Efesios 5:13 - Tupanaarü Ore

¹³ Rü ngẽxguma ngẽma ngóonexü̃wa nangẽxmagu i ngẽma chixexü̃gü, rü mea tá nango̱x nax nachixexü̃.

Efesios 5:13 Referans Kwoze

1 Corintios 4:5

Rü ngẽmaca̱x tama name nax yaxtacüma texéxü̃ pengugüarü maxü̃ã́xü̃. Natürü name nixĩ i ípenangu̱xẽxẽ nax núma naxũxü̃ ya tórü Cori. Rü nüma tá nixĩ i nango̱xẽẽãxü̃ i guxü̃ma i ngẽma ñu̱xma icúxü̃ rü guxü̃ma i ngẽma duü̃xü̃gü naãẽwa nagu rüxĩnüexü̃. Rü ngẽxguma tá nixĩ ya Tupana i tüxü̃ yacua̱xüxü̃ ya wüxichigü ya yíxema aixcüma mexü̃ ügüxe.

Ochéa 2:10

Rü ngẽma norü tupananetagüpe̱xewa tá chanapuxü̃ i guxü̃táma i ngẽma nüxna chaxãxü̃. Rü ngẽmaãcü tá chanaxãneexẽxẽ i ngẽma duü̃xü̃gü, rü taxúetama choxna tanachu̱xu.

Ochéa 7:1

Rü Tupana rü ñanagürü: —Chomax, rü yexguma chanamexẽẽgu ga chorü duü̃xü̃gü ga Iraéanecüã̱xgü rü mea nango̱x ga Efraíü̃tanüxü̃arü chixexü̃ rü Chamáriaarü duü̃xü̃güarü pecadugü. Erü guxü̃ma i nümagü rü nidorae rü duü̃xü̃güxü̃ nawomüxẽxẽ. Rü ñoma ngĩ́ta̱xagüxü̃rüxü̃ ĩpatagügu nachocu nax nangĩ̱xgüxü̃ca̱x. Rü ĩanearü namagüwa duü̃xẽgüna nanapuxü̃ i tümaarü ngẽmaxü̃gü.

Miquéa 7:9

Rü aixcüma chixexü̃ chaxü Cori ya Tupanape̱xewa, rü ngẽmaca̱x ñu̱xma nax choxü̃ napoxcuxü̃ rü tá yáxna namaxã chaxĩnü. Rü nüma rü tá choxü̃ ínapoxü̃ nüxna i chorü uanü, rü tá nanapoxcu naxca̱x i ngẽma chixexü̃ i chope̱xewa naxüxü̃. Rü nüma ya Tupana rü tá ẽanexü̃wa choxü̃ ínanguxuchixẽxẽ rü ngóonexü̃wa tá choxü̃ naga. Rü tá choxü̃ nanawe̱x nax ñuxãcü tá chorü uanüxü̃ choxü̃ naporamaexẽẽxü̃.

Auxexü̃chiga 2:14

Rü yema curü orearü uruü̃günetagü naxca̱x ngo̱xetüxü̃ rü wüxi ga doramare nixĩ. Rü tama cumaxã nüxü̃ nixugüe ga yema curü pecadu ga cuxüxü̃. Rü yemaacü tama nayanaxoxẽxẽ ga yema guxchaxü̃gü ga nawa cungexmaxü̃ i ñu̱xma nax to ga nachixü̃anewa nagagüxü̃ ga curü duü̃xü̃gü. Natürü ga cumax, Pa Yerucharéü̃x, rü cuyaxõ ga yema ore ga doramare ixĩxü̃ ga cumaxã nüxü̃ yaxugüexü̃ ga yema orearü uruü̃güneta.

Popera ga Yudíugü ga yaxõgüxü̃ca̱x ümatüxü̃ 1:13

Rü Tupana rü taguma wüxi ga norü orearü ngeruü̃xü̃ ga daxũcüã̱xü̃ ñanagürü: “¡Nua chorü tügünecüwawa rüto ñu̱xmatáta guxü̃ma i curü uanügüxü̃ cuxü̃ charüporamaexẽxẽ!” ñanagürü.

Efesios 5:12

Erü ngẽma chixexü̃ i cúãcüma naxügüxü̃ i ngẽma yatügü rü ngexü̃gü, rü woo nachiga idexagümaregu rü wüxi i ãnexüchi nixĩ.