Efesios 6:4 - Tupanaarü Ore

⁴ Rü pemax, Pa Papagü rü Pa Mamagüx, rü tama name i penanuexẽxẽ i pexacügü. Rü name nixĩ i mea peyaxucu̱xẽgü rü naãxẽxü̃ nüxü̃ pecua̱xẽxẽ rü penangúexẽxẽ i ngẽma tórü Coriarü ore.

Efesios 6:4 Referans Kwoze

Colosenses 3:21

Pa Papágüx, rü tama name i penanuexẽxẽ i pexacügü. Erü ngẽxguma ngẽmaãcü penaxü̱xgux rü ngürüãchi tá nüxü̃́ nawa̱xtümüxü̃ i ngẽxguma cunaxucu̱xẽgu.

Ucu̱xẽgüchiga 22:6

¡Nabuxgutama, mexü̃ i ucu̱xẽmaxã naxuxcu̱xẽ i curü buxü̃, rü ngẽxguma naya̱xgu, rü tagutáma nüxü̃ inarüngüma!

Ucu̱xẽgüchiga 29:15

Cuaximaxã rü ucu̱xẽmaxã nixĩ i wüxi i nane iyanawe̱xãchixü̃. Natürü ngẽma nane i chixexü̃ i taguma ucu̱xẽxü̃ rü naéxü̃ naxãnexẽxẽ.

Ucu̱xẽgüchiga 19:18

¡Naxuxcu̱xẽ ya cune ñomarüta cuxü̃́ natauxcha nax cunawe̱xãchixẽxẽxü̃. Natürü ngẽxguma cunawe̱xãchixẽxẽgu, rü tama name nax cuyama̱xü̃chixü̃!

Wenaxarü naxümatü ga Tupanaarü mugü 6:7

¡Rü guxü̃gutáma ngẽma mugümaxã penangúexẽxẽ i pexacügü! ¡Rü nachigagu namaxã pidexagü i pepatagüwa rü ngextá ípexĩxü̃wa, rü ngẽxguma pepeechaü̃gu rü ngẽxguma íperüdagügu!

Ucu̱xẽgüchiga 29:17

Ngẽxguma aixcüma mea cunaxucu̱xẽgu i cune, rü tá taãxẽ cuxna naxã, rü taxuca̱xtama cuxoegaãxẽ.

Norü taxre ga popera ga Timutéuca̱x naxümatüxü̃ ga Pauru 3:15

¡Rü nüxna nacua̱xãchi rü cubuxgumamatama nüxü̃ cucua̱x i Tupanaarü ore i üünexü̃! Rü ngẽma orewa nüxü̃ cucua̱x rü ngẽxguma Ngechuchu ya Cristuaxü̃́ yaxõgügu nixĩ i tüxü̃́ nangẽxmaxü̃ i maxü̃ i taguma gúxü̃.

Naanearü ügüchiga 18:19

Rü chomatama marü chanayaxu nax nanegümaxã rü nataagümaxã nüxü̃ yaxuxü̃ca̱x i ngẽma chorü mugü nax nümagü i nataagü naga naxĩnüexü̃ca̱x, rü mexü̃ naxügüxü̃ca̱x nax ngẽmaãcü choma chayanguxẽẽxü̃ca̱x i guxü̃ma ga yema namaxã nüxü̃ chixuxü̃”, ñaxü̃gu narüxĩnü ga Tupana.

Wenaxarü naxümatü ga Tupanaarü mugü 4:9

¡Rü ngẽmaca̱x pexuãẽgü nax tama nüxü̃ iperüngümaexü̃ca̱x i ngẽma nüxü̃ pedaugüxü̃, rü woo peãẽwa tagutáma nüxü̃ iperüngümae i ngẽma Tupana pexca̱x üxü̃! Rü name nixĩ i pexacügüxü̃ rü petaagüxü̃ namaxã pengúexẽẽxü̃.

Norü taxre ga popera ga Timutéuca̱x naxümatüxü̃ ga Pauru 1:5

Erü nüxna chacua̱xãchi nax ñuxãcü aixcüma Tupanaaxü̃́ cuyaxõxü̃. Rü curü noxẽ ga Lóida rü cué ga Euníchia rü tüma rü woetama tüxíra Tupanaaxü̃́ tayaxõgü. Rü nüxü̃ chacua̱x nax cuma rü ta aixcüma cuyaxõxü̃.

Ucu̱xẽgüchiga 22:15

Ngẽma ngextü̱xügüxü̃arü ĩnü rü ngeãẽmare nixĩ, natürü cua̱ximaxã itayanawe̱xãchixẽxẽ nax nüxü̃ naxoxü̃ca̱x i ngẽma nacüma i chixexü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:20

Rü nüma ga Dabí rü Charomóü̃xü̃ ñanagürü: —¡Ẽcü pora naxü rü cugü naporaxẽẽama rü naxü i ngẽma puracü! ¡Rü taxṹ i curümaãchixü̃! ¡Rü taxṹ i cumuü̃xü̃! Erü nüma ya Cori ya chorü Tupana rü nacuxü̃tagu. Rü nüma rü taxũtáma cuxna nixũgachi rü taxũtáma cuxü̃ ínata̱x ñu̱xmatáta nagu i ngẽma puracü nax cunaxüxü̃ ya yima Tupanapata ya taxü̃ne.

Ichaía 38:19

Rü ngẽma maxẽxü̃xicatama nixĩ i cuxü̃ icua̱xüü̃güxü̃, ñoma ñu̱xma choma chaxüxü̃rüxü̃. Rü ngẽma nanatügü rü nanegümaxã tá nüxü̃ nixu nax aixcüma cuyanguxẽẽxü̃ i ngẽma nüxü̃ quixuxü̃.

Yochué 24:15

Natürü ngẽxguma tama Cori ya Tupanawe perüxĩxchaü̃gu ¡rü ñu̱xmatama nüxü̃ pixu i ta̱xacürü tupanawe tá perüxĩxü̃, rüe̱xna ngẽma tupananetagü ga nũxcüma ga perü o̱xigü nüxü̃ icua̱xüü̃güxü̃ ga taxtü ga Eufrátecutüwa, rüe̱xna ngẽma norü tupananetagü i Amoréutanüxü̃ i ñaa naanegu ãchiü̃güxü̃! Natürü i chomax rü chauxacügü rü Cori ya Tupanawe tá nixĩ i tarüxĩxü̃ —ñanagürü ga Yochué.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:19

Rü ngẽxgumarüxü̃ ta ya yimá chaune ya Charomóü̃ ¡rü nüxna naxã i wüxi i naãxẽ i cugu rüxĩnüxü̃ nax ngẽmaãcü mea nagu namaxü̃xü̃ca̱x i ngẽma curü mugü rü curü ucu̱xẽgü rü cucümagü, rü ngẽmaãcü naxüaxü̃ca̱x ya yima cupata ya taxü̃ne ya naxca̱x chananutaque̱xene i ngẽmaxü̃gü! —ñanagürü ga Dabí.

Ãẽ̱xgacügü ga guxchaxü̃güarü mexẽxẽruü̃gü 13:12

Rü yexguma ga Manóa rü ñanagürü: —Ngẽxguma yanguxgu i ngẽma tomaxã nüxü̃ quixuxü̃ ¿rü ñuxãcü tá itanayaxẽxẽxü̃ i ngẽma buxü̃? ¿Rü ta̱xacü tá namaxã taxüxü̃? —ñanagürü.