Efesios 3:20 - Tupanaarü Ore

²⁰ Rü ñu̱xma rü name nax nüxü̃ icua̱xüü̃güxü̃ ya Tupana. Erü nüma rü nüxü̃́ nangẽxma i pora nax tüxna naxããxü̃ i ngẽma naxca̱x íicaxü̃arü yexeraxüchi rü ngẽma nagu rüxĩnüexü̃arü yexeraxüchi. Rü ngẽma norü pora i tawa ngẽxmaxü̃maxã nixĩ i naxüaxü̃ i guxü̃ma i ngẽma.

Efesios 3:20 Referans Kwoze

2 Corintios 9:8

Rü Tupana rü nüxü̃́ natauxcha nax mea pexna naxããxü̃ca̱x i norü ngü̃xẽxẽ, nax guxü̃guma pexü̃́ nangẽxmaxü̃ca̱x i ngẽma pexca̱x mexü̃ rü naétü nax pexü̃́ íyaxüxü̃ca̱x nax togüxü̃ namaxã perüngü̃xẽẽgüxü̃ca̱x.

Romanos 4:21

Rü aixcümaxü̃chi nayaxõ nax naporaxü̃ ya Tupana nax yanguxẽẽãxü̃ca̱x i guxü̃ma i ngẽma norü uneta.

Yeremía 32:27

—Choma rü guxü̃arü Cori chixĩ rü guxü̃ i ta̱xacü i maxẽxü̃arü Tupana chixĩ. Rü nataxuma i ta̱xacü i choxü̃́ guxchaxü̃ nax chanaxüxü̃.

Popera ga Yúda ümatüxü̃ 1:24

Rü yimá nüxicatama Tupana ixĩcü ya tórü Maxẽxẽẽruxü̃ ixĩcü, rü nüxü̃́ nangẽxma i pora nax pexna nadauxü̃ nax tama pecadugu peyixü̃ca̱x. Rü nüxü̃́ nangẽxma i pora nax iyanaxoxẽẽãxü̃ca̱x i perü chixexü̃gü nax ngẽmaãcü ngearü pecaduãcüma rü taãẽãcüma nape̱xewa pengugüxü̃ca̱x i ngextá nüma ínaxüünexü̃wa ãẽ̱xgacü íyixĩxü̃wa. Rü tanaxwa̱xe i tórü Cori ya Ngechuchu ya Cristuégagu Tupanaxü̃ ticua̱xüü̃gü, erü nüma rü naxüüne, rü guxü̃étüwa nangẽxma, rü guxü̃arü yexera napora, rü guxü̃maxã inacua̱x. Rü yemaacü nixĩ ga nũxcüma, rü ngẽmaãcü nixĩ i ñu̱xmax, rü guxü̃gutáma ngẽmaãcü nixĩ. Rü ngẽmaãcü yixĩ.

1 Corintios 2:9

Rü ngẽmachiga nixĩ i Tupanaarü ore i ümatüxü̃wa i ñaxü̃: “Rü ngẽma duü̃xü̃gü i Tupanaxü̃ ngechaü̃güxü̃ca̱x, rü nüma nanamexẽxẽ i ta̱xacü i taxúema nüxü̃ dauxü̃, rü taguma texé nüxü̃ ĩnüxü̃, rü bai i texé nagu rüxĩnüxü̃”, ñaxü̃.

Efesios 1:19

Rü ngẽxgumarüxü̃ ta nüxna naxca̱x chaca nax pexü̃ nüxü̃ nacua̱xẽẽxü̃ca̱x nax ñuxãcü naporaxüchixü̃ i norü pora i tawa ngẽxmaxü̃. Rü ngẽma poramaxã nixĩ ga yuwa Cristuxü̃ ínadaxẽẽxü̃ rü daxũguxü̃ ga naanewa nagaãxü̃ rü nügüarü tügünecüwawa yanatoxẽẽãxü̃.

Yeremía 32:17

—Cumax, Pa Corix, nixĩ ga curü pora ga taxü̃maxã cunango̱xẽẽxü̃ ga dauxü̃guxü̃ ga naane rü ñoma ga naane. Rü nataxuma i ta̱xacü i cuxü̃́ guxchaxü̃ nax cunaxüxü̃.

