Efesios 5:24 - Tupanaarü Ore

²⁴ Rü ngẽxgumarüxü̃ nax Cristume̱xẽwa nangẽxmagüxü̃ i ngẽma yaxõgüxü̃, rü ngẽxgumarüxü̃ ta i ngẽma ngexü̃gü rü name nax guxü̃guma natega naxĩnüexü̃.

Efesios 5:24 Referans Kwoze

Efesios 5:33

Natürü ngẽma ore rü pechiga ta nixĩ. Rü wüxichigü i pema i yatügü rü name nixĩ i pema̱xü̃ nax pengechaü̃xü̃ ngẽma pegütama nax pengechaü̃xü̃rüxü̃. Rü ngẽxgumarüxü̃ ta i pemax, i ngexü̃gü rü penaxwa̱xe i petega pexĩnüe.

Popera ga Títoca̱x naxümatüxü̃ ga Pauru 2:7

¡Rü cumax, Pa Títox, rü name i mea nape̱xewa cumaxü̃ i guxü̃ma i ngẽma yaxõgüxü̃ nax ngẽmaãcü wüxi i norü cua̱xruxü̃ i mexü̃ quixĩxü̃ca̱x! Rü ngẽxguma cunangúexẽẽgu, rü cunaxwa̱xe i mexü̃gu curüxĩnüãcüma cunangúexẽxẽ rü tama ĩnücaãcüma namaxã nüxü̃ quixu i ngẽma ore.

Colosenses 3:20

Pa Buxü̃güx, rü name nixĩ i guxü̃wama penatü rü peéga pexĩnüe, erü ngẽma nixĩ i namaxã nataãẽxü̃ ya tórü Cori.

Popera ga Títoca̱x naxümatüxü̃ ga Pauru 2:9

¡Rü meama yaxucu̱xẽgü i ngẽma yaxõgüxü̃ i mugüruxü̃ ixĩgüxü̃! ¡Rü namaxã nüxü̃ ixu nax guxü̃guma mea norü coriga naxĩnüexü̃ca̱x, rü norü corimaxã namecümagüxü̃ca̱x, rü taguma norü corixü̃ nachoxü̃gagüxü̃ca̱x!

Colosenses 3:22

Pa Duü̃xü̃güx i Coriã̱xgüxü̃x, rü name nixĩ i guxü̃wama naga pexĩnüe i perü corigü i ñoma i naanewa pemaxã icua̱xgüxü̃. Rü tama name i pexü̃ nadaugüguxicatama mea pepuracüe nax ngẽmaãcü penataãẽxẽẽxü̃ca̱x. Natürü name nixĩ i mexü̃ i perü ngúchaü̃maxã mea pepuracüe erü tórü Cori ya Tupanaxü̃ pemuü̃e.

Ínachoxü̃xü̃chiga 29:35

Rü guxü̃ma i ngẽma rü tá Aróü̃ rü nanegümaxã cunaxü ngẽma choma cumaxã nüxü̃ chixuxü̃ãcü. ¡Rü 7 i ngunexü̃ naxca̱x ínaxüxüchi nax cunaxüxü̃ca̱x i Aróü̃ rü nanegüarü ngucuchichiga nawa i chorü puracü!

Ínachoxü̃xü̃chiga 23:13

¡Rü peyangu̱xẽxẽ i guxü̃ma i ngẽma pemaxã nüxü̃ chixuxü̃! Rü tama chanaxwa̱xe nax ñuxgu tá pea̱xwa nüxü̃ chaxĩnüxü̃ i ta̱xacürü tupananetagüéga.

Ore i mexü̃ ga Luca ümatüxü̃ 10:17

Rü taãẽãcüma nawoegu ga yema 72 ga norü ngúexü̃gü ga yamugüxü̃. Rü ñanagürügü nüxü̃: —Pa Corix, ngẽxguma cuégagu tidexagügu, rü aixrüxü̃ i ngo̱xogü rü toga naxĩnüe —ñanagürügü.

Efesios 5:23

Erü nüma ya yatü rü naxma̱xeru nixĩ, ngẽxgumarüxü̃ ya Cristu nax guxü̃ma i yaxõgüxü̃eru nax yixĩxü̃. Rü ngẽma yaxõgüxü̃ rü Cristuxü̃ne nixĩgü, rü Cristu rü norü Maxẽxẽẽruxü̃ nixĩ.

Efesios 5:25

Rü pemax, Pa Yatügüx, rü name i pema̱xü̃ pengechaü̃gü, yema nax Cristu guxü̃ma i yaxõgüxü̃xü̃ nangechaü̃xü̃ rü norü maxü̃ naxca̱x inaxãxü̃rüxü̃.