Efesios 4:2 - Tupanaarü Ore

² Rü tama name i pegü íperütagü. Rü name nixĩ i pemecümagü rü yáxna pegümaxã pexĩnüe rü pegü pengechaü̃gü.

Efesios 4:2 Referans Kwoze

1 Corintios 13:7

Rü yíxema aixcüma tüxü̃́ nangẽxmaxẽ i ngechaü̃ rü nüxü̃ tarüngüma i guxü̃ma i guxchaxü̃gü, rü guxü̃guma tayaxõ, rü guxü̃guma mexü̃gu tarüxĩnü, rü guxü̃ma i guxchaxü̃gümaxã yáxna taxĩnü.

Romanos 15:1

Rü yixema nax iporaexü̃ i tórü õwa, rü name nixĩ i nüxü̃ tarüngü̃xẽxẽ i ngẽma tamücügü i turaexü̃ i norü õwa. Rü tama name i yigüguxicatama tarüxĩnüe rü tóxrütama ngúchaü̃ taxügü.

Ore i mexü̃ ga Matéu ümatüxü̃ 11:29

¡Rü ñu̱xũchi penayaxu i chorü ucu̱xẽgü rü naxca̱x pedauxü̃taegü i chaucüma! Erü choma rü yáxna pemaxã chaxĩnü rü tama chaugü chicua̱xüxü̃. Rü ngẽmaãcü tá nüxna iperüngügü i perü guxchaxü̃gü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:11

Natürü cumax, Pa Timutéux, rü wüxi ya yatü ya Tupanaaxü̃́ yaxõcü quixĩ. ¡Rü ngẽmaca̱x nüxna ixũgachi i guxü̃ma i chixexü̃! ¡Rü mea Tupanape̱xewa namaxü̃, rü norü ngúchaü̃ naxü, rü mea nüxü̃́ yaxõ, rü nüxü̃ nangechaxü̃ i duü̃xü̃gü, rü cugü naporaxẽxẽ i ngẽxguma guxchaxü̃ cuxca̱x ínguxgu! Rü tama name i cugü quicua̱xüxü̃.

Ucu̱xẽgüchiga 3:34

Rü nüma ya Cori rü nüxü̃ nacugü i ngẽma dauxcüraxü̃wa̱xegüxü̃, natürü tümamaxã namecüma ya yíxema tama tügü icua̱xüü̃güxe.

Iraétanüxü̃arü muxchiga 12:3

Rü aixcüma nixĩ ga Moiché rü guxü̃ i duü̃xü̃güarü yexera tama nügü irütacü yixĩxü̃ i ñoma i naanewa.

Wiyaegü 138:6

Rü woo dauxü̃wa nax nangemaxü̃ ya Cori ya Tupana, natürü ngéma nüxü̃ nadawenü i ngẽma tama nügü icua̱xüü̃xü̃. Natürü ngẽma nügü icua̱xüü̃xü̃ rü Tupana rü yáxü̃gutama nüxü̃ nadawenü rü nüxü̃ nacua̱x i ñuxãcü nax yixĩxü̃.

Nüxíraxü̃xü̃ ga popera ga Pedru ümatüxü̃ 3:15

Rü name nixĩ i perü Corixü̃ peyaxĩxẽxẽ ya Cristu rü aixcüma naga pexĩnüe. Rü name nixĩ i guxü̃guma ípememare nax mea penangãxü̃xü̃ca̱x i guxü̃ma i ngẽma duü̃xü̃gü i pexna ca̱xaxü̃ nax ta̱xacüca̱x Cristuaxü̃́ peyaxõgüxü̃.

Norü taxre ga popera ga Timutéuca̱x naxümatüxü̃ ga Pauru 2:25

Rü wüxi i Tupanaarü puracütanüxü̃ rü name nax yáxna namaxã naxĩnüãcüma mea nayaxucu̱xẽgüãxü̃ i ngẽma duü̃xü̃gü i tama irüxĩnüechaü̃xü̃. Rü name i ínanangu̱xẽxẽ nax Tupana nüxü̃ rüngü̃xẽẽgüxü̃ i ngẽma duü̃xü̃gü nax naxca̱x nawoeguxü̃ca̱x rü nüxü̃ nacua̱xãchitanüxü̃ca̱x i ngẽma ore i aixcüma ixĩxü̃.

Gálatas 6:2

¡Rü ngẽxguma texé petanüwa guxchaxü̃gü tüxü̃́ ngẽxmagu, rü pegü perüngü̃xẽxẽgü! Erü ngẽmaãcü tá peyangu̱xẽxẽ i ngẽma Cristu pexü̃ muxü̃.

Efesios 1:4

Rü taxũtáma naane uxgu, rü Cristugagu Tupana tüxü̃ nade nax ixüünegüxü̃ca̱x rü nax nataxuxü̃ca̱x i tórü chixexü̃ i nape̱xewa. Rü nüma ya Tupana rü poraãcü tüxü̃ nangechaü̃, rü yemaca̱x nũxcümamatama tüxü̃ naxuneta nax Ngechuchugagu naxacügüxü̃ tüxü̃ nadexü̃ca̱x. Rü yemaacü nanaxü ga Tupana yerü yema nixĩ ga norü ngúchaü̃.

