Efesios 5:8 - Tupanaarü Ore

⁸ Rü ü̃pa ga pema rü ẽanexü̃wa pemaxẽ, yerü tama Tupanaxü̃ pecua̱x. Natürü i ñu̱xma nax Cori ya Tupanaxü̃ pecuáxü̃, rü ngóonexü̃wa pemaxẽ. Rü ngẽmaca̱x name i duü̃xü̃gü i ngóonexü̃wa ngẽxmagüxü̃ãcü pemaxẽxü̃.

Efesios 5:8 Referans Kwoze

Ore i mexü̃ ga Cuáü̃ ümatüxü̃ 8:12

Rü wenaxarü duü̃xü̃gümaxã nidexa ga Ngechuchu, rü ñanagürü nüxü̃: —Choma nixĩ i ñoma i naanexarü nangóonexẽẽruxü̃. Rü yíxema chowe rüxũxẽ rü taxũtáma ẽanexü̃wa tangexma rü tá tüxü̃́ nangẽxma i ngóonexü̃ i maxü̃ tüxna ãxü̃ —ñanagürü.

Nüxíraxü̃xü̃ ga popera ga Cuáü̃ ümatüxü̃ 1:7

Natürü ngẽxguma chi Tupanarüxü̃ ngóonexü̃wa imaxẽgu, rü yigütanüxü̃ tixĩgü, rü Tupana Nane ya Ngechuchu rü nagümaxã tüxü̃́ inayanaxoxẽxẽ i guxü̃ma i pecadugü.

Ngechuchuarü ngúexü̃gü ga yamugüxü̃arü puracüchiga 26:18

Rü cuxü̃ chamu nax ngẽma duü̃xü̃güxü̃ choxü̃ cucua̱xẽẽxü̃ca̱x rü nüxü̃ naxoexü̃ca̱x i nacüma i chixexü̃gü rü chauga naxĩnüexü̃ca̱x. Rü cuxü̃ chamu nax Chatanáme̱xẽwa ícunanguxü̃xẽẽxü̃ca̱x i ngẽma duü̃xü̃gü nax chowe naxĩxü̃ca̱x rü choxü̃́ yaxõgüãxü̃ca̱x nax choma nüxü̃́ nüxü̃ icharüngümaxü̃ca̱x i norü pecadugü, rü nüxü̃́ nangẽxmaxü̃ca̱x i nachica natanüwa i guxü̃ma i chorü duü̃xü̃gü i üünegüxü̃”, ñanagürü choxü̃ ga Cori.

Colosenses 1:13

Yerü nüma ga Tupana rü marü Chatanáme̱xẽwa tüxü̃ ínanguxü̃xẽxẽ rü Nane ya nüxü̃ nangechaü̃cüme̱xẽwa tüxü̃ nangẽxmagüxẽxẽ.

Ore i mexü̃ ga Cuáü̃ ümatüxü̃ 12:46

Choma nax nangóonexẽẽruxü̃ chixĩxü̃, rü ñoma i naanewa chaxũ nax guxãma ya texé ya choxü̃́ yaxõgüxe rü tama ẽanexü̃wa tangexmagüxü̃ca̱x.

Efesios 4:18

Erü Chataná rü nanatoãẽgü i ngẽma duü̃xü̃gü nax chixexü̃gu naxĩnüexü̃ca̱x. Rü ngẽmaca̱x nüxü̃́ nataxuma i maxü̃ i taguma gúxü̃ i Tupanawa ne ũxü̃, erü tama nüxü̃ nacua̱xgüchaü̃.

Ore i mexü̃ ga Cuáü̃ ümatüxü̃ 12:36

Rü ñoma rü ta petanüwa changexma rü name nixĩ i paxa choxü̃́ peyaxõgü nax chorü ngóonexü̃wa pengẽxmagüxü̃ca̱x —ñanagürü. Rü yema ñaxguwena rü nüxna nixũgachi ga Ngechuchu. Rü na̱xcha̱xwa tóxnamana naxũ.

Ichaía 9:2

Rü ngẽma Gariréaanecüã̱x ga noxri ẽanexü̃wa yexmagüxü̃ rü nüxü̃ nadaugü ga wüxi ga taxü̃ ga omü ga nangóonexẽẽruxü̃. Rü yema omü rü poraãcü tüxü̃ nangóonetanüxẽxẽ ga guxema ẽanexü̃wa yexmagüxe.

