Efesios 6:13 - Tupanaarü Ore

¹³ Rü ngẽmaca̱x name nixĩ i penayauxgü i guxü̃ma i ngẽma poxü̃ruü̃gü ya Tupana pexna ãxü̃, nax ngẽmaãcü pegü ípepoxü̃xü̃ca̱x i ngẽxguma ngẽma naãxẽgü pexü̃ nachixexẽẽchaü̃gu. Rü ngẽmaãcü taxũtáma pemaxã tapora i ngẽma naãxẽgü i chixexü̃ rü tá nüxü̃ perüporamaegü.

Efesios 6:13 Referans Kwoze

2 Corintios 10:4

Erü ngẽma toxne i namaxã ítanapoxü̃xü̃ i Tupanaarü ore rü tama ñoma i naanecüã̱x namaxã ãxnexü̃ nixĩ. Erü toma rü toxü̃́ nangẽxma i Tupanaarü pora nax ngẽmamaxã itayanaxoxẽẽxü̃ca̱x i Chatanáarü pora rü itayanaxoxẽẽxü̃ca̱x i guxü̃ma i ngẽma ore i duü̃xü̃güaxü̃́ naguxchaxẽẽxü̃ nax tama Tupanaaxü̃́ yaxõgüãxü̃ca̱x. Rü guxü̃ma i ta̱xacü i nagu naxĩnüexü̃ i ngẽma duü̃xü̃gü i chixexü̃, rü Cristuna tanaxuaxü̃ nax nüma namaxã inacuáxü̃ca̱x.

Ore i mexü̃ ga Luca ümatüxü̃ 21:36

Rü ngẽmaca̱x name nixĩ i pegü ípemexẽẽgü. ¡Rü guxü̃guma peyumüxẽgü nax ngẽmaãcü tama pexü̃ naxüpetüxü̃ca̱x i guxü̃ma i ngẽma ãũcümaxü̃gü i tá íngugüxü̃, rü aixcüma pimexü̃ca̱x i ngẽxguma nape̱xewa pengugügu ya Tupana Nane ya duü̃xü̃xü̃ ixĩcü! —ñanagürü ga Ngechuchu.

Efesios 5:16

¡Rü ñu̱xma nax Tupana pexü̃́ natauxchaxẽẽxü̃ rü peyoxniẽ nax penaxüxü̃ i ngẽma nüma nanaxwa̱xexü̃! Erü ñomaü̃cüü rü muxü̃ma i chixexü̃gü ínangugü.

Ore i mexü̃ ga Luca ümatüxü̃ 8:13

Rü gumá triguchire ga nutatanügu yixü̃ne, rü ngẽma nixĩ i duü̃xü̃gü i nüxü̃ ĩnüexü̃ i Tupanaarü ore rü taãẽãcü nayauxgüxü̃. Natürü tama aixcüma nagu narüxĩnüe i ngẽma ore rü paxaãchi nayaxõgü, rü yixcüra guxchaxü̃ nüxü̃ üpetügu, rü nüxü̃ narüxoe.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:10

Cuma rü meama cuyanguxẽxẽ i ngẽma cuxü̃ chamuxü̃ nax aixcüma cuyaxõõmaxü̃ naétüwa i ngẽma guxchaxü̃gü i cuxca̱x ínguxü̃. Rü ngẽmaca̱x tá cuxü̃ íchapoxü̃ nax tama cuxna nanguxü̃ca̱x i ngẽma guxchaxü̃ i taxü̃ i ñoma i naanewa tá ínguxü̃ nax guxü̃ma i ñoma i naanecüã̱x i duü̃xü̃güxü̃ naxüxü̃ca̱x.

Colosenses 4:12

Rü ngẽxgumarüxü̃ ta pexü̃ narümoxẽ i Epáparu. Rü nüma rü petanüxü̃ nixĩ, rü aixcüma nanaxü i Cristuarü puracü. Rü nüma rü guxü̃guma norü yumüxẽwa Tupanaxü̃ naca̱xaxü̃ pexca̱x nax tama nüxna pixĩgachixü̃ca̱x i norü ore rü peyaxõgüamaxü̃ca̱x rü aixcüma penaxüxü̃ca̱x i ngẽma Tupanaarü ngúchaü̃.

