Efesios 4:13 - Tupanaarü Ore

¹³ Rü ngẽmaãcü guxãma ya yixema rü tá nawa tangugü nax wüxigu yaxõgüxü̃ rü Tupana Nanexü̃ icuáxü̃. Rü ngẽmaãcü tá nawa tangugü nax aixcüma Cristurüxü̃ imexü̃.

Efesios 4:13 Referans Kwoze

Colosenses 1:28

Rü ñu̱xma i toma rü Cristuchiga nixĩ i duü̃xü̃gümaxã nüxü̃ tixuxü̃. Rü toma rü nüxü̃ tacuáãcüma tayaxucu̱xẽgü rü tanangúexẽxẽ i guxü̃ma i duü̃xü̃gü nax Cristugagu yangearü chixexü̃ã́xü̃ca̱x, rü ngẽmaãcü Tupanape̱xewa tanagagüxü̃ca̱x.

Ore i mexü̃ ga Cuáü̃ ümatüxü̃ 17:21

Rü cuxna chaca nax guxü̃ma i ngẽma choxna cumugüxü̃ rü wüxitama yaxĩgüxü̃ca̱x ngẽma cuma rü choma nax wüxitama ixĩgüxü̃rüxü̃. Rü ngẽxgumarüxü̃ ta cuxna chaca nax nümagü rü wüxitama tamaxã yaxĩgüxü̃ nax ngẽmaãcü i ñoma i naanecüã̱x i duü̃xü̃gü yaxõgüxü̃ca̱x nax cuma núma choxü̃ cumuxü̃.

Efesios 4:5

Rü wüxitama nixĩ ya tórü Cori, rü wüxiaxü̃́tama nixĩ i yaxõgüxü̃ rü wüxica̱xtama nixĩ ga íibaiü̃xü̃.

Efesios 4:3

Rü name i wüxigu perüxĩnüe rü ñoma wüxitama i duü̃xü̃rüxü̃ pixĩgü ngẽma Tupanaãxẽ ya Üünecü naxwa̱xexü̃rüxü̃. Rü tama name i pegüchi pexaie rü pegü pitoye.

Norü taxre ga popera ga Pedru ümatüxü̃ 3:18

Rü ngẽmaca̱x, Pa Chauenexẽgüx, penaxwa̱xe nax pegü peporaexẽẽxü̃ nax wüxichigü i ngunexü̃ yexeraãcü tórü Cori ya Ngechuchu ya Cristu ya tórü Maxẽxẽẽruü̃xü̃ pecuáxü̃ca̱x rü yexeraãcü nüxü̃ picuáetanüxü̃ca̱x nax aixcüma pexü̃ nangechaü̃xü̃. ¡Rü ngẽmaca̱x name i ñu̱xma rü guxü̃gutáma nüxü̃ ticua̱xüxü̃gü! Rü ngẽmaãcü yixĩ.

Colosenses 2:2

Rü ngẽmaãcü poraãcü chapuracü nax ngẽma duü̃xü̃güaxü̃́ chanangúchaü̃xẽẽxü̃ca̱x. Erü chanaxwa̱xe i guxü̃guma nügü nangechaü̃gü rü nüxü̃́ nangẽxma i ngẽma cua̱x i aixcüma ixĩxü̃ nax ngẽmaãcü meama nüxü̃ nacua̱xgüxü̃ca̱x i ngẽma ẽxü̃guxü̃ ga noxri Tupanaxicatama nüxü̃ cuáxü̃. Rü yimá rü Cristutama nixĩ.

Popera ga Yudíugü ga yaxõgüxü̃ca̱x ümatüxü̃ 5:14

Natürü yíxema yaxṍxe ya nüxü̃ cuáxe nax mea tanangugüxü̃ nax ta̱xacü yixĩxü̃ i ngu̱xẽẽtae i mexü̃ rü ẽ̱xna chixexü̃, rü aixcüma nüxü̃ tacua̱x i Tupanaarü ore. Rü yíxema rü ñoma wüxi i duü̃xü̃ i yáxü̃ i namachimaxã ãwemüxü̃rüxü̃ tixĩ.

Filipenses 3:8

Rü ñu̱xma nax Ngechuchu ya Cristu ya chorü Corixü̃ chacuáxü̃, rü cha̱u̱xca̱x rü guxü̃ma ga yema ü̃pa nagu chixũxü̃ rü taxuwama name. Rü guxü̃ma ga yema mugü ga noxri nagu chixũxü̃ rü marü nüxü̃ charüxo nax Cristuwe charüxũxü̃ca̱x. Rü ñu̱xma nax Cristuwe charüxũxü̃ rü cha̱u̱xca̱x rü ñoma guxchirerüxü̃ nixĩ ga yema ü̃pa nagu chixũxü̃

1 Corintios 14:20

Pa Chauenexẽgüx, tama name i ñoma buxü̃gürüxü̃ nagu perüxĩnüe i ngẽma ore i pemaxã nüxü̃ chixuxü̃. Rü narümemae nixĩ i ñoma buxü̃gürüxü̃ pegü pixĩgüxẽxẽ na̱xcha̱xwa i ngẽma chixexü̃. Natürü ngẽma perü ĩnüwa rü penaxwa̱xe i duü̃xü̃gü i marü yáxü̃rüxü̃ mea nagu perüxĩnüe rü nagu pexĩ i ngẽma ore i pemaxã nüxü̃ chixuxü̃.