Efesios 2:2

Yerü ga pemax rü nagu pexĩ ga yema chixexü̃ i ñoma i naanecüã̱x i duü̃xü̃gü nagu ĩxü̃. Rü pema rü naga pexĩnüe ga Chataná i ngo̱xogüarü ãẽ̱xgacü ixĩxü̃. Rü nüma nixĩ i nüxü̃́ nangúchaü̃xẽẽãxü̃ nax chixexü̃ naxügüxü̃ca̱x i ngẽma duü̃xü̃gü i tama Tupanaga ĩnüexü̃.

2 Corintios 4:6

Erü nümatama ya Tupana ga noxri naane naxü̱xgux rü ẽanexü̃wa nanango̱xẽxẽ ga ngóonexü̃. Rü nümatama nixĩ i ñu̱xma i tüxü̃ yango̱xnaãẽxẽẽgüxü̃ nax ngẽmawa nüxü̃ icuáxü̃ca̱x nax nüma rü naxüünexü̃. Rü ngẽma norü üüne rü Ngechuchu ya Cristuchiwewa nixĩ i nangóxü̃.

Yeremía 13:16

¡Rü Cori ya Tupanaxü̃ picua̱xüxü̃gü naxü̃pa nax nüma waanexü̃ ínanguxẽẽxü̃ rü naxü̃pa nax yima ma̱xpǘnegü ya waanexü̃wa ngẽxmagünegu peyacaipetütanüxü̃, rü naxü̃pa nax waanexü̃ i ãũcümaxü̃xü̃ yanguxuchixẽxẽãxü̃ i ngẽma ngóonexü̃ i ípenanguxẽxẽxü̃!

Popera ga Títoca̱x naxümatüxü̃ ga Pauru 3:3

Yerü ga ü̃pa ga yixema rü ta rü chixexü̃gu tamaxẽ, rü tama Tupanaga taxĩnüe. Rü itayarütauxe rü naguxü̃raü̃xü̃ i tórü ngúchaü̃ tamaxã inacua̱x. Rü chixexü̃gu rüxĩnüeãcüma tamaxẽ rü taxãũxãchiwa̱xegü. Rü yigütanüwa yigüchi taxaie.

Ore i mexü̃ ga Luca ümatüxü̃ 16:8

Rü norü cori rü nüxü̃ nicua̱xü̃ama ga yema norü duü̃xü̃ ga chixexü̃, yerü nüxü̃ nadau nax nüxü̃ nacua̱xüchixü̃ nax duü̃xü̃güaxü̃́ nangúchaü̃ẽẽãxü̃ ega ta̱xacü naxü̱xgu. Rü pemaxã nüxü̃ chixu rü ñoma i naanecüã̱x i duü̃xü̃gü, rü ngẽma yaxõgüxü̃arü yexera paxa naxca̱x nadaugü nax duü̃xü̃güaxü̃́ nangúchaü̃xẽẽãxü̃ ega ta̱xacü naxü̱xgu.

Ichaía 2:5

Pa Acóbutanüxü̃x i Duü̃xü̃güx, ¡Ngĩxã, Cori ya Tupanaga taxĩnüe rü nüma nanaxwa̱xexü̃ãcüma nagu tamaxẽ i norü ore!

Efesios 6:12

Erü tama duü̃xü̃gü i taxrüxü̃ ãmachixü̃ rü ãxchina̱xãxü̃maxã nixĩ i yigü ida̱i̱xü̃. Natürü ngẽma namaxã yigü ida̱i̱xü̃ nixĩ i Chatanáarü duü̃xü̃gü i ngo̱xogü i chixexü̃gü i poraexü̃. Rü nümagü rü namaxã inacua̱x i ñoma i naanearü chixexü̃gü rü guxü̃wama daxũwa nangẽxmagü rü tüxü̃ narüporamaegüchaü̃.

2 Corintios 3:18

Rü ngẽmaca̱x guxãma i yixema nax Cristuaxü̃́ yaxõgüxü̃ rü ñoma woruarüxü̃ tixĩgü, rü tawa nango̱x nax ñuxãcü namexẽchixü̃ ya tórü Cori, rü ñu̱xma rü nataxuma i ta̱xacü i tüxü̃ idüxüxü̃ naxcha̱xwa. Rü nüma ya tórü Cori i Naãxẽ ya Üünexü̃ ixĩcü, rü guxü̃guma yexeraãcü tüxü̃ nimexẽẽchigü nax naxrüxü̃ imexü̃ca̱x.