Chofonía 2:3

Rü ngẽmaca̱x name nixĩ i Cori ya Tupanaca̱x pedaugü, Pa Guxãma i Aixcüma Nape̱xewa Mecümagüxe rü Naga Ĩnüexe i Norü Mugüx. ¡Rü nape̱xewa pixaixcümagü rü tama pegü picua̱xüü̃gü! Rü bexmana ngẽmaãcü nüma ya Cori ya Tupana rü tá pexü̃ ínapoxü̃ i ngẽma ngunexü̃ i nagu norü numaxã poxcu ínangu̱xẽẽxü̃.

Ngechuchuarü ngúexü̃gü ga yamugüxü̃arü puracüchiga 20:19

Rü guxü̃guma ga yexguma petanüwa chayexmagu, rü meama chanaxü ga Cori ya Tupanaarü puracü, rü taguma chaugü chicua̱xüxü̃. Rü woo muẽ̱xpü̱xcüna poraãcü changechaü̃gu, nagagu ga yema chixexü̃ ga chomaxã naxügüchaü̃xü̃ ga Yudíugü, natürü naétüwa chanaxüama ga yema puracü.

Ucu̱xẽgüchiga 16:19

Tama name i ngẽma diẽruã̱xgüxü̃ i nügü icua̱xüü̃güxü̃maxã cuxãmücü. Rü narümemae nixĩ i ngẽma ngearü diẽruã̱xgüxü̃ i tama nügü icua̱xüü̃güxü̃maxã cuxãmücü.

Ore i mexü̃ ga Márcu ümatüxü̃ 9:19

Rü Ngechuchu nanangãxü̃, rü ñanagürü: —Pa Duü̃xü̃gü i Tama Yaxõgüxü̃, ¿ñuxguratáta i pemaxã chanuxmaxü̃ rü yáxna pemaxã chaxĩnüxü̃? ¡Nua penaga ya yimá bucü! —ñanagürü.

Chacaría 9:9

¡Rü poraãcü petaãẽgü, Pa Chióü̃cüã̱xgü! ¡Rü perü taãẽmaxã pewiyaegü, Pa Yerucharéü̃cüã̱xgüx! Erü pexca̱x tá ínangu ya perü ãẽ̱xgacü ya poracü ya mea pemaxã icuácü. Natürü i nüma rü tama nügü yacua̱xüxü̃ãcüma ínangu. Rü wüxi i búruxacüétügumare ínangu.

Ichaía 57:15

Erü choma ya Tupana ya Guxü̃étüwa Ngẽxmacü rü guxü̃guma chamaxü̃ rü chauéga rü Üünecü nixĩ. Rü ñachagürü: “Choma rü daxũwa chamaxü̃ i ngextá ínaxüünexü̃wa. Natürü tüxü̃ charüngü̃xẽẽxü̃ rü tüxü̃ chaporaxẽxẽ ya yíxema ngearü diẽruã̱xgüxe rü yíxema naxĩ̱xãchiãẽgüxe”.

Wiyaegü 45:4

Rü cumax, Pa Ãẽ̱xgacüx, rü ngẽma curü poramaxã nüxü̃ curüyexera i guxü̃ma i tórü uanügü rü ícunapoxü̃ i ngẽma ore i aixcüma ixĩxü̃. Rü yíxema duẽxẽgü i tama tügü icua̱xüü̃güxe rü cuma rü tüxü̃ ícupoxü̃. Rü yima curü tügünechacüxümaxã rü taxü̃ i mexü̃gü cuxü.

Popera ga Chantiágu ümatüxü̃ 1:21

Rü ngẽmaca̱x name nixĩ i nüxü̃ perüxoe i guxü̃ma i ngẽma chixexü̃gü i guxü̃wama ngẽxmagüxü̃. ¡Rü mea penayaxu i ngẽma ore i petanügu toxü̃! Erü ngẽma ore rü nüxü̃́ nangẽxma i pora nax pexü̃ namaxẽxẽẽxü̃ca̱x.

Ngu̱xẽẽtaeruü̃arü ore 7:8

Rü wüxi i puracü i ngexwaca ixügüxü̃arü yexera narümemae nax yanguxẽẽxü̃ i ngẽma puracü. Rü ngẽma nax yigü írüporaxü̃arü yexera narümemae nax imecümaxü̃.

Colosenses 1:11

Rü nüxna naxca̱x tacagü nax norü pora i mexẽchixü̃maxã pexü̃ naporaexẽẽxü̃ca̱x nax ngẽmaãcü guxü̃ma i guxchaxü̃gümaxã peporaexü̃ca̱x rü yáxna namaxã pexĩnüexü̃ca̱x rü petaãẽgüxü̃ca̱x.

Nüxíraxü̃xü̃ ga popera ga Pedru ümatüxü̃ 3:8

Rü chanaxwa̱xe i guxãma i pemax rü wüxigu perüxĩnüe, rü pegüxü̃́ pengechaü̃tümüxü̃gü rü pegü pengechaü̃gü, ñoma pegüenexẽxü̃chixü̃ pengechaü̃xü̃rüxü̃. Rü chanaxwa̱xe i aixcüma pemecümagü rü pegü íperüxíxragü.