Efesios 5:25 - Tupanaarü Ore

²⁵ Rü pemax, Pa Yatügüx, rü name i pema̱xü̃ pengechaü̃gü, yema nax Cristu guxü̃ma i yaxõgüxü̃xü̃ nangechaü̃xü̃ rü norü maxü̃ naxca̱x inaxãxü̃rüxü̃.

Efesios 5:25 Referans Kwoze

Nüxíraxü̃xü̃ ga popera ga Pedru ümatüxü̃ 3:7

Rü ngẽxgumarüxü̃ ta i pemax, Pa Yatügüx, rü name nixĩ i mea pexma̱xü̃ pengechaü̃gü rü yáxna ngĩmaxã pexĩnüe, erü ngĩma rü irüturamae. Rü name nixĩ i ngĩmaxã petaãẽgü erü Tupana pexna naxãxü̃rüxü̃ ngĩxna nanaxã i maxü̃ i taguma gúxü̃. Rü name nixĩ i ngẽmaãcü mea ngĩxü̃ pengechaxü̃gü nax taxuxü̃ma yatoxyepe̱xexü̃ca̱x i perü yumüxẽgü.

Colosenses 3:19

Pa Yatügü i Ãma̱xgüxü̃x, rü name nixĩ i ngĩxü̃ pengechaü̃gü i pema̱xgü. Rü tama name nax ngĩmaxã pechixecümagüxü̃.

Efesios 5:28

Rü yema nax Cristu tüxü̃ nangechaü̃xü̃rüxü̃, rü wüxichigü ya yatü rü nanaxwa̱xe nax naxma̱xü̃ nangechaü̃xü̃ ñoma nügüxü̃nexü̃ nax nangechaü̃xü̃rüxü̃. Rü yíxema tümama̱xü̃ ngechaü̃xe rü tügütama nixĩ i tangechaü̃xü̃.

Naanearü ügüchiga 2:24

Rü ngẽmaca̱x ya yatü, rü tá nanatüna rü naéna nixũgachi nax naxma̱xmaxã wüxiwa nangẽxmagüxü̃ca̱x, rü ñoma wüxitama i duü̃xü̃rüxü̃ yixĩgüxü̃ca̱x i ngẽma taxre.

Efesios 5:33

Natürü ngẽma ore rü pechiga ta nixĩ. Rü wüxichigü i pema i yatügü rü name nixĩ i pema̱xü̃ nax pengechaü̃xü̃ ngẽma pegütama nax pengechaü̃xü̃rüxü̃. Rü ngẽxgumarüxü̃ ta i pemax, i ngexü̃gü rü penaxwa̱xe i petega pexĩnüe.

Efesios 5:2

Rü name i pegü pengechaü̃gü yema Cristu tüxü̃ ngechaü̃xü̃rüxü̃. Rü nüma rü taxca̱x nügü inaxã rü taxca̱x nayu nax yemaacü Tupanaca̱x wüxi i ãmare i chi̱xemaxü̃ yixĩxü̃ca̱x.

Gálatas 1:4

Rü nüma ga tórü Cori ya Ngechuchu rü nügü inaxã nax tórü pecaduca̱x nayuxü̃ca̱x nax nüxna tüxü̃ ínanguxü̃xẽẽxü̃ca̱x i guxü̃ma i ñoma i naanearü chixexü̃, yerü yema nixĩ ga nanaxwa̱xexü̃ ga Tanatü ya Tupana.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:5

Rü ngẽxgumarüxü̃ ta chanaxwa̱xe nax pexü̃ nangü̃xẽẽxü̃ rü pexü̃ nataãẽxẽẽxü̃ ya Ngechuchu ya Cristu ga meama nüxü̃ ixucü ga Tupanachiga ga ñoma ga naanewa. Rü nüma nixĩ ga nüxíra yuwa ínadaxü̃. Rü nüma nixĩ i namaxã inacuáxü̃ i guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü. Rü nüma rü tüxü̃ nangechaü̃, rü nagümaxã tüxü̃́ inayanaxoxẽxẽ i tórü pecadugü.

