Efesios 4:32 - Tupanaarü Ore

³² Rü name nixĩ i pegü perüngü̃xẽẽgü rü pegümaxã pemecümagü, rü pegüxü̃́ pengechaü̃tümüxü̃gü i wüxichigü. Rü ngẽxguma petanüwa texé ta̱xacürü chixexü̃ pexca̱x ü̱xgu, rü name i tüxü̃́ nüxü̃ perüngü̃ma ya wüxíechigü, yema Cristugagu Tupana pexü̃́ nüxü̃ rüngü̃maxü̃rüxü̃ ga perü pecadugü.

Efesios 4:32 Referans Kwoze

Ore i mexü̃ ga Márcu ümatüxü̃ 11:25

Rü ngẽxguma peyumüxẽgügu, natürü nangẽxmagu i ta̱xacürü guxchaxü̃ i toguemaxã pexü̃́ ngẽxmaxü̃, rü name i tüxü̃́ nüxü̃ perüngü̃ma i ngẽma nax Penatü ya daxũgucü rü ta pexü̃́ nüxü̃ iyanangümaxü̃ca̱x i perü pecadugü.

2 Corintios 2:10

Rü ñu̱xma pemaxã nüxü̃ chixu rü yíxema pema tüxü̃́ nüxü̃ iperüngümaxẽ i tümaarü chixexü̃, rü choma rü tá ta tüxü̃́ nüxü̃ icharüngüma. Rü ngẽxguma chi ta̱xacürü chixexü̃ tüxü̃́ nüxü̃ icharüngümaxü̃gu, rü pexca̱x nixĩ i Cristupe̱xewa tüxü̃́ nüxü̃ icharüngümaxü̃ i ngẽma.

Efesios 5:1

Rü ñu̱xma rü Tupanaxacügü ya pexü̃ nangechaü̃güxe pixĩgü. Rü ngẽmaca̱x name i naxca̱x pedauxü̃tae nax naxrüxü̃ pimexü̃.

Ore i mexü̃ ga Luca ümatüxü̃ 6:35

Natürü i pema rü name nixĩ i nüxü̃ pengechaü̃ i ngẽma pemaxã rüxuanügüxü̃, rü nüxü̃ perüngü̃xẽxẽ. Rü ngẽxguma ta̱xacüca̱x pexna nacaxgu, rü name nixĩ i nüxna penaxã woo ngürüãchi taxũtáma pexü̃́ natáeguxẽẽãgu. Erü ngẽxguma ngẽmaãcü penaxü̱xgu, rü Tupana ya Guxü̃étüwa Ngẽxmacü rü ngẽmaarü yexera tá pexü̃́ nanatáeguxẽxẽ, rü naxacügü tá pixĩgü. Erü nüma rü namaxã rü ta namecüma i ngẽma taguma moxẽ nüxna ãgüxü̃ rü ngẽma chixecümagüxü̃.

Ore i mexü̃ ga Luca ümatüxü̃ 6:37

¡Rü taxṹ i togüxü̃ pixuxü̃! Rü ngẽxguma ya Tupana rü taxũtáma pexü̃ nixu. ¡Rü taxṹ i Tupanaarü poxcu namaxã pexueguxü̃ i togü! Rü ngẽxguma ya Tupana rü taxũtáma poxcu pemaxã naxuegu. ¡Rü nüxü̃́ nüxü̃ perüngümae i norü chixexü̃ i togü! Rü ngẽxguma ya Tupana rü tá pexü̃́ nüxü̃ narüngüma i perü chixexü̃.

1 Corintios 13:4

Rü yíxema tüxü̃́ nangẽxmaxẽ i ngechaü̃ rü guxchaxü̃maxã yáxna taxĩnü, rü tamecüma. Rü tama taxãũxãchiwa̱xe, rü tama togüxü̃ tügü tarüyexera, rü tama tügü ticua̱xüxü̃.

Ore i mexü̃ ga Luca ümatüxü̃ 17:4

Rü woo 7 e̱xpü̱xcüna chixexü̃ cuxcha̱xwa naxü̱xgu i wüxi i ngunexü̃gu, rü ngẽxguma 7 e̱xpü̱xcüna cuxna yacaxgu nax nüxü̃́ nüxü̃ curüngü̃maxü̃ca̱x, rü name nixĩ i nüxü̃́ nüxü̃ curüngü̃ma i ngẽma chixexü̃ i naxüxü̃ —ñanagürü ga Ngechuchu.

