Efesios 3:9 - Tupanaarü Ore

⁹ Rü nüma ga Tupana ya guxü̃arü üruxü̃ ixĩcü, rü choxü̃ namu nax guxü̃ i duü̃xü̃güxü̃ nüxü̃ chacua̱xẽẽxü̃ca̱x i ngẽma norü ĩnü ga nũxcüma nüxicatama nüxü̃ nacuáxü̃.

Efesios 3:9 Referans Kwoze

Colosenses 1:26

Rü ngẽmaca̱x nüxü̃ chixu i ngẽma ore ga noxri ẽxü̃guxü̃ ga nũxcümaü̃güxü̃ ga duü̃xü̃gü tama nüxü̃ cua̱xgüxü̃. Natürü i ñu̱xma ya Tupana rü norü duü̃xü̃gü i yaxõgüxü̃xü̃ nüxü̃ nacua̱xẽxẽ i ngẽma ore i guxü̃ i duü̃xü̃güca̱x ixĩxü̃. Rü ngẽma ore ga noxri ẽxü̃guxü̃ rü nüxü̃ nixu nax Cristu i petanüwa ngẽxmaxü̃gagu tá pexü̃́ nangẽxmaxü̃ i pechica i daxũguxü̃ i naanewa.

Ore i mexü̃ ga Matéu ümatüxü̃ 13:35

Rü yemaacü nayanguxẽxẽ ga Tupanaarü ore ga norü orearü uruxü̃ ga Ichaía ümatüxü̃ ga ñaxü̃: “Choma rü cua̱xruü̃gu ixuxü̃ i oremaxã tá duü̃xü̃gümaxã chidexa. Rü tá namaxã chanangõ̱xẽxẽ i ngẽma cua̱x ga noxri naane ixügügumama ẽxü̃guxü̃”, ñaxü̃.

Norü taxre ga popera ga Timutéuca̱x naxümatüxü̃ ga Pauru 1:9

Rü Tupana tüxü̃ namaxẽxẽxẽ rü tüxü̃ nade nax naxca̱xicatama imaxẽxü̃ca̱x. Natürü tama ta̱xacürü mexü̃ nax ixügüxü̃gagu nixĩ ga yemaacü tamaxã namecümaxü̃ ga Tupana. Natürü tamaxã namecüma yerü woetama yema nixĩ ga norü ngúchaü̃ rü naxü̃pa nax naane naxüxü̃ rü Ngechuchu ya Cristugagu tüxü̃ nangechaxü̃.

Colosenses 3:3

Yerü yema nũxcümaü̃xü̃ ga perü maxü̃ rü marü nayu. Rü ñu̱xma rü Cristugagu Tupana pexna nanaxã i maxü̃ i ngexwaca̱xü̃xü̃.

Ore i mexü̃ ga Matéu ümatüxü̃ 28:19

Rü ñu̱xma rü chanaxwa̱xe i guxü̃ i nachixü̃anewa pexĩ i guxü̃ i duü̃xü̃gütanüwa. ¡Rü chorü duü̃xü̃güxü̃ peyaxĩgüxẽxẽ̱x! ¡Rü ípenabaiü̃xẽxẽ chauégagu rü Chaunatüégagu rü Naãxẽ ya Üünexü̃égagu!

Ichaía 44:24

Rü nüma ya Tupana ya pexü̃ ínguxü̃xẽẽcü rü pexü̃ ücü naxü̃pa ga nax pibuexü̃ rü ñanagürü: —Choma nixĩ ya Tupana chixĩxü̃, rü choma nixĩ i chanangóexẽẽxü̃ i guxü̃ma i ñoma i naanewa ngẽxmagüxü̃. Rü choma nixĩ ga chanaxüxü̃ ga daxũguxü̃ ga naane rü ñoma ga naane. Rü taxúema choxü̃ tarüngü̃xẽxẽ.

