Efesios 6:17 - Tupanaarü Ore

¹⁷ Rü ñu̱xma nax pexü̃́ nangẽxmaxü̃ i maxü̃ i taguma gúxü̃, rü name nixĩ i ngẽmamaxã pexãpate̱xe nax ngẽmamaxã pegü ípepoxü̃xü̃ca̱x i peeruwa. Rü penayaxu i Tupanaarü ore i perü tara ixĩxü̃ i Naãxẽ ya Üünexü̃ pexna ãxü̃.

Efesios 6:17 Referans Kwoze

Popera ga Yudíugü ga yaxõgüxü̃ca̱x ümatüxü̃ 4:12

Erü Tupanaarü ore rü namaxü̃ rü naporaxüchi. Rü wüxi i tara i guxü̃cüwawa mea waixmaguxü̃arü yexera nixĩ nax natéxü̃. Erü ngẽma ore rü tawa nixücu ñu̱xmata taãẽwa nangu, rü ñu̱xmata nawa nangu i ngẽma wüxichigü nagu rüxĩnüxü̃. Rü ngẽmaãcü meama nanango̱xẽẽãma i guxü̃ma i ngẽma yixicatama nagu rüxĩnüxü̃ rü tüxü̃́ ngúchaü̃xü̃.

Ichaía 59:17

Wüxi i churara rü nicuxcuchi i norü churarachiru rü nananucu i norü poxü̃ruxü̃ nax inawéãxü̃ca̱x i norü pora. Rü nüma ya Tupana rü ngẽxgumarüxü̃ ta inanawe̱x i norü pora. Rü inanawe̱x i nacüma i aixcüma we̱xguxü̃, rü norü pora i namaxã ínanguxü̃xẽẽãxü̃ i norü duü̃xü̃gü. Rü inanawe̱x i norü pora i namaxã napoxcueãxü̃ i ngẽma norü duü̃xü̃güarü uanügü, erü poraãcü nüxü̃́ nachu̱xu i norü duü̃xü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:15

Rü naã̱xwa ínaxũxũ ga wüxi ga tara ga guxü̃cüwawa téxü̃ nax yemamaxã nüxü̃ naporamaexü̃ca̱x i guxü̃ma i nachixü̃anegü. Rü nüma rü poraãcü tá namaxã inacua̱x. Rü ñoma úbagü i norü ma̱i̱xruü̃wa ima̱i̱xtüü̃xü̃rüxü̃ tá nixĩ nax napoxcueãxü̃ namaxã i ngẽma poxcu ya Tupana ya Guxü̃étüwa Ngẽxmacü norü numaxã mexẽẽxü̃.

1 Tesalonicenses 5:8

Rü yixema nax ngóonexü̃wa ingẽxmagüxü̃, rü tanaxwa̱xe i guxü̃guma taxũãẽgü. Rü tanaxwa̱xe i tórü õmaxã rü tórü ngechaü̃maxã rü tórü maxü̃ i taguma gúxü̃ i ínanguxẽẽxü̃maxã yigü ítapoxü̃gü ñoma wüxi i churara rü norü poxü̃remüruxü̃maxã rü napate̱xemaxã nügü ípoxü̃xü̃rüxü̃.

Ichaía 49:2

Rü Tupana rü ñoma tara i meama téxü̃rüxü̃ nayaxĩxẽxẽ ya chorü conü, rü naxme̱xmaxã choxü̃ ínapoxü̃. Rü ñoma ochagu ya meama ãmaguxnerüxü̃ choxü̃ nixĩxẽxẽ rü nachixü̃gu chomaxã nanguxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:16

Rü ngẽmaca̱x chanaxwa̱xe i nüxü̃́ nüxü̃ cuxoo̱x i ngẽma ngu̱xẽẽtae. Rü ngẽxguma tama nüxü̃́ nüxü̃ cuxoo̱xgu, rü paxa tá ngéma cuxü̃tawa chaxũ, rü ngẽma tara i cha̱u̱a̱xwa íxũxũxü̃maxã tá ngẽma duü̃xü̃gümaxã togü tadai.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:11

Rü nümagü ga yema taenexẽgü, rü marü Chatanáxü̃ narüyexeragü namaxã ga nagü ga gumá Carnéruxacü rü namaxã ga Tupanaarü ore ga yema taenexẽgü nüxü̃ ixugüxü̃. Nümagü rü tama namuü̃e rü tama nayanuxũgü ga norü maxü̃ woo yema orexü̃ yaxugüxü̃ca̱x nayuegu.

