Efesios 3:15 - Tupanaarü Ore

¹⁵ Rü nüma nixĩ i Tanatü yixĩxü̃ i guxãma i yixema nax norü duü̃xü̃gü ixĩgüxü̃ i ñoma i naanewa rü daxũguxü̃ i naanewa ngẽxmagüxü̃.

Efesios 3:15 Referans Kwoze

Efesios 1:10

Rü ngẽxguma norü ngunexü̃ nawa nanguxgu i ngẽma Tupana nagu rüxĩnüxü̃, rü tá Cristume̱xẽwa nanangexmaxẽxẽ i guxü̃ma i daxũguxü̃ i naanewa ngẽxmaxü̃ rü guxü̃ma i ñoma i naanewa ngẽxmaxü̃.

Efesios 1:21

Rü yemaacü guxü̃étüwa nanayexmaxẽxẽ. Rü ngẽmaca̱x i ñu̱xma rü Cristume̱xẽwa nangẽxmagü i guxü̃ma i daxũguxü̃ i naanecüã̱x i ãẽ̱xgacügü rü guxü̃ma i ñoma i naanecüã̱x i ãẽ̱xgacügü rü guxü̃ma i pora i ñu̱xma ngẽxmagüxü̃ rü guxü̃ma i pora i yixcüra tá ngẽxmagüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:12

Rü yíxema nüxü̃ rüporamaegüxe i ngẽma chixexü̃, rü Chaunatü ya Tupanapatawa tá tüxü̃ chaxüchica nax tagutáma ngéma ítachoxü̃xü̃ca̱x. Rü tümagu tá chanaxümatü i naéga ya Chaunatü ya Tupana. Rü ngẽxgumarüxü̃ tá ta tümagu chanaxümatü i naéga ya Tupanaarü ĩane ya Yerucharéü̃ ya ngexwacaxü̃ne ya Tupanaxü̃tawa i daxũguxü̃ i naanewa írüxĩxü̃ne. Rü ngẽxgumarüxü̃ tá ta tümagu chanaxümatü i chauéga i ngexwaca̱xü̃xü̃’.

Yeremía 33:16

Rü ngẽxguma nawa nanguxgu i ngẽma ngunexü̃, rü Yudáane rü tá nüxna ínanguxuchi i norü guxchaxü̃gü, rü taxũtáma ãũcümaxü̃wa nangẽxma ya Yerucharéü̃. Rü ngẽmaca̱x ya yima ĩane rü tá ñaxü̃gu nanaxüéga: “Cori ya Tupana rü Meama Tamaxã Inacua̱x”, ñaxü̃gu.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:17

Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü. Rü yíxema nüxü̃ rüporamaexẽ i ngẽma chixexü̃ rü tá tüxna chanaxã i paũ i daxũcüã̱x. Rü tá tüxna chanaxã ya wüxi ya nutaxacü ya chócü i wüxi i naéga i ngexwaca̱xü̃xü̃ nagu ümatüxü̃. Rü yíxema nayaxúxexicatama tixĩ ya nüxü̃ cuáxe i ngẽma naéga’ ”, ñanagürü i Naãxẽ ya Üünexü̃.

Colosenses 1:20

Rü Tupana rü ñoma ga naanewa nanamu ga Cristu nax curuchagu nayuxü̃ca̱x rü nagü inabaxẽãxü̃ca̱x. Rü gumá nagümaxã nixĩ ga Tupana ga nügümaxã inangüxmüexẽẽãxü̃ ga guxü̃ma i ñoma i naanewa ngẽxmaxü̃ rü guxü̃ma i daxũguxü̃ i naanewa ngẽxmaxü̃.

Ngechuchuarü ngúexü̃gü ga yamugüxü̃arü puracüchiga 11:26

Rü yexguma nüxü̃ iyangauxgu, rü Antioquíawa nanaga. Rü wüxi ga taunecü wüxiwa yéma nayexmagü namaxã ga yema yaxõgüxü̃. Rü nanangúexẽxẽ ga muxũchixü̃ma ga duü̃xü̃gü. Rü Antioquíawa nixĩ ga inaxügüxü̃ nax Cristutanüxü̃maxã nax naxugüãxü̃ ga yema yaxõgüxü̃.

Ichaía 65:15

Rü ngẽma chorü duü̃xü̃gü rü peégamaxã tá nixĩ i togü i duü̃xü̃gümaxã chixexü̃ naxuegugüxü̃. Rü choma ya Cori ya Tupana ya Guxü̃étüwa Ngẽxmaxe rü tá pexü̃ chadai. Natürü ngẽma chorü duü̃xü̃güna tá chanaxã i wüxi i naéga i ngexwaca̱xü̃xü̃.

Efesios 3:14

Rü ngẽmaca̱x, ngẽxguma nagu charüxĩnügu i ngẽma Tanatü ya Tupana taxca̱x mexẽẽxü̃, rü nape̱xegu chacaxã́pü̱xü nax nüxü̃ chicua̱xüxü̃xü̃ca̱x.

Efesios 3:16

Rü nüxna chaca ya Tanatü nax guxü̃ma i norü mexü̃wa pexna naxããxü̃ca̱x i ngẽma pora i Naãxẽ ya Üünexü̃wa ne ũxü̃ nax peãẽwa aixcüma peporaexü̃ca̱x.