Popera ga Yudíugü ga yaxõgüxü̃ca̱x ümatüxü̃ 7:25

Rü ngẽmaca̱x nüxü̃́ natauxcha nax tüxü̃ namaxẽxẽẽxü̃ ya guxãma ya yíxema norü ngü̃xẽẽmaxã Tupanaxü̃tawa ngugüxe. Erü nüma ya Ngechuchu rü guxü̃guma namaxecha nax Tupanape̱xewa tümaétüwa nachogüxü̃ca̱x.

Efesios 3:7

Rü Tupana rü choxü̃ namu nax nüxü̃ chixuxü̃ca̱x i ngẽma norü ore i mexü̃, erü poraãcü nüxü̃́ changechaü̃tümüxü̃ rü chomaxã namecüma. Rü yemaacü chowa inanawe̱x ga taxü̃ ga norü pora.

Romanos 16:25

¡Rü ñu̱xmax, rü ngĩxã nüxü̃ ticua̱xüü̃gü ya Tanatü ya Tupana! Rü nüma nüxü̃́ nangẽxma i pora nax pexü̃ naporaexẽẽxü̃ca̱x nax mea peyaxõgüamaxü̃ca̱x, ngẽma norü ore i tüxü̃ maxẽxẽẽxü̃ tamaxã nüxü̃ ixuxü̃rüxü̃. Rü ngẽma nixĩ i ore i guxü̃wama nüxü̃ chixuxü̃ rü namaxã changúexẽẽtaexü̃ ya Ngechuchu ya Cristuchiga. Rü ngẽmatama ore i Cristuchiga rü taxcha̱xwa naxẽxü̃gu ga noxri, natürü i ñu̱xma ya Tupana rü marü tüxü̃ nüxü̃ nacua̱xẽxẽ i ngẽma. Rü nũxcüma tauta naane uxgu rü Tupanaxicatama nüxü̃ nacua̱x ga yema, natürü i ñu̱xma rü norü orearü uruü̃gü ümatüxü̃ ga orewa taxca̱x nanango̱xẽxẽ. Rü ngẽma ore rü namaxã nawüxigu ga yema ore ga nũxcüma nüxü̃ yaxuxü̃ ga Tupana ya guxü̃guma maxẽchacü. Rü ñu̱xma ya Tupana rü nanamugü i norü orearü uruü̃gü nax guxü̃ma i nachixü̃anecüã̱xgü i duü̃xü̃gümaxã nüxü̃ yaxugüexü̃ca̱x i ngẽma ore i Cristuchiga nax nüxü̃́ yaxõgüãxü̃ca̱x rü naga nax naxĩnüexü̃ca̱x.

Nüxíraxü̃xü̃ ga popera ga ãẽ̱xgacügüchiga 3:13

Rü naétü tá cuxna chanaxã i ngẽma tama naxca̱x ícucachiréxü̃. Rü tá cuxna chanaxã i muxü̃tama i curü ngẽmaxü̃gü i mexü̃, rü tá cuxü̃ charüngü̃xẽẽxü̃ nax cumaxã nataãẽgüxü̃ca̱x i ngẽma curü duü̃xü̃gü i Iraéanecüã̱xgü. Rü ngẽmaãcü i cuma rü guxü̃ma i curü maxü̃gu rü nataxutama i to i nachixü̃anearü ãẽ̱xgacü i cumaxã wüxiguxü̃.

Naanearü ügüchiga 17:1

Rü yexguma Abráü̃ 99 ga taunecü nüxü̃́ yexmagu rü Cori ya Tupana naxca̱x nango̱x rü ñanagürü nüxü̃: —Choma nixĩ ya Tupana ya Guxü̃étüwa Ngẽxmacü chixĩxü̃. Rü chanaxwa̱xe i aixcüma mea cumaxü̃ i chope̱xewa.

Danié 3:17

Rü yimá torü Tupana ya nüxü̃ ticua̱xüü̃gücü rü nüxü̃́ natauxcha nax toxü̃ ínanguxü̃xẽxẽxü̃ nawa ya yima üxü rü nawa i guxü̃ma i ngẽma poxcu i tomaxã cuxueguxü̃, Pa Ãẽ̱xgacüx.