2 Corintios 6:14

¡Rü taũtáma namaxã pexãmücü i ngẽma duü̃xü̃gü i tama yaxõgüxü̃! Erü ngẽxguma chi namaxã pexãmücügu rü taxũtáma mea wüxigu perüxĩnüe. ¿Rü ñuxãcü nawüxiguxü̃ i ngẽma mexü̃ namaxã i ngẽma chixexü̃? ¿Rü ñuxãcü nawüxiguxü̃ i ngóonexü̃ namaxã i ẽanexü̃?

1 Corintios 1:30

Rü nümatama ga Tupana nixĩ ga Ngechuchu ya Cristuarü duü̃xü̃güxü̃ pexü̃ yaxĩgüxẽẽxü̃. Rü tatanüwa nanamu ga Cristu nax nüma rü Tupanaarü cua̱x taxca̱x yixĩxü̃ca̱x. Rü Cristugagu nixĩ nax Tupana tüxü̃ dexü̃ rü tüxü̃ yamexẽẽxü̃ nax nape̱xewa ixüünegüxü̃ca̱x rü pecaduwa ínguxü̃xü̃ca̱x.

Romanos 2:19

Rü pema rü ñaperügügü: “Toma rü meama nüxü̃ tacua̱x nax tanaxucu̱xẽxü̃ i ngẽma togü i duü̃xü̃gü i tama Tupanaxü̃ cua̱xgüxü̃. Rü meama nüxü̃ tacua̱x nax itayanawe̱xãchixẽẽxü̃ i ngẽma togü i chixexü̃wa ngẽxmagüxü̃”, ñaperügügü.

Ore i mexü̃ ga Cuáü̃ ümatüxü̃ 1:9

Rü ñoma ga naanewa nangu ya Tupana Nane ya omü ixĩcü ya guxü̃ma i duü̃xü̃güca̱x nangóonexẽẽcü.

Ichaía 49:9

Rü pema rü tá ñaperügü nüxü̃ i ngẽma poxcuexü̃: “¡Marü ípenguxü̃!” ñaperügü tá. Rü ngẽma ẽanexü̃wa ngẽxmagüxü̃ rü tá ñaperügü nüxü̃: “¡Ípechoxü̃ rü nangóonexü̃wa pexĩ!” ñaperügü tá. Pema rü guxü̃ma i namagücüwawa tá nüxü̃ peyangau i mecü ya maxẽ, rü guxü̃ne ya ma̱xpǘnegüwa rü tá nayima ya maxẽ naxca̱x i perü wocagü.

Gálatas 5:25

Rü ñu̱xma nax Tupanaãxẽ ya Üünecü tawa maxü̃xü̃ rü name nixĩ nax nüxna yigü ixãxü̃ nax nüma tamaxã inacuáxü̃ca̱x.

Romanos 1:21

Yerü woo nüxü̃ nacua̱xgüchire̱x nax ñuxãcü yixĩxü̃ ga Tupana, natürü tama nanayauxgüchaü̃ nax norü Tupana yixĩxü̃ca̱x, rü bai nax moxẽ nüxna naxãgüxü̃. Natürü yema taxuwama mexü̃guama narüxĩnüe, rü yemaacü naechitamare namaxẽ rü yexeraãcü chixexü̃gu narüxĩnüe.

Ichaía 49:6

Rü nüma ya Tupana rü ñanagürü: —Choma rü cuxü̃ chamu nax cunanutaque̱xexü̃ca̱x i Acóbuarü duü̃xü̃gü rü nachixü̃aneca̱x cunawoeguxẽẽxü̃ca̱x i ngẽma Iraétanüxü̃. Rü naétü cuxü̃ chamu nax wüxi i omü quixĩxü̃ca̱x naxca̱x i guxü̃ma i nachixü̃anegü. Rü cuxü̃ chamu nax nüxü̃ nüxü̃ cucua̱xẽẽxü̃ca̱x i chorü ore i maxü̃ nüxna ãxü̃ i guxü̃ma i nachixü̃anecüã̱x woo ngẽma yáxü̃wa ngẽxmagüxü̃ —ñanagürü.

