Efesios 5:18 - Tupanaarü Ore

¹⁸ Rü tama name i pengãxẽ, erü ngẽma rü chixexü̃wa tüxü̃ nagagü i ngẽxguma ngẽmaãcü imaxẽgu. Natürü name nixĩ i Tupanaãẽ i Üünexü̃na pegü pexãgü nax pewa nangẽxmaxü̃ca̱x rü pemaxã inacuáxü̃ca̱x.

Efesios 5:18 Referans Kwoze

Ucu̱xẽgüchiga 20:1

Yimá ngúcü ya bínu rü duü̃xü̃güxü̃ nuxica naxuegaxẽxẽ. Rü ngẽma ngúxü̃ i nacuchíxügü rü duü̃xü̃güxü̃ nanuexẽxẽ. Rü ngẽxguma nangãxegu rü taxúema tümaãẽxü̃ tacuáãcüma tidexa.

Romanos 13:13

Rü ngĩxã mexü̃ taxügü rü Tupana naxwa̱xexü̃ãcüma tamaxẽ. Rü tama namaxã taxãmücü i ngẽma duü̃xü̃gü i naxügüxü̃ i taxü̃ i petagü i nawa naxãũgatanüxü̃ rü nangãxexü̃. Rü tama taxünearü ngúchaü̃we tarüxĩ, rü tama to i chixexü̃ taxügü, rü bai nax yigü ichoxü̃gagüxü̃, rü bai i ixauxãchiwa̱xexü̃.

Ore i mexü̃ ga Luca ümatüxü̃ 1:15

Erü yimá cune rü Tupanape̱xewa rü tá wüxi ya tachigacü nixĩ. Rü taxũtáma bínu nayaxaxü, rü taxuxü̃ma i to i ta̱xacürü ngúchi̱xáxü̃ tá nixaxü. Rü naxü̃pa nax nabuxü̃ rü Tupanaãxẽ ya Üünecü rü tá nawa nangẽxma.

Ichaía 5:22

¡Rü pegümaxã pengechaü̃gü erü taxúema pemaxã tawüxigu i bínuarü axwa, rü taxúema pemaxã tawüxigu i dearü üwa!

1 Corintios 5:11

Natürü yexguma pemaxã nüxü̃ chixuxgu nax tama namaxã pexãmücügüxü̃ i ngẽma duü̃xü̃gü i chixexü̃gu maxẽxü̃, rü nachiga chidexa i ngẽma duü̃xü̃ i nügü ixuxü̃ nax peenexẽgü i yaxõxü̃ nax yixĩxü̃, natürü nai i ngexü̃maxã maxü̃xü̃, rüe̱xna aüxü̃, rüe̱xna tupananetachicüna̱xãxü̃ icua̱xüü̃xü̃, rüe̱xna oregüta̱a̱xü̃, rüe̱xna ngãxẽwa̱xexü̃, rüe̱xna ngĩ́ta̱xaxü̃. Rü ngẽma duü̃xü̃gü nixĩ i pemaxã nüxü̃ chixuxü̃ nax tama namexü̃ nax namaxã pexãmücügüxü̃ rü bai i namaxã nax pechibüexü̃.

Ngechuchuarü ngúexü̃gü ga yamugüxü̃arü puracüchiga 11:24

Yerü nüma ga Bernabé rü wüxi ga yatü ga mecü nixĩ. Rü aixcüma Tupanaãxẽ ya Üünecü rü nawa nayexma. Rü nüma rü napora ga norü õwa. Rü muxũchixü̃ma ga duü̃xü̃gü rü Cori ya Ngechuchuca̱x naxĩ rü nüxü̃́ nayaxõgü.

1 Tesalonicenses 5:7

Erü ngẽma duü̃xü̃gü i naechitamare maxẽxü̃ rü ñoma duü̃xü̃gü i chütacü peexü̃rüxü̃ nixĩgü. Rü ngẽma duü̃xü̃gü i axegüxü̃ rü chütacü nixĩ i nügü nangãxẽxẽẽxü̃.

Ore i mexü̃ ga Luca ümatüxü̃ 12:45

Natürü ngẽxguma chi ngẽma duü̃xü̃ nagu rüxĩnügu rü norü cori rü tama paxa nax ínanguxü̃, rü inaxügüãgu nax chixri namuaxü̃ i natanüxü̃ i yatüxü̃gü rü ngexü̃gü, rü peta naxü̱xgu rü nachibügu, rü naxaxegu, rü nügü nangãxẽẽgu, rü ngürüãchi ngẽma ngunexü̃ rü ngẽma ora i tama nagu ínangu̱xẽẽãxü̃gu tá ínangu i norü cori. Rü poraãcüxüchi tá nanapoxcu namaxã i ngẽma poxcu i ngẽma tama yaxõgüxü̃xü̃ namaxã napoxcuxü̃.

Ore i mexü̃ ga Luca ümatüxü̃ 11:13

Rü pema nax pichixecümachiréxü̃ rü nüxü̃ pecua̱x nax mexü̃ i ãmare pexacügüna pexãxü̃. Natürü Penatü ya Dauxü̃gucü rü ngẽmaarü yexera i memaexü̃ tá inaxã, rü tá tüxna nanamu i Naãxẽ ya Üünexü̃ ya yíxema naxca̱x íca̱xe —ñanagürü ga Ngechuchu.