Colosenses 1:29

Rü ngẽmaca̱x woo guxchaxü̃gü cha̱u̱xca̱x ínguxgu rü poraãcü chapuracüama namaxã i ngẽma pora i chowa ngẽxmaxü̃ i Cristu choxna ãxü̃.

Norü taxre ga to ga popera ga ãẽ̱xgacügüchiga ümatüxü̃ 25:9

Rü nüma ga Amachía rü yema Tupanaarü orearü uruxü̃na naca rü ñanagürü: —Natürü, ¿ta̱xacü tá nangupetü namaxã i ngẽma 3,300 quíru nagúxü̃ i diẽrumü i ngẽma Iraéanearü churarana chaxãxü̃? —ñanagürü. Rü yema Tupanaarü orearü uruxü̃ nanangãxü̃ rü ñanagürü: —Nüma ya Cori ya Tupana rü nüxü̃́ nangẽxma i pora nax ngẽma diẽrumüarü yexera cuxna naxãxü̃ —ñanagürü.

Ore i mexü̃ ga Cuáü̃ ümatüxü̃ 10:10

Ngẽma ngĩ́ta̱xaxü̃ rü núma naxũ nax yangĩ́xü̃ca̱x rü namáetaxü̃ca̱x rü nachixexẽẽãxü̃ca̱x. Rü ngẽmaca̱xicatama núma naxũ. Natürü i choma rü núma chaxũ nax chanamaxẽxẽẽxü̃ca̱x i duü̃xü̃gü nax aixcüma nüxü̃́ nangẽxmaxü̃ca̱x i maxü̃ i taguma gúxü̃.

Ínachoxü̃xü̃chiga 34:6

Rü Moichépe̱xewa naxüpetü rü tagaãcü ñanagürü: —Chomax rü Cori chixĩ. Chomax rü Cori chixĩ. Rü choma nixĩ ya Tupana ya mecümacü rü ngechaü̃wa̱xecü, rü yáxna ĩnüwa̱xecü, rü aixcüma ngechaü̃cü choxü̃́ ngẽxmacü rü aixcümaxü̃ ixucü chixĩ i chomax.

Popera ga Chantiágu ümatüxü̃ 4:12

Tupanaxicatama nixĩ ya tüxna naxãcü i norü mugü, rü ñu̱xũchi nümatama nixĩ i cagüruxü̃ yixĩxü̃. Rü nümatama nixĩ i nüxü̃́ nangẽxmaxü̃ i pora nax tüxü̃ namaxẽxẽẽxü̃ rü ẽ̱xna tüxü̃ napoxcuexü̃. ¿Rü texé quixĩxü̃ i cumax rü ngẽmaca̱x cunangugüxü̃ nax ñuxãcü namaxü̃xü̃ i cumücü?

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:14

Rü yemaacü ga tórü Cori ya Ngechuchu rü poraãcü choxü̃ nangechaxü̃ rü choxü̃ narüngü̃xẽxẽ nax nüxü̃́ chayaxõxü̃ca̱x rü nagagu guxü̃ma i duü̃xü̃güxü̃ changechaü̃xü̃ca̱x.

Danié 6:20

Rü yexguma nüma ga ãẽ̱xgacü marü ngaicamana nanguxgu rü nangechaü̃gaãcü Daniéna naca rü ñanagürü: —¿Pa Danié ya Tupana ya Maxü̃cüarü Duü̃xü̃x, rü yimá curü Tupana ya aixcümama naxca̱x cumaxü̃cü rü marü cuxü̃ ínapoxü̃xü̃ natanüwa i ngẽma leóü̃gü? —ñanagürü.

Popera ga Yudíugü ga yaxõgüxü̃ca̱x ümatüxü̃ 11:19

Yerü nüma ga Abráü̃ rü nayaxõ nax Tupanaaxü̃́ natauxchaxü̃ nax wena namaxẽxẽẽãxü̃ i yuexü̃. Rü yemaca̱x ga Tupana rü maxü̃cü nüxna nanamu ga nane ga Ichaá. Rü yema rü wüxi ga tórü cua̱xruxü̃ nixĩ nax ñuxãcü aixcüma yaxõõxü̃ ga Abráü̃.

