Efesios 6:1 - Tupanaarü Ore

¹ Pa Buxü̃güx, ñu̱xma nax Cristuarü pixĩgüxü̃, rü name nixĩ i penatüga rü peéga pexĩnüe, erü ngẽma nixĩ i aixcüma mexü̃.

Efesios 6:1 Referans Kwoze

Ucu̱xẽgüchiga 23:22

¡Tüxü̃ rüngü̃xẽxẽ ya cunatü ya maxü̃ cuxna ãxẽ, rü taxṹ i tüxü̃ cuxoxü̃ ya cué ega ngẽxguma taya̱xgu!

Ucu̱xẽgüchiga 6:20

Pa Chaunex, ¡guxü̃guma cugüãẽgu namaxã nanguxü̃ i ngẽma cunatüarü ucu̱xẽgü rü ngẽma cué cuxü̃ ngu̱xẽẽxü̃!

Ucu̱xẽgüchiga 1:8

Pa Chaunex ¡naga naxĩnü i ñaa cunatüarü ucu̱xẽ! ¡Rü taxṹ i nüxü̃ cuxoxü̃ i ngẽma cué namaxã cuxü̃ ngu̱xẽẽxü̃!

Wenaxarü naxümatü ga Tupanaarü mugü 21:18

Rü ngẽxguma texé tüxü̃́ nangẽxmagu i tümane i tama nanatüga rü naéga ĩnüxü̃, rü woo ngẽxguma tanapoxcugügu rü tama ĩnüchaü̃xü̃, rü yíxema nanatü rü naé rü yima ĩanearü ãẽ̱xgacügüpe̱xewa tá tanagagü.

Lebítanüxü̃arü puracüchiga 19:3

Rü wüxíechigü i pema rü name i penatüxü̃ rü peéxü̃ pengechaü̃. Rü ñu̱xũchi name i mea penaxaure i chorü ngü̃chigaarü ngunexü̃. Erü choma nixĩ i perü Cori ya Tupana chixĩxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:4

Natürü ngẽxguma chi wüxi i yutecü ngĩxü̃́ nangẽxmagu i ngĩxacügü rü ẽ̱xna ngĩtaagü, rü name nixĩ i nümagü ngĩxü̃ narüngü̃xẽẽgü rü ngĩxna nanaxã i ta̱xacü i ngĩxü̃́ taxuxü̃. Erü Tupana nanaxwa̱xe nax ngĩtanüxü̃xíra ngĩxna daugüxü̃ nax ngẽmaãcü yangutanüxẽẽgüãxü̃ca̱x ga yema naé nax nayaexẽẽxü̃.

Romanos 12:2

Rü tama name i ñoma i naanecüã̱x i duü̃xü̃gücümagu pexĩ. Natürü name nixĩ i Tupanana pegü pexãgü nax nüma pexü̃ naxüchicüüxü̃ca̱x rü ngexwaca̱xü̃xü̃ i peãxẽ pexü̃́ ngẽxmaxü̃ca̱x. Rü ngẽmaãcü tá nüxü̃ pecua̱x i ta̱xacü nixĩ ya Tupana pexü̃́ naxwa̱xexü̃, rü ta̱xacü nixĩ i nape̱xewa mexü̃, rü ta̱xacü nixĩ i namaxã nataãẽxü̃ rü ta̱xacü nixĩ i aixcüma mexü̃.

Ucu̱xẽgüchiga 30:17

Yíxema tümanatüxü̃ cugüxe, rü tümaégu idauxcüraxü̃xe, rü name i ngurucugü tüxü̃ naca̱u̱xü̃xetü, rü ẽxchagü tüxü̃ nangõ̱xgü.

Romanos 7:12

Natürü yema mugü rü aixcüma naxüüne i Tupanape̱xewa. Rü guxü̃ma i ngẽma Tupana tamaxã nüxü̃ ixuxü̃ rü naxüüne rü nixaixcüma rü name.