Wiyaegü 33:6

Rü nüma ga Cori ya Tupana rü norü dexamaxã nanaxü ga daxũguxü̃ i naane rü norü cue ñaxü̃maxã nanaxü ga guxü̃ma i ẽxtagü i ngéma ngẽxmagüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:11

Rü ñanagürügü: “Pa Torü Cori, Pa Torü Tupanax, cuxü̃ nixĩ i namexü̃ nax ticua̱xüü̃güxü̃ rü cuxü̃ tataxẽẽgüxü̃, yerü cuma nixĩ ga cunaxüxü̃ ga guxü̃ma, rü curü ngúchaü̃gagu nixĩ i ñu̱xma nangẽxmagüxü̃ i ngẽma cuxüxü̃”, ñanagürügü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:16

Rü nüxü̃ tacua̱x nax aixcüma yixĩxü̃ i ngẽma ore ga noxri ẽxü̃guxü̃ i ñu̱xma Tupana tüxü̃ nüxü̃ cua̱xẽẽxü̃ i Cristuchiga. Rü nüma ga Cristu rü duü̃xü̃xü̃ nügü nixĩxẽxẽ rü yemaacü nügü nango̱xẽxẽ ga yexguma ñoma ga naanewa nayexmagu. Rü Naãxẽ ya Üünexü̃ tüxü̃ nüxü̃ nacua̱xẽxẽ nax Cristu rü aixcüma Tupana yixĩxü̃. Rü Tupanaarü orearü ngeruü̃gü i daxũcüã̱x nüxü̃ nadaugü. Rü ngẽma tama Yudíugü ixĩgüxü̃maxã nüxü̃ nixuchigagü. Rü guxü̃wama i ñoma i naanewa rü nüxü̃́ nayaxõgü. Rü Nanatü rü wenaxarü daxũguxü̃ i naanewa nanaga.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:8

Rü tá ngẽma ngo̱xoxü̃ nicua̱xüü̃gü i guxü̃ma i ñoma i naanecüã̱x i ngeégagüxü̃ nawa i norü popera ya yimá Carnéruxacü ga yama̱xgüãcü. Rü noxritama naanearü ügügu rü yima Carnéruxacüarü poperagu nixĩ i naxümatüxü̃ i naéga i ngẽma duü̃xü̃gü i nüxü̃́ nangẽxmagüxü̃ i maxü̃ i taguma gúxü̃.

Nüxíraxü̃xü̃ ga popera ga Pedru ümatüxü̃ 1:20

Rü nüma ga Tupana rü woetama nũxcümaxü̃chima tauta naane ixügügu, rü marü Cristuxü̃ naxuneta nax pexca̱x nayuxü̃ca̱x. Natürü ñomaü̃cüü nixĩ ga nangóxü̃ ga gumá Cristu nax pexü̃ nangü̃xẽẽxü̃ca̱x.

Norü taxre ga popera ga Timutéuca̱x naxümatüxü̃ ga Pauru 4:17

Natürü tórü Cori choxü̃ naporaxẽxẽ rü choxü̃́ nanatauxchaxẽxẽ nax mea nüxü̃ chixuxü̃ca̱x ga norü ore i mexü̃ i tüxü̃ maxẽxẽẽxü̃. Rü yemaacü guxü̃ma ga yema duü̃xü̃gü ga tama Yudíugü ixĩgüxü̃ ga yéma yexmagüxü̃ rü nüxü̃ naxĩnüe ga yema ore. Rü yemaacü tórü Cori ya Ngechuchu choxna nadau nax tama yu chomaxã naxueguxü̃ca̱x.

2 Tesalonicenses 2:13

Natürü, Pa Chauenexẽgüx i Tórü Cori ya Ngechuchu Pexü̃ Ngechaü̃güxex, rü guxü̃guma Tupanana moxẽ pexca̱x taxã yerü nüma ga Tupana rü noxritama naane ixügügumama pexü̃ nade nax pexíra penayauxgüxü̃ca̱x i maxü̃ i taguma gúxü̃ ga yexguma pexü̃ nangü̃xẽẽgu ga Naãxẽ ya pexü̃ üünexẽẽxü̃ rü peyaxõgügu i ngẽma ore i aixcüma ixĩxü̃.

Colosenses 1:23

Natürü ngéma nax pengugüxü̃ca̱x, rü penaxwa̱xe nax guxü̃guma aixcüma peyaxõgüxü̃ rü taguma nüxü̃ perüxoexü̃ i ngẽma ore i mexü̃ ga marü nüxü̃ pexĩnüexü̃ nachiga i ngẽma maxü̃ i ípenangu̱xẽẽxü̃. Rü ngẽmatama ore nixĩ i ñu̱xma gúxü̃ i naanewa nüxü̃ yaxugüexü̃, rü choma i Pauru nixĩ i nawa chapuracüxü̃ nax nüxü̃ chixuxü̃ca̱x i ngẽma ore.

