Efesios 6:23 - Tupanaarü Ore

²³ Pa Chauenexẽgü i Yaxõgüxü̃x, chanaxwa̱xe nax Tanatü ya Tupana rü tórü Cori ya Ngechuchu ya Cristu pexü̃ rüngü̃xẽẽgüxü̃ nax pegümaxã petaãẽgüxü̃ca̱x, rü pegü pengechaü̃güxü̃ca̱x rü mea peyaxõgüxü̃ca̱x.

Efesios 6:23 Referans Kwoze

Gálatas 6:16

Rü Tupanana naxca̱x chaca nax pexü̃ nataãẽxẽẽgüxü̃ca̱x rü nüxü̃́ pengechaü̃tümüxü̃güxü̃ca̱x i guxãma i pema i aixcüma yanguxẽẽgüxe i ngẽma pemaxã nüxü̃ chixuxü̃, rü guxãma ya yíxema aixcüma Tupanaarü duü̃xü̃gü ixĩgüxe.

Nüxíraxü̃xü̃ ga popera ga Pedru ümatüxü̃ 5:14

Rü chanaxwa̱xe i wüxichigü i pema, rü pegü pengechaü̃güãcüma pegü perümoxẽgü. Rü ngẽxgumarüxü̃ ta chanaxwa̱xe nax aixcüma petaãẽgüxü̃ i guxãma i pema nax Ngechuchu ya Cristuarü duü̃xü̃gü pixĩgüxü̃. Rü ngẽmaãcü yixĩ.

Gálatas 5:6

Rü ngẽmaca̱x i ñu̱xma nax Ngechuchu ya Cristuarü duü̃xü̃gü ixĩgüxü̃, rü taxuwama name ega woo íiwíecha̱xmüpe̱xechiraü̃gu rüe̱xna tama, erü tama ngẽma nixĩ i Tupanape̱xewa tüxü̃ mexẽẽxü̃. Rü ngẽma Tupana naxwa̱xexü̃ i ñu̱xma nixĩ nax aixcüma yaxõgüxü̃ rü ngẽmaãcü yigü nax ingechaü̃güxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:14

Rü yemaacü ga tórü Cori ya Ngechuchu rü poraãcü choxü̃ nangechaxü̃ rü choxü̃ narüngü̃xẽxẽ nax nüxü̃́ chayaxõxü̃ca̱x rü nagagu guxü̃ma i duü̃xü̃güxü̃ changechaü̃xü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:4

Rü choma i Cuáü̃ rü pexca̱x chanaxümatü i pema i 7 tücumügü i yaxõgüxe i Áchiaanewa ngẽxmagüxe. Rü chanaxwa̱xe i pexü̃ narüngü̃xẽxẽ rü pexü̃ nataãẽxẽxẽ ya yimá Tupana ya woetama yexmacü rü ñu̱xma ngẽxmacü rü guxü̃gutáma ngẽxmacü. Rü ngẽxgumarüxü̃ ta chanaxwa̱xe i pexü̃ narüngü̃xẽxẽ rü pexü̃ nataãẽxẽxẽ i ngẽma 7 i Naãxẽgü i Tupanaarü tochicaxü̃pe̱xewa ngẽxmagüxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:3

Yexguma cuxna ichaxũãchigu nax Machedóniaanewa chaxũxü̃ca̱x rü cumaxã nüxü̃ chixu nax Epéchiuarü ĩanegu curüxã́ũxü̃ nax nüxna cunachu̱xuxü̃ca̱x i ngẽma duü̃xü̃gü i doramaãmare ngéma ngu̱xẽẽtaegüxü̃.

2 Tesalonicenses 3:16

Rü chanaxwa̱xe i nümatama ya tóxrü Cori ya tóxrü ngüxmüxẽẽruxü̃ guxü̃guma i guxü̃wama pexna nanaxã i norü taãxẽ. Rü chanaxwa̱xe nax petanüwa nangẽxmaxü̃ i guxãma i pemax.

2 Tesalonicenses 1:3

Pa Toenexẽgüx, guxü̃guma Tupanana moxẽ pexca̱x taxã. Rü name nixĩ nax ngẽmaãcü tanaxüxü̃, erü pema rü yexeraãcü peyaxõgüetanü, rü wüxichigü i pema rü yexeraãcü pegü pingechaü̃güetanü.