Ochéa 6:5

Rü yema chorü orearü uruü̃gü ga petanüwa chamugüxü̃wa pemaxã nüxü̃ chixu nax pexü̃ tá chapoxcuxü̃, natürü ga pema rü tama iperüxĩnüe rü yemaca̱x pexü̃ chadai. Rü yemaacü chorü poxcu rü aixcüma pewa nangu ñoma ngóonexü̃ irügoxü̃rüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:16

Rü norü tügüneme̱xẽwa nüxü̃́ nayexma ga 7 ga woramacurigü. Rü naã̱xwa ínaxũxũ ga wüxi ga tara ga guxü̃cüwawa téxü̃. Rü nachiwe rü ñoma üa̱xcü poraãcü ngu̱xetügurüxü̃ nixĩ.

Ore i mexü̃ ga Matéu ümatüxü̃ 4:4

Natürü Ngechuchu nanangãxü̃, rü ñanagürü: —Tupanaarü ore i ümatüxü̃ rü ñanagürü: “Taũtáma paũxica nanamaxẽxẽxẽ i duü̃xü̃gü, natürü guxü̃ma i ore ya Tupana nüxü̃ ixuxü̃ nixĩ i duü̃xü̃güxü̃ maxẽxẽẽxü̃”, —ñanagürü.

Ore i mexü̃ ga Matéu ümatüxü̃ 4:7

Rü Ngechuchu nanangãxü̃ rü ñanagürü: —Tupanaarü ore i ümatüxü̃ rü ñanagürü ta: “¡Tama name nax nüxü̃ cuxüxü̃ ya Cori ya curü Tupana!” —ñanagürü.

1 Chamué 17:5

Rü napate̱xe rü bróũchenaxca̱x nixĩ. Rü naxü̃newa rü yexgumarüxü̃ ta bróũchemaxã natüxü̃ne. Rü yema norü tüxünexü̃ rü 55 quíru nixĩ ga nayaxü̃.

1 Chamué 17:58

Rü nüma ga Chaú rü nüxna naca rü ñanagürü: —Pa Ngextü̱xücüx ¡chomaxã nüxü̃ ixu rü texé nane quixĩxü̃! —ñanagürü. Rü nüma ga Dabí nanangãxü̃ rü ñanagürü: —Choma rü yimá curü duü̃ ya Ichaxí ya Beréü̃cüã̱x nane chixĩ —ñanagürü.

2 Chamué 22:36

Rü cumax, Pa Cori Pa Tupanax, nixĩ i choxna cudauxü̃ rü choxü̃ ícupoxü̃xü̃. Rü ngẽma nax choxü̃ curüngü̃xẽẽxü̃gagu duü̃xü̃güpe̱xewa chatachiga.

Chacaría 4:6

Rü nüma ga daxũcüã̱x rü nayadaxẽxẽ ga nax yadexaxü̃ rü ñanagürü: —Rü ñaa nixĩ i Cori ya Tupanaarü ore i Chorobabéca̱x ixĩxü̃ i ñaxü̃: “Tama churaragüarü poramaxã rü bai i ta̱xacürü to i poramaxã, natürü Chauãẽarü poramaxã tá naxü ya chopata ya taxü̃ne” —ñanagürü ya Cori ya Tupana ya Guxãétüwa Ngẽxmacü.

Efesios 5:26

Rü yemaacü nanaxü ga Cristu nax nügüxü̃́ tüxü̃ yaxüünexẽẽxü̃ca̱x i guxãma i yixema nax yaxõgüxü̃. Rü norü oremaxã rü ngẽma dexá i nawa íibaiü̃xü̃maxã tüxü̃ nimexẽẽgü nax nape̱xewa imexü̃ca̱x.