Efesios 1:4

Rü taxũtáma naane uxgu, rü Cristugagu Tupana tüxü̃ nade nax ixüünegüxü̃ca̱x rü nax nataxuxü̃ca̱x i tórü chixexü̃ i nape̱xewa. Rü nüma ya Tupana rü poraãcü tüxü̃ nangechaü̃, rü yemaca̱x nũxcümamatama tüxü̃ naxuneta nax Ngechuchugagu naxacügüxü̃ tüxü̃ nadexü̃ca̱x. Rü yemaacü nanaxü ga Tupana yerü yema nixĩ ga norü ngúchaü̃.

1 Corintios 2:7

Natürü ngẽma cua̱x rü Tupanawa nixĩ i ne naxũxü̃. Rü ngẽma cua̱x nixĩ ga noxri tauta naane uxgu Tupanaxicatama nagu rüxĩnüxü̃ nax ñuxãcü tá tüxna naxããxü̃ i maxü̃ i taguma gúxü̃.

Ngechuchuarü ngúexü̃gü ga yamugüxü̃arü puracüchiga 15:18

Rü yemaacü nüxü̃ nixu ga nüma ga Cori ya Tupana ga nũxcümama tüxü̃ nüxü̃ cua̱xẽẽcü ga yema” —ñanagürü ga yema ore ga nũxcüma ümatüxü̃.

Ore i mexü̃ ga Cuáü̃ ümatüxü̃ 10:30

Chaunatü rü choma rü wüxitama tixĩgü —ñanagürü.

Ore i mexü̃ ga Cuáü̃ ümatüxü̃ 5:19

Rü yexguma ga Ngechuchu rü ñanagürü nüxü̃ ga yema ãẽ̱xgacügü: —Aixcüma pemaxã nüxü̃ chixu rü Tupana Nane ya duü̃xü̃xü̃ ixĩcü rü tama norü poramaxã nixĩ i ta̱xacü inaxüxü̃. Natürü ngẽma nüxü̃ nadauxü̃ i nanatü üxü̃xicatama nixĩ i naxüxü̃. Rü guxü̃ma i ngẽma nanatü üxü̃, rü Nane rü ta nanaxü.

Ore i mexü̃ ga Cuáü̃ ümatüxü̃ 5:17

Natürü ga Ngechuchu rü ñanagürü nüxü̃: —Chaunatü ya Tupana rü guxü̃ i ngunexü̃gu napuracü rü mexü̃ naxü. Rü ngẽmaca̱x i choma rü ta naxrüxü̃ chapuracü —ñanagürü.

Ore i mexü̃ ga Luca ümatüxü̃ 24:47

Rü yematama ore i ümatüxü̃wa nüxü̃ nixu rü yimá Cristuégagu tá nixĩ i nüxü̃ yaxugüxü̃ i ore i mexü̃. Rü Yerucharéü̃wa tá inaxügü i ngẽma ñu̱xmatáta guxü̃ i naanewa nangu nax ngẽmaãcü duü̃xü̃gü nüxü̃ rüxoexü̃ca̱x i nacüma i chixexü̃ nax Tupana nüxü̃́ nüxü̃ rüngü̃maxü̃ca̱x i norü pecadugü.

Ore i mexü̃ ga Matéu ümatüxü̃ 25:34

Rü ngẽxguma i nüma ya Ãẽ̱xgacü rü tá ñanarügü nüxü̃ i ngẽma norü tügünecüwawa ngẽxmagüxü̃: “¡Nua pexĩ i pemax ya Chaunatü mexü̃ pemaxã uegugüxe! ¡Rü nüma ãẽ̱xgacü íyixĩxü̃wa pichocu rü penayaxu i pechica ga noxritama naane naxü̱xgu pexca̱x namexẽẽxü̃!

Ore i mexü̃ ga Matéu ümatüxü̃ 10:27

Rü guxü̃ma i ngẽma bexma pemaxã nüxü̃ chixuxü̃, ¡rü mea duü̃xü̃güca̱x penango̱xẽxẽ! Rü guxü̃ma i ngẽma pemaxãxicatama nüxü̃ chixuxü̃, ¡rü tagaãcü guxü̃ i duü̃xü̃gümaxã nüxü̃ pixu!

