Efesios 3:19 - Tupanaarü Ore

¹⁹ Rü woo tama yanguxgu i tórü cua̱x nax nüxü̃ icuáxü̃ca̱x nax nañuxraü̃xü̃ i ngẽma ngechaü̃ i namaxã Cristu tüxü̃ ngechaü̃xü̃, natürü Tupanana naxca̱x chaca nax pexca̱x nango̱xẽẽãxü̃ca̱x nax ñuxãcü nax yixĩxü̃ i ngẽma ngechaü̃ nax aixcüma pewa nangẽxmaxü̃ i guxü̃ma i Tupanacümagü.

Efesios 3:19 Referans Kwoze

Efesios 1:23

Rü ñu̱xma rü guxü̃ma i yaxõgüxü̃ rü wüxigu Cristume̱xẽwa nangẽxmagü rü nüma rü nawa nangẽxma. Rü ngẽxgumarüxü̃ ta nawa nangẽxma i guxü̃ma i ta̱xacü i ngẽxmagüxü̃.

Colosenses 1:10

Rü nüxna naxca̱x tacagü nax tórü Cori naxwa̱xexü̃ãcüma pemaxẽxü̃ca̱x rü guxü̃guma penaxüxü̃ca̱x i ngẽma nüma namaxã nataãẽxü̃. Rü nüxna naxca̱x tacagü nax pexü̃́ natauxchaxẽẽãxü̃ca̱x nax naguxü̃raü̃xü̃ i mexü̃ pexügüxü̃ca̱x, rü guxü̃ i ngunexü̃gu yexeraãcü Tupanaxü̃ pecuáxü̃ca̱x.

2 Corintios 5:14

Rü Cristu ya poraãcü toxü̃ ngechaü̃cü nixĩ ya ñu̱xma tomaxã icuácü, erü tayaxõgü nax nüma rü guxãarü pecaduca̱x nayuxü̃ nax yexma nayuxü̃ca̱x ga nũxcümaxü̃xü̃ ga tacüma ga chixexü̃.

Ore i mexü̃ ga Cuáü̃ ümatüxü̃ 1:16

Rü Tupana Nanearü ngechaü̃ i taxü̃gagu nixĩ i nayauxgüxü̃ i muxü̃ma i norü ngü̃xẽẽgü.

Filipenses 4:7

Rü ngẽmaãcü nüma ya Tupana rü tá pexna nanaxã i norü taãxẽ i guxü̃ma i taãxẽ i nüxü̃ icuáxü̃arü yexera mexẽchixü̃. Rü ñu̱xma nax Ngechuchu ya Cristuarü duü̃xü̃gü pixĩgüxü̃, rü ngẽma taãxẽ ya Tupana pexna ãxü̃ rü tá ínanapoxü̃ i perü maxü̃negü rü perü ĩnügü nüxna i ngẽma chixexü̃.

Gálatas 2:20

Rü choma rü wüxigu Cristumaxã curuchawa chipota. Rü ñu̱xma rü marü tama chaugümaxãtama ichacua̱x, natürü Cristu nixĩ ya chomaxã icuácü erü chowa namaxü̃. Rü ñu̱xma rü Tupana Nane ya Cristuaxü̃́ chayaxõõcüma nixĩ i chamaxü̃xü̃. Rü nüma nixĩ ga choxü̃ nangechaü̃xü̃, rü nügü inaxãxü̃ nax cha̱u̱xca̱x nayuxü̃ca̱x.

Efesios 5:2

Rü name i pegü pengechaü̃gü yema Cristu tüxü̃ ngechaü̃xü̃rüxü̃. Rü nüma rü taxca̱x nügü inaxã rü taxca̱x nayu nax yemaacü Tupanaca̱x wüxi i ãmare i chi̱xemaxü̃ yixĩxü̃ca̱x.

Norü taxre ga popera ga Pedru ümatüxü̃ 3:18

Rü ngẽmaca̱x, Pa Chauenexẽgüx, penaxwa̱xe nax pegü peporaexẽẽxü̃ nax wüxichigü i ngunexü̃ yexeraãcü tórü Cori ya Ngechuchu ya Cristu ya tórü Maxẽxẽẽruü̃xü̃ pecuáxü̃ca̱x rü yexeraãcü nüxü̃ picuáetanüxü̃ca̱x nax aixcüma pexü̃ nangechaü̃xü̃. ¡Rü ngẽmaca̱x name i ñu̱xma rü guxü̃gutáma nüxü̃ ticua̱xüxü̃gü! Rü ngẽmaãcü yixĩ.

