Efesios 6:7 - Tupanaarü Ore

⁷ Rü ngẽma puracü i perü cori pexna ãxü̃, rü name nixĩ i petaãẽãcüma penaxü, ñoma tórü Cori ya Ngechuchuaxü̃́ pepuracüexü̃rüxü̃. Erü aixcüma nüxü̃́ nixĩ i pepuracüexü̃ rü tama i duü̃xü̃güaxü̃́.

Efesios 6:7 Referans Kwoze

Colosenses 3:23

Rü guxü̃ma i ngẽma perü puracü i pexüxü̃wa rü name nixĩ i perü ngúchaü̃maxã penaxü ñoma tórü Cori ya Cristuaxü̃́ pepuracüexü̃rüxü̃ rü tama i duü̃xü̃güaxü̃́.

1 Corintios 10:31

Dücax, pemaxã nüxü̃ chixu rü name nixĩ i guxü̃ma i ngẽma pexüxü̃maxã Tupanaxü̃ picua̱xüü̃gü. Rü ngẽxguma ta̱xacü pengõ̱xgügu, rüe̱xna ta̱xacü pixaxgügu rüe̱xna ta̱xacü i to pexügügu, rü name nixĩ i ngẽmamaxã Tupanaxü̃ picua̱xüü̃gü.

Norü taxre ga popera ga ãẽ̱xgacügüchiga 5:13

Natürü ga norü duü̃xü̃gü rü naxca̱x naxĩ rü ñanagürügü nüxü̃: —Pa Corix, ngẽxguma chi yimá orearü uruxü̃ rü ta̱xacürü guxchaxü̃ cuxü̃ naxüxẽẽgu rü ngẽxguma rü chi cunaxü. Natürü i ñu̱xma nax natauxchaxü̃ i ngẽma cumaxã nüxü̃ yaxuxü̃ rü yexera name nixĩ i naga cuxĩnü. ¡Rü cugü nayaxunemare nawa i ngẽma natü nax ngẽmaãcü cuxca̱x yataanexü̃ca̱x! —ñanagürügü.

Naanearü ügüchiga 31:6

Pema rü meama nüxü̃ pecua̱x nax ñuxãcü penatüaxü̃́ meama chapuracüxü̃.

Romanos 6:17

Natürü Tupanana moxẽ chaxã, yerü woo pecaduga nax pexĩnüexü̃ ga noxri, natürü i ñu̱xma rü aixcüma naga pexĩnüe i ngẽma ngu̱xẽẽtae i marü pexü̃ tangúexẽẽxü̃ i Cristuchiga.