Ore i mexü̃ ga Luca ümatüxü̃ 2:51

Rü yexguma ga Ngechuchu rü tümawe nataegu ga Nacharétuwa. Rü guxü̃guma mea tümaga naxĩnüecha. Rü naé ga María rü ngĩãẽwa nagu irüxĩnüecha ga guxü̃ma ga yema ngupetüxü̃.

Yox 33:27

Rü ngẽxguma i nümax i ngẽma duü̃xü̃ rü duü̃xü̃güpe̱xewa tá ñanarügü: “Woo pecadu chaxü, natürü Tupana choxü̃́ nüxü̃ narüngüma rü tama ngẽma choxna üxü̃maxã choxü̃ napoxcu.

Nüxíraxü̃xü̃ ga popera ga Pedru ümatüxü̃ 2:13

Rü name nixĩ nax tórü Cori ya Ngechuchugagu naga pexĩnüexü̃ i guxü̃ma i perü ãẽ̱xgacügü. Rü name nixĩ i naga pexĩnüe ya yimá ãẽ̱xgacü ya Rómawa ngẽxmacü, erü nüma nixĩ i guxü̃ i togü i ãẽ̱xgacügüétüwa nangẽxmaxü̃.

Ochéa 14:9

Rü yíxema cua̱x tüxü̃́ ngẽxmaxe rü yíxema aixcüma tümaãẽxü̃ cuáxe rü name i naga taxĩnü i ñaa ore. Rü ngẽma nacüma ya Cori ya Tupana rü aixcüma nawe̱xgu. Rü ngẽma duü̃xü̃gü i aixcüma naga ĩnüexü̃, rü ngẽma nacümagu naxĩ. Natürü ngẽma tama Tupanaga ĩnüexü̃ca̱x, rü ngẽma nacüma rü wüxi i guxchaxü̃ nixĩ.

Ucu̱xẽgüchiga 30:11

Nangexma i duü̃xü̃gü i nanatümaxã chixexü̃ uegugüxü̃ rü tama naéxü̃ ngechaü̃güxü̃.

Naanearü ügüchiga 28:7

Rü yexgumarüxü̃ ta nüxü̃ nacua̱x nax Acóbu rü Padáü̃-aráü̃wa naxũxü̃, yema nanatü rü naé namaxã nüxü̃ ixuxü̃ãcüma.

Wiyaegü 19:8

Rü Cori ya Tupanaarü ucu̱xẽgü rü aixcüma niwe̱x, rü taãxẽ tüxna naxã. Rü Cori ya Tupanaarü mugü rü taxuwama nachixe, rü cua̱x tüxna naxã.

1 Corintios 15:58

Rü ngẽmaca̱x, Pa Chauenexẽgü ya Pexü̃ Changechaü̃güxex, rü name nixĩ i mea peyaxõgüama rü taguma ípenata̱x i Tupanaarü ore. Rü name nixĩ i guxü̃guma mea penaxü i tórü Coriarü puracü, erü pema nüxü̃ pecua̱x rü ngẽma puracü i nüxü̃́ pexüxü̃, rü tama natüca̱xma nixĩ.

Romanos 16:2

Rü chanaxwa̱xe i mea ngĩxü̃ peyaxu, naégagu ya tórü Cori ya Ngechuchu, erü ngẽma nixĩ i mexü̃ nax penaxüxü̃ namaxã i guxü̃ma i yaxõgüxü̃. Rü chanaxwa̱xe i guxü̃ma i ta̱xacü i ngĩxü̃́ taxuxü̃wa rü ngĩxü̃ perüngü̃xẽxẽ, erü ngĩma rü poraãcü togüxü̃ irüngüxẽxẽ, rü choxü̃ rü ta irüngüxẽxẽ.

Wiyaegü 119:75

Pa Cori Pa Tupanax, choma rü nüxü̃ chacua̱x i ngẽma curü mugü rü meama niwe̱x. Rü tama ícutü i ngẽxguma choxü̃ icuyarüwe̱xãchixẽẽgu.

