Efesios 6:18 - Tupanaarü Ore

¹⁸ Rü name i guxü̃guma peyumüxẽgüxü̃. ¡Rü guxü̃guma Tupanaãxẽ i Üünexü̃arü ngü̃xẽẽmaxã Tupanana peca! ¡Rü pexuãxẽ nax taguma nüxü̃ perüxoexü̃ca̱x! Rü ngẽmaãcü name i naxca̱x peyumüxẽgü i guxü̃ma i duü̃xü̃gü i Tupanaaxü̃́ yaxõgüxü̃.

Efesios 6:18 Referans Kwoze

1 Tesalonicenses 5:17

¡Rü guxü̃guma peyumüxẽgü!

Colosenses 4:2

¡Rü guxü̃guma peyumüxẽgü! ¡Rü pexuãxẽgü nax tama nüxü̃ iperüngümaexü̃ca̱x nax Tupanana moxẽ pexãgüxü̃!

Filipenses 4:6

¡Rü taxuca̱xma penaxĩ̱xãchiãẽgü! ¡Rü perü yumüxẽwa Tupanamaxã nüxü̃ pixu i guxü̃ma i ngẽma pexü̃ ngupetüxü̃! ¡Rü naxca̱x ípeca rü moxẽ nüxna pexã!

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:1

Rü ñu̱xma rü tá pemaxã nüxü̃ chixu nax ñuxãcü namexü̃ nax peyumüxẽgüxü̃. Rü ngẽma nüxíra naxca̱x peyumüxẽgüxü̃ tá nixĩ i guxü̃ma i duü̃xü̃gü i ñoma i naanewa maxẽxü̃. ¡Rü Tupanana naxca̱x peca nax nüxü̃ nangü̃xẽẽxü̃ca̱x rü nüxü̃́ nüxü̃ narüngü̃maxü̃ca̱x i norü pecadugü! ¡Rü moxẽ nüxna pexã ya Tupana naxca̱x i norü ngü̃xẽxẽ i guxü̃ i duü̃xü̃güna naxãxü̃!

Popera ga Yúda ümatüxü̃ 1:20

Natürü pemax, Pa Chauenexẽgü ya Pexü̃ Changechaü̃güxe, ¡rü pegü perüngü̃xẽxẽ̱x nax guxü̃guma yexeraãcü nagu pexĩxü̃ rü peyaxõgüxü̃ i ngẽma ore i üünexü̃ i marü peyauxgüxü̃! ¡Rü guxü̃guma Tupanaãxẽ i Üünexü̃arü ngü̃xẽẽmaxã peyumüxẽgü!

Ore i mexü̃ ga Márcu ümatüxü̃ 14:38

¡Rü ipedaue, rü Tupanana naxca̱x peca nax pexü̃ nangü̃xẽxẽxü̃ca̱x nax tama choxü̃ ípetáxü̃ca̱x i ngẽxguma guxchaxü̃ pexca̱x ínguxgu! Erü aixcüma peãxẽwa rü ípememare, natürü pexene nixĩ i ngẽma turaxü̃ —ñanagürü.

Ore i mexü̃ ga Luca ümatüxü̃ 21:36

Rü ngẽmaca̱x name nixĩ i pegü ípemexẽẽgü. ¡Rü guxü̃guma peyumüxẽgü nax ngẽmaãcü tama pexü̃ naxüpetüxü̃ca̱x i guxü̃ma i ngẽma ãũcümaxü̃gü i tá íngugüxü̃, rü aixcüma pimexü̃ca̱x i ngẽxguma nape̱xewa pengugügu ya Tupana Nane ya duü̃xü̃xü̃ ixĩcü! —ñanagürü ga Ngechuchu.

Ore i mexü̃ ga Matéu ümatüxü̃ 26:41

¡Rü ipedaue rü Tupanana naxca̱x peca nax pexü̃ nangü̃xẽẽxü̃ca̱x nax tama choxü̃ ípetáxü̃ca̱x! Erü aixcüma peãẽwa rü ípememare nax ngúxü̃ pingegüxü̃, natürü pexene rü natura —ñanagürü ga Ngechuchu.