Popera ga Títoca̱x naxümatüxü̃ ga Pauru 1:6

Rü ngẽma yaxõgüxü̃arü ãẽ̱xgacü, rü name i mea namaxü̃ nax taxúema chixri nachiga idexagüxü̃ca̱x. Rü name i wüxitama tixĩ ya naxma̱x. Rü naxacügü rü name nax yaxõgüãxü̃ rü mea namaxẽxü̃ nax taxúema nüxü̃ ixuxü̃ca̱x nax tama nanatüga naxĩnüexü̃ rü chixri namaxẽxü̃.

Ore i mexü̃ ga Luca ümatüxü̃ 21:34

¡Pexũãxẽgü nax tama ta̱xacürü chixexü̃gagu düxwa nüxü̃ perüxoexü̃ nax peyaxõgüxü̃! Rü ngẽmaca̱x penaxwa̱xe nax pegüna pedaugüxü̃ nax tama pengãxẽxü̃ rüẽ̱xna ñoma i naanearü ngúchaü̃gu perüxĩnüexü̃. Erü ngürüãchi ngẽmagu íperüxĩnüeyane tá íchangu.

Ichaía 55:1

Cori ya Tupana rü ñanagürü: —¡Guxãma ya texé ya ita̱xawaexe rü nua taxĩ rü tayaxaxegü! ¡Rü yíxema ngearü diẽruã̱xgüxe rü nua taxĩ rü trigu rü bínu rü lechica̱x tadaugü rü ngetanüãcü tanangõ̱xgü rü taxaxegü!

Wenaxarü naxümatü ga Tupanaarü mugü 21:20

Rü ñatagürügü tá: “Ñaa tone rü tama toga naxĩnüchaü̃ rü nanuama rü taxuwama toga naxĩnüchaü̃, rü nüma rü chixexü̃arü üruxü̃ nixĩ rü nangãxwa̱xe”, ñatagürügü.

1 Corintios 11:21

Erü ngẽxguma penangõ̱xgu i ngẽma Õna i Üünexü̃ rü wüxichigü rü peñuxãẽgü nax pexíra nax penayaxuxü̃ca̱x i ngẽma õna. Rü yoxni i ngẽma togü rü ngẽxma nataiyae, rü togü rü nayaxaxgü ya bínu ñu̱xmata nangãxe.

Charumóü̃arü wiyae 1:4

¡Rü paxãma cugüxü̃tawa choxü̃ naga! ¡Pa Ãẽ̱xgacüx, curü ucapuwa choxü̃ naga! Rü ngéma rü tá wüxigu tataãẽgü. Rü curü meãxẽ rü namaxã tataãẽgü bínuarü yexera. Rü ngẽmaca̱x nixĩ i ngexü̃gü i poraãcü nüxü̃́ cungúchaü̃güxü̃.

Naanearü ügüchiga 9:21

Rü wüxi ga ngunexü̃gu rü nayaxaxü ga bínu rü namaxã nangãxü̃ rü ngexchiruãcü napatachiü̃arü ngãxü̃gu nayangu.

Ore i mexü̃ ga Matéu ümatüxü̃ 23:25

Pa Ngúexẽẽruü̃gü i Mugüwa Ngu̱xẽẽtaegüxü̃ rü Pa Parichéugüx, pema rü duü̃xü̃güpe̱xewa mea pemaxẽneta. Rü wüxi i ngechaü̃ nixĩ i pexca̱x, erü ñoma wüxi i axepáü̃ rüe̱xna wüxi ya poratu i düxétüwaxicatama mexü̃rüxü̃ pixĩgü. Rü pema rü perü düxétüxü̃newaxicatama pegü pimexẽxẽ, natürü perü maxü̃wa rü poraãcü pichixe. Erü penawomüxẽẽãcüma naxca̱x pengĩ̱x i duü̃xü̃güarü ngẽmaxü̃gü, rü pegüguxicatama perüxĩnüe.

Ichaía 25:6

Rü nüma ya Cori ya Tupana rü ma̱xpǘne ya Chióü̃wa tá guxü̃ma i duü̃xü̃gü i ñoma i naanewa maxẽxü̃ca̱x nanaxü i wüxi i õna i taxü̃. Rü ngẽma õna rü maixcuraxü̃ i chi̱xichixü̃ rü bínu ya marü ñuxgumama ixügücü rü namachi i chíxü̃ rü bínu ya rümemaegücümaxã naxca̱x nanamexẽxẽ.

Wiyaegü 69:12

Rü duü̃xü̃gü rü ĩanearü plazawa chauchiga nidexagü rü ngẽma ngãxẽxü̃ rü chaugu nawiyaegü.

Charumóü̃arü wiyae 7:9

Rü ngẽma cua̱x rü ñoma mecü ya bínurüxü̃ nixĩ. Rü ngẽma curü chúxu rü ñoma bínu ya mexẽchicürüxü̃ nixĩ. Rü yimá bínu rü name i cuberawa rü cupütatanüwa ne naya̱x.

Ore i mexü̃ ga Cuáü̃ ümatüxü̃ 2:10

Rü ñanagürü nüxü̃: —Guxü̃ i naanewa rü duü̃xü̃gü rü noxri rü namaxã nabae ya mecü ya bínu. Rü ngẽxguma marü meama guxü̃ma axegügu i ngẽma nüxna naxuxü̃, rü ngẽmawena rü nüxna nanaxã ya ngexcürüücümare ya bínu. Natürü i cuma rü marü nagúxchaü̃gu i peta, rü mexẽchicü ya bínumaxãtama cuyaxaxegüxẽxẽ i duü̃xü̃gü —ñanagürü.