Efesios 6:9 - Tupanaarü Ore

⁹ Rü pemax, Pa Corigüx, rü name nixĩ i ngẽxgumarüxü̃ ta mea namaxã ipecua̱x i perü duü̃xü̃gü. Rü tama name i ta̱xacürü chixexü̃maxã penaxãũxũne. Rü nüxna pecua̱xãchie nax pema rü perü mugüruü̃gümaxã wüxigu tórü Cori ya daxũgucüme̱xẽwa pengẽxmagüxü̃. Rü aixcüma guxãma i yixema rü tawüxigumare i nape̱xewa ya tórü Cori ya Cristu.

Efesios 6:9 Referans Kwoze

Colosenses 3:25

Natürü yíxema chixexü̃ üxe rü tá ta tanayaxu i tümaarü natanü naxca̱x i ngẽma chixexü̃ i taxüxü̃, rü aixcüma Tupana tá tüxna naca naxca̱x i ngẽma taxüxü̃. Erü nüma ya Tupana rü taxúexü̃ma naxüpetümare.

Ngechuchuarü ngúexü̃gü ga yamugüxü̃arü puracüchiga 10:34

Rü yexguma inanaxügü ga Pedru ga nax yadexaxü̃, rü ñanagürü: —Ñu̱xma waxi nixĩ i nüxü̃ chacuáxü̃ nax Tupanaca̱x nawüxiguxü̃ i guxü̃ma i duü̃xü̃gü, rü guxãxü̃ma nangechaxü̃xü̃.

Romanos 2:11

Erü Tupanape̱xewa rü nawüxigu i ngẽma duü̃xü̃gü i Yudíugü ixĩgüxü̃ rü ngẽma tama Yudíugü ixĩgüxü̃. Rü guxãma ya texé ya chixexü̃ ügüxe rü tá tanayaxu i tümaarü poxcu, natürü guxãma ya texé ya mexü̃ ügüxe rü tá Tupana tümamaxã nataãxẽ.

Ore i mexü̃ ga Luca ümatüxü̃ 6:31

Rü ngẽma mexü̃ i penaxwa̱xexü̃ nax togü pemaxã naxüxü̃, rü name nixĩ i ngẽma mexü̃ namaxã pexü.

Ore i mexü̃ ga Matéu ümatüxü̃ 7:12

Rü pemaxã nüxü̃ chixu, rü ngẽma mexü̃ i pema penaxwa̱xexü̃ nax togü pemaxã naxüxü̃, rü name i ngẽmatama mexü̃ togümaxã pexü. Erü ngẽma nixĩ i Tupanaarü mugüwa ngóxü̃ rü norü orearü uruü̃gü nüxü̃ ixugüxü̃.

Wenaxarü naxümatü ga Tupanaarü mugü 10:17

Erü yimá perü Cori ya Tupana rü ngẽma duü̃xü̃gü namaxã tupanaã̱xgüxü̃étüwa nangẽxma, rü guxü̃ma i ãẽ̱xgacügüétüwa nangẽxma. Rü nüma nixĩ i poraxüchicü rü ãũcümacü rü guxü̃maxã icuácü. Rü naxca̱x rü guxãma i yixema rü tawüxigu, rü tama diẽru nayaxu ega texé tügü ütanüchaü̃gu.

Popera ga Chantiágu ümatüxü̃ 2:13

Erü guxãma ya yíxema tama tümamücügü tüxü̃́ ngechaü̃tümüü̃güxe, rü Tupana rü taxũtáma nüxü̃́ tangechaü̃tümüü̃güãcüma tüxna naca i tümaarü maxü̃chiga. Natürü yíxema tümamücügü tüxü̃́ ngechaü̃tümüü̃güxe, rü taxũtáma tamuü̃e i ngẽxguma Tupana tüxna caxgux, erü nüxü̃́ tangechaü̃tümüü̃güãcüma tá tüxna naca.

Popera ga Chantiágu ümatüxü̃ 2:8

Tupanaarü mu i guxü̃ i norü mugüarü yexera ixĩxü̃ rü ñanagürü: “¡Nüxü̃ nangechaü̃ i cumücü ngẽma cugütama cungechaü̃xü̃rüxü̃!” ñanagürü. Rü ngẽxguma aixcüma naga pexĩnüegu i ngẽma mu, rü mexü̃ pexügü.

Ore i mexü̃ ga Cuáü̃ ümatüxü̃ 13:13

Pema rü: “Pa Ngúexẽxẽruxü̃”, rü “Pa Corix”, ñaperügü choxü̃. Rü marü name i ngẽma ñaperügü, erü aixcüma ngẽma chixĩ.

