Efesios 4:29 - Tupanaarü Ore

²⁹ Rü tama name i chixexü̃ i oremaxã pidexagü. Rü name i ore i mexü̃maxãxicatama pidexagü nax ngẽma duü̃xü̃gü i pexü̃ ĩnüexü̃ yexeraãcü Tupanaga naxĩnüexü̃ca̱x rü nataãẽgüxü̃ca̱x.

Efesios 4:29 Referans Kwoze

Colosenses 4:6

Rü ngẽxguma togü i duü̃xü̃gümaxã pidexagügu, rü name nixĩ i penataãẽxẽxẽ namaxã i ngẽma dexa i namaxã nüxü̃ pixuxü̃. ¡Rü ngẽmaãcü mea penangãxü̃ i ngẽma pexna ca̱xü̃ nachiga i perü õ!

1 Tesalonicenses 5:11

Rü ngẽmaca̱x, Pa Chauenexẽgüx, rü name nixĩ i wüxichigü pegü petaãẽxẽẽgü rü pegü peporaexẽxẽ i perü õwa ngẽxgumarüxü̃ i ñu̱xma nax marü ípenaxügüxü̃.

Ngu̱xẽẽtaeruü̃arü ore 10:12

Rü ngẽxguma wüxi ya yatü ya cua̱x nüxü̃́ ngẽxmacü idexagu rü guxãma naga taxĩnüe. Natürü ngẽxguma wüxi i yatü i tama cua̱x nüxü̃́ ngẽxmaxü̃ idexagu rü nügüca̱xtama guxchaxü̃ ínanguxẽxẽ.

Ucu̱xẽgüchiga 15:7

Ngẽma duü̃xü̃gü i cua̱x nüxü̃́ ngẽxmagüxü̃, rü mexü̃ i oremaxã nidexagü. Natürü ngẽma duü̃xü̃gü i naechitamare maxẽ, rü naãẽwa chixexü̃gu narüxĩnüe.

Ucu̱xẽgüchiga 12:13

Ngẽma duü̃xü̃ i chixexü̃gu maxü̃xü̃ rü norü doragutama nangu, natürü yimá yatü ya mexü̃gu rüxĩnücü, rü ngẽxguma guxchaxü̃ naxca̱x ínguxgu, rü na̱xcha̱xwa nixũgachi.

Ore i mexü̃ ga Matéu ümatüxü̃ 5:16

Rü name nixĩ i duü̃xü̃güpe̱xewa mea pemaxẽxü̃. Rü ngẽxguma i pema rü duü̃xü̃güca̱x rü ñoma omügürüxü̃ pixĩgü. Rü ngẽmaãcü i duü̃xü̃gü rü tá nüxü̃ nadaugü i ngẽma mexü̃ i pexüxü̃, rü tá nüxü̃ nicua̱xüü̃gü ya Penatü ya daxũwa ngẽxmacü.

Ucu̱xẽgüchiga 16:21

Yíxema aixcüma cua̱x tüxü̃́ ngẽxmaxe rü duü̃xü̃gü tüxü̃ nixu nax tümaãẽxü̃ tacuáxü̃. Rü ngẽma ore i mexü̃ rü yexera tüxü̃́ nanangúchaü̃xẽxẽ nax mexü̃ taxüxü̃ ya yíxema nüxü̃ ĩnüxe.

Ichaía 50:4

Rü choma i Ichaía rü ñachagürü: —Tupana rü choxü̃ nangu̱xẽxẽ nax norü ore i taãxẽ tüxna ãxü̃maxã chayaxucu̱xẽgüxü̃ nax naporaexü̃ca̱x i ngẽma ipaexü̃ rü ngúxü̃ ingegüxü̃. Rü guxü̃ i pa̱xmama rü Tupana choxü̃ ínarüdaxẽxẽ nax wüxi i ngúetanüxü̃ i mexü̃rüxü̃ nüxü̃ chaxĩnüxü̃ca̱x i norü ngu̱xẽẽtae.

Wiyaegü 52:2

Rü yimá curü conü rü naxãũcüma ñoma wüxi i cüxchi i te̱xechixü̃rüxü̃. Erü yimá curü conü rü nidorata̱x rü chixexü̃ i orexü̃ nixu.

Ucu̱xẽgüchiga 15:23

Wüxi i mexü̃ nixĩ nax mexü̃ i oremaxã tüxü̃ cungãxü̃xü̃ ega texé cuxna caxgux. Natürü narümemae nixĩ nax ngẽma ora i nagu natauxchaxü̃gu cuyoxniexü̃ nax tüxü̃ cungãxü̃xü̃.

Nüxíraxü̃xü̃ ga popera ga Pedru ümatüxü̃ 2:12

Rü name nixĩ i mea pemaxẽ nape̱xewa i ngẽma duü̃xü̃gü i tama Tupanaxü̃ cua̱xgüxü̃. Rü woo ñu̱xma chixri pechiga yadexagügu, natürü tá nüxü̃ nadaugü i ngẽma mexü̃ i pexügüxü̃, rü tá Tupanaxü̃ nicua̱xüü̃gü i ngẽma ngunexü̃ i nagu Tupana guxãxü̃ma icagüxü̃gu.

