Efesios 6:14 - Tupanaarü Ore

¹⁴ Rü ngẽmaca̱x name nixĩ i mea pegüna pedaugü nax tama ngẽma perü uanüme̱xẽgu peyixü̃ca̱x. Rü Tupanaarü ore i aixcüma ixĩxü̃maxã pegü pigoye. Rü pegü picuxcuchi i Tupanacüma i peremüarü poxü̃ruxü̃ ixĩxü̃.

Efesios 6:14 Referans Kwoze

Ichaía 59:17

Wüxi i churara rü nicuxcuchi i norü churarachiru rü nananucu i norü poxü̃ruxü̃ nax inawéãxü̃ca̱x i norü pora. Rü nüma ya Tupana rü ngẽxgumarüxü̃ ta inanawe̱x i norü pora. Rü inanawe̱x i nacüma i aixcüma we̱xguxü̃, rü norü pora i namaxã ínanguxü̃xẽẽãxü̃ i norü duü̃xü̃gü. Rü inanawe̱x i norü pora i namaxã napoxcueãxü̃ i ngẽma norü duü̃xü̃güarü uanügü, erü poraãcü nüxü̃́ nachu̱xu i norü duü̃xü̃gü.

1 Tesalonicenses 5:8

Rü yixema nax ngóonexü̃wa ingẽxmagüxü̃, rü tanaxwa̱xe i guxü̃guma taxũãẽgü. Rü tanaxwa̱xe i tórü õmaxã rü tórü ngechaü̃maxã rü tórü maxü̃ i taguma gúxü̃ i ínanguxẽẽxü̃maxã yigü ítapoxü̃gü ñoma wüxi i churara rü norü poxü̃remüruxü̃maxã rü napate̱xemaxã nügü ípoxü̃xü̃rüxü̃.

Ichaía 11:5

Rü nüma ya yimá ãẽ̱xgacü rü meama guxü̃ma i duü̃xü̃gümaxã tá inacua̱x. Rü aixcüma tá nayanguxẽxẽ i ngẽma ore i nüxü̃ yaxuxü̃.

Ore i mexü̃ ga Luca ümatüxü̃ 12:35

Rü name nixĩ i wüxi i coriarü duü̃xü̃gü i norü corixü̃ ínangu̱xuxẽẽgüxü̃rüxü̃ pixĩgü. Rü ngẽxguma norü cori rü wüxi i ngĩgüarü petawa ne naxũxgu rü nümagü rü ínamemare namaxã i naxchiru i mea ígotaxü̃ rü norü omügü rü ninaigü! Rü ngẽxguma norü cori ĩã̱xwa inacagügu, rü paxa naxca̱x nayawãxnagü i ĩã̱x.

Nüxíraxü̃xü̃ ga popera ga Pedru ümatüxü̃ 1:13

Rü ñu̱xma nax Cristuarü duü̃xü̃gü pixĩgüxü̃, rü penaxwa̱xe nax pexuãẽgüxü̃ rü ípememarexü̃ nax penaxüxü̃ i norü ngúchaü̃. Rü name nixĩ i aixcüma ípenangu̱xẽxẽ i guxü̃ma i ngẽma mexü̃gü ya Tupana tá pexna ãxü̃ i ngẽxguma Ngechuchu ya Cristu núma ũxgu.

2 Corintios 6:7

Rü duü̃xü̃güxü̃ nüxü̃ tadauxẽxẽ nax aixcüma mea namaxã nüxü̃ tixu i ngẽma ore i aixcüma ixĩxü̃, rü itanawe̱x i Tupanaarü pora i towa ngẽxmaxü̃. Rü ngẽma toxne ixĩxü̃, rü ngẽma nixĩ i torü maxü̃ i aixcüma mexü̃. Rü ngẽmamaxã nixĩ i togü ítapoxü̃xü̃ i torü uanügüpe̱xewa.

Efesios 5:9

Erü ngẽma ngóonexü̃ nixĩ i nango̱xẽẽxü̃ i ngẽma mecüma, rü ngẽma we̱xguxü̃, rü ngẽma aixcüma ixĩxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:17

Rü yemaacü nixĩ ga nüxü̃ chadauxü̃ ga yema cowarugü ga yexguma chango̱xetügu. Rü yema churaragü ga yema cowaruétügu ĩxü̃ rü nüxü̃́ nayexma ga norü nga̱xcuxü̃nexü̃ ga poxü̃ruxü̃ ixĩxü̃ ga ñoma üxüxetürüxü̃ iyauraxü̃. Rü yema poxü̃ruxü̃ rü nixãmatü rü nidaumatü rü niya̱u̱xmatü rü nidexmatü. Rü yema cowaruerugü rü ñoma leóü̃erurüxü̃ nixĩgü. Rü naã̱xgüwa ínaxũxũ ga üxüema rü caxixü̃ rü achúfre.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:9

Rü naxü̃newa nayexma ga norü poxü̃ruxü̃ ga fierunaxca̱x. Rü naga ga gumá naxpe̱xatügü rü ñoma muxũchine ya caru ya daiwa cowaru tugünegarüxü̃ nixĩgü.

Yox 29:14

Rü choma rü guxü̃guma mea duü̃xẽgümaxã ichacua̱x rü taguma changĩ̱x. Rü yema nixĩ ga chaucüma ga guxü̃ma ga ngunexü̃gu nagu chixũxü̃ ñoma chauxchiru ga guxü̃ ga ngunexü̃ nagu chicúxü̃rüxü̃.

Romanos 13:12

Rü woo nangẽxmagu i taxü̃ i chixexü̃ i ñoma ẽanexü̃rüxü̃ ixĩxü̃, natürü paxa tá ínangu ya Cristu nax nügüxü̃tawa tüxü̃ nagagüxü̃ca̱x. Rü ngẽmaca̱x name nixĩ i nüxü̃ tarüxoe i guxü̃ma i ngẽma chixexü̃ ixĩxü̃ rü nagu taxĩ i Tupanaarü ore i ñoma omürüxü̃ ixĩxü̃.

Efesios 6:13

Rü ngẽmaca̱x name nixĩ i penayauxgü i guxü̃ma i ngẽma poxü̃ruü̃gü ya Tupana pexna ãxü̃, nax ngẽmaãcü pegü ípepoxü̃xü̃ca̱x i ngẽxguma ngẽma naãxẽgü pexü̃ nachixexẽẽchaü̃gu. Rü ngẽmaãcü taxũtáma pemaxã tapora i ngẽma naãxẽgü i chixexü̃ rü tá nüxü̃ perüporamaegü.

Norü taxre ga popera ga ãẽ̱xgacügüchiga 3:21

Rü nüma ga Moátanüxü̃ rü yoxni nüxü̃ nacuáchigagü nax yema tomaepü̱x ga ãẽ̱xgacügü yéma ngugüxü̃ nax namaxã nügü nada̱i̱xü̃ca̱x. Rü yemaca̱x nananutaque̱xe ga norü ngextü̱xüxü̃gü rü yema iyaxü̃ ga churarawa mexü̃. Rü norü üyeanena nadaugü.