Efesios 5:10 - Tupanaarü Ore

¹⁰ ¡Rü pegü pengugü rü naxca̱x pedaugü i ngẽma tórü Cori namaxã taãẽxü̃!

Efesios 5:10 Referans Kwoze

Popera ga Yudíugü ga yaxõgüxü̃ca̱x ümatüxü̃ 12:28

Rü ñu̱xma nax guxü̃guca̱x tórü ãẽ̱xgacü yixĩxü̃ ya Tupana, rü name nax nüxna moxẽ ixãgüxü̃, rü nüxü̃ ingechaü̃güãcüma rü nüxü̃ imuü̃eãcüma nüxü̃ icua̱xüü̃güxü̃, ngẽma nüma nanaxwa̱xexü̃rüxü̃.

Wiyaegü 19:14

Rü chanaxwa̱xe i cunayaxu i ñaa chorü ore rü chorü ĩnügü, Pa Cori Pa Tupana ya chorü poxü̃ruxü̃ rü chorü nguxuchixẽẽruxü̃ nax quixĩxü̃.

Nüxíraxü̃xü̃ ga popera ga Pedru ümatüxü̃ 2:20

Natürü ¿ta̱xacüwa pexü̃́ namexü̃ ega yáxna namaxã pexĩnüegu i ngẽxguma wüxi i perü chixexü̃ca̱x pepoxcuegu? Natürü ngẽxguma ta̱xacürü mexü̃ i pexüxü̃gagu ngúxü̃ pingegügu rü yáxna namaxã pexĩnüegu, rü ngẽmawaxi nixĩ i Tupanape̱xewa mexü̃.

Nüxíraxü̃xü̃ ga popera ga Pedru ümatüxü̃ 2:5

Rü ngẽxgumarüxü̃ ta i pemax, rü Tupana pexü̃ nade nax napataarü nutagü ya maxẽcü pixĩgüxü̃. Rü pema nixĩ i Tupanaarü ngü̃xẽẽruü̃gü i üünexü̃ ya Ngechuchu ya Cristuégagu Tupanana ãmare pexãgüxü̃. Rü ngẽma ãmare i nüxna pexãgüxü̃ i namaxã nataãẽxü̃ rü ngẽma nixĩ i perü maxü̃.

1 Tesalonicenses 5:21

Natürü name nixĩ i meama penangugü i guxü̃ma i ore nax nüxü̃ pecuáxü̃ca̱x rü aixcüma yixĩxü̃ i ngẽma ore rüe̱xna tama. ¡Rü ngẽma ore i aixcüma mexü̃xicatama pixõgü!

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:3

Rü ngẽma nixĩ i namaxã nataãẽxü̃ ya yimá Tupana ya tüxü̃ maxẽxẽẽcü.

Filipenses 1:10

Rü ngẽmaãcü pexca̱x chayumüxẽ erü chanaxwa̱xe nax mea penangugüxü̃ i ta̱xacü nixĩ i aixcüma mexü̃ i Tupanape̱xewa. Rü chanaxwa̱xe nax aixcüma namexü̃ i perü maxü̃ nax taxuca̱xma ta̱xacüca̱x Tupana pexna caxü̃ca̱x i ngẽxguma ínanguxgu ya Cristu.

Romanos 14:18

Rü yíxema ngẽmaãcü Cristuca̱x maxü̃́xẽ, rü Tupana rü tümamaxã nataãxẽ, rü duü̃xü̃gü rü ta tümamaxã nataãẽgü.

Ucu̱xẽgüchiga 21:3

¡Nagu namaxü̃ i ngẽma nacümagü i mexü̃, rü ngẽma nixĩ i guxü̃ma i ãmaregüarü yexera Tupanaca̱x rümemaexü̃!

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:4

Natürü ngẽxguma chi wüxi i yutecü ngĩxü̃́ nangẽxmagu i ngĩxacügü rü ẽ̱xna ngĩtaagü, rü name nixĩ i nümagü ngĩxü̃ narüngü̃xẽẽgü rü ngĩxna nanaxã i ta̱xacü i ngĩxü̃́ taxuxü̃. Erü Tupana nanaxwa̱xe nax ngĩtanüxü̃xíra ngĩxna daugüxü̃ nax ngẽmaãcü yangutanüxẽẽgüãxü̃ca̱x ga yema naé nax nayaexẽẽxü̃.

Yeremía 6:20

¿Ta̱xacüca̱x i pema rü Chabáwa cha̱u̱xca̱x ne penana i pumaragü iyixichixü̃, rü ñu̱xũchi nanetügü i yixichixü̃ i yáxü̃guxü̃ i nachixü̃anegüwa ne penaxü̃? Choma rü tama chorü me nixĩ i ngẽma perü ãmaregü i cha̱u̱xca̱x ípeguxü̃, rü woo ngẽma togümare i perü ãmaregü i choxna pexãgüxü̃ —ñanagürü.

Filipenses 4:18

Rü ñu̱xma rü marü choxü̃́ nangẽxma i guxü̃ma i ta̱xacü i chanaxwa̱xexü̃, rü aixcüma ngẽmaarü yexera choxü̃́ nangẽxma. Rü ñu̱xma nax Epaporudítu núma nangexü̃ i perü ãmare, rü taxuxü̃ma choxü̃́ nataxu. Rü ngẽma perü ãmare i cha̱u̱xca̱x núma pemuxü̃, rü Tupanape̱xewa rü ñoma wüxi i pumara i yixĩxü̃rüxü̃ nixĩ, rü nüma rü poraãcü namaxã nataãxẽ.

1 Chamué 17:39

Rü yemawena ga Dabí rü norü goyexü̃wa norü tara ninga̱xcuchi. Rü nüxü̃ naxü ga nax yaxũxü̃ namaxã ga yema nügüxü̃newa nanucuxü̃. Natürü tama namaxã nixü ga guxü̃ma ga yema nügüxü̃newa nanucuxü̃ yerü taguma yema nügü naxǘ. Rü yexgumatama Chaúxü̃ ñanagürü: —Taxuacüma chixũ namaxã i ñaa chaxunewa ngẽxmagüxü̃ erü tama chomaxã nixü —ñanagürü. Rü yexguma rü nügü ínacuxuxü̃ne ga Dabí.

Ichaía 58:5

Rü ngẽxguma ngẽmaãcü pexauregu rü choma rü tama namaxã chataãxẽ. Pema rü peyangücuchitanü ñoma wüxi ya dexne ya taxtüpechinüwa rüxücürüxü̃. Rü ngechaü̃chirugu picu̱xgü rü tanimacawa perütogü. Rü ñu̱xũchi pema nüxü̃ pixu nax ngẽma yixĩxü̃ i aurearü ngunexü̃ i choma namaxã chataãẽxü̃.

Colosenses 1:10

Rü nüxna naxca̱x tacagü nax tórü Cori naxwa̱xexü̃ãcüma pemaxẽxü̃ca̱x rü guxü̃guma penaxüxü̃ca̱x i ngẽma nüma namaxã nataãẽxü̃. Rü nüxna naxca̱x tacagü nax pexü̃́ natauxchaxẽẽãxü̃ca̱x nax naguxü̃raü̃xü̃ i mexü̃ pexügüxü̃ca̱x, rü guxü̃ i ngunexü̃gu yexeraãcü Tupanaxü̃ pecuáxü̃ca̱x.