Efesios 3:10 - Tupanaarü Ore

¹⁰ Rü yemaacü choxü̃ namu ga Tupana nax ngẽma yaxõgüxü̃wa guxü̃ma i ngẽma daxũcüã̱x i poraexü̃ rü guxü̃ma i ngẽma daxũcüã̱x i ãẽ̱xgacügü ixĩgüxü̃ nüxü̃ cua̱xgüxü̃ca̱x i Tupanaarü cua̱x i naguxü̃raxü̃ãcü ngóxü̃.

Efesios 3:10 Referans Kwoze

Nüxíraxü̃xü̃ ga popera ga Pedru ümatüxü̃ 1:12

Natürü Tupana rü yema nũxcümaü̃güxü̃ ga orearü uruü̃güxü̃ nüxü̃ nacua̱xẽxẽ nax tama naxca̱x yixĩxü̃ ga yema ore nachiga ga gumá maxẽxẽẽruxü̃. Natürü pexca̱x nixĩ i ngẽma ore ga perü orearü uruü̃gü pemaxã nüxü̃ ixugüxü̃ ga yexguma Tupanaãxẽ ya Üünecü ga daxũwa ne muxü̃ yadexaxẽẽgu. Rü guxü̃ma i ngẽma ore i yimá Maxẽxẽxẽruü̃chiga, rü ngẽma Tupanaarü orearü ngeruü̃gü i daxũcüã̱x rü nüxü̃́ nangúchaü̃gü nax yexera nüxü̃ nacua̱xgüchaü̃xü̃.

Efesios 6:12

Erü tama duü̃xü̃gü i taxrüxü̃ ãmachixü̃ rü ãxchina̱xãxü̃maxã nixĩ i yigü ida̱i̱xü̃. Natürü ngẽma namaxã yigü ida̱i̱xü̃ nixĩ i Chatanáarü duü̃xü̃gü i ngo̱xogü i chixexü̃gü i poraexü̃. Rü nümagü rü namaxã inacua̱x i ñoma i naanearü chixexü̃gü rü guxü̃wama daxũwa nangẽxmagü rü tüxü̃ narüporamaegüchaü̃.

1 Corintios 2:7

Natürü ngẽma cua̱x rü Tupanawa nixĩ i ne naxũxü̃. Rü ngẽma cua̱x nixĩ ga noxri tauta naane uxgu Tupanaxicatama nagu rüxĩnüxü̃ nax ñuxãcü tá tüxna naxããxü̃ i maxü̃ i taguma gúxü̃.

Romanos 11:33

Rü guxü̃ma i ngẽma Tupanaarü mexü̃gü rü taxúema nüxü̃ tacua̱x i norü mu. Rü ngẽxgumarüxü̃ ta i norü cua̱x rü norü ĩnü rü taxúema nüxü̃ tacua̱x i ngẽma. Rü taxúema nüxü̃ tacua̱x i ngẽma nagu naxĩnüxü̃ rü naxüxü̃.

Efesios 1:21

Rü yemaacü guxü̃étüwa nanayexmaxẽxẽ. Rü ngẽmaca̱x i ñu̱xma rü Cristume̱xẽwa nangẽxmagü i guxü̃ma i daxũguxü̃ i naanecüã̱x i ãẽ̱xgacügü rü guxü̃ma i ñoma i naanecüã̱x i ãẽ̱xgacügü rü guxü̃ma i pora i ñu̱xma ngẽxmagüxü̃ rü guxü̃ma i pora i yixcüra tá ngẽxmagüxü̃.

Efesios 1:3

Rü name nixĩ i nüxü̃ ticua̱xüü̃gü ya Tanatü ya Tupana ya tórü Cori ya Ngechuchu ya Cristunatü ixĩcü. Erü nüma ya Tupana rü Cristugagu tüxna nanaxã i naguxü̃raü̃xü̃ i ngü̃xẽẽgü i üünexü̃ i daxũguxü̃ i naanewa taxca̱x ne namugüxü̃.

1 Corintios 1:24

Natürü ngẽma duü̃xü̃gü ya Tupana dexü̃ i Yudíugü rüẽ̱xna ngẽma tama Yudíugü ixĩgüxü̃ rü ngẽma duü̃xü̃güca̱x Tupana inanawe̱x i norü pora rü norü cua̱x ga yexguma pecaduca̱x nayu̱xgu ga Cristu.

Nüxíraxü̃xü̃ ga popera ga Pedru ümatüxü̃ 3:22

Rü nüma ga Ngechuchu ya Cristu, rü daxũguxü̃ i naanewa naxũ, rü ñu̱xma rü Tupanaarü tügünecüwawa nangẽxma. Rü ñu̱xma rü naxme̱xwa nangẽxmagü i guxü̃ma i Tupanaarü orearü ngeruü̃gü i daxũcüã̱x, rü guxü̃ma i ngẽma naãxẽgü i ãẽ̱xgacügü ixĩgüxü̃, rü guxü̃ma i ngẽma naãxẽgü i poraexü̃.

