Efesios 4:8 - Tupanaarü Ore

⁸ Rü ngẽmaca̱x i Tupanaarü ore i ümatüxü̃wa rü ñanagürü: “Rü yexguma daxũguxü̃ ga naanewa naxũxgu, rü yéma tüxü̃ nagagü ga guxema marü tüxü̃ ínanguxü̃xẽxẽ. Rü duü̃xü̃güna nanaxã ga cua̱xgü”, ñanagürü i ngẽma ore.

Efesios 4:8 Referans Kwoze

Wiyaegü 68:18

Pa Tupanax, yexguma Chióü̃ ya ma̱xpǘnegu cuxĩnagügu rü cugüwe cuyagagü i ngẽma ícuyauxü̃xü̃ i curü uanügü. Rü duü̃xü̃gütanüwa cunayaxu i ãmaregü. Rü woo i ngẽma tama cuga ĩnüechaü̃xü̃ rü natanüwa cunayaxu i ãmaregü nax ngéma Chióü̃wa cuxãpataxü̃ca̱x.

Colosenses 2:15

Rü yexguma curuchagu nayu̱xgu ga Cristu, rü yexguma nixĩ ga Tupana nüxna napuãxü̃ ga norü pora ga yema naãxẽgü ga iporaexü̃. Rü yexguma nixĩ ga guxü̃ ga duü̃xü̃güpe̱xewa naxãnexẽẽãxü̃, ñoma wüxi i churaragüarü ãẽ̱xgacü i norü uanü i nüxü̃ naporamaexü̃xü̃ naxãnexẽẽxü̃rüxü̃.

1 Chamué 30:26

Rü yexguma Chicáxwa nanguxgu ga Dabí, rü yema yemaxü̃gü ga napuxü̃tanüwa nanayaxu ga ñuxre rü namücügü ga Yudátanüxü̃arü ãẽ̱xgacügüxü̃ yéma nanamugü namaxã ga ñaa ore ga ñaxü̃: —Rü ñaa nixĩ i perü ãmaregü i Tupanaarü uanügüna chapuxü̃xü̃ —ñaxü̃.

Ester 2:18

Rü yemawena nüma ga ãẽ̱xgacü rü ngĩmaxã napetae rü taxü̃ma ga peta naxü. Rü nüxna naxu ga guxü̃ma ga yema ãẽ̱xgacüpatawa puracüexü̃ rü ñu̱xũchi yema norü ngúchaü̃maxã ãẽ̱xgacüaxü̃́ puracüexü̃. Rü nanaxüetanü, tümaca̱x ga naigü ga ĩanecüa̱x ga ãẽ̱xgacüaxü̃́ naxütanügüxe. Rü muxü̃ma ga ãmaregü duü̃xü̃güna naxã.

Ãẽ̱xgacügü ga guxchaxü̃güarü mexẽxẽruü̃gü 5:12

¡Naba̱i̱xãchi, Pa Déborax, naba̱i̱xãchi! ¡Rü nagu nawiyae i wüxi i wiyae! Rü cumax, Pa Baráx Pa Abinuáü̃ Nanex, ¡Írüda rü poxcuwa yagagü i ngẽma curü uanügü i ícuyauxü̃xü̃!

Ucu̱xẽgüchiga 30:4

¿Texé tixĩ ya yíxema marü daxũguxü̃ i naanegu ĩnagüxe rü ngéma írüxĩxe? ¿Rü texé tügüme̱xẽgu tayayauxema ya buanecü? ¿Rü texé tügüchirugu tananuque i már? ¿Rü texé nüxü̃ tixu nax ngexta yacuáxü̃ i ñoma i naane? ¿Rü texé nüxü̃ tacua̱x i naéga rü naneéga?

Efesios 4:11

Rü nümatama nixĩ ga guxema norü duü̃xẽgüna naxããxü̃ ga tümaarü cua̱x rü tümaarü puracü. Rü tüxü̃ naxuneta ga ñuxre nax tóxnamana norü orexü̃ tayarüxugüxü̃ca̱x. Rü toguegü rü tüxna nanaxã ga cua̱x nax duü̃xü̃gümaxã nüxü̃ tixuxü̃ca̱x i ngẽma norü ore. Rü toguegü rü tüxna nanaxã ga cua̱x nax duü̃xü̃güaxü̃́ tanangúchaü̃xẽẽxü̃ i Tupanaarü ore nax yaxõgüãxü̃ca̱x. Rü toguegü rü tüxna nanaxã ga cua̱x nax ngẽma yaxõgüxü̃arü dauruü̃gü tixĩgüxü̃ca̱x. Rü toguegü rü tüxna nanaxã ga cua̱x nax norü oremaxã tangúexẽẽtaegüxü̃ca̱x.