Danié 9:20

Rü choma rü íchayadaxẽxẽ ga nax chayumüxẽxü̃ rü Tupanamaxã nüxü̃ chixuxü̃ ga chorü chixexü̃gü rü chautanüxü̃ ya Iraétanüxü̃arü chixexü̃gü. Rü Cori ya Tupanaxü̃ chaca̱a̱xü̃ naxca̱x ya yima norü ma̱xpǘne ya üünene.

Wiyaegü 6:9

Rü nüma ya Cori ya Tupana rü marü nüxü̃ naxĩnü nax nüxna chaca̱xaxü̃, rü marü choxü̃́ nanayaxu i chorü yumüxẽ.

Romanos 12:12

Rü name nixĩ i taãẽãcü ípenangu̱xẽxẽ ñu̱xmata penayaxu i ngẽma Cristu nüxü̃ unetaxü̃. Rü ngẽxguma ngúxü̃ pexca̱x ínguxgu, rü name nixĩ i yáxna namaxã pexĩnüe. Rü name nixĩ i guxü̃guma peyumüxẽgü.

Ore i mexü̃ ga Márcu ümatüxü̃ 13:33

Rü ngẽmaca̱x, ¡ipedaue rü pexuãẽgü! Erü tama nüxü̃ pecua̱x i ta̱xacürü ora tá ínangu i ngẽma pemaxã nüxü̃ chixuxü̃.

Nüxíraxü̃xü̃ ga popera ga Pedru ümatüxü̃ 4:7

Rü marü ningaica nax nagúxü̃ i ñoma i naane rü guxü̃ma i ta̱xacü i nawa ngẽxmaxü̃. Rü ngẽmaca̱x name nixĩ nax pexuãẽgüxü̃, rü mea peãxẽxü̃ pecuáxü̃, rü guxü̃guma peyumüxẽgüxü̃.

Ngechuchuarü ngúexü̃gü ga yamugüxü̃arü puracüchiga 1:14

Rü guxü̃ma ga nümagü rü guxü̃guma nangutaque̱xegüxü̃ nax wüxigu nayumüxẽgüxü̃ca̱x namaxã ga Ngechuchuenexẽgü, rü ngĩmaxã ga María ga Ngechuchu naé, rü ñuxre ga togü ga ngexü̃gü.

Ore i mexü̃ ga Luca ümatüxü̃ 22:46

Rü yexguma ga Ngechuchu rü ñanagürü nüxü̃: —¿Tü̱xcüü̃ ípepee? ¡Íperüdagü rü Tupanana naxca̱x peca nax pexü̃ nangü̃xẽẽxü̃ca̱x nax tama chixexü̃gu peyi̱xü̃ca̱x! —ñanagürü.

Wiyaegü 4:1

Pa Chorü Poxü̃ruxü̃, Pa Tupanax, ¡choxü̃ nangãxü̃ ega cuxna chacaxgu! Rü ngẽxguma ngúxü̃ chingexgu, rü cuma nixĩ i choxü̃ cutaãẽxẽẽxü̃. Rü cuxü̃́ changechaü̃tümüxü̃ rü ¡choxü̃́ nüxü̃ naxĩnü i chorü yumüxẽ!

Popera ga Yudíugü ga yaxõgüxü̃ca̱x ümatüxü̃ 5:7

Rü yexguma Cristu ñoma ga naanewa maxü̃gu, rü poraãcü nayumüxẽ rü tagaãcü rü naxauxãcü Tupanana naca nax nüxü̃ nangü̃xẽẽxü̃ca̱x nax naga naxĩnüxü̃ca̱x, yerü Tupana rü naporachire̱x nax nawa ínanguxuchixẽẽãxü̃ca̱x ga yema yu. Rü Tupana rü Cristuxü̃ naxĩnü yerü Tupanaga naxĩnü.

