Biblia Todo Logo
Bib sou entènèt

- Piblisite -




Ester 1:12 - Tupanaarü Ore

12 Natürü ngĩma ga naxma̱x rü tama naga ixĩnü ga yema ãẽ̱xgacüarü duü̃xü̃gü ngĩmaxã nüxü̃ ixuxü̃. Rü yemaca̱x ga nüma ga ãẽ̱xgacü rü poraãcü nanu.

Gade chapit la Kopi




Ester 1:12
19 Referans Kwoze  

Ngẽxguma nanuxgu ya ãẽ̱xgacü rü ñoma leóü̃ i ngĩ̱xnecüüxü̃rüxü̃ nixĩ. Natürü ngẽxguma nataãẽgu ya ãẽ̱xgacü, rü ñoma cherena i maxẽte̱xe iwaixẽẽxü̃rüxü̃ nixĩ.


Rü pemax, Pa Ngexü̃güx, rü name nixĩ i petega pexĩnüe. Rü ngẽxguma chi nangẽxmagu i petegü i tama yaxõgüxü̃ rü tá nüxü̃ nadaugü i perü maxü̃ i mexü̃ i Tupanape̱xewa rü duü̃xü̃güpe̱xewa rü tá ngẽmaca̱x nayaxõgü woo nataxuxguma i ucu̱xẽxü̃ namaxã pixuxgu.


Rü ngẽxgumarüxü̃ nax Cristume̱xẽwa nangẽxmagüxü̃ i ngẽma yaxõgüxü̃, rü ngẽxgumarüxü̃ ta i ngẽma ngexü̃gü rü name nax guxü̃guma natega naxĩnüexü̃.


Rü pemax, Pa Ngexü̃güx, rü ngẽma nax tórü Coriga pexĩnüexü̃rüxü̃ rü name nixĩ nax petega pexĩnüexü̃.


¿Rü texé tá yáxna namaxã taxĩnü ega tümamaxã nanuxgu ya Tupana? ¿Rü texé tá namaxã tapora i ngẽma norü nu? Erü ngẽma norü nu rü ñoma üxüemaarü naiemaxü̃rüxü̃ nixĩ. Rü nape̱xewa rü narüngǘxtegü ya yimá nutagü ya taxüchicü.


Rü nüma ga Nabucudonochó rü poraãcü nanu. Rü yemaca̱x norü duü̃xü̃güxü̃ namu nax naxü̃tawa nagagüãxü̃ca̱x ga Chadrá, rü Mechá, rü Abex-negó. Rü yexguma marü naxü̃tawa nangugügu rü nüxna naca rü ñanagürü:


Rü yemaxü̃ naxĩnügu ga ãẽ̱xgacü rü poraãcü nanu rü nanamu nax nadaiaxü̃ca̱x ga guxü̃ma ga yema norü ucu̱xẽruü̃gü ga Babiróniaanecüã̱x.


Wüxi ya ãẽ̱xgacü ya nucü, rü ñoma wüxi i leóü̃ i nuxü̃rüxü̃ nixĩ, rü yíxema nachixewexe rü ãũcümaxü̃wa tanangẽxmaxẽxẽ i tümaarü maxü̃.


Pa Cori Pa Tupanax ¿rü ñuxguxüratáta i nüxü̃ curüchauxü̃ nax tomaxã cunuxü̃? ¿Rü ẽ̱xna guxü̃gutáma ñoma wüxi ya üxürüxü̃ niyauraecha i ngẽma curü nu?


Pa Tupanax, toma nax curü duü̃xü̃gü tixĩgüxü̃, rü ¿tü̱xcüü̃ toxü̃ ícuwogüxü̃chi? ¿Rü tü̱xcüü̃ tomaxã cunu?


Rü nüma ya Cori ya Tupana rü taxũtáma nüxü̃́ nüxü̃ narüngüma i ngẽma norü chixexü̃, rü naétügu tá nananguxẽxẽ i norü nu. Rü naxca̱x tá ínangugü i guxü̃ma i ngẽma guxchaxü̃gü i ñaa poperagu ümatüxü̃. Rü ñu̱xũchi nataagü i ngẽma yatü rü Tupana rü ñoma i naanewa tá inayanaxoxẽxẽ.


Rü nüma ga Aróü̃ rü nangãxü̃ rü ñanagürü: —Pa Chorü Corix ¡taxṹ i chomaxã cunuxü̃! Cuma rü meama nüxü̃ cucua̱x i ñaa duü̃xü̃gü nax norü me yixĩxü̃ nax chixexü̃ naxügüxü̃.


Rü yexguma nüma ga Moiché yema duü̃xü̃gü ípegüxü̃wa nanguxgu, rü nüxü̃ nadau ga yema wocaxacüchicüna̱xã, rü nüxü̃ nadau ga nax ínapetaegüxü̃ rü íyaxü̃ãchitanüxü̃ ga duü̃xü̃gü. Rü yemaca̱x nanuxũchi ga Moiché rü norü numaxã inayachi̱x ga yema taxre ga nutatachinü ga Tupanaarü mugü nagu ümatüxü̃. Rü ma̱xpǘnepechinügu nawoonetüchimare.


Rü yexguma ga Tupana rü yema ngexü̃ ñanagürü: —Tá chanayexeraguxẽxẽ nax cuxü̃́ nangúxü̃ i ngẽxguma cuxãxãcügux. Rü cuxü̃́ nangúãcü tá cuxíxraxacü. Natürü taxũtáma nüxü̃ curüxo nax cute cuxü̃́ ngúchaü̃xü̃. Rü nüma rü tá cumaxã inacua̱x —ñanagürü.


Rü yema orexü̃ naxĩnügu ga Nabucudonochó, rü nanadeãchichiwe yerü yema tomaepü̱x ga ngextü̱xüxü̃gümaxã poraãcü nanu. Rü norü duü̃xü̃güxü̃ namu nax 7 e̱xpü̱xcüna naxüxüxü̃güãxü̃ca̱x ga yema poxcuchicaxü̃ ga iya̱u̱xraxü̃ nax yemaacü nanaxichixü̃ca̱x.


Rü norü numaxã norü ucu̱xẽruü̃gü ga meama yema naanearü mugüxü̃ icuáxü̃na naca nax ta̱xacü tá naxüxü̃ ngĩmaxã ga naxma̱x. Yerü nüma ga ãẽ̱xgacü rü nacüma nixĩ nax norü ucu̱xẽruü̃gü ga meama mugüxü̃ icua̱xgüxü̃na nacaxíraxü̃ naxü̃pa nax ta̱xacürü mu naxunagüxü̃.


Rü nüma ga Achuéru rü norü numaxã nayuxnagü rü yéma nüxna niña ga yema ínachibüexü̃wa rü ãẽ̱xgacüpataa̱xtüwa naña. Rü nüma ga Amáü̃ ga marü nüxü̃ nax nacuáxü̃ nax ãẽ̱xgacü tá namaxã naxueguxü̃ nax yama̱xgüãxü̃, rü yoxni Itépe̱xegu nayangücuchi rü ngĩxü̃ naca̱a̱xü̃ nax naétüwa nachogüxü̃ nax tama ãẽ̱xgacü namaxã naxueguxü̃ca̱x nax yama̱xgüãxü̃.


Swiv nou:

Piblisite


Piblisite