Efesios 6:2 - Tupanaarü Ore

^2-3 Yerü yema mugü ga Moiché ü̃matüxü̃tanüwa rü yema mu ga nüxíraxü̃xü̃ wüxi ga unetamaxã Tupana nüxü̃ ixuxü̃, rü ñanagürü: “¡Tüxü̃ nangechaü̃ ya cunatü rü cué nax cutaãẽxü̃ca̱x rü namáxü̃ca̱x i curü maxü̃ i ñoma i naanewa!” ñanagürü.

Efesios 6:2 Referans Kwoze

Ínachoxü̃xü̃chiga 20:12

¡Rü tüxü̃ nangechaü̃ ya cunatü rü cué nax ngẽmaãcü namáxü̃ca̱x i curü maxü̃ i ñaa naane i choma i Cori ya Tupana cuxna chaxãxü̃wa!

Wenaxarü naxümatü ga Tupanaarü mugü 27:16

“Rü yíxema tümanatüchi aixe rüe̱xna tümaéchi aixe rü chixexü̃wa tangexma”. Rü ngẽxguma i guxü̃ma i duü̃xü̃gü rü “Ngẽmaãcü yixĩ”, ñanagürügü tá.

Ucu̱xẽgüchiga 20:20

Yíxema tümanatümaxã rü tümaémaxã chixexü̃ ixugüxe, rü tá tayu rü ẽanexü̃wa tá tangexma.

Maraquía 1:6

Rü nüma ya Cori ya Tupana ya Guxü̃étüwa Ngẽxmacü rü chacherdótegüxü̃ ñanagürü: —Ngẽma buxü̃gü rü nanatügüxü̃ nangechaü̃, rü ngẽma naxü̃taxü̃gü rü norü coriga naxĩnü. Rü choma nax Penatü chixĩxü̃ ¿rü tü̱xcüü̃ i tama choxü̃ pengechaü̃xü̃? Rü choma nax perü Cori chixĩxü̃ ¿rü tü̱xcüü̃ i tama chauga pexĩnüexü̃? Natürü i pemax rü choxü̃ pexo, rü naétü ñaperügügü: “¿Ta̱xacüwa i cuxü̃ taxoxü̃?” ñaperügügü.

Echequié 22:7

Rü ngẽma duü̃xü̃gü i cuwa maxẽxü̃ rü tama nanatüxü̃ rü tama naéxü̃ nangechaü̃gü. Rü chixri tümamaxã inacua̱x ya yíxema yutegüxe rü yíxema taxcuexe rü yíxema to i nachixü̃anewa ne ĩxẽ.

Yeremía 35:18

Rü nüma ga Yeremía rü yema Recáxtanüxü̃maxã nidexa rü ñanagürü nüxü̃: —Nüma ya Cori ya Guxãétüwa Ngẽxmacü ya Iraétanüxü̃arü Tupana rü ñanagürü: “Ñu̱xma nax mea naga pexĩnüexü̃ i perü o̱xi ga Yonadá rü nagu pexĩxü̃ i norü ucu̱xẽgü rü peyangu̱xẽẽgü ga guxü̃ma ga yema pemaxã nüxü̃ yaxuxü̃,

Romanos 13:7

Rü wüxichigü i ngẽma ãẽ̱xgacügü, rü name nixĩ i nüxna penaxã i ngẽma nüxna üxü̃. ¡Rü nüxü̃́ penaxütanü i ngẽma diẽru i perü ãẽ̱xgacügü nagu unetaxü̃ẽ̱xpü̱x nax nüxü̃́ penaxütanüxü̃! ¡Rü penaxü̱x i ngẽma ĩanearü puracü i perü ãẽ̱xgacügü pexü̃ muxü̃ nax penaxüxü̃ca̱x! ¡Rü nüxü̃ pengechaü̃gü rü naga pexĩnüe i ngẽma perü ãẽ̱xgacügü! Erü ngẽma nixĩ i mexü̃ nax penaxüxü̃.

Wenaxarü naxümatü ga Tupanaarü mugü 5:16

Rü tüxü̃ nangechaxü̃ ya cunatü rü cué, ngẽma choma i curü Cori ya Tupana cuxü̃ chamuxü̃ãcüma nax ngẽmaãcü namáxü̃ca̱x i curü maxü̃ nawa i ñoma i naane i choma i Cori ya Tupana cuxna chaxãxü̃.

Yeremía 35:7

Rü yexgumarüxü̃ ta toxna nanachu̱xu nax mexü̃ne ya ĩpata taxügüxü̃ca̱x, rü toxna nanachu̱xu nax taxüanegüxü̃ rü úbamaxã tatoegüxü̃ nax tama toxü̃́ nangẽxmaxü̃ca̱x i torü úbanecügu. Rü toxü̃ namu nax guxü̃guma naxchirunaxca̱x ga ĩpatawa tamaxẽxü̃ nax ngẽmaãcü mucü ya taunecü tamaxẽxü̃ca̱x nawa i ñaa naane i ngexta ñoma to i nachixü̃anecüã̱xrüxü̃ tixĩgüxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:4

Natürü ngẽxguma chi wüxi i yutecü ngĩxü̃́ nangẽxmagu i ngĩxacügü rü ẽ̱xna ngĩtaagü, rü name nixĩ i nümagü ngĩxü̃ narüngü̃xẽẽgü rü ngĩxna nanaxã i ta̱xacü i ngĩxü̃́ taxuxü̃. Erü Tupana nanaxwa̱xe nax ngĩtanüxü̃xíra ngĩxna daugüxü̃ nax ngẽmaãcü yangutanüxẽẽgüãxü̃ca̱x ga yema naé nax nayaexẽẽxü̃.