Maraquía 3:2

¿Natürü texé tá namaxã tapora ya yimá Cori i ngẽma ngunexü̃ i nagu ínanguxü̃? ¿Rü texé tá nape̱xegu tachiama? Erü ngẽxguma ínanguxgu rü ñoma wüxi i üxüemaãcü tá ínangu nax yamexẽẽgüãxü̃ca̱x i tórü maxü̃. Rü ñoma wüxi ya chaũrüxü̃ tá inanayi̱xẽxẽ i guxü̃ma i tórü ãũãchixü̃.

Ngu̱xẽẽtaeruü̃arü ore 12:1

Rü ñu̱xma nax cungextü̱xüxü̃, rü ¡nüxna nacua̱xãchi ya yimá Tupana ya cuxü̃ ngo̱xẽẽcü ñoma rü ta taxũta ínangugü i ngunexü̃gü i guxchaxü̃gü namaxã napaxü̃! Erü tá cuxca̱x ínangugü i ngunexü̃gü i nagu ñacuxü̃: —Rü taxuwama choxü̃́ name nax chamaxü̃xü̃ —ñacuxü̃.

Efesios 5:6

¡Rü ngẽxguma texé ta̱xacürü ngu̱xẽẽtae i taxuwama mexü̃maxã pexü̃ womüxẽxẽchaü̃gu rü taxṹ i naga pexĩnüexü̃! Erü ngẽma ngu̱xẽẽtae i taxuwama mexü̃gagu tá nixĩ ya Tupana poraãcü napoxcuexü̃ i ngẽma duü̃xü̃gü i tama naga ĩnüexü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:17

Erü marü ínangu i ngẽma ngunexü̃ i ãũcümaxü̃ i nagu norü numaxã napoxcuexü̃ i duü̃xü̃gü. ¿Rü texé tá namaxã tapora i ngẽma?” ñanagürügü.

Amúx 6:3

Pema rü tama nagu perüxĩnüe i ngẽma ngunexü̃ i nagu tá poxcu pexca̱x ínguxü̃. Natürü ngẽma perü chixexü̃gü rü nayangaicaxẽxẽ i ngẽma ngunexü̃ i nagu tá pexü̃ nada̱i̱xü̃ i perü uanügü.

Romanos 13:12

Rü woo nangẽxmagu i taxü̃ i chixexü̃ i ñoma ẽanexü̃rüxü̃ ixĩxü̃, natürü paxa tá ínangu ya Cristu nax nügüxü̃tawa tüxü̃ nagagüxü̃ca̱x. Rü ngẽmaca̱x name nixĩ i nüxü̃ tarüxoe i guxü̃ma i ngẽma chixexü̃ ixĩxü̃ rü nagu taxĩ i Tupanaarü ore i ñoma omürüxü̃ ixĩxü̃.

Popera ga Chantiágu ümatüxü̃ 4:7

Pa Chauenexẽgüx, ¡Mea Tupanaga pexĩnüe! ¡Rü nüxü̃ pexoó i ngo̱xo i Chataná! Rü nüma rü tá pexna niña.

Nüxíraxü̃xü̃ ga popera ga Pedru ümatüxü̃ 4:1

Cristu rü naxü̃newa ngúxü̃ ningẽ, rü ngẽxgumarüxü̃ ta name nixĩ nax ípememarexü̃ nax ngúxü̃ pingegüxü̃. Rü yíxema ngúxü̃ ingexe rü marü nüxü̃ tarüxo i tümaarü pecadu nax ngẽmawena Tupana naxwa̱xexü̃ãcüma tamaxü̃xü̃ca̱x, rü tama tümaxü̃ne naxwa̱xexü̃ãcüma nax tamaxü̃xü̃ca̱x.