Ichaía 42:16

Rü ngẽma ngexetügüxü̃ rü tá chanagagü nawa i namagü i taguma nüxü̃ nacua̱xgüxü̃ rü taguma nagu naxĩxü̃. Rü ngẽma waanexü̃ i nawa namaxẽ rü tá ngóonexü̃xü̃ chayaxĩxẽxẽ. Rü ngẽma naane i chixri i weanexü̃ rü tá mea ichanawe̱xãchianexẽxẽ. Rü guxü̃ma i ngẽma rü tá chanaxü erü tama nüxna chixũgachi i chorü duü̃xü̃gü i Iraétanüxü̃.

Efesios 5:2

Rü name i pegü pengechaü̃gü yema Cristu tüxü̃ ngechaü̃xü̃rüxü̃. Rü nüma rü taxca̱x nügü inaxã rü taxca̱x nayu nax yemaacü Tupanaca̱x wüxi i ãmare i chi̱xemaxü̃ yixĩxü̃ca̱x.

Ngechuchuarü ngúexü̃gü ga yamugüxü̃arü puracüchiga 17:30

Rü nũxcüma ga duü̃xü̃gü rü naechitamare ínatüe, natürü nüma ga Tupana rü namaxã yáxna naxĩnü. Natürü i ñu̱xma ya Tupana rü nanamu i duü̃xü̃gü i guxü̃wama nax naxca̱x nadaugüxü̃. Rü nanamu nax nüxü̃ naxoexü̃ i nacüma i chixexü̃gü.

Wiyaegü 74:20

¡Rü nüxna nacua̱xãchi ga yema curü uneta ga torü o̱xigümaxã cuxüxü̃! Erü ñu̱xma rü ñaa torü nachixü̃ane rü daimaxã nanapá i guxü̃wama.

Ichaía 50:10

Rü pema nax Tupanaxü̃ pemuü̃exü̃ rü norü duü̃xü̃ga pexĩnüexü̃, rü ngẽxguma waanexü̃wa i omü ínataxuxü̃wa pexĩxgu rü ¡Tupanagu perüxĩnüe rü nüxü̃́ peyaxõgü!

Ore i mexü̃ ga Matéu ümatüxü̃ 3:8

¡Rü name nixĩ nax Tupana naxwa̱xexü̃ãcüma pemaxẽxü̃ nax ngẽmaãcü guxü̃ma i duü̃xü̃gü nüxü̃ nadaugüxü̃ca̱x nax aixcüma marü nüxü̃ perüxoexü̃ i ngẽma pecüma i chixexü̃!

Ore i mexü̃ ga Cuáü̃ ümatüxü̃ 12:35

Rü yexguma ga Ngechuchu rü ñanagürü nüxü̃: —Choma rü paxaãchica̱xicatama petanüwa changexma nax ñoma wüxi i omürüxü̃ pexü̃ chabáxixü̃ca̱x. Rü ñoma rü ta petanüwa changexmaxü̃ rü name nixĩ nax choxü̃́ peyaxõgüxü̃ naxü̃pa nax ẽanexü̃wa pengẽxmagüxü̃. Erü yíxema ẽanexü̃wa ngẽxmaxe rü tama nüxü̃ tacua̱x nax ngextá taxuxü̃.

Romanos 13:12

Rü woo nangẽxmagu i taxü̃ i chixexü̃ i ñoma ẽanexü̃rüxü̃ ixĩxü̃, natürü paxa tá ínangu ya Cristu nax nügüxü̃tawa tüxü̃ nagagüxü̃ca̱x. Rü ngẽmaca̱x name nixĩ i nüxü̃ tarüxoe i guxü̃ma i ngẽma chixexü̃ ixĩxü̃ rü nagu taxĩ i Tupanaarü ore i ñoma omürüxü̃ ixĩxü̃.

Colosenses 1:12

Rü ngẽmaãcü penaxwa̱xe nax taãẽãcüma Tanatü ya Tupanana moxẽ pexãgüxü̃, erü nüma pexü̃ nimexẽẽgü nax pema rü ta penayauxgüxü̃ca̱x i ngẽma mexü̃gü i nüma tá nüxna naxãxü̃ i ngẽma norü duü̃xü̃gü ixĩgüxü̃.