Norü taxre ga popera ga Timutéuca̱x naxümatüxü̃ ga Pauru 1:3

Guxü̃guma i chütacü rü ngunecü rü cuxna chacua̱xãchixü̃ i chorü yumüxẽwa, rü poraãcü cuxca̱x moxẽ Tupanana chaxã. Rü nüxü̃́ nixĩ i chapuracüxü̃ i mexü̃ i chauãẽmaxã, yexgumarüxü̃ ga nũxcümaü̃güxü̃ ga chorü o̱xigü naxügüxü̃rüxü̃.

Filipenses 1:4

Rü ngẽxguma chayumüxẽgux, rü guxü̃guma chataãẽãcüma pexca̱x chayumüxẽ i guxãma i pemax.

Nüxíraxü̃xü̃ ga popera ga ãẽ̱xgacügüchiga 8:52

¡Rü choma nax curü duü̃xü̃ chixĩxü̃ rü choxü̃́ nüxü̃ naxĩnü i chorü yumüxẽ rü nüxü̃ naxĩnü i curü duü̃xü̃gü i Iraétanüxü̃arü yumüxẽ! ¡Rü toxü̃ naxĩnü, Pa Tupanax, ega ngẽxguma cuxna tacagüegu!

Nüxíraxü̃xü̃ ga popera ga ãẽ̱xgacügüchiga 9:3

Rü ñanagürü nüxü̃: —Nüxü̃ chaxĩnü i ngẽma curü yumüxẽ rü ngẽma choxü̃ nax cuca̱a̱xü̃xü̃. Rü marü chanaxüünexẽxẽ ya yima chopata ya taxü̃ne ya cuxüxü̃ne nax guxü̃guma ngéma changexmaxü̃ca̱x. Rü guxü̃gutáma nüxna chadau rü namaxã chataãxẽ.

Nüxíraxü̃xü̃ ga popera ga ãẽ̱xgacügüchiga 8:54

Rü yexguma Charomóü̃ nüxü̃ rüchauxgu ga yema ãmarearü guruü̃pe̱xegu nacaxã́pü̱xüãcüma rü naxunagüme̱xẽãcüma nax norü yumüxẽwa Tupanamaxã yadexaxü̃, rü inachi rü guxü̃ma ga Iraéanecüã̱xgümaxã mexü̃ naxuegu. Rü tagaãcü ñanagürü:

Efesios 6:19

Rü ngẽxgumarüxü̃ ta chanaxwa̱xe i cha̱u̱xca̱x peyumüxẽgü nax Tupana choxü̃ rüngü̃xẽẽxü̃ca̱x rü choxna naxããxü̃ca̱x i ngẽma ore i nüma nanaxwa̱xexü̃ nax nüxü̃ chixuxü̃. Rü chanaxwa̱xe i Tupanana naxca̱x peca nax choxü̃ naporaxẽẽxü̃ca̱x nax tama chamuü̃ãcüma nüxü̃ chixuxü̃ca̱x rü mea chanango̱xẽẽxü̃ca̱x i ngẽma norü ore i Cristuchiga ga noxri ẽxü̃guxü̃ i ñu̱xma maxü̃ tüxna ãxü̃.

Ngechuchuarü ngúexü̃gü ga yamugüxü̃arü puracüchiga 12:5

Rü yemaacü ga Pedru rü poxcupataü̃wa nayexma rü churaragü rü meama nüxna nadaugü. Natürü ga yema yaxõgüxü̃ ga Yerucharéü̃cüã̱x rü poraãcü nayumüxẽgü, rü Tupanana naxca̱x nacagü.

Ochéa 12:4

Rü nüma ga Acóbu rü Tupanaarü duü̃xü̃ ga daxũcüã̱xmaxã nügü nawogü, rü Acóbu narüporamae. Rü nüma ga Acóbu rü naxaxu rü Tupanaarü ngü̃xẽẽca̱x ínaca. Rü Tupana rü Betégu Acóbuxü̃ nangau, rü yéma Acóbumaxã nidexa.