Yema Cuáü̃ nüxü̃ dauxü̃ i yixcüra tá ngupetüxü̃chiga 17:8

Rü ngẽma ngo̱xo i nüxü̃ cudauxü̃, rü yema nixĩ ga nũxcüma maxü̃xü̃ natürü marü yuxü̃ rü ngẽma ãxmaxü̃ i taxuguma iyacuáxü̃wa ngẽxmaxü̃. Natürü tá ínaxũxũ nawa i ngẽma ãxmaxü̃ naxü̃pa nax ngẽma nachica i guxü̃gutáma nagu napoxcuxü̃wa naxũxü̃. Rü ngẽma ngo̱xomaxã tá naba̱i̱xãchiãẽgü i ngẽma duü̃xü̃gü i ñoma i naanewa maxẽxü̃ i noxritama naane ixügügu tama nawa ngo̱xégagüxü̃ i Tupanaarü popera i nagu naxümatüxü̃ i naéga i ngẽma maxü̃ nüxü̃ ngẽxmagüxü̃. Rü ngẽmaãcü i ngẽma duü̃xü̃gü i tama nawa ngo̱xégagüxü̃ i Tupanaarü popera rü tá naba̱i̱xãchie i ngẽxguma nüxü̃ nada̱u̱xgu i ngẽma ngo̱xo ga nũxcüma maxü̃xü̃ rü marü yuxü̃, natürü wena tá ínguxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:6

Rü ñu̱xũchi nüxü̃ chadau ga wüxi ga to ga orearü ngeruxü̃ ga daxũguxü̃ ga naanegu íxexeü̃xü̃ ga yangexü̃ ga Tupanaarü ore i guxü̃gutáma ixĩxü̃, nax namaxã nüxü̃ yaxuxü̃ca̱x ga duü̃xü̃gü ga ñoma ga naanewa maxẽxü̃, rü naguxü̃raü̃xü̃ ga duü̃xü̃gütücumü, rü naguxü̃raü̃xü̃ ga duü̃xü̃gü ga to ga nagawa idexagüxü̃, rü naguxü̃raü̃xü̃ ga ĩanegücüã̱x.

Romanos 11:25

Pa Chauenexẽgü i Yaxõgüxü̃x, nangẽxma i wüxi i ore ga noxri tama duü̃xü̃güxü̃ nüxü̃ nacua̱xẽẽxü̃ ga Tupana. Natürü chanaxwa̱xe i nüxü̃ pecua̱x i ngẽma ore nax tama nagu perüxĩnüexü̃ca̱x nax duü̃xü̃gü i nüxü̃ cua̱xüchixü̃ pixĩgüxü̃, rü pexicatama Tupana pexü̃ dexü̃. Rü dücax, nangẽxmagü i Iraétanüxü̃ i tama yaxõgüchaü̃xü̃. Rü ngẽmaãcü tá nixĩ ñu̱xmatáta yaxõgüã i guxü̃ma i ngẽma tama Yudíu ixĩgüxü̃ ya Tupana dexü̃.

Efesios 3:2

Rü pemax, rü marü nüxü̃ pecuáchiga nax Tupana rü choxü̃ nangechaü̃xü̃ca̱x choxü̃ namuxü̃ nax pemaxã nüxü̃ chixuxü̃ca̱x ga norü ore i mexü̃.

Efesios 6:19

Rü ngẽxgumarüxü̃ ta chanaxwa̱xe i cha̱u̱xca̱x peyumüxẽgü nax Tupana choxü̃ rüngü̃xẽẽxü̃ca̱x rü choxna naxããxü̃ca̱x i ngẽma ore i nüma nanaxwa̱xexü̃ nax nüxü̃ chixuxü̃. Rü chanaxwa̱xe i Tupanana naxca̱x peca nax choxü̃ naporaxẽẽxü̃ca̱x nax tama chamuü̃ãcüma nüxü̃ chixuxü̃ca̱x rü mea chanango̱xẽẽxü̃ca̱x i ngẽma norü ore i Cristuchiga ga noxri ẽxü̃guxü̃ i ñu̱xma maxü̃ tüxna ãxü̃.

Colosenses 4:3

¡Rü toxca̱x rü ta peyumüxẽgü nax Tupana toxü̃́ natauxchaxẽxẽxü̃ca̱x nax nüxü̃ tixuxü̃ca̱x i norü ore, rü meama duü̃xü̃güca̱x tanango̱xẽxẽxü̃ca̱x i ngẽma ore ga noxri ẽxü̃guxü̃ i Cristuchiga! Rü ngẽma oreca̱x nixĩ i ñu̱xma ichapoxcuxü̃.