Efesios 5:4 - Tupanaarü Ore

⁴ Rü tama name i ta̱xacürü ore i ãũãchixü̃xü̃ pixu, rü ẽ̱xna ta̱xacürü ore i taxuwama mexü̃xü̃ pixu, rü ẽ̱xna dexa i ãũchigaxü̃ i chixexü̃wa nadaxü̃xü̃ pixu. Erü ngẽma ore i chixexü̃gü rü taxuwama name. Rü narümemae nixĩ nax Tupanana moxẽ pexãgüxü̃.

Efesios 5:4 Referans Kwoze

Colosenses 3:8

¡Natürü i ñu̱xma rü nüxü̃ perüxoe i guxü̃ma i ngẽma nax pegüchi pexaiexü̃, rü pegümaxã penuexü̃, rü chixexü̃gu pemaxẽxü̃, rü pegümaxã peguxchigagüxü̃, rü guxü̃ma i ngẽma chixexü̃ i dexa i nüxü̃ pixuxü̃!

Efesios 4:29

Rü tama name i chixexü̃ i oremaxã pidexagü. Rü name i ore i mexü̃maxãxicatama pidexagü nax ngẽma duü̃xü̃gü i pexü̃ ĩnüexü̃ yexeraãcü Tupanaga naxĩnüexü̃ca̱x rü nataãẽgüxü̃ca̱x.

1 Tesalonicenses 5:18

¡Rü woo ta̱xacü pexü̃ ngupetügu, rü Tupanana moxẽ pexãgü! Erü ngẽma nixĩ ya Tupana naxwa̱xexü̃ nax penaxüxü̃ i pema ya Ngechuchu ya Cristuarü duü̃xü̃gü nax pixĩgüxü̃.

Ucu̱xẽgüchiga 15:2

Ngẽma naãẽxü̃ cua̱xgüxü̃ã̱xwa, rü ínaxũxũ i mexü̃ i ore i cua̱x nawa ngẽxmaxü̃, natürü ngẽma naechitamare maxẽxü̃ã̱xwa, rü ínaxũxũ i ore i chixexü̃.

Ngu̱xẽẽtaeruü̃arü ore 10:13

Erü ngẽma ore i namaxã inaxügüãxü̃ rü wüxi i ore i taxuwama mexü̃ nixĩ. Rü ngẽma ore i namaxã iyacuáxü̃ rü wüxi i ngeãẽmare nixĩ.

Norü taxre ga popera ga Pedru ümatüxü̃ 2:18

Rü ngẽma ngu̱xẽẽruü̃netagü rü nügü yacua̱xüü̃güãcüma ore i taxuwama mexü̃maxã nidexagü. Rü tüxü̃ nixucu̱xẽgü nax tümaxü̃nearü ngúchaü̃gu taxĩxü̃ca̱x ya yíxema ngexwaca nüxü̃ rüxoexe i ngẽma chixexü̃ i nacüma.

Popera ga Yudíugü ga yaxõgüxü̃ca̱x ümatüxü̃ 13:15

Rü ngẽmaca̱x tanaxwa̱xe ya Ngechuchu ya Cristuégagu guxü̃guma Tupanaxü̃ ticua̱xüü̃gü. Rü ngẽma nax nüxü̃ icua̱xüü̃güxü̃, rü ngẽma nixĩ i ãmare i mexü̃ i nüxna ixãxü̃. ¡Rü ngĩxã taa̱xmaxã nüxü̃ ticua̱xüü̃gü!

Filipenses 4:6

¡Rü taxuca̱xma penaxĩ̱xãchiãẽgü! ¡Rü perü yumüxẽwa Tupanamaxã nüxü̃ pixu i guxü̃ma i ngẽma pexü̃ ngupetüxü̃! ¡Rü naxca̱x ípeca rü moxẽ nüxna pexã!

Popera ga Yúda ümatüxü̃ 1:10

Natürü ngẽma duü̃xü̃gü i doramaxã petanügu chocuxü̃, rü chixri nachiga nidexagü i ngẽma tama nüxü̃ nacuáxü̃. Rü ngẽma chixexü̃ i nüxü̃ nacuáxü̃ rü ñoma naeü̃gü i tama naãxẽxü̃ icuáxü̃rüxü̃, nagu namaxẽ. Natürü ngẽma chixexü̃ca̱x, rü Tupana tá nanapoxcue.

2 Corintios 9:15

Rü ngẽmaca̱x i ñu̱xma rü Tupanana moxẽ taxã, yerü tüxna nanamu ga Nane nax tórü ãmare yixĩxü̃ca̱x. Rü nataxuma i ore i nagu mexü̃ nax nüxü̃ ixuxü̃ca̱x nax ñuxãcü namaxã itaãẽgüxü̃ i ngẽma ãmare ya Tupana tüxna ãxü̃.

