Efesios 4:25 - Tupanaarü Ore

²⁵ Rü ngẽmaca̱x i ñu̱xma nax Cristuarü pixĩgüxü̃ rü tama name nax pidorata̱a̱xgüxü̃. Natürü name nixĩ i wüxichigü rü tümamücümaxã aixcümaxü̃ tixu. Erü guxãma i yixema rü yigütanüxü̃ i yaxõgüxü̃ tixĩgü.

Efesios 4:25 Referans Kwoze

Colosenses 3:9

Rü tama name i pegümaxã pidorae, erü marü ípenata̱x ga nũxcümaü̃xü̃ ga pecüma rü guxü̃ma ga yema chixexü̃gü ga ü̃pa pexügüxü̃.

Chacaría 8:16

Rü ñaa nixĩ i chanaxwa̱xexü̃ nax penaxüxü̃: “Rü name nixĩ i guxü̃guma aixcümaxü̃ pegümaxã pixugü. Rü ngẽxguma ãẽ̱xgacüpe̱xewa guxchaxü̃gü pemexẽẽgu rü penaxwa̱xe nax aixcümaxü̃ pixugüxü̃ nax ngẽxma yanaxoxü̃ca̱x i ngẽma guxchaxü̃.

Ucu̱xẽgüchiga 12:22

Nüma ya Cori ya Tupana, rü naxchi naxai i ngẽma idorata̱a̱xgüxü̃, natürü tümamaxã nataãxẽ ya yíxema aixcümaxü̃ ixugüxe.

Romanos 12:5

Rü ngẽxgumarüxü̃ ta i yixema nax yaxõgüxü̃, rü woo nax imuxü̃ natürü Cristugagu wüxitama i natücumü tixĩgü. Rü ngẽmaãcü wüxichigü i yixema rü yigümücügü tixĩgü, erü wüxitücumü tixĩgü.

Efesios 4:15

Natürü i toma rü yigü ingechaü̃güãcüma nagu taxĩ i ngẽma ore i aixcüma ixĩxü̃, nax ngẽmaãcü guxü̃wama yexeraãcü naxrüxü̃ ixĩgüxü̃ca̱x ya Cristu ya guxü̃ma i yaxõgüxü̃arü ãẽ̱xgacü ixĩcü.

Ucu̱xẽgüchiga 12:17

Yimá yatü ya poxü̃ruxü̃ ya aixcüma mecü, rü ãẽ̱xgacüpe̱xewa ore i aixcümaxü̃ nixu, natürü ngẽma poxü̃ruxü̃ i dorata̱xáxü̃ rü doraxü̃ nixu.

Ucu̱xẽgüchiga 8:7

Ngẽma tá pemaxã nüxü̃ chixuxü̃ nixĩ i aixcüma ixĩxü̃ erü tama chorü me nixĩ nax doraxü̃ chixuxü̃.

Ucu̱xẽgüchiga 12:19

Yíxema ore i aixcümaxü̃ ixuxe, rü ngẽma tümaarü ore rü taguma inarüxo. Natürü ngẽma doraxü̃ ixuxü̃, rü ngẽma norü ore, rü paxa tá inarüxo.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:8

Natürü ngẽma muü̃exü̃ rü ngẽma tama yaxõgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽxgumarüxü̃ ta i ngẽma aixwa̱xegüxü̃, rü ngẽma máetagüxü̃, rü ngẽma naxü̃nearü ngúchaü̃gu maxẽxü̃, rü ngẽma iyuüxü̃, rü ngẽma tupananetachicüna̱xãxü̃ icua̱xüü̃güxü̃, rü ngẽma idorata̱a̱xgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽma nixĩ i poxcu i taguma iyacuáxü̃”, ñanagürü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:2

Rü ngẽma duü̃xü̃gü i nüxü̃ rüxoexü̃ nax yaxõgüãxü̃ rü tá nüxü̃́ inarüxĩnüe i ngẽma duü̃xü̃gü i nawomüxẽẽgüxü̃ rü idorata̱xaxgüxü̃. Erü ngẽma duü̃xü̃gü i dorata̱xaxgüxü̃ rü düxwa namaxã nixü nax chixexü̃guxicatama naxĩnüexü̃.

Lebítanüxü̃arü puracüchiga 19:11

¡Rü taxṹ i pengĩ́xü̃! ¡Rü taxṹ i pidoraexü̃! ¡Rü taxṹ i pegü pewomüxẽxẽgüxü̃!

Yema Cuáü̃ nüxü̃ dauxü̃ i yixcüra tá ngupetüxü̃chiga 22:15

Natürü taxũtáma yima ĩanewa nichocu i ngẽma chixexü̃gü maxẽxü̃, rü ngẽma iyuüxü̃, rü ngẽma naxü̃nearü ngúchaü̃gu maxẽxü̃, rü ngẽma máetagüxü̃, rü ngẽma tupananetachicüna̱xãgüxü̃ icua̱xüü̃güxü̃, rü ngẽma womüxẽẽwa̱xegüxü̃ rü taxũtáma nawa nichocu ya yima ĩane.