Naanearü ügüchiga 37:13

Rü yemaca̱x ga nanatü ga Iraé, rü Yúchexü̃ ñatagürü: —¡Paxa cueneegüwe rüxũ rü íyadau i yea Chiquéü̃wa i carnérugüna ínadaugüxü̃wa! —ñatagürü. Rü nüma ga Yúche rü tüxü̃ nangãxü̃ rü ñanagürü: —Marü name, Pa Papax, rü taãẽãcüma tá ngéma chaxũ —ñanagürü.

Yeremía 35:14

Rü ngẽma Recáx nane ga Yonadátanüxü̃ rü meama naga naxĩnüe ga yema mugü ga norü o̱xi namaxã nüxü̃ ixuxü̃ rü tama nayaxaxgü ya bínu. Rü ñu̱xma rü ta tama nayaxaxgü, yerü naga naxĩnüe ga norü o̱xi. Choma rü marü muẽ̱xpü̱xcüna pemaxã nüxü̃ chixu ga chorü mugü, natürü tama naga pexĩnüe.

Neemía 9:13

Yemawena rü ma̱xpǘne ga Chinaígu ícurüxĩ, rü yéma daxũguxü̃ ga naanewa namaxã quidexa, rü yéma cunana ga mugü ga aixcüma mexü̃, rü ngu̱xẽẽtaegü ga aixcüma ixĩxü̃ rü ucu̱xẽgü ga mexü̃.

1 Chamué 17:20

Rü moxü̃ãcü ga nüma ga Dabí rü yexwacax yangóonechaü̃gu rü to ga daruü̃me̱xẽgu tüxü̃ namugü ga guxema nanatüarü carnérugü, rü inaxũãchi. Rü nayana ga yema õna ga nanatü ga Ichaxí nüxna naxü̃. Rü yéma naenexẽgü íyexmagüxü̃wa nangu ga yexguma yema churaragü inaxĩãchichaü̃gu ga Firitéugümaxã nügü nax nada̱i̱xü̃ca̱x. Rü tagaãcü nügü naxãũxũnegü.

Wiyaegü 119:128

Rü ngẽmaca̱x nixĩ i mea naga chaxĩnüxü̃ i curü mugü rü nüxü̃ chaxo i guxü̃ma i nacüma i chixexü̃gü. -17-

Rux 3:5

Rü ngĩma ga Rux rü Noemíxü̃ ingãxü̃ rü ngĩgürügü: —Marü tá chanaxü i guxü̃ma i ngẽma chomaxã nüxü̃ quixuxü̃ —ngĩgürügü.

Yeremía 35:8

Rü toma rü mea naga taxĩnüe i guxü̃ma ga yema mugü ga torü o̱xi ga Yonadá tomaxã nüxü̃ ixuxü̃ nax nagu taxĩxü̃ca̱x, rü taguma tayaxaxü ga bínu rü bai i toma rü bai i toxma̱xgü rü bai i tonegü rü toxocügü.

Yeremía 35:18

Rü nüma ga Yeremía rü yema Recáxtanüxü̃maxã nidexa rü ñanagürü nüxü̃: —Nüma ya Cori ya Guxãétüwa Ngẽxmacü ya Iraétanüxü̃arü Tupana rü ñanagürü: “Ñu̱xma nax mea naga pexĩnüexü̃ i perü o̱xi ga Yonadá rü nagu pexĩxü̃ i norü ucu̱xẽgü rü peyangu̱xẽẽgü ga guxü̃ma ga yema pemaxã nüxü̃ yaxuxü̃,

Naanearü ügüchiga 48:12

Rü yexguma ga nüma ga Yúche rü nayagagachitanü ga yema nanegü ga nanatüã́pü̱xüwa rütogüxü̃. Rü nanatüpe̱xegu nayama̱xãxcuchi ñu̱xmata waixü̃müanewa yaxũcatü.

Naanearü ügüchiga 50:12

Rü yema Acóbu nanegü rü nanaxügü ga guxü̃ma ga yema nanatü namaxã nüxü̃ ixuxü̃ãcüma.