Danié 6:10

Rü yexguma Danié nüxü̃ cua̱xgu nax nüma ga ãẽ̱xgacü rü marü nügü nagu nawǘégaxü̃ ga yema mu, rü napatawa naxũ rü nayawãxna ga norü ucapuarü beü̃tánagü ga Yerucharéü̃ íyexmaxü̃waama ügüxü̃. Rü wüxichigü ga ngunexü̃gu rü tomaepü̱xcüna inacaxã́pü̱xü nax Tupanana moxẽ naxãxü̃ca̱x rü namaxã yadexaxü̃ca̱x aixrügumarüü̃tama.

Ichaía 26:16

Rü yexguma guxchaxü̃ toxca̱x ínguxgu, Pa Corix, rü cuxca̱x tadaugüama naétüwa ga yema ngúxü̃ ga toxca̱x ícunguxẽẽxü̃ nax toxü̃ curüwe̱xãchigüxẽẽxü̃ca̱x.

Nüxíraxü̃xü̃ ga popera ga ãẽ̱xgacügüchiga 8:59

Rü guxü̃ma i ñaa nüxna naxca̱x chacaxü̃ ya tórü Cori ya Tupana, rü chanaxwa̱xe i nüma rü chütacü rü ngunecü nagu narüxĩnü nax ngẽmaãcü choxü̃ nangü̃xẽẽxü̃ca̱x rü pexü̃ nangü̃xẽẽxü̃ca̱x i pema i Iraétanüxü̃ i norü duü̃xü̃gü ixĩgüxü̃.

Popera ga Filemúü̃ca̱x naxümatüxü̃ ga Pauru 1:5

Erü nüxü̃ chacuáchiga nax aixcüma nüxü̃́ cuyaxõxü̃ ya tórü Cori ya Ngechuchu rü aixcüma nüxü̃ cungechaü̃xü̃ i guxü̃ma i duü̃xü̃gü i Tupanaarü ixĩgüxü̃.

Chacaría 12:10

Rü ngẽma Dabítaagütanüwa rü Yerucharéü̃cüã̱xgütanüwa tá chanamu i Chauãxẽ i Üünexü̃ nax yamecümaxü̃ca̱x rü nayumüxẽgüwa̱xegüxü̃ca̱x i ngẽma Dabítanüxü̃ rü ngẽma Yerucharéü̃cüã̱xgü. Rü ngẽxguma tá nüxü̃ nadaugügu ya yima nacanapacütüxü̃güãcü rü tá nangechaü̃gü. Rü naxca̱x tá naxauxe ñoma wüxi i nane i nügümaxã wüxicacüca̱x naxauxexü̃rüxü̃. Rü ñoma nüxíraü̃cü ya nane yu̱xguca̱x naxauxegurüxü̃ tá naxca̱x naxauxe.

Yox 27:10

Rü ngẽma duü̃xü̃ i chixexü̃gu maxü̃xü̃, rü tama Tupana ya Guxãétüwa Ngẽxmacügu narüxĩnü, rü bai i ñuxgu namaxã yadexaxü̃ nax norü ngü̃xẽẽca̱x ínaca̱xaxü̃.

Ester 4:8

Rü yexgumarüxü̃ ta Atáxna nanaxãpane ga yema mu ga Chúchawa ümatüxü̃ ga nüxü̃ ixuxü̃ ga Yudíugüarü daixchiga. Rü Atáxmaxã nüxü̃ nixu nax Iténa naxããxü̃ca̱x rü yemaacü nüxü̃ nacuáxü̃ca̱x ga yema ngupetüxü̃. Rü yexgumarüxü̃ ta Itéca̱x yéma namuga nax ngĩmatama ãẽ̱xgacümaxã nüxü̃ yanaxuxü̃ca̱x rü yemaacü naétüwa nachogüxü̃ca̱x ga ngĩtanüxü̃.

Ngechuchuarü ngúexü̃gü ga yamugüxü̃arü puracüchiga 10:2

Rü nüma nixĩ ga wüxi ga yatü ga meama Tupanaaxü̃́ yaxõcü. Rü wüxigu naxma̱xmaxã rü naxacügümaxã Tupanaxü̃ nangechaü̃gü. Rü mucüma ga norü diẽrumaxã nüxü̃ narüngü̃xẽxẽ ga duü̃xü̃gü ga Yudíugü ga ingearü diẽruã̱xgüxü̃. Rü guxü̃guma nayumüxẽ rü Tupanamaxã nidexa.

