Efesios 4:3 - Tupanaarü Ore

³ Rü name i wüxigu perüxĩnüe rü ñoma wüxitama i duü̃xü̃rüxü̃ pixĩgü ngẽma Tupanaãxẽ ya Üünecü naxwa̱xexü̃rüxü̃. Rü tama name i pegüchi pexaie rü pegü pitoye.

Efesios 4:3 Referans Kwoze

1 Corintios 1:10

Pa Chauenexẽgüx, tórü Cori ya Ngechuchu ya Cristuégagu pexü̃ chaca̱a̱xü̃ nax wüxigu perüxĩnüexü̃ca̱x. Rü tama name i pegü pitoyex. Rü name nixĩ i aixcüma pegü pengechaü̃gü nax wüxigutama perüxĩnüexü̃ca̱x.

Popera ga Yudíugü ga yaxõgüxü̃ca̱x ümatüxü̃ 12:14

¡Rü naxca̱x peda̱u̱xgü nax guxü̃ i duü̃xü̃gümaxã pemecümaxü̃! Rü ngẽxgumarüxü̃ ta name nixĩ i naxca̱x pedaugü nax Tupanape̱xewa pexüünegüxü̃ca̱x. Erü yíxema tama Tupanape̱xewa üünexe rü taxũtáma tórü Corixü̃ tadau.

Ore i mexü̃ ga Cuáü̃ ümatüxü̃ 13:34

Rü pemaxã nüxü̃ chixu i wüxi i ngexwaca̱xü̃xü̃ i mu. Rü ngẽma pexü̃ chamuxü̃ nixĩ i pemücügüxü̃ nax pengechaü̃xü̃ i wüxichigü. Rü ngẽma nax choma pexü̃ changechaü̃xü̃rüxü̃, rü chanaxwa̱xe i wüxichigü i pema rü pemücügüxü̃ pengechaü̃gü.

2 Corintios 13:11

Rü ñu̱xma nax ichayacua̱xẽẽxü̃ i ñaa popera, Pa Chauenexẽgüx, rü chanaxwa̱xe nax petaãẽgüxü̃ rü naxca̱x pedaugüxü̃ nax aixcüma mea Tupanape̱xe pemaxẽxü̃. Rü name nixĩ i pegü petaãẽgüxẽẽxü̃, rü wüxigu perüxĩnüexü̃, rü yáxna pegümaxã pexĩnüexü̃, rü aixcüma pegü pengechaü̃güxü̃. ¡Rü nüma ya Tupana ya tüxü̃ ngechaü̃cü rü tüxü̃ rüngüxmüexẽẽcü, rü guxü̃gutáma pemaxã inarüxã̱ũ̱x!

1 Tesalonicenses 5:13

Rü name nixĩ i namaxã petaãẽgü rü aixcüma nüxü̃ pengechaü̃gü i ngẽma taenexẽgü, erü nümagü nixĩ i pexü̃ nangü̃xẽẽgüxü̃. Rü name nixĩ i pegü pengechaü̃güãcüma pemaxẽ.

Efesios 4:4

Erü ñu̱xma nax Cristuarü duü̃xü̃gü pixĩgüxü̃, rü wüxitama i duü̃xü̃ pixĩgü. Rü wüxitama nixĩ i Naãxẽ ya Üünexü̃ i pewa ngẽxmaxü̃. Rü ñu̱xma nax Tupana pexü̃ dexü̃ rü wüxitama i maxü̃ i taguma gúxü̃ ípenangu̱xẽxẽ.

Efesios 4:13

Rü ngẽmaãcü guxãma ya yixema rü tá nawa tangugü nax wüxigu yaxõgüxü̃ rü Tupana Nanexü̃ icuáxü̃. Rü ngẽmaãcü tá nawa tangugü nax aixcüma Cristurüxü̃ imexü̃.

Ínachoxü̃xü̃chiga 28:32

Rü ngẽma naxchiru i máxmüxü̃arü ngãxü̃wa rü tá nangẽxma i wüxi i naeruchica. Rü ngẽma naeruchica rü tá mea napéxe i nanaxãpechinü ñoma chalecurüxü̃ nax tama nagáuxü̃ca̱x.

Nüxíraxü̃xü̃ ga popera ga ãẽ̱xgacügüchiga 16:21

Rü yexguma ga Iraéanecüã̱x ga duü̃xü̃gü rü taxrechimüü̃gu nügü nitoye. Rü wüxichimüü̃ rü Tixní ga Guináx nanewa naxügü nax norü ãẽ̱xgacü yixĩxü̃ca̱x, rü toxchimüü̃ rü Omríwa naxügü nax norü ãẽ̱xgacü yixĩxü̃ca̱x.

Ngu̱xẽẽtaeruü̃arü ore 4:12

Rü ngẽxguma wüxi i duü̃xü̃ nüxicatama yixĩxgu rü tama natauxcha nax nügü ínapoxü̃xü̃. Natürü ngẽxguma taxre i duü̃xü̃ yixĩxgu rü natauxcha nax nügü ínapoxü̃xü̃. Rü ngẽxgumarüxü̃ ta i wüxi i napana̱xã i tomaepü̱x ya tünütawa ãxü̃xü̃ rü tama tauxchaãcü nicauye.

Ore i mexü̃ ga Márcu ümatüxü̃ 3:24

Rü ngẽxguma chi wüxi i nachixü̃anecüã̱x i duü̃xü̃gü rü nügü yatoyegu rü nügütanüxü̃watama nügü nadaixgu, rü taxuacüma natai i ngẽma nachixü̃ane.