Efesios 1:23

Rü ñu̱xma rü guxü̃ma i yaxõgüxü̃ rü wüxigu Cristume̱xẽwa nangẽxmagü rü nüma rü nawa nangẽxma. Rü ngẽxgumarüxü̃ ta nawa nangẽxma i guxü̃ma i ta̱xacü i ngẽxmagüxü̃.

Ngechuchuarü ngúexü̃gü ga yamugüxü̃arü puracüchiga 4:32

Rü namu ga yema yaxõgüxü̃. Rü guxü̃ma rü wüxigu narüxĩnüe. Rü taxuxü̃ma nagu narüxĩnü nax noxrüxicatama yixĩxü̃ ga norü yemaxü̃gü, natürü guxü̃ma ga ta̱xacü nüxü̃́ yexmaxü̃ rü guxãarü nixĩ.

Chacaría 14:9

Rü ngẽma ngunexü̃gu rü nüma ya Cori ya Tupana rü ãẽ̱xgacü tá nixĩ nawa i ñoma i naane. Rü nüxica tátama nixĩ ya Tupana yixĩxü̃ rü nataxutama i to i naéga i duü̃xü̃gü nüxü̃ icua̱xüü̃güxü̃.

Nüxíraxü̃xü̃ ga popera ga Cuáü̃ ümatüxü̃ 5:20

Rü nüxü̃ tacua̱x ta nax ñoma ga naanewa nanguxü̃ ga Tupana Nane. Rü nüma nixĩ i tüxna naxããxü̃ ga cua̱x nax nüxü̃ icua̱xgüxü̃ca̱x ya yimá aixcüma Tupana ixĩcü. Rü yixema rü norü duü̃xü̃gü tixĩgü ya yimá aixcüma Tupana ixĩcü, erü Nane ya Ngechuchu ya Cristuarü duü̃xü̃gü tixĩgü. Rü nüma ya Tupana Nane nixĩ i aixcüma Tupana ixĩcü, rü nüma nixĩ i tüxna naxããxü̃ i maxü̃ i taguma gúxü̃.

Chofonía 3:9

Rü ngẽxguma tá ngẽma ngunexü̃ ínguxgu rü mexü̃ i oremaxã tá chayadexagüxẽxẽ i duü̃xü̃gü nax ngẽmaãcü guxü̃ma i nümagü norü yumüxẽwa chomaxã yadexagüxü̃ca̱x rü guxü̃ma wüxigu choxü̃́ napuracüexü̃ca̱x.

Efesios 4:12

Rü yemaacü norü duü̃xü̃güxü̃ nangúexẽxẽ nax ngẽma yaxõgüxü̃xü̃ nangü̃xẽẽgüxü̃ca̱x nax ngẽmaãcü guxü̃ma i ngẽma Cristuaxü̃́ yaxõgüxü̃ rü yexeraãcü nüxü̃ yacuáetanüxü̃ca̱x i norü ore rü naga ixĩnüexü̃.

Efesios 2:15

Rü nüma ya Cristu rü nayacua̱xẽxẽ ga yema nũxcümaü̃güxü̃ ga mugü ga noxri natüü̃wa tayexmagüxü̃. Rü nümatama rü wüxitama i duü̃xü̃gü i ngexwaca̱xü̃xü̃ tüxü̃ nixĩgüxẽxẽ i toma i Yudíugü nax tixĩgüxü̃ rü pema i tama Yudíugü nax pixĩgüxü̃. Rü yemaacü yigümaxã tüxü̃ inarüngü̃xmü̃exẽxẽ.

2 Corintios 4:6

Erü nümatama ya Tupana ga noxri naane naxü̱xgux rü ẽanexü̃wa nanango̱xẽxẽ ga ngóonexü̃. Rü nümatama nixĩ i ñu̱xma i tüxü̃ yango̱xnaãẽxẽẽgüxü̃ nax ngẽmawa nüxü̃ icuáxü̃ca̱x nax nüma rü naxüünexü̃. Rü ngẽma norü üüne rü Ngechuchu ya Cristuchiwewa nixĩ i nangóxü̃.

1 Corintios 1:10

Pa Chauenexẽgüx, tórü Cori ya Ngechuchu ya Cristuégagu pexü̃ chaca̱a̱xü̃ nax wüxigu perüxĩnüexü̃ca̱x. Rü tama name i pegü pitoyex. Rü name nixĩ i aixcüma pegü pengechaü̃gü nax wüxigutama perüxĩnüexü̃ca̱x.

Ore i mexü̃ ga Cuáü̃ ümatüxü̃ 17:3

Rü ngẽma duü̃xü̃gü tá nüxü̃́ nangẽxma i maxü̃ i taguma gúxü̃ ega cuxü̃́ yaxõgüãgu nax cuxicatama Tupana nax quixĩxü̃, rü choxü̃́ yaxõgüãgu nax choma rü Cristu ga núma choxü̃ cumucü nax chixĩxü̃.

