Efesios 5:16 - Tupanaarü Ore

¹⁶ ¡Rü ñu̱xma nax Tupana pexü̃́ natauxchaxẽẽxü̃ rü peyoxniẽ nax penaxüxü̃ i ngẽma nüma nanaxwa̱xexü̃! Erü ñomaü̃cüü rü muxü̃ma i chixexü̃gü ínangugü.

Efesios 5:16 Referans Kwoze

Colosenses 4:5

¡Rü mea pemaxẽ nape̱xewa i ngẽma duü̃xü̃gü i tama yaxõgüxü̃! ¡Rü ñu̱xma nax pexü̃́ natauxchaxü̃, rü peyoxniẽ nax paxa penaxüxü̃ i Tupanaarü puracü! ¡Rü taxṹ i perüchomarexü̃!

Amúx 5:13

Rü ngẽmaca̱x ya yíxema tümaãẽxü̃ cuáxe rü tangeã̱xmare erü ñomaü̃cüxü rü nataxüchi i chixexü̃.

Ore i mexü̃ ga Cuáü̃ ümatüxü̃ 12:35

Rü yexguma ga Ngechuchu rü ñanagürü nüxü̃: —Choma rü paxaãchica̱xicatama petanüwa changexma nax ñoma wüxi i omürüxü̃ pexü̃ chabáxixü̃ca̱x. Rü ñoma rü ta petanüwa changexmaxü̃ rü name nixĩ nax choxü̃́ peyaxõgüxü̃ naxü̃pa nax ẽanexü̃wa pengẽxmagüxü̃. Erü yíxema ẽanexü̃wa ngẽxmaxe rü tama nüxü̃ tacua̱x nax ngextá taxuxü̃.

Efesios 6:13

Rü ngẽmaca̱x name nixĩ i penayauxgü i guxü̃ma i ngẽma poxü̃ruü̃gü ya Tupana pexna ãxü̃, nax ngẽmaãcü pegü ípepoxü̃xü̃ca̱x i ngẽxguma ngẽma naãxẽgü pexü̃ nachixexẽẽchaü̃gu. Rü ngẽmaãcü taxũtáma pemaxã tapora i ngẽma naãxẽgü i chixexü̃ rü tá nüxü̃ perüporamaegü.

Gálatas 6:10

Rü ngẽmaca̱x ngẽxguma tüxü̃́ natauxchagu nax ta̱xacümaxã togüxü̃ rüngü̃xẽẽxü̃, rü name nixĩ i guxãxü̃ma tarüngü̃xẽxẽ. Natürü yexera tanaxwa̱xegü nax nüxü̃ rüngü̃xẽẽgüxü̃ i ngẽma taenexẽgü rü taeya̱xgü i yaxõgüxü̃.

Ngu̱xẽẽtaeruü̃arü ore 12:1

Rü ñu̱xma nax cungextü̱xüxü̃, rü ¡nüxna nacua̱xãchi ya yimá Tupana ya cuxü̃ ngo̱xẽẽcü ñoma rü ta taxũta ínangugü i ngunexü̃gü i guxchaxü̃gü namaxã napaxü̃! Erü tá cuxca̱x ínangugü i ngunexü̃gü i nagu ñacuxü̃: —Rü taxuwama choxü̃́ name nax chamaxü̃xü̃ —ñacuxü̃.

Romanos 13:11

Rü name nixĩ i penaxü i ngẽma mexü̃ ixĩxü̃ erü paxa naxüpetü i ngẽma ngunexü̃gü i nagu imaxẽxü̃. Rü name nixĩ i pegü ípemexẽxẽ rü paxa penaxü i tórü Coriarü puracü. Erü ñu̱xma rü yema noxri yaxõgüguarü yexera ningaicamachigü i ngẽma ngunexü̃ i nagu tá taxca̱x nataeguxü̃ ya tórü Cori.

Ngu̱xẽẽtaeruü̃arü ore 9:10

Rü guxü̃ma i ngẽma puracü i nüxü̃ cucuáxü̃ nax cunaxüxü̃, ¡rü mea naxü! Erü ngẽxguma cuyu̱xgu rü tauquewa cungexmagu, rü taxuxü̃ma cuxü rü taxuguma curüxĩnü erü ngéma rü nataxuma i ta̱xacürü cua̱x.

Gálatas 1:4

Rü nüma ga tórü Cori ya Ngechuchu rü nügü inaxã nax tórü pecaduca̱x nayuxü̃ca̱x nax nüxna tüxü̃ ínanguxü̃xẽẽxü̃ca̱x i guxü̃ma i ñoma i naanearü chixexü̃, yerü yema nixĩ ga nanaxwa̱xexü̃ ga Tanatü ya Tupana.

1 Corintios 7:26

Rü ngẽma ñu̱xma nüxü̃ idauxü̃ i guxchaxü̃gügagu rü cha̱u̱xca̱x rü chi name i tama nixãma̱x i ngẽma yatügü i ngema̱xgüxü̃.

Wiyaegü 37:19

Rü ngẽxguma guxchaxü̃gü íngugügu, rü taiya ngu̱xgu, rü taxũtáma ãne tinge ya yíxema mexü̃gu rüxĩnüexe, erü õna rü tá tüxü̃́ ningu.

Efesios 6:15

Rü mea picua̱i̱xcuchi nax ípememarexü̃ca̱x nax nüxü̃ peyarüxugüexü̃ca̱x i ore i mexü̃ i ngüxmüxẽẽruxü̃.

Ngu̱xẽẽtaeruü̃arü ore 11:2

¡Rü togüxü̃ rüngü̃xẽxẽ namaxã i ngẽma cuxü̃́ tauxchaxü̃! Erü tama nüxü̃ cucua̱x nax ta̱xacürü guxchaxü̃ tá ínguxü̃ nawa i ñaa nachixü̃ane.

Naanearü ügüchiga 29:7

Rü yexguma ga Acóbu, rü nanangãxü̃ rü ñanagürü: —Rü nangunexü̃chitama nixĩ nax naxpüxü̃gu penamucuxü̃ca̱x i carnérügü. ¿Tü̱xcüü̃ tama paxa peyaxaxẽẽgü nax wenaxarü maxẽ nüxü̃ ne peyangõ̱xẽẽxü̃ca̱x? —ñanagürü.

Danié 2:8

Rü nüma ga ãẽ̱xgacü nanangãxü̃, rü ñanagürü: —Ñu̱xma rü meama nüxü̃ chacua̱x nax ta̱xacüca̱x tama paxa chomaxã nüxü̃ pixuxchaü̃xü̃ erü ípenangu̱xẽxẽ nax choxna nanguxü̃ i ngẽma ãũcümaxü̃ i nagu chaxãnegüxü̃.

Ore i mexü̃ ga Matéu ümatüxü̃ 25:17

Rü yexgumarüxü̃ ta ga yema norü duü̃xü̃ ga 2,000 tachinü ga diẽru ngĩxü̃ yaxuxü̃, rü ngĩmaxã napuracü, rü nai ga 2,000 tachinü ngĩmaxã nayaxu.