Efesios 2:8 - Tupanaarü Ore

⁸ Rü Tupanaarü ngechaü̃gagu penayaxu i maxü̃ i taguma gúxü̃ yerü peyaxõgü. Rü ngẽma maxü̃ rü tama pegünatama penaxã, natürü Tupana nixĩ ga pexna naxãmarecü ga yema.

Efesios 2:8 Referans Kwoze

Efesios 2:5

Rü yemaca̱x, woo tórü pecadugagu ñoma iyuexü̃rüxü̃ tixĩgü, natürü ga Tupana rü tüxna nanaxã ga maxü̃ ga yexguma Cristuxü̃ ínadaxẽẽgu. Rü ñu̱xma rü pexü̃́ nangẽxma i maxü̃ i taguma gúxü̃, erü Tupana pemaxã namecüma.

Romanos 4:16

Rü yexguma Tupana Abraáü̃maxã ixunetagu nax nüxü̃ tá nangü̃xẽẽxü̃, rü Abraáü̃arü õgagu nixĩ ga namaxã inaxunetaxü̃. Rü ngẽmaca̱x i guxãma i yixema nax Abraáü̃rüxü̃ yaxõgüxü̃ rü taxca̱x ta nixĩ ga yema Tupanaarü uneta ga Abraáü̃maxã nüxü̃ yaxuxü̃. Rü ngẽmawa nüxü̃ tacua̱x rü tama yíxema mugü auregüxeca̱xicatama nixĩ i ngẽma Tupanaarü uneta, natürü guxãma ya yíxema Abraáü̃rüxü̃ Tupanaaxü̃́ yaxõgüxeca̱x ta nixĩ. Rü ñu̱xma rü guxãma i yixema nax Abraáü̃rüxü̃ mea yaxõgüxü̃ rü Abraáü̃xacügü tixĩgü rü nüma rü tanatü nixĩ i Tupanape̱xewa yerü nüxíra nayaxõ.

Romanos 10:17

Dücax, rü ngẽma orexü̃ nax ixĩnüxü̃gagu nixĩ i yaxõxü̃. Rü ngẽma ore rü Cristuarü ore nixĩ.

Ngechuchuarü ngúexü̃gü ga yamugüxü̃arü puracüchiga 16:31

Rü nümagü rü nanangãxü̃gü rü ñanagürügü nüxü̃: —¡Nüxü̃́ yaxõ ya Cori ya Ngechuchu, rü tá cuxü̃́ nangẽxma i maxü̃ i taguma gúxü̃ i cuma rü guxü̃ i cupatacüã̱x! —ñanagürügü.

Ore i mexü̃ ga Cuáü̃ ümatüxü̃ 6:37

Rü guxãma ya yíxema duü̃xẽgü ya Chaunatü choxna tüxü̃ mugüxe rü chorü duü̃xü̃gü tixĩgü. Rü texé ya choxü̃́ yaxõgüxe rü taxũtáma tüxü̃ chaxoo̱x.

Ore i mexü̃ ga Cuáü̃ ümatüxü̃ 5:24

Aixcüma pemaxã nüxü̃ chixu rü yíxema texé ya choxü̃́ irüxĩnüxe i chorü ore, rü nüxü̃́ yaxṍxe ya yimá Chaunatü ya núma choxü̃ mucü, rü tüxü̃́ nangẽxma i maxü̃ i taguma gúxü̃. Rü Chaunatü rü taxũtáma tümamaxã nanaxuegu nax tapoxcuxü̃, erü marü nüxna ítanguxuchi nax tayuxü̃, rü tüxü̃́ nangẽxma i maxü̃ i taguma gúxü̃.

Ore i mexü̃ ga Cuáü̃ ümatüxü̃ 4:10

Rü Ngechuchu ngĩxü̃ nangãxü̃, rü ñanagürü: —Ngẽxguma chi nüxü̃ cucua̱xgu i ngẽma Tupana cuxna ãxchaü̃xü̃, rü chi nüxü̃ cucua̱xgu nax texé yixĩxü̃ ya yimá dexáca̱x cuxna cacü, rü cuma rü chi nüxna cuca i dexá, rü nüma rü chi cuxna nanaxã i dexá i maxü̃ nawa ngẽxmaxü̃ —ñanagürü.