Ore i mexü̃ ga Matéu ümatüxü̃ 6:12

¡Rü toxü̃́ nüxü̃ irüngüma i ngẽma torü chixexü̃ i taxüxü̃ ngẽxgumarüxü̃ i toma rü tüxü̃́ nüxü̃ tarüngü̃maexü̃rüxü̃ ya yíxema chixexü̃ tomaxã ügüxe!

Wiyaegü 145:9

Rü nüma ya Cori ya Tupana rü guxãmaama namecüma rü ngẽma naxüxü̃wa inanawe̱x nax poraãcü tüxü̃ nangechaü̃xü̃.

Nüxíraxü̃xü̃ ga popera ga Cuáü̃ ümatüxü̃ 2:12

Pa Chauxacügüx, pexca̱x chanaxümatü erü Tupana rü Cristugagu marü pexü̃́ nüxü̃ narüngü̃ma i perü pecadugü.

Romanos 12:10

Rü name nixĩ i wüxichigü pegü pengechaü̃gü, ñoma pegüenexẽxü̃chixü̃ pengechaü̃xü̃rüxü̃. Rü name nixĩ i pegümaxã petaãẽxẽxẽ rü pegü perüngü̃xẽxẽ erü pegüenexẽ pixĩgü.

Nüxíraxü̃xü̃ ga popera ga Cuáü̃ ümatüxü̃ 1:9

Natürü ngẽxguma chi Tupanamaxã nüxü̃ ixuxgu i tórü pecadugü, rü nüma ya Tupana ya ixaixcümacü rü tá tüxü̃́ nüxü̃ inarüngüma i tórü pecadugü rü tá inayanaxoxẽxẽ i guxü̃ma i tórü chixexü̃gü.

2 Corintios 2:7

Rü ngẽmaca̱x i ñu̱xma rü chanaxwa̱xe i nüxü̃́ nüxü̃ iperüngüma i ngẽma chixexü̃ i naxüxü̃ rü nüxü̃ perüngü̃xẽxẽ nax ngẽma taxü̃ i norü ngechaü̃ rü tama yexeraxü̃ i chixexü̃wa nagaãxü̃ca̱x.

Popera ga Chantiágu ümatüxü̃ 5:11

Yixema rü nüxü̃ tacua̱x nax nataãẽgüxü̃ ga yema duü̃xü̃gü ga mea Tupanaca̱x maxẽãmaxü̃ ga yexguma ngúxü̃ yangegügu. Rü pema nüxü̃ pecua̱x ga ñuxãcü yáxna namaxã naxĩnüxü̃ ga gumá Yox ga yexguma ngúxü̃ yangegügu. Rü nüxü̃ pecua̱x ga ñuxãcü yixcama tórü Cori ya Tupana nüxü̃ rüngü̃xẽẽxü̃. Erü nüma ya tórü Cori ya Tupana rü namecümaxüchi rü poraãcü nüxü̃́ tangechaü̃tümüü̃gü.

2 Corintios 6:6

Rü ngẽxgumarüxü̃ ta duü̃xü̃güxü̃ nüxü̃ tadauxẽxẽ nax aixcüma mexü̃gu tarüxĩnüexü̃, rü mea nüxü̃ tacuáxü̃ i Tupanaarü ore i aixcüma ixĩxü̃, rü yáxna duü̃xü̃gümaxã taxĩnüexü̃, rü namaxã tamecümaxü̃. Rü duü̃xü̃güxü̃ nüxü̃ tadauxẽxẽ nax towa nangẽxmaxü̃ i Tupanaãxẽ ya Üünecü rü ngẽmaca̱x aixcüma guxü̃ i duü̃xü̃güxü̃ tangechaxü̃.

Ore i mexü̃ ga Luca ümatüxü̃ 11:4

¡Rü toxü̃́ nüxü̃ irüngüma i torü pecadugü! Erü toma rü ta tüxü̃́ nüxü̃ itarüngüma ya guxãma ya yíxema guxchaxü̃ toxca̱x ínguxẽẽgüxe. ¡Rü taxṹ i chixexü̃pe̱xewa toxü̃ cuwogüxü̃ nax tama nagu tayixü̃ca̱x!” —ñanagürü.

Ore i mexü̃ ga Luca ümatüxü̃ 1:78

Tórü Tupana rü poraãcü nüxü̃́ tangechaü̃tümüxü̃gü. Rü ngẽmaca̱x ñoma ngexwaca̱xü̃xü̃ i ngunexü̃arü üa̱xcü ngóxü̃rüxü̃ daxũguxü̃ i naanewa taxca̱x ne nanamu i ñoma i naanearü nangóonexẽẽruxü̃ i ngexwaca̱xü̃xü̃ nax nangóonetanüxẽxẽãxü̃ca̱x i ngẽma duü̃xü̃gü i ẽanexü̃ i ãũcümaxü̃wa ngẽxmagüxü̃. Rü nüma tá tüxü̃ narüngü̃xẽxẽ nax Tupanamaxã rüngüxmüe”, ñanagürü ga Chacaría.