Ore i mexü̃ ga Cuáü̃ ümatüxü̃ 16:3

Rü ngẽmaãcü tá pemaxã namaxẽ i duü̃xü̃gü, erü taguma nüxü̃ nacua̱xgü ya Chaunatü, rü taguma choxü̃ nacua̱xgü.

Ichaía 53:11

Natürü nawena nax ngúxü̃ yangexü̃, rü tá nataãxẽ erü nüxü̃ nacua̱x nax norü yugagu muxü̃ma i duü̃xü̃gü tá nanayauxgü i maxü̃ i taguma gúxü̃. Rü nüma ya Cori ya Tupanaarü duü̃ ya mecü rü tá Tupanape̱xewa nayamexẽxẽ i muxü̃ma i duü̃xü̃gü rü tá nayange i norü pecadugü.

Ore i mexü̃ ga Matéu ümatüxü̃ 11:27

Rü ñanagürü ta ga Ngechuchu: “Chaunatü choxna nanaxã i guxü̃ma i ta̱xacü i nüxü̃́ ngẽxmaxü̃. Rü Chaunatüxicatama choxü̃ nacua̱x nax texé chixĩxü̃ i choma i Nane. Rü tama guxü̃ma i duü̃xü̃gü aixcüma nüxü̃ nacua̱x ya Chaunatü. Rü choma ya Nane, rü ñu̱xũchi ngẽma duü̃xü̃gü i Chaunatüxü̃ nüxü̃ chacua̱xẽẽchaü̃xü̃xicatama nixĩ i aixcüma Chaunatüxü̃ cua̱xgüxü̃.

Ore i mexü̃ ga Cuáü̃ ümatüxü̃ 1:16

Rü Tupana Nanearü ngechaü̃ i taxü̃gagu nixĩ i nayauxgüxü̃ i muxü̃ma i norü ngü̃xẽẽgü.

Ore i mexü̃ ga Cuáü̃ ümatüxü̃ 6:69

Toma rü marü cuxü̃́ tayaxõgü, rü nüxü̃ tacua̱x nax cuma quixĩxü̃ ya Cristu ya Üünecü ya Tupana Nane —ñanagürü.

1 Corintios 2:6

Natürü pemaxã nüxü̃ chixu, rü ngẽxguma natanüwa tangexmagu i ngẽma marü meama yaxõgüxü̃, rü ngẽxguma nixĩ i nüxü̃ cua̱xüchixü̃ãcü tanangúexẽẽxü̃ i ngẽma ore. Natürü ngẽma cua̱x rü tama ñoma i naanewa ne naxũ, rü bai i ñoma i naanearü ãẽ̱xgacügü i paxa tá iyarüxoxü̃wa ne naxũ.

Gálatas 4:19

Pa Chauxacügüx, wenaxarü ñoma wüxi i mama ngĩxacümaxã ngu̱xnecacürüxü̃ poraãcü pexca̱x ngúxü̃ chinge nax aixcüma mea Cristuaxü̃́ peyaxõgüxü̃ca̱x rü aixcüma naxca̱x nax pemaxẽxü̃ca̱x. Rü ngẽmaãcü tá chixĩ ñu̱xmatáta Cristu naxwa̱xexü̃rüxü̃ pixĩgü i perü maxü̃wa.

Efesios 1:17

Rü ngẽxguma namaxã chidexagu ya Tanatü ya Tupana ya Üünecü ya Nanatü ya tórü Cori ya Ngechuchu ya Cristu, rü naxca̱x nüxna chaca nax pexca̱x nango̱xẽẽxü̃ i ngẽma cua̱x i Naãxẽ ya Üünexü̃wa ne ũxü̃ nax aixcüma Tupanaxü̃ pecuáxü̃ca̱x.

Filipenses 3:10

Rü ngẽma ñu̱xma chanaxwa̱xexü̃ nixĩ nax aixcüma Cristuxü̃ chacuáxü̃ rü chowa nax nangẽxmaxü̃ i Tupanaarü pora ga wena Cristuxü̃ írüdaxẽẽxü̃. Rü yema ngúxü̃ nax yangexü̃ ga nüma rü nax nayuxü̃ rü ngẽxgumarüü̃tama i choma rü íchamemare nax naxca̱x ngúxü̃ chingexü̃ rü naxca̱x chayuxü̃ nax yixcaama choma rü ta yuwa ícharüdaxü̃ca̱x.

Norü taxre ga popera ga Pedru ümatüxü̃ 1:4

Rü yema nacüma i mexü̃maxã Tupana tüxna nanaxã i norü unetagü i aixcüma mexẽchixü̃ nax ngẽmaãcü naxrüxü̃ pimexü̃ca̱x rü nüxna pixĩgachixü̃ca̱x i guxü̃ma i ngẽma chixexü̃gü i duü̃xü̃güarü ngúchaü̃gagu ñoma i naanewa ngẽxmagüxü̃.