Ore i mexü̃ ga Luca ümatüxü̃ 7:50

Natürü ga Ngechuchu rü ñanagürü ngĩxü̃ ga yema ngecü: —Curü õgagu rü marü nüxna ícunguxuchi i curü pecadugü. ¡Rü taãẽãcüma nataegu! —ñanagürü.

Ore i mexü̃ ga Márcu ümatüxü̃ 16:16

Rü yíxema yaxṍxe rü íbaiexe rü tá tüxü̃́ nangẽxma i maxü̃ i taguma gúxü̃. Natürü yíxema tama yaxṍxe rü tá tapoxcu.

Ore i mexü̃ ga Cuáü̃ ümatüxü̃ 3:36

Rü yíxema Tupana Naneaxü̃́ yaxṍxe rü tüxü̃́ nangẽxma i maxü̃ i taguma gúxü̃. Natürü yíxema tama nüxü̃́ yaxõxchaü̃xẽ ya Tupana Nane, rü taxũtáma tüxü̃́ nangẽxma i ngẽma maxü̃ i taguma gúxü̃. Natürü tá tanayaxu i ngẽma ãũcümaxü̃ i poxcu ya Tupana tá namaxã tüxü̃ poxcuxü̃ —ñanagürü ga Cuáü̃ ga baiü̃ẽẽruxü̃.

Romanos 4:5

Rü ngẽmaca̱x ngẽxguma texé yaxõ̱xgu, rü tama ta̱xacürü mexü̃ nax naxüxü̃ca̱x nixĩ i Tupanape̱xewa tamexü̃, natürü Tupanape̱xewa tame erü tayaxõ. Rü ngẽmaãcü Tupana tüxü̃ nayaxu ya yíxema yaxṍxe woo taxuxü̃ma i ta̱xacürü mexü̃ taxü̱xgu.

Efesios 2:10

Rü Tupana nixĩ ga tüxü̃ ngo̱xẽẽcü rü tüxü̃ maxẽxẽẽcü. Rü ñu̱xma rü Cristugagu tüxna nanaxã i ngẽma maxü̃ nax mexü̃ ixügüxü̃ca̱x. Rü ngẽmaãcü i ñu̱xma rü nagu taxĩ i ngẽma nacüma ga nũxcüma Tupana taxca̱x nagu rüxĩnüxü̃.

Gálatas 3:22

Natürü tama ngẽmaãcü nixĩ. Erü Tupanaarü ore i ümatüxü̃wa nüxü̃ tadau nax guxü̃ma i duü̃xü̃gü rü pecadutüü̃wa nangẽxmagüxü̃. Rü ngẽmaca̱x i ñu̱xma rü yíxema Ngechuchu ya Cristuaxü̃́ yaxõgüxexicatama tixĩ ya nayauxgüxe i ngẽma maxü̃ i aixcüma mexü̃ ya Tupana tamaxã ixunetaxü̃.

Ngechuchuarü ngúexü̃gü ga yamugüxü̃arü puracüchiga 13:39

Rü ñu̱xma ya guxãma ya yíxema nüxü̃́ yaxõgüxe, rü Ngechuchugagu Tupana tüxü̃́ nüxü̃ narüngüma i guxü̃ma ga yema pecadugü ga noxri taxucürüwa tüxü̃́ nüxü̃ yanangümaxü̃ ga yexguma nagu taxĩxgu ga yema mugü ga Moiché ümatüxü̃.

Gálatas 3:14

Rü yemaacü curuchagu nayu ga Ngechuchu ya Cristu nax nüxü̃ nangü̃xẽẽxü̃ca̱x i guxü̃ma i ngẽma tama Yudíugü ixĩgüxü̃, yema Tupana Abraáü̃maxã ixunetaxü̃rüxü̃. Rü ngẽmaca̱x tórü õgagu guxãma tanayaxu i Tupanaãxẽ ya Üünecü ga Tupana tamaxã nüxü̃ ixuxü̃.