Ichaía 57:1

Rü ngẽxguma nayu̱xgu i wüxi i duü̃xü̃ i mecümaxü̃ rü duü̃xü̃güaxü̃́ nanataxuraü̃mare. Rü ngẽxguma nayuegu i duü̃xü̃gü i mecümaxü̃ rü taxúema nüxü̃ tacua̱xéga nax nawa ínanguxü̃xü̃ i ñoma i naanearü chixexü̃.

Ucu̱xẽgüchiga 19:22

Ngẽma inaxwa̱xexü̃ nixĩ nax yaxaixcümaxü̃ i duü̃xü̃gü. Rü ngẽxguma tama imuarü diẽruã̱xgu rü narümemae nax mexü̃gu rüxĩnüxü̃ rü tama idorata̱xáxü̃.

Ucu̱xẽgüchiga 12:10

Yimá yatü ya mexü̃gu rüxĩnücü, rü mea nüxna nadau i naxü̃nagü. Natürü ngẽma yatü i chixexü̃gu maxü̃xü̃, rü tama nüxü̃́ nangechaü̃tümüxü̃.

Wiyaegü 112:9

Rü yíxema tüxü̃́ nataxúxe rü guxü̃guma norü ngúchaü̃maxã tüxna nanaxãmare i diẽru. Rü ngẽma nacüma i mexü̃ rü taguma nüxü̃ narüchau nax naxüaxü̃. Rü taxuca̱xma naxãne erü aixcüma nagu namaxü̃ i ngẽma nüxü̃ yaxuxü̃.

Rux 2:20

Rü ngĩma ga Noemí rü ngĩxü̃ ingãxü̃ rü ngĩgürügü: —¡Tupana nüxü̃ rüngü̃xẽxẽ ya yimá duü̃! Rü nüma ya Tupana rü tamaxã namecüma i ñu̱xmax rü gumá cute ga marü yucümaxã rü ta namecüma. Erü yimá yatü ya Boó rü wüxi i tatanüxü̃ nixĩ rü ngẽmaca̱x nixĩ i nagu nanguxü̃ nax tüxü̃ nangü̃xẽẽxü̃ rü tüxna nadauxü̃ —ngĩgürügü.

Norü taxre ga popera ga Pedru ümatüxü̃ 1:7

Rü ngẽma nax Tupanaga pexĩnüexü̃étüwa penaxwa̱xe nax peenexẽgüxü̃ pengechaü̃güxü̃. Rü ngẽma nax peenexẽgüxü̃ pengechaü̃güxü̃étüwa penaxwa̱xe nax guxü̃ma i duü̃xü̃güxü̃ pengechaü̃güxü̃.

Ngechuchuarü ngúexü̃gü ga yamugüxü̃arü puracüchiga 28:2

Rü yema yémacüã̱xgü ga duü̃xü̃gü rü meama toxü̃ nayauxgü ga guxãma. Rü nanangixtagü ga wüxi ga üxü ga taxü̃ne. Rü toxca̱x nacagü ga guxãma nax yéma togü tanaixü̃güxü̃ca̱x, yerü napu rü nagáuane.

2 Chamué 7:21

Guxü̃ma i ñaa mexü̃gü icuxüxü̃ rü yema cunaxueguxü̃ãcüma rü cunaxwa̱xexü̃ãcüma cunaxü nax nüxü̃ chacuáxü̃ca̱x i chomax.

Ucu̱xẽgüchiga 19:11

Wüxi i duü̃xü̃ i naãẽxü̃ cuáxü̃, rü yáxna namaxã naxĩnü ega texé namaxã nuxgu. Rü ngẽma naãẽxü̃ cuáxü̃ rü mexü̃ naxü i ngẽxguma nüxü̃ iyanangümagu i ngẽma guxchaxü̃gü i togü naxca̱x ügüxü̃.

Yeremía 38:12

Rü nüma ga Ébe-mérex rü Yeremíana nacagü rü ñanagürü: —¡Ngẽma wexagümaxã cugü napépacütüxü̃ nax tama cuxü̃ napi̱xẽẽxü̃ca̱x i napana̱xã! —ñanagürü. Rü nüma ga Yeremía rü yemamaxã nügü napépacütüxü̃.