Popera ga Chantiágu ümatüxü̃ 5:4

Rü pema rü tama nüxü̃́ ngĩxü̃ pexütanü ga yema diẽru ga ngĩxca̱x napuracüecü ga perü puracütanüxü̃. Rü ngẽmaca̱x i ngẽma perü puracütanüxü̃ rü ngĩxca̱x nidexagü ga yema diẽru ga tama nüxna ngĩxü̃ pexãcü. Rü nüma ya Cori ya Tupana ya Guxü̃étüwa Ngẽxmacü rü marü ngẽma duü̃xü̃güxü̃ naxĩnü nax ngĩxca̱x yadexagüxü̃ ga yema diẽru ga nüxü̃́ ngĩxü̃ pengetanücü.

1 Corintios 7:22

Rü cuma nax mugüruxü̃ quixĩxü̃ ga yexguma Tupana cuxca̱x caxgux nax nüxü̃́ cuyaxõxü̃ca̱x rü ñu̱xma rü marü cume nax tórü Cori ya Cristuaxü̃́ cupuracüxü̃. Rü cuma nax tama mugüruxü̃ quixĩxü̃ ga yexguma Tupana cuxca̱x caxgux, rü ñu̱xma rü Cristuarü mugüruxü̃ quixĩ.

Ore i mexü̃ ga Matéu ümatüxü̃ 24:51

Rü poraãcü tá nanapoxcu i ngẽma norü duü̃xü̃, ngẽma nügü írümegünetaxü̃xü̃ nax napoxcuexü̃rüxü̃. Rü ngéma tá narüdoxü rü nixü̃́xchapüta —ñanagürü.

Ore i mexü̃ ga Matéu ümatüxü̃ 24:48

Natürü ngẽxguma chi ngẽma coriarü duü̃xü̃ rü wüxi i yatü i chixexü̃ yixĩxgu, rü chi nagu naxĩnügu nax taxũtáma paxa ínanguxü̃ i norü cori, rü chi inaxügüãgu nax chixri namuãxü̃ i namücügü i norü coriarü duü̃xü̃gü, rü chi ngãxẽxü̃tanügu naxãxgu nax namaxã nachibüxü̃ca̱x rü naxaxexü̃ca̱x, rü ngürüãchi ngẽma ngunexü̃ rü ngẽma ora i tama nagu ínangu̱xuxẽẽãgu rü tá ínangu i norü cori.

Ore i mexü̃ ga Matéu ümatüxü̃ 22:10

Rü yema ãẽ̱xgacüarü duü̃xü̃gü rü ĩanearü namagüwa naxĩ. Rü nüxna nixuetanü ga guxü̃ma ga duü̃xü̃gü ga mexü̃gü rü chixexü̃gü ga nüxü̃ iyangaugüxü̃. Rü yemaacü duü̃xü̃gü ga nüxna naxuxü̃maxã nanapa ga gumá ãẽ̱xgacüpata.

Ore i mexü̃ ga Matéu ümatüxü̃ 22:8

Rü ñu̱xũchi ñanagürü nüxü̃ ga norü duü̃xü̃gü: “Guxü̃ma i chorü peta rü marü ínamemare. Natürü ga yema duü̃xü̃gü ga nüxna chaxuchiréxü̃ rü woetama nüxü̃ chaxo nax nua naxĩxü̃ca̱x.

Maraquía 3:5

Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü tá aixcüma pexna chaca i perü chixexü̃ca̱x. Rü chomatátama nüxü̃ chixugüe i ngẽma yuüexü̃, rü ngẽma nai i ngexü̃maxã maxẽxü̃, rü ngẽma doramaxã nügü ípoxü̃xü̃, rü ngẽma norü puracütanüxü̃maxã rü ngẽma yutegüxemaxã, rü ngẽma taxcutagümaxã chixri icua̱xgüxü̃. Rü ngẽxgumarüxü̃ tá ta nüxü̃ chixugüe i ngẽma chixri tümamaxã icua̱xgüxü̃ ya duü̃xẽgü ya to i nachixü̃anecüã̱xgü, rü ngẽma tama chauga ĩnüexü̃ —ñanagürü.

Danié 3:15

Rü ngẽxguma yacuegüã̱xgu i ngẽma paxetaruü̃gü ¿rü pemax rü ípememarexü̃ nax nape̱xegu pecaxã́pü̱xügüxü̃ rü nüxü̃ picua̱xüxü̃güxü̃ i ngẽma naxchicüna̱xã i choma duü̃xü̃güxü̃ chaxüxẽxẽxü̃? Erü ngẽxguma taxũtáma ñu̱xmatama nüxü̃ picua̱xüxü̃gügu, rü ngẽma poxcuchicaxü̃ i íya̱u̱xraxü̃gu tá pexü̃ chawocu. ¿Rü ta̱xacürü tupana tá pexü̃ nawa ínanguxü̃xẽxẽ i ngẽma? —ñanagürü.