Gálatas 2:20

Rü choma rü wüxigu Cristumaxã curuchawa chipota. Rü ñu̱xma rü marü tama chaugümaxãtama ichacua̱x, natürü Cristu nixĩ ya chomaxã icuácü erü chowa namaxü̃. Rü ñu̱xma rü Tupana Nane ya Cristuaxü̃́ chayaxõõcüma nixĩ i chamaxü̃xü̃. Rü nüma nixĩ ga choxü̃ nangechaü̃xü̃, rü nügü inaxãxü̃ nax cha̱u̱xca̱x nayuxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:9

Rü nagu nawiyaegü ga wüxi ga wiyae ga yexwaca̱xüxü̃ ga ñaxü̃: “Cuma nixĩ i cumexü̃ nax cunayaxuxü̃ i ngẽma popera rü cuyagáutanüxü̃ i ngẽma norü ñaxtachipe̱xexü̃. Yerü cuma rü marü quima̱xchire̱x, rü cugümaxã Tupanaaxü̃́ naxca̱x cutaxe i naguxü̃raü̃xü̃ i duü̃xü̃gütücumü rü naguxü̃raü̃xü̃ i duü̃xü̃gü i to i nagawa idexagüxü̃ rü naguxü̃raü̃xü̃ i ĩanegücüã̱x rü naguxü̃raü̃xü̃ i nachixü̃anecüã̱x.

Naanearü ügüchiga 24:67

Rü yexguma ga Ichaá rü tauxeta norü mama ga Chárachiü̃wa Rebécaxü̃ naga, rü ngĩmaxã naxãxma̱x. Rü nüma ga Ichaá rü poraãcü ngĩxü̃ nangechaü̃, rü yemaacü nüxü̃́ inarüxo ga naéca̱x nax nangechaü̃xü̃.

Ore i mexü̃ ga Matéu ümatüxü̃ 20:28

Yerü Tupana Nane ya duü̃xü̃xü̃ ixĩcü rü tama nüxü̃ nangü̃xẽẽgüxü̃ca̱x núma naxũ. Natürü núma naxũ nax duü̃xü̃güxü̃ yanangü̃xẽẽxü̃ca̱x rü naxca̱x inaxããxü̃ca̱x i norü maxü̃, nax ngẽmaãcü muxü̃ma i duü̃xü̃güarü maxü̃ naxütanüxü̃ca̱x —ñanagürü.

Ngechuchuarü ngúexü̃gü ga yamugüxü̃arü puracüchiga 20:28

Rü ngẽmaca̱x i ñu̱xma rü penaxwa̱xe nax pexuãẽgüxü̃ rü mea nüxna pedaugüxü̃ i guxü̃ma i yaxõgüxü̃ i petanüwa ngẽxmagüxü̃. Erü ngẽma nixĩ i Tupanaãxẽ ya Üünecü nagu pexü̃ mugüxü̃ nax nüxna pedaugüxü̃ca̱x i ngẽma Tupanaarü duü̃xü̃gü i yaxõgüxü̃ ya Ngechuchu nagümaxãtama naxca̱x taxexü̃.

Ore i mexü̃ ga Cuáü̃ ümatüxü̃ 6:51

Chomatama nixĩ i paũ i maxẽxẽxẽruxü̃ i daxũwa ne chaxũxü̃. Rü texé ya ñaa paũ ngṍxe rü guxü̃gutáma namaxecha. Erü ngẽma paũ i choma tüxna chaxãxü̃ rü chaxunetama nixĩ. Rü ichanaxã i chaxune nax namaxẽxü̃ca̱x i ñoma i naanecüã̱x i duü̃xü̃gü —ñanagürü ga Ngechuchu.

2 Chamué 12:3

Natürü ga yema ngearü yemaxü̃ã́xü̃ rü wüxitama ga carnéruxacü nüxü̃́ tayexma ga tümaca̱x nataxexe. Rü nümatama tüxü̃ nayaxẽxẽ ga guxema carnéruxacü, rü naxü̃tawa rü nanegüxü̃tawa taya. Rü yematama õna ga tümaarü yora ngṍxü̃ tangõ̱x rü naxpáü̃watama taxaxe, rü nügüxü̃ta tüxü̃ napexẽxẽ. Rü nüma ga gumá yatü tüxü̃ nangechaü̃ ñoma naxacüxü̃ nangechaü̃xü̃rüxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:6

Rü nüma ga Ngechuchu rü nügü inaxã rü nayu nax guxü̃ i duü̃xü̃güxü̃ naxütanüxü̃ca̱x nax Tupanaxü̃tawa nangugüxü̃ca̱x. Rü yexguma Ngechuchu yu̱xgu nixĩ ga Tupana yanguxẽẽxü̃ ga yema ü̃paacü nüxü̃ yaxuxü̃ rü tá duü̃xü̃güxü̃ namaxẽxẽxẽxü̃.

Efesios 5:24

Rü ngẽxgumarüxü̃ nax Cristume̱xẽwa nangẽxmagüxü̃ i ngẽma yaxõgüxü̃, rü ngẽxgumarüxü̃ ta i ngẽma ngexü̃gü rü name nax guxü̃guma natega naxĩnüexü̃.

Charumóü̃arü wiyae 1:11

Rü cuxü̃́ tá tanaxü i naxmachinügü i úirunaxca̱x i diẽrumümaxã nga̱xãẽxü̃.