Wiyaegü 92:1

Pa Corix ya Guxãétüwa Ngẽxmacüx, name nixĩ nax moxẽ cuxna taxãgüxü̃ rü torü wiyaemaxã cuxü̃ ticua̱xüü̃güxü̃.

Popera ga Yúda ümatüxü̃ 1:13

Rü ñoma yuape i taxü̃ i norü chixixü̃ i ãũãchixü̃ naxãnacüwa yatáxü̃rüxü̃ nixĩgü, rü ngẽma naxügüxü̃ rü taxü̃ i norü ãne nixĩ. Rü ñoma woramacurigü ya nu ne naxĩmarecürüxü̃ nixĩgü. Natürü Tupana rü marü ngẽma duü̃xü̃gümaxã nanaxuegu nax ngẽma waanexü̃chixü̃wa guxü̃gutáma nawogüãxü̃.

2 Corintios 1:11

Natürü tanaxwa̱xe i pema rü perü yumüxẽmaxã toxü̃ perüngü̃xẽxẽ. Rü ngẽxguma ngẽmaãcü penaxü̱xgux, rü muxü̃ma i duü̃xü̃gü rü tá Tupanana moxẽ naxãgü naxca̱x i ngẽma ngü̃xẽxẽ i nüma toxna naxãxü̃.

Romanos 1:28

Rü yema nax tama Tupanaxü̃ nacua̱xgüchaü̃xü̃, rü yemaca̱x ga nüma ga Tupana rü düxwa nanayexrü ga yema duü̃xü̃gü nax norü chixexü̃gu naxĩnüexü̃ca̱x rü naxügüã̱xü̃ca̱x ga yema chixexü̃.

Ucu̱xẽgüchiga 12:23

Ngẽma duü̃xü̃ i naãẽxü̃ cuáxü̃, rü tama nügü nicua̱xüxü̃ namaxã i norü cua̱x, natürü ngẽma duü̃xü̃ i naechita maxü̃xü̃, rü nanango̱xẽxẽ nax tama naãẽxü̃ nacuáxü̃.

Norü taxre ga popera ga Pedru ümatüxü̃ 2:7

Natürü Tupana nanamaxẽxẽ ga Lox ga wüxi ga yatü ga mecü ixĩcü ga poraãcü ngechaü̃cü ga yexguma nüxü̃ nada̱u̱xgu ga ñuxãcü chixexü̃ naxügüxü̃ ga yema duü̃xü̃gü ga natanüwa nayexmaxü̃.

Wiyaegü 33:1

Rü pemax, Pa Duü̃xü̃gü i Tupanaga Ĩnüexü̃x ¡rü nüxü̃ picua̱xüü̃gü! Erü ngéma mexü̃gu rüxĩnüexü̃, rü name nax Cori ya Tupanaxü̃ yacua̱xüü̃güxü̃.

Popera ga Filemúü̃ca̱x naxümatüxü̃ ga Pauru 1:8

Rü ngẽmaca̱x nangẽxma i wüxi i ngü̃xẽxẽ i cuxü̃tawa naxca̱x íchacaxchaü̃xü̃. Rü Cristu nixĩ ya choxü̃ mucü rü ngẽmaca̱x choxü̃́ nangẽxma i pora nax cuxü̃ chamuxü̃ nax cunaxüxü̃ca̱x i ngẽma ngü̃xẽxẽ i tá cumaxã nüxü̃ chixuxü̃.

1 Tesalonicenses 3:9

¿Rü ñuxãcü tá Tupanana moxẽ taxã naxca̱x i ngẽma taãxẽ i taxü̃ i toxna pexãxü̃? Erü aixcüma pegagu nixĩ i toxü̃́ nangẽxmaxü̃ i wüxi i taãxẽ i taxü̃ i nape̱xewa ya Tupana.

Ore i mexü̃ ga Cuáü̃ ümatüxü̃ 6:23

Rü yexguma yemagu ínaxĩnüeyane, rü yoxocüne ínangugü ga náigü ga ngue ga itaxü̃ne ga ĩane ga Tibériawa ne ĩxü̃ne. Rü norü ngaicamana nangugü ga yema nachica ga ngextá Ngechuchu ínachibüexẽẽxü̃wa ga yema muxü̃ma ga duü̃xü̃gü ga yexguma moxẽ inaxãxgu naxca̱x ga yema paũ.

Danié 6:10

Rü yexguma Danié nüxü̃ cua̱xgu nax nüma ga ãẽ̱xgacü rü marü nügü nagu nawǘégaxü̃ ga yema mu, rü napatawa naxũ rü nayawãxna ga norü ucapuarü beü̃tánagü ga Yerucharéü̃ íyexmaxü̃waama ügüxü̃. Rü wüxichigü ga ngunexü̃gu rü tomaepü̱xcüna inacaxã́pü̱xü nax Tupanana moxẽ naxãxü̃ca̱x rü namaxã yadexaxü̃ca̱x aixrügumarüü̃tama.