Efesios 6:22 - Tupanaarü Ore

²² Rü ngẽmaca̱x nixĩ i pexü̃tawa chanamuxü̃, nax pemaxã nüxü̃ yaxuxü̃ca̱x nax ñuxãcü toxü̃ naxüpetüxü̃ rü ngẽmaãcü pexü̃ nataãẽxẽẽxü̃ca̱x.

Efesios 6:22 Referans Kwoze

Filipenses 2:25

Rü ngẽxgumarüxü̃ ta cha̱u̱xca̱x name nixĩ i ngéma petanüwa chanamuxü̃ i taenexẽ i Epaporudítu. Rü nüma nixĩ ga pematama cha̱u̱xca̱x núma penamuxü̃ nax choxü̃ nangü̃xẽẽxü̃ca̱x. Rü nüma rü chomücü nixĩ i Tupanaarü puracüwa, rü poraãcü choxü̃ narüngü̃xẽxẽ i ta̱xacü choxü̃́ taxuxü̃wa.

2 Tesalonicenses 2:17

Rü ngẽmaca̱x tanaxwa̱xe nax nüma pexü̃ nangü̃xẽẽxü̃ nax guxü̃guma petaãẽgüxü̃ca̱x rü mexü̃ i oremaxã pidexagüxü̃ca̱x rü mexü̃ pexügüxü̃ca̱x.

1 Tesalonicenses 3:2

Rü nagu tarüxĩnüe nax pexü̃tawa tanamuxü̃ ga taenexẽ ga Timutéu nax pexü̃ íyadauxü̃ca̱x. Rü nüma nixĩ i Tupanaarü puracütanüxü̃ i wüxigu tomaxã puracüxü̃ nax nüxü̃ tixuxü̃ca̱x i ngẽma ore i mexü̃ i Cristuchiga. Rü yéma petanüwa tanamu nax pexü̃ nangü̃xẽẽxü̃ca̱x nax yexeraãcü peyaxõgüxü̃ca̱x rü aixcüma petaãẽgüxü̃ca̱x rü yemaacü taguma texé ga petanüwa nüxü̃ rüxoxü̃ca̱x ga yexguma yema guxchaxü̃gü pexü̃́ yexmagu. Erü pematama marü nüxü̃ pecua̱x nax guxãma i yixema nax yaxõgüxü̃ rü ngúxü̃ tá tingegü.

Colosenses 2:2

Rü ngẽmaãcü poraãcü chapuracü nax ngẽma duü̃xü̃güaxü̃́ chanangúchaü̃xẽẽxü̃ca̱x. Erü chanaxwa̱xe i guxü̃guma nügü nangechaü̃gü rü nüxü̃́ nangẽxma i ngẽma cua̱x i aixcüma ixĩxü̃ nax ngẽmaãcü meama nüxü̃ nacua̱xgüxü̃ca̱x i ngẽma ẽxü̃guxü̃ ga noxri Tupanaxicatama nüxü̃ cuáxü̃. Rü yimá rü Cristutama nixĩ.

Filipenses 2:19

Rü ngẽxguma tórü Cori ya Ngechuchu naxwa̱xegu rü paxa petanüwa chanamuxchaü̃ ya taenexẽ ya Timutéu nax nüma pexü̃ íyadauxü̃ca̱x rü choma rü chataãẽxü̃ca̱x i ngẽxguma núma nangeãgu i pechiga.

Norü taxre ga popera ga Timutéuca̱x naxümatüxü̃ ga Pauru 4:12

Rü Tíquicu rü ĩane ya Epéchiuwa chanamu.