Ore i mexü̃ ga Cuáü̃ ümatüxü̃ 17:3

Rü ngẽma duü̃xü̃gü tá nüxü̃́ nangẽxma i maxü̃ i taguma gúxü̃ ega cuxü̃́ yaxõgüãgu nax cuxicatama Tupana nax quixĩxü̃, rü choxü̃́ yaxõgüãgu nax choma rü Cristu ga núma choxü̃ cumucü nax chixĩxü̃.

Ore i mexü̃ ga Matéu ümatüxü̃ 5:6

Tataãẽgü ya yíxema poraãcü tüxü̃́ nangúchaü̃güxe nax Tupanape̱xewa mexü̃ taxügüxü̃, erü Tupana tá tüxna nanaxã i ngẽma mexü̃ i tüxü̃́ ngúchaü̃güxü̃.

Efesios 5:25

Rü pemax, Pa Yatügüx, rü name i pema̱xü̃ pengechaü̃gü, yema nax Cristu guxü̃ma i yaxõgüxü̃xü̃ nangechaü̃xü̃ rü norü maxü̃ naxca̱x inaxãxü̃rüxü̃.

Wiyaegü 43:4

Rü ngẽmaãcü tá nawa changu i ngẽma curü ãmarearü guruxü̃, Pa Tupanax. Rü ngéma tá cuxü̃ chicua̱xüxü̃ árpagamaxã. Erü cumax, Pa Tupanax, rü taãẽmaxã choxü̃ cunapaxẽxẽ.

Filipenses 1:7

Rü aixcüma name nax ngẽmaãcü pemaxã nagu charüxĩnüxü̃ i guxãma i pemax, erü poraãcü pexü̃ changechaü̃ rü Tupana rü wüxigu tüxü̃ narüngü̃xẽxẽ i guxãma i yixema. Rü woo ñu̱xma nax chapoxcuxü̃ rüe̱xna ega ãẽ̱xgacügüpe̱xewa choxü̃ nagagügu, rü Tupana choxü̃ narüngü̃xẽxẽ i ngẽxguma norü oreétüwa chidexagu rü ãẽ̱xgacügümaxã nüxü̃ chixuxgu nax ngẽma orewa yixĩxü̃ i nüxü̃ iyarünga̱u̱xü̃ i tórü maxü̃ i taguma gúxü̃. Rü nüxü̃ chacua̱x rü ngẽma choxü̃ nangü̃xẽẽxü̃ãcüma, rü pexü̃ rü ta narüngü̃xẽxẽ.

Wiyaegü 17:15

Natürü i chomax rü ngẽma namaxã chataãẽxü̃ nixĩ nax cuxü̃ tá chadauxü̃ rü cuxü̃tawa tá changexmaxü̃ i ngẽxguma tá ícharüdaxgux.

Romanos 8:35

¿Rü ñu̱xma rü ta̱xacü tá Cristuna tüxü̃ ixĩgachixẽẽxü̃ nax tama tüxü̃ nangechaü̃xü̃ca̱x? Rü Cristu rü taxũtáma nüxü̃ narüchau nax tüxü̃ nangechaü̃xü̃ woo ngúxü̃ ingegügu, rüe̱xna guxchaxü̃gü tüxü̃́ ngẽxmagu, rüe̱xna duü̃xü̃gü Cristugagu taxchi aiegu, rüe̱xna itaiyaegu, rüe̱xna ingexchirugügu, rüe̱xna ãũcümaxü̃wa ingẽxmagügu, rüe̱xna duü̃xü̃gü tüxü̃ daixchaü̃gu.

Nüxíraxü̃xü̃ ga popera ga Pedru ümatüxü̃ 1:8

Pema rü Ngechuchu ya Cristuxü̃ pengechaü̃gü woo taguma nüxü̃ nax pedaugüxü̃. Rü ñu̱xma rü ta woo tama nüxü̃ pedaugü, natürü nüxü̃́ peyaxõgü, rü poraãcü petaãẽgü. Rü ngẽma perü taãẽmaxã rü pexü̃́ nataxuma i perü dexa nax ñuxãcü nüxü̃ pixugüxü̃ca̱x i ngẽma perü taãxẽ. Erü ngẽma perü õgagu marü penayauxgü i perü maxü̃ i taguma gúxü̃.