yexguma gumá taunecü ga Achuéru nagu inaxügücü nax ãẽ̱xgacü yixĩxü̃ ga Pérchiaanewa rü yema uanügü rü wüxi ga popera ga chixri Yudáanecüã̱xgüchiga rü Yerucharéü̃cüã̱xgüchiga idexaxü̃ naxümatügü. Rü ñu̱xũchi yema popera rü ãẽ̱xgacü ga Achuéruxü̃tawa nanamugü.

Ester 1:16

Rü nüma ga Memucáü̃ rü namücügüégagu ãẽ̱xgacüxü̃ nangãxü̃ rü ñanagürü: —Pa Ãẽ̱xgacüx, rü ngẽma cuxma̱x rü tama cupe̱xewaxica chixexü̃ ixü, natürü guxü̃ma i ãẽ̱xgacügüpe̱xewa rü duü̃xü̃gü iyatüxü̃pe̱xewa inaxü i ngẽma chixexü̃.

Ester 1:18

Rü guxü̃ma i ngẽma ãẽ̱xgacügü i Pérchiaanewa rü Médiaanewa ngẽxmagüxü̃ naxma̱xgü rü ngẽxguma nüxü̃ nacuáchigagügu i ngẽma naxüxü̃ i ngẽma cuxma̱x, rü ngẽma ngexü̃gü rü tá ta ngẽmaãcü natemaxã nanaxügüe nax tama natega naxĩnüexü̃.