1 Tesalonicenses 5:8

Rü yixema nax ngóonexü̃wa ingẽxmagüxü̃, rü tanaxwa̱xe i guxü̃guma taxũãẽgü. Rü tanaxwa̱xe i tórü õmaxã rü tórü ngechaü̃maxã rü tórü maxü̃ i taguma gúxü̃ i ínanguxẽẽxü̃maxã yigü ítapoxü̃gü ñoma wüxi i churara rü norü poxü̃remüruxü̃maxã rü napate̱xemaxã nügü ípoxü̃xü̃rüxü̃.

1 Corintios 1:3

Rü chanaxwa̱xe ya Tanatü ya Tupana rü tórü Cori ya Ngechuchu ya Cristu norü ngechaxü̃gagu poraãcü pexü̃ narüngü̃xẽxẽ rü pexü̃ nataãẽxẽxẽ.

Ore i mexü̃ ga Cuáü̃ ümatüxü̃ 14:27

Rü ñu̱xma nax pexna íchixũxü̃, rü pexna chanaxã i taãxẽ. Natürü ngẽma taãxẽ i pexna chaxãxü̃, rü tama ñoma i naanecüã̱x pexna ãxü̃ i taãẽrüxü̃ nixĩ. Rü tama chanaxwa̱xe i penaxĩ̱xãchiãẽgü rü pemuü̃e.

1 Chamué 25:6

Chanaxwa̱xe nax mexü̃ cuxü̃ ngupetüxü̃ wüxigu namaxã i cutanüxü̃ rü guxü̃ma i cuxacügü.

Naanearü ügüchiga 43:23

Rü yema Yúchepataarü dauruxü̃ rü nanangãxü̃ rü ñanagürü: —¡Perüchianegü, rü taxṹ i pemuü̃exü̃! Rü yimá perü Tupana ya penatüarü Tupana ixĩcü nixĩ ga perü chacugügu ngĩxü̃ nucü. Yerü chomatama ngĩxü̃ chayaxu ga yema diẽru ga ngĩxü̃ pexãgücü ga yexguma nua pexĩxgu —ñanagürü. Rü yexguma ga gumá yatü rü Chimeóü̃xü̃ ínamuxũchi rü yema naenexẽgü íyexmagüxü̃wa nanaga.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:8

Erü yíxema tama mea nüxna dauxe ya tümanatü rü tümaé rü tümatanüxü̃ rü tama aixcüma Tupanaaxü̃́ tayaxõ. Rü wüxi i tama yaxõxü̃arü yexera chixexü̃ tixĩ.

Romanos 15:33

Rü chanaxwa̱xe nax Tupana ya tüxü̃ taãẽxẽẽcü pexü̃tawa nangẽxmaxü̃ i guxãma i pemax. Rü ngẽmaãcü yixĩ.

2 Corintios 13:11

Rü ñu̱xma nax ichayacua̱xẽẽxü̃ i ñaa popera, Pa Chauenexẽgüx, rü chanaxwa̱xe nax petaãẽgüxü̃ rü naxca̱x pedaugüxü̃ nax aixcüma mea Tupanape̱xe pemaxẽxü̃. Rü name nixĩ i pegü petaãẽgüxẽẽxü̃, rü wüxigu perüxĩnüexü̃, rü yáxna pegümaxã pexĩnüexü̃, rü aixcüma pegü pengechaü̃güxü̃. ¡Rü nüma ya Tupana ya tüxü̃ ngechaü̃cü rü tüxü̃ rüngüxmüexẽẽcü, rü guxü̃gutáma pemaxã inarüxã̱ũ̱x!

Efesios 6:24

Rü chanaxwa̱xe i Tanatü ya Tupana tüxü̃ rüngü̃xẽẽgü ya guxãma ya yíxema tórü Cori ya Ngechuchu ya Cristuxü̃ ngechaü̃güxe. Rü ngẽmaãcü yixĩ.

Norü tomaepü̱x ga popera ga Cuáü̃ ümatüxü̃ 1:14

Erü choma rü nagu charüxĩnü nax paxa tá cuxü̃ íchayadauxü̃, rü ngẽxguma rü mea tá cumaxã chidexa.