2 Corintios 7:14

Rü noxri tauta yéma naxũxgu ga Títo, rü namaxã nüxü̃ chixu nax aixcüma pemaxã chataãẽxü̃. Rü ñu̱xma rü taxuca̱xma chaxãne, erü guxü̃ma ga yema Títomaxã nüxü̃ chixuxü̃ ga pechiga rü aixcüma ngẽmaãcü nixĩ, yexgumarüxü̃ nax aixcüma yixĩxü̃ ga guxü̃ma ga yema Tupanaarü ore ga pemaxã nüxü̃ tixuxü̃.

Popera ga Títoca̱x naxümatüxü̃ ga Pauru 1:12

Rü wüxi ga yematama capaxũcüã̱x ga norü orearü uruxü̃ nixĩ ga natanüxü̃xü̃tama ixuxü̃ rü ñanagürü: “Ñaa Crétacüã̱x i duü̃xü̃gü rü nidorata̱a̱xgü, rü nidürae, rü nitaanü, rü nixoxochi”, ñanagürü.

1 Corintios 10:17

Rü woo nax imuxü̃ i yixema, natürü wüxitama i paũ tangõ̱xgü. Rü ngẽmaãcü, woo nax imuxü̃ i yixema, natürü wüxitama i naxü̃ne tixĩgü.

Ore i mexü̃ ga Cuáü̃ ümatüxü̃ 8:44

Penatü rü chataná nixĩ rü pema rü naxacügü pixĩgü. Rü ngẽmaca̱x penaxü i ngẽma nüma pexü̃́ nanaxwa̱xexü̃. Rü ngẽma chataná rü noxriarü ügügumama wüxi i máẽtaxü̃ nixĩ. Rü taguma ore i aixcümaxü̃gu narüxĩnü rü taguma ore i aixcümaxü̃ nixu. Rü ngẽxguma yadexaxgu rü doraxü̃xicatama nixu, erü nüma rü wüxi i dorata̱xáxü̃ nixĩ. Rü guxü̃ma i dorata̱xaxü̃natü nixĩ.

Ochéa 4:2

Rü tamuxũchi ya natüca̱xma Tupanaégagu ixunetaxe rü nataxüchi i dora, rü máeta, rü ngĩ̱x, rü namu i nai i ngexü̃maxã ipegüxü̃, rü nügü daixü̃, rü máetagüechaxü̃.

Ichaía 63:8

Rü Tupana rü ñanagürü: —Nümagü rü chorü duü̃xü̃gü nixĩgü, rü chaunegü i aixcüma chauga ĩnüexü̃ nixĩgü —ñanagürü. Rü ngẽmaca̱x norü uanügüme̱xẽwa ínananguxü̃xẽxẽ.

Ichaía 9:15

Rü ngẽma naeru rü nachiga nixĩ i Iraéanearü ãẽ̱xgacügü rü norü ngü̃xẽẽruü̃gü. Rü ngẽma narexü̃ rü nachiga nixĩ i orearü uruü̃gü i doramaxã ngu̱xẽẽtaegüxü̃.

Ucu̱xẽgüchiga 21:6

Ngẽma diẽru i womüxẽẽãcü iyaxuxü̃, rü taxuwama name, rü wüxi i paxaãchiruü̃mare nixĩ naxca̱x i ngẽma duü̃xü̃gü i yuca̱x daugüxü̃.

Ucu̱xẽgüchiga 6:17

Rü ñaagü nixĩ: yima naxetü ya nügü icua̱xü̃ne, rü yimá conü ya idoreta̱xácü, rü yima naxme̱x ya tüxü̃ imáxe ya duü̃xẽ ya taxuxü̃ma i chixexü̃ ǘxe, rü ngẽma naãxẽ i chixexü̃gu rüxĩnüxü̃, rü yima nacutügü ya paxa ixüãchine nax chixexü̃ naxügüxü̃ca̱x, rü ngẽma poxü̃ruxü̃neta i dorata̱xáxü̃, rü ngẽma daica̱x dauxü̃ i naenexẽgümaxã.

Wiyaegü 119:29

¡Rü naxcha̱xwa choxü̃ ixũgachixẽxẽ i ngẽma doramare ixĩxü̃ rü choxü̃ nangu̱xẽxẽ i curü ore i aixcüma ixĩxü̃!

Wiyaegü 52:3

Rü cuma, Pa Yatüx, rü ngẽma mexü̃arü yexera cunaxwa̱xe i ngẽma chixexü̃. Rü ngẽma ore i aixcüma ixĩxü̃arü yexera curü me nixĩ i ngẽma dora.

Efesios 5:30

Rü guxãma i yixema nax yaxõgüxü̃ rü Cristuxü̃ne tixĩgü rü wüxigu naxü̃newa taxügü.

Nüxíraxü̃xü̃ ga popera ga ãẽ̱xgacügüchiga 13:18

Natürü nüma ga guma yacü ga orearü uruxü̃ rü ñanagürü: —Choma rü ta cuxrüxü̃ orearü uruxü̃ chixĩ. Rü Cori ya Tupanaarü orearü ngeruxü̃ i daxũcüã̱x choxü̃ namu nax chauchiü̃wa cuxü̃ chagaxü̃ca̱x rü ngéma cuxü̃ nax chachibüxẽẽxü̃ca̱x, rü cuxü̃ nax chaxaxexẽẽxü̃ca̱x —ñanagürü. Natürü doramare nixĩ ga yema nüxü̃ yaxuxü̃ ga guma orearü uruxü̃ ga yacü.