Ngechuchuarü ngúexü̃gü ga yamugüxü̃arü puracüchiga 6:4

Rü ngẽxguma i toma rü yumüxẽwa rü Tupanaarü orearü uchigawaxicatama tá tapuracüe —ñanagürügü.

Efesios 3:8

Rü chaugüca̱x rü choma nixĩ i guxü̃ i Tupanaarü duü̃xü̃güarü ñaxtüwaama chaxüxü̃. Natürü Tupana choxü̃ nangechaü̃ rü choxna nanaxã i ngẽma puracü i mexü̃ nax ngẽma tama Yudíugü ixĩgüxü̃maxã nüxü̃ chixuxü̃ca̱x ga yema mexü̃gü ga taguma iyagúxü̃ ga taxca̱x naxüxü̃ ga Cristu.

Romanos 8:15

Yerü pema rü tama penayauxgü ga wüxi ga naãxẽ i pexü̃ muü̃ẽẽxü̃. Natürü yema Naãxẽ ga peyauxgüxü̃ rü Tupanaxacügü pexü̃ nixĩgüxẽxẽ. Rü ngẽmatama Naãxẽ ya Üünexü̃ nixĩ i tüxü̃ rüngü̃xẽẽxü̃ nax Tupanaxü̃ ñagüxü̃: “Pa Papax”, ñagüxü̃ nüxü̃.

Efesios 2:22

Rü ngẽmaãcü i pemax nax Cristuarü pixĩgüxü̃, rü wüxigu wüxichigü i pemax rü Tupanapata i Naãxẽ ya Üünexü̃ nawa maxü̃ne pixĩgü.

Ore i mexü̃ ga Luca ümatüxü̃ 3:37

Rü Laméx rü Matucharéü̃ nane nixĩ. Rü Matucharéü̃ rü Enóx nane nixĩ. Rü Enóx rü Yérex nane nixĩ. Rü Yérex rü Mararéx nane nixĩ. Rü Mararéx rü Caináü̃ nane nixĩ.

Colosenses 1:4

Rü marü nüxü̃ tacuáchiga nax aixcüma Ngechuchu ya Cristuaxü̃́ peyaxõgüxü̃, rü aixcüma nüxü̃ pengechaü̃güxü̃ i guxü̃ma i ngẽma duü̃xü̃gü i Tupanaarü ixĩgüxü̃.

Gálatas 4:6

Rü Tupana tüxna nanamu ga Naãxẽ ya Üünexü̃ nax tüxü̃ nüxü̃ nadauxẽẽxü̃ca̱x nax aixcüma naxacügüxüchi ixĩgüxü̃. Rü ngẽmaca̱x i ñu̱xma rü marü name i “Pa Chaunatüx”, ñatarügü nüxü̃ ya Tupana.

Ore i mexü̃ ga Luca ümatüxü̃ 3:26

Rü Nagái rü Máax nane nixĩ. Rü Máax rü Matatía nane nixĩ. Rü Matatía rü Chemeí nane nixĩ. Rü Chemeí rü Yuchéx nane nixĩ. Rü Yuchéx rü Yoiadá nane nixĩ.

Colosenses 1:3

Rü guxü̃guma i ngẽxguma pexca̱x tayumüxẽgügu, rü moxẽ nüxna taxã ya Tupana ya Nanatü ya tórü Cori ya Ngechuchu ya Cristu.

1 Chamué 1:12

Rü ngĩma ga Ána rü imáarü yumüxẽã̱x nax Tupanamaxã yadexaxü̃, rü nüma ga Erí rü ngĩã̱xgu nadawenü.

Ore i mexü̃ ga Matéu ümatüxü̃ 17:21

Natürü ñaarüxü̃ i ngo̱xo rü tama ínaxũxü̃ ega tama ixaureãcüma iyumüxẽgu —ñanagürü.