Ore i mexü̃ ga Luca ümatüxü̃ 4:22

Rü guxü̃ma ga duü̃xü̃gü rü mea Ngechuchuchiga nidexagü. Rü naba̱i̱xãchiãẽgü namaxã ga yema ore ga mexü̃ ga namaxã nüxü̃ yaxuxü̃. Rü nügüna nacagü rü ñanagürügü: “¿Taux ẽ̱xna daa yixĩxü̃ ya Yúche nane?” ñanagürügü.

Wiyaegü 5:9

Erü ngẽma chorü uanügü rü taguma ñuxgu aixcümaxü̃ nixugü. Rü chixexü̃guxicatama narüxĩnüe. Rü ngẽma naã̱x rü ñoma wüxi i yuetamaxü̃ i ngenaxü̃rüxü̃ nixĩ. Rü yimá norü conü rü nidorata̱a̱x.

Nüxíraxü̃xü̃ ga popera ga Pedru ümatüxü̃ 3:1

Rü pemax, Pa Ngexü̃güx, rü name nixĩ i petega pexĩnüe. Rü ngẽxguma chi nangẽxmagu i petegü i tama yaxõgüxü̃ rü tá nüxü̃ nadaugü i perü maxü̃ i mexü̃ i Tupanape̱xewa rü duü̃xü̃güpe̱xewa rü tá ngẽmaca̱x nayaxõgü woo nataxuxguma i ucu̱xẽxü̃ namaxã pixuxgu.

Efesios 4:16

Rü Cristu nixĩ i naeru i guxü̃ma i nüxü̃́ yaxõgüxü̃, rü nüma nixĩ i tümachicagu tüxü̃ yanuchigüxü̃ ya yíxema nüxü̃́ yaxõgüxe nax wüxigu tanaxüxü̃ca̱x i ngẽma puracü i tüxna naxãxü̃ i wüxichigü. Rü ngẽxguma wüxichigü Cristuca̱x mea tanaxü̱xgu rü yigü ingechaxü̃gügu rü guxü̃ma meama inixũ.

Efesios 4:12

Rü yemaacü norü duü̃xü̃güxü̃ nangúexẽxẽ nax ngẽma yaxõgüxü̃xü̃ nangü̃xẽẽgüxü̃ca̱x nax ngẽmaãcü guxü̃ma i ngẽma Cristuaxü̃́ yaxõgüxü̃ rü yexeraãcü nüxü̃ yacuáetanüxü̃ca̱x i norü ore rü naga ixĩnüexü̃.

Wiyaegü 71:24

Rü chorü conümaxã rü guxü̃ i ngunexü̃gu tá nüxü̃ chixu nax cuma rü ixaixcümacü quixĩxü̃. Erü ngẽma duü̃xü̃gü i naxwa̱xegüxü̃ nax choxü̃ yama̱xgüxü̃, rü ñu̱xma rü poraãcü ãne ningegü.

Wiyaegü 45:2

Rü cumax, Pa Ãẽ̱xgacüx, rü guxü̃ i yatügüxü̃ curümemae. Rü ngẽma curü dexa i cua̱xwa ixũxũxü̃ rü namexẽchi. Erü ya Tupana rü guxü̃guma cuxü̃ narüngü̃xẽxẽ.

Norü taxre ga popera ga Pedru ümatüxü̃ 2:18

Rü ngẽma ngu̱xẽẽruü̃netagü rü nügü yacua̱xüü̃güãcüma ore i taxuwama mexü̃maxã nidexagü. Rü tüxü̃ nixucu̱xẽgü nax tümaxü̃nearü ngúchaü̃gu taxĩxü̃ca̱x ya yíxema ngexwaca nüxü̃ rüxoexe i ngẽma chixexü̃ i nacüma.

1 Corintios 14:19

Natürü woo 10,000 i ore i taxúema nüxü̃ cuáxü̃ i nagawa nax chidexaxü̃, natürü ngẽma yaxõgüxü̃arü ngutaque̱xegüwa rü cha̱u̱xca̱x rü narümemae chi nixĩ ega woo wüxime̱xpü̱x i ore i meama nüxü̃ icuáxü̃wa namaxã nüxü̃ chixuxgu i Tupanaarü ore nax ngẽmaãcü ngẽmamaxã mea chanangúexẽẽxü̃ca̱x.

Romanos 14:19

Rü ngẽmaca̱x, ¡ngĩxã pora taxü nax yigü ingechaxügüxü̃ca̱x rü yigü rüngü̃xẽẽgüxü̃ca̱x nax yexeraãcü Cristuaxü̃́ yaxõgüxü̃ca̱x rü naxügüxü̃ca̱x i ngẽma norü ngúchaü̃ ixĩxü̃!

Romanos 15:2

Natürü wüxichigü i yixema rü name nixĩ i taenexẽaxü̃́ tanangúchaü̃xẽxẽ nax ngẽmaãcü nüxü̃ rüngü̃xẽẽxü̃ca̱x nax yexeraãcü yaxõõxü̃ca̱x.

Ore i mexü̃ ga Cuáü̃ ümatüxü̃ 1:37

Rü yema taxre ga Cuáü̃arü ngúexü̃gü rü nüxü̃ naxĩnüe ga yexguma yema ñaxgu. Rü Ngechuchuwe narüxĩ.