Colosenses 1:16

Rü nüma ga Tupana rü wüxigu Nanemaxã nanango̱xẽxẽ ga guxü̃ma i daxũguxü̃ i naanewa rü ñoma i naanewa ngẽxmagüxü̃, rü guxü̃ma i ngẽma nüxü̃ idauxü̃ rü ngẽma tama nüxü̃ idauxü̃. Rü yemaacü nanaxü ga guxü̃ma ga naãẽgü rü norü ãẽ̱xgacügü i poraexü̃ i tama nüxü̃ idauxü̃. Rü yemaacü Nanemaxã rü Naneca̱x nanaxü ga guxü̃ma.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:16

Rü nüxü̃ tacua̱x nax aixcüma yixĩxü̃ i ngẽma ore ga noxri ẽxü̃guxü̃ i ñu̱xma Tupana tüxü̃ nüxü̃ cua̱xẽẽxü̃ i Cristuchiga. Rü nüma ga Cristu rü duü̃xü̃xü̃ nügü nixĩxẽxẽ rü yemaacü nügü nango̱xẽxẽ ga yexguma ñoma ga naanewa nayexmagu. Rü Naãxẽ ya Üünexü̃ tüxü̃ nüxü̃ nacua̱xẽxẽ nax Cristu rü aixcüma Tupana yixĩxü̃. Rü Tupanaarü orearü ngeruü̃gü i daxũcüã̱x nüxü̃ nadaugü. Rü ngẽma tama Yudíugü ixĩgüxü̃maxã nüxü̃ nixuchigagü. Rü guxü̃wama i ñoma i naanewa rü nüxü̃́ nayaxõgü. Rü Nanatü rü wenaxarü daxũguxü̃ i naanewa nanaga.

Efesios 1:8

Rü yemaacü Tupana tüxü̃ nüxü̃ nadauxẽxẽ nax poraãcü tüxü̃ nangechaü̃xü̃, rü yemaacü tüxna nanaxã ga taxü̃ ga cua̱x nax tüxü̃́ natauxchaxü̃ca̱x i norü ore rü taãẽxü̃ icuáxü̃ca̱x.

Romanos 8:38

Rü ngẽmaca̱x aixcüma chayaxõ nax taxuxü̃ma i ta̱xacü tá Tupanana tüxü̃ ixĩgachixẽẽxü̃ nax tama tüxü̃ nangechaü̃xü̃ca̱x. Rü woo iyuegu rü woo imaxẽgu, rü woo i orearü ngeruü̃gü i daxũcüã̱x, rü woo ngo̱xogü, rü woo naãxẽ i chixexü̃gü, rü woo ngẽma ñu̱xma nüxü̃ idauxü̃, rü woo ngẽma yixcüra tá nüxü̃ idauxü̃, rü woo i ngẽma daxũwa ngẽxmagüxü̃, rü woo i ngẽma naanetüü̃wa ngẽxmagüxü̃, rü woo i ta̱xacü Tupana üxü̃, rü taxũtáma Tupanana tüxü̃ nixĩgachixẽxẽ nax tama tórü Cori ya Ngechuchu ya Cristugagu tüxü̃ nangechaü̃xü̃ca̱x.

Wiyaegü 104:24

Rü namuxũchi i ngẽma cuxüxü̃, Pa Corix. Rü guxü̃ma i ngẽma cuxüxü̃ rü namexẽchi erü cumatama curü cua̱xmaxã cunaxü. Rü guxü̃ma i ngẽma cuxüxü̃ rü namaxã nanapá i ñoma i naane.

Echequié 3:12

Rü yexguma ga yema Tupanaãxẽ rü choxü̃ inachixẽxẽ. Rü choweama nüxü̃ chaxĩnü ga wüxi ga naga ga tagaxü̃ ga ñoma iã̱xãchianexü̃rüxü̃ ixĩxü̃, rü ñanagürü: —Namexẽchi nixĩ i ngẽma Tupanaarü üüne i nüma ínangexmaxü̃wa —ñanagürü.

Wiyaegü 103:20

Pa Daxũcüã̱x i orearü Ngeruxü̃ i Poraexü̃ i Yanguxẽxẽgüxe i Ngẽma Tupana Pexü̃ Muxü̃ ¡rü mexü̃ Corimaxã pexuegugü!

Efesios 1:23

Rü ñu̱xma rü guxü̃ma i yaxõgüxü̃ rü wüxigu Cristume̱xẽwa nangẽxmagü rü nüma rü nawa nangẽxma. Rü ngẽxgumarüxü̃ ta nawa nangẽxma i guxü̃ma i ta̱xacü i ngẽxmagüxü̃.

Colosenses 2:10

Rü ñu̱xmax, rü pewa nangẽxma i Tupanaarü pora erü Cristuarü pixĩgü. Rü nüma ya Cristu rü namaxã inacua̱x i guxü̃ma i naãẽgüarü ãẽ̱xgacügü i iporaexü̃.

Colosenses 2:15

Rü yexguma curuchagu nayu̱xgu ga Cristu, rü yexguma nixĩ ga Tupana nüxna napuãxü̃ ga norü pora ga yema naãxẽgü ga iporaexü̃. Rü yexguma nixĩ ga guxü̃ ga duü̃xü̃güpe̱xewa naxãnexẽẽãxü̃, ñoma wüxi i churaragüarü ãẽ̱xgacü i norü uanü i nüxü̃ naporamaexü̃xü̃ naxãnexẽẽxü̃rüxü̃.