Danié 3:6

Rü guxãma ya texé ya tama nape̱xegu caxã́püxügüxe, rü nüxü̃ icua̱xüü̃güxe, rü noxtacüma tá ngẽma poxcuchicaxü̃ i íya̱u̱xraxü̃gu tawocu —ñanagürü.

Ichaía 47:6

Rü yexguma namaxã chanuxgu ga yema chorü duü̃xü̃gü ya Iraétanüxü̃ rü pexna chanawogü nax namaxã ipecuáxü̃ca̱x. Natürü ga pemax, Pa Babiróniaanecüã̱xgüx, rü tama pexü̃́ nangechaü̃tümüxü̃gü, rü woo ga guxema norü yaxguã̱xgü rü chixri tümamaxã ipecua̱x.

Ngu̱xẽẽtaeruü̃arü ore 5:8

¡Taxũtáma cubaixãchi i ngẽxguma nüxü̃ cuda̱u̱xgu nax to i nachixü̃anegüwa rü ãẽ̱xgacügü chixri namaxã inacua̱xgüxü̃ i ngẽma norü duü̃xü̃gü i ngearü diẽruã̱xgüxü̃. Rü ngẽma ãẽ̱xgacügü i guxchaxü̃arü mexẽẽruü̃gü rü diẽruca̱x tama tüxü̃ nangü̃xẽẽgüxü̃ ya yíxema ngearü diẽruã̱xgüxe! Erü wüxichigü i ngẽma ãẽ̱xgacügü rü natüxü̃wa nangẽxma i to i ãẽ̱xgacü i naétüwa ngẽxmaxü̃, rü ngẽma ãẽ̱xgacü i naétüwa ngẽxmaxü̃ rü to i ãẽ̱xgacütüü̃wa nangẽxma, rü guxü̃ma i ngẽma ãẽ̱xgacügü rü nügü ínapoxü̃gü.

Wiyaegü 140:12

Rü choma nüxü̃ chacua̱x rü nüma ya Cori ya Tupana rü mea namaxã inacua̱x i ngẽma ngearü diẽruã́xü̃. Rü tüxü̃ ínapoxü̃ ya yíxema naxĩ̱xãchiãẽgüxe.

Neemía 5:5

Rü ñanagürügü: —Toma rü natanüxü̃xüchi tixĩgü i ngẽma diẽruã̱xgüxü̃. Rü tonegü rü nanegümaxã nawüxigumare. Natürü i toma rü ngẽma diẽruã̱xgüxü̃na tanamugü i tonegü rü toxocügü nax toxna naxããxü̃ca̱x i diẽru nax tanaxütanüxü̃ca̱x i ngẽma diẽru ga ãẽ̱xgacü ngĩgu unetacü. Rü ngẽmaca̱x i ñuxre i tonegü rü toxocügü rü ngẽma diẽruã̱xgüxü̃arü puracütanüxü̃ nixĩgü rü tüma rü taxucürüwa wena toxca̱x tawoegu erü tangearü diẽruã̱xgü rü ngẽma torü naanegü rü torü úbanecügu rü togüme̱xẽwa nangẽxmagü —ñanagürügü.

1 Chamué 15:17

Rü nüma ga Chamué rü nanangãxü̃ rü ñanagürü: —Yexguma cugügu curüxĩnügu ga taxuwama nax cumexü̃, rü nüma ga Tupana rü cuxü̃ nayaxu ga Iraéanecüã̱xgüarü ãẽ̱xgacü nax quixĩxü̃ca̱x.

Lebítanüxü̃arü puracüchiga 19:13

¡Rü taxṹ i cumücüxü̃ cuxãxũnexü̃ rü taxṹ i nüxna cunapuxü̃ i norü ngẽmaxü̃gü! ¡Rü taxṹ i curü puracütanüxü̃na cunachu̱xuxü̃ i norü diẽru nax moxü̃ãcüama nüxü̃́ cunaxütanüxü̃ca̱x!

Yox 34:19

Natürü nüma ya Tupana rü guxãxü̃ma wüxigu narüngü̃xẽxẽ. Rü woo ãẽ̱xgacü ixĩxẽ rü woo diẽruã̱xgüxe rü woo ngearü diẽruã̱xgüxe rü Tupana rü wüxigutama guxãxü̃ narüngü̃xẽxẽ. Erü nüma ya Tupana rü guxãxü̃ma nango̱xẽxẽ.

Colosenses 4:1

Rü pemax, Pa Corigüx, rü name nixĩ i perü duü̃xü̃gümaxã pemecümagüxü̃, rü tama penawomüxẽẽxü̃. ¡Rü nüxna pecua̱xãchie nax pema rü ta pexü̃́ nangẽxmaxü̃ ya perü Cori ya daxũgucü!