Ichaía 55:7

Rü ngẽma duü̃xü̃ i chixecümaxü̃, rü name nixĩ i nüxü̃ narüxo i ngẽma nacüma i chixexü̃. Rü ngẽma duü̃xü̃ i chixexü̃gu rüxĩnüxü̃, rü name nixĩ i nüxü̃ narüxo i ngẽma chixexü̃ i nagu naxĩnüxü̃. ¡Rü Cori ya Tupanaca̱x pewoegu! Rü tá nüxü̃́ pengechaü̃tümüxü̃gü. ¡Rü naxca̱x pewoegu ya tórü Tupana! Erü nüma rü ínamemare nax pexü̃́ nüxü̃ nangümaxü̃ i perü chixexü̃gü.

Norü taxre ga popera ga Pedru ümatüxü̃ 1:11

Rü ngẽmaãcü ya Tupana, rü tá mea pexca̱x nayawãxna i ĩã̱x nax tauxchaãcü pichocuxü̃ca̱x i ngextá guxü̃gutáma ãẽ̱xgacü íyixĩxü̃wa ya tórü Cori ya Ngechuchu ya Cristu ya tórü Maxẽxẽẽruxü̃.

Ore i mexü̃ ga Matéu ümatüxü̃ 3:9

Rü tama name i pegüãẽwa nagu perüxĩnüe rü pegümaxã ñaperügügü: ‘Yixema rü Abraáü̃taagü tixĩgü rü ngẽmaca̱x ya Tupana rü taxũtáma tüxü̃ napoxcue’, ñaperügügü. Rü pemaxã nüxü̃ chixu rü ngẽxguma Tupana naxwa̱xegu, rü nüxü̃́ natauxcha nax daa nutawa Abraáü̃taagü nanguxü̃xẽẽxü̃.

2 Chamué 7:19

Rü tama ngexicatama nixĩ i choxna cuxuaxü̃xü̃, Pa Corix, natürü naétü nüxü̃ quixu rü tá nüxü̃ curüngü̃xẽxẽ i chautaagü i choma nax curü puracütanüxü̃ chixĩxü̃. Nataxuma i yatü i curüxü̃ ixĩxü̃, Pa Corix.

Charumóü̃arü wiyae 5:1

Rü marü nagu chaxücu i chorü putüranecü, Pa Pacü Pa Cho̱xma̱x, rü ngéma nüxü̃ chayangau i naguxü̃raü̃xü̃ i pumaragü i chi̱xemaxü̃chixü̃. Rü marü nüxü̃ chaweneta ya chorü berure ya naxchiãü̃wa ngẽxmane, rü marü chayaxaxü i chorü bínu rü lechi. Pa Tomücügü ya Pexü̃ Tangechaü̃güxex, ¡Rü pechibüe rü pexaxegü! ¡Rü mea pegüxü̃́ peyanguxẽxẽ i ngẽma penaxwa̱xexü̃!

Naanearü ügüchiga 18:4

Rü ngẽxguma cuxü̃́ namexgu rü tá íxraxü̃ i dexáca̱x íchaca nax pegü piyauxgücutügüxü̃ca̱x. ¡Rü nua castañapechitagu paxaãchi perüngü̃gü!

Norü taxre ga to ga popera ga ãẽ̱xgacügüchiga ümatüxü̃ 9:12

Rü nüma ga ãẽ̱xgacü ga Charomóü̃ rü Chabáanearü ãẽ̱xgacüna nanaxã ga guxü̃ma ga yema ngĩma naxca̱x ínaca̱xü̃ naétü ga yema marü ngĩxna naxãxü̃ naxca̱x ga yema ngĩma nüxna nanaxü̃. Rü yemawena ga ngĩma ga Chabáanearü ãẽ̱xgacü rü ngĩchixü̃aneca̱x itaegu namaxã ga guxü̃ma ga ngĩrü ngü̃xẽẽruü̃gü.