Ínachoxü̃xü̃chiga 23:7

¡Rü nüxü̃ rüxo nax doramaxã ícunaxuãxü̃xü̃ i wüxi i duü̃xü̃! Rü tama name i yu namaxã cunaxuegu i wüxi i duü̃xü̃ i taxuxü̃ma i chixexü̃ üxü̃. Erü choma rü taxũtáma nüxü̃ chaxüpetümare i ngẽma duü̃xü̃ i nagagu íyixĩxü̃ nax tayuxü̃.

Wiyaegü 15:2

Rü yíxema tüxü̃́ nataxúxe i chixexü̃, rü mexü̃ üxe, rü aixcüma mexü̃ i orexü̃ ixuxe,

Ucu̱xẽgüchiga 24:28

¡Taxṹ i ta̱xacürü chixexü̃ cumücüchiga quixuxü̃, rü taxṹ i dora nachiga quidexaxü̃!

Efesios 4:22

Rü ngẽmaca̱x name nixĩ i nüxü̃ perüxoe i ngẽma nũxcümaü̃xü̃ i pecümagü ga ü̃pa nagu pexĩxü̃. Yerü yema nũxcümaü̃xü̃ ga perü maxü̃ rü nachixexüchi nagagu ga yema pexenearü ngúchaü̃gü i pexü̃ womüxẽẽxü̃.

Efesios 4:31

¡Rü nüxü̃ perüxoe nax nagu perüxĩnüexechaxü̃ ega texé ta̱xacürü chixexü̃ pexca̱x uxgux! Rü ngẽxgumarüxü̃ ta name nixĩ nax nüxü̃ perüxoexü̃ nax pegüchi pexaiexü̃, rü pegümaxã penuexü̃, rü pegü nax pengaexü̃, rü pegümaxã peguxchigagüxü̃. Rü ngẽmaãcü name nax nüxü̃ perüxoexü̃ i guxü̃ma i ngẽma chixexü̃ i dexagü.

Colosenses 3:8

¡Natürü i ñu̱xma rü nüxü̃ perüxoe i guxü̃ma i ngẽma nax pegüchi pexaiexü̃, rü pegümaxã penuexü̃, rü chixexü̃gu pemaxẽxü̃, rü pegümaxã peguxchigagüxü̃, rü guxü̃ma i ngẽma chixexü̃ i dexa i nüxü̃ pixuxü̃!

Popera ga Yudíugü ga yaxõgüxü̃ca̱x ümatüxü̃ 12:1

Rü yema muxü̃ma ga duü̃xü̃gü ga Tupanaaxü̃́ yaxõgüxü̃ ga yuexü̃, rü ñu̱xma torü ngaicamana nangẽxmagü nax tórü cua̱xruü̃gü yixĩgüxü̃ca̱x. Rü ngẽmaca̱x i ñu̱xmax, ¡rü ngĩxã nüxü̃ tarüxoe i guxü̃ma i ngẽma guxchaxü̃gü rü pecadugü i tüxü̃́ naguxchaxẽẽxü̃ nax mea yaxõgüxü̃! ¡Rü ngĩxã pora taxüe nax nawa ingugüxü̃ca̱x i ngẽma maxü̃ i tape̱xewaama ngẽxmaxü̃!

Popera ga Chantiágu ümatüxü̃ 1:21

Rü ngẽmaca̱x name nixĩ i nüxü̃ perüxoe i guxü̃ma i ngẽma chixexü̃gü i guxü̃wama ngẽxmagüxü̃. ¡Rü mea penayaxu i ngẽma ore i petanügu toxü̃! Erü ngẽma ore rü nüxü̃́ nangẽxma i pora nax pexü̃ namaxẽxẽẽxü̃ca̱x.

Nüxíraxü̃xü̃ ga popera ga Pedru ümatüxü̃ 2:1

Rü ngẽmaca̱x name nixĩ i nüxü̃ perüxoe i guxü̃ma i chixexü̃gü, rü ngẽma nax pidorata̱a̱xgüxü̃, rü ngẽma nax togüpe̱xewa mea pemaxẽnetaxü̃, rü ngẽma nax pixãũxãchiwa̱xegüxü̃, rü ngẽma nax pixoregüta̱a̱xgüxü̃.

Ãẽ̱xgacügü ga guxchaxü̃güarü mexẽxẽruü̃gü 16:11

Rü Chanchóü̃ ngĩxü̃ nangãxü̃ga rü ñanagürü: —Ngẽxguma chi ngexwacaxü̃xü̃chixü̃ i napana̱xãmaxã choxü̃ pina̱i̱xgügu, rü tá íchanaturaãchi rü ngexü̃rüüxü̃ i duü̃xü̃rüü̃mare tá chixĩ —ñanagürü.