Efesios 3:12 - Tupanaarü Ore

¹² Rü ñu̱xma nax Cristuarü duü̃xü̃gü ixĩgüxü̃ rü nüxü̃́ nax yaxõgüxü̃, rü tüxü̃́ natauxcha nax Tupanana ingaicamagüxü̃ rü taxuca̱xma nüxü̃ nax imuü̃exü̃.

Efesios 3:12 Referans Kwoze

Efesios 2:18

Rü ñu̱xma rü guxãma i yixema rü Cristugagu tüxü̃́ natauxcha nax Tanatü ya Tupanana ingaicamagüxü̃. Rü ngẽmatama Naãxẽ ya Üünexü̃ nixĩ i tüxü̃ rüngü̃xẽẽxü̃ nax nüxna ingaicamagüxü̃ca̱x ya Tanatü ya Tupana.

Romanos 5:2

Rü Cristugagu nixĩ nax tamaxã namecümaxü̃ ya Tupana i ñu̱xmax erü tayaxõgü. Rü nüxü̃ tacua̱x rü guxü̃gutáma tamaxã namecüma. Rü tataãẽgü erü nüxü̃ tacua̱x nax tüxü̃́ tá nangẽxmaxü̃ i tachica i mexü̃ i Tupanaxü̃tawa.

Ore i mexü̃ ga Cuáü̃ ümatüxü̃ 14:6

Rü Ngechuchu nanangãxü̃, rü ñanagürü: —Choma nixĩ i nama i Chaunatüxü̃tawa nadaxü̃. Rü ngẽma nüxü̃ chixuxü̃ rü aixcüma nixĩ. Rü choma nixĩ i duü̃xü̃güxü̃ chamaxẽxẽẽxü̃. Rü chaugaguxicatama nixĩ i Chaunatüxü̃tawa nangugüxü̃ i duü̃xü̃gü.

2 Corintios 3:4

Rü toma rü aixcüma tayaxõgü nax Cristugagu Tupana yixĩxü̃ i toxü̃ muxü̃ nax tanaxüxü̃ca̱x i norü puracü.

Popera ga Yudíugü ga yaxõgüxü̃ca̱x ümatüxü̃ 3:6

Natürü nüma ya Ngechuchu rü Moichéarü yexera nixĩ erü Tupana Nanexü̃chi nixĩ. Rü nüma nixĩ i nüxna nadauxü̃ i guxü̃ma i ngẽma Tupanaarü duü̃xü̃gü ixĩgüxü̃. Rü yixema rü ta rü Tupanaarü duü̃xü̃gü tixĩgü ega aixcüma Ngechuchuaxü̃́ yaxõgügu rü taguma nüxü̃ rüxoegu. Rü Tupana nanaxwa̱xe nax guxü̃guma Ngechuchumaxã itaãẽgüxü̃ erü nüxü̃ tacua̱x nax wüxi i ngunexü̃ rü tá taxca̱x nataeguxü̃ nax wüxiwa namaxã ingexmagüxü̃ca̱x.

Popera ga Yudíugü ga yaxõgüxü̃ca̱x ümatüxü̃ 10:35

Rü ngẽmaca̱x i ñu̱xmax, rü tama name nax nüxü̃ perüxoexü̃ nax Cristuaxü̃́ peyaxõgüxü̃. Erü Tupana rü perü õgagu tá pexna nanaxã i perü ãmare i maxü̃ i taguma gúxü̃.

Nüxíraxü̃xü̃ ga popera ga Pedru ümatüxü̃ 3:18

Yerü nümatama ga Cristu rü ngúxü̃ ninge, rü wüxicanatama guxãarü pecaduca̱x nayu. Rü nüma rü taxuxü̃ma ga chixexü̃ naxü, natürü chixexü̃ ga duü̃xü̃güca̱x ngúxü̃ ningẽ nax Tupanaxü̃tawa pexü̃ nagagüxü̃ca̱x. Rü woo nayu ga naxü̃ne, natürü ga naãxẽ rü namaxü̃.

Nüxíraxü̃xü̃ ga popera ga Cuáü̃ ümatüxü̃ 2:28

Rü ñu̱xmax, Pa Chauxacügüx, rü name nixĩ nax meama Cristuaxü̃́ peyaxõgüxü̃ nax tama nüxü̃ imuü̃exü̃ca̱x, rü tama ixãneexü̃ca̱x nape̱xewa i ngẽxguma wena nua naxũxgu.

Nüxíraxü̃xü̃ ga popera ga Cuáü̃ ümatüxü̃ 3:21

Pa Chauenexẽgü ya Pexü̃ Changechaü̃güxe, ngẽxguma taãẽwa nüxü̃ icua̱xgu nax Tupanaxacüxüchi ixĩgüxü̃, rü tama taxãnee nax nüxna ingaicamagüxü̃ ya Tanatü ya Tupana.