Ore i mexü̃ ga Cuáü̃ ümatüxü̃ 6:40

Rü Chaunatü ya Tupanaarü ngúchaü̃ nixĩ nax guxãma ya texé ya Nanexü̃ daugüxe rü nüxü̃́ yaxõgüxe tüxü̃́ nangẽxmaxü̃ i maxü̃ i taguma gúxü̃. Erü choma tá nixĩ i tüxü̃ ícharüdagüxẽẽxü̃ i naanearü gu̱xgu —ñanagürü.

Ore i mexü̃ ga Cuáü̃ ümatüxü̃ 6:35

Rü Ngechuchu ñanagürü nüxü̃: —Choma nixĩ i ngẽma paũ i maxẽxẽẽruxü̃ chixĩxü̃. Rü yíxema texé ya chowe rüxũxẽ rü tagutáma tataiya. Rü texé ya choxü̃́ yaxṍxe rü tagutáma tita̱xawa.

Efesios 1:19

Rü ngẽxgumarüxü̃ ta nüxna naxca̱x chaca nax pexü̃ nüxü̃ nacua̱xẽẽxü̃ca̱x nax ñuxãcü naporaxüchixü̃ i norü pora i tawa ngẽxmaxü̃. Rü ngẽma poramaxã nixĩ ga yuwa Cristuxü̃ ínadaxẽẽxü̃ rü daxũguxü̃ ga naanewa nagaãxü̃ rü nügüarü tügünecüwawa yanatoxẽẽãxü̃.

Ngechuchuarü ngúexü̃gü ga yamugüxü̃arü puracüchiga 14:27

Rü yexguma ínangugügu ga Pauru rü Bernabé, rü nanangutaque̱xexẽxẽ ga guxü̃ma ga yema duü̃xü̃gü ga yaxõgüxü̃. Rü namaxã nüxü̃ nixugügü ga guxü̃ma ga ñuxãcü Tupana poraãcü nüxü̃ nax rüngü̃xẽẽxü̃. Rü yexgumarüxü̃ ta namaxã nüxü̃ nixugügü nax yaxõgüãxü̃ ga yema duü̃xü̃gü ga tama Yudíugü ixĩgüxü̃, yerü Tupana nüxü̃́ nanatauxchaxẽxẽ nax yaxõgüãxü̃ca̱x.

Ore i mexü̃ ga Cuáü̃ ümatüxü̃ 6:65

Rü ñanagürü ta: —Rü ngẽmaca̱x marü pemaxã nüxü̃ chixu rü taxuacüma texé chauxü̃tawa tangu ega tama Chaunatü chauxü̃tawa tüxü̃ muxgu —ñanagürü.

Colosenses 2:12

Rü yexguma ípebaiü̃gu, rü Cristu itáxü̃rüxü̃ yexma nata̱x ga nũxcümaü̃xü̃ ga perü maxü̃. Rü yema Cristu írüdaxü̃rüxü̃ rü pema rü ta penayaxu i maxü̃ i ngexwaca̱xü̃xü̃, yerü peyaxõgü ga Tupanaarü pora ga namaxã Cristuxü̃ yuwa ínadaxẽẽxü̃.

Ore i mexü̃ ga Cuáü̃ ümatüxü̃ 6:44

Taxúema chauxü̃tawa tangu ega tama choxna tüxü̃ namuxgu ya Chaunatü ga gumá núma choxü̃ mucü. Rü texé ya chauxü̃tawa ngugüxe rü choma rü tá wena tüxü̃ chamaxẽxẽxẽ i naanearü gu̱xgu.

Nüxíraxü̃xü̃ ga popera ga Pedru ümatüxü̃ 1:5

Rü ñu̱xma nax Tupanaaxü̃́ peyaxõgüxü̃, rü nüma rü norü poramaxã tá pexna nadau ñu̱xmatáta penayauxgü i ngẽma maxü̃ i taguma gúxü̃ i tá pexna naxãxü̃ i ngẽxguma nagu̱xgu i naane.

Filipenses 1:29

Rü ñu̱xma nax Tupana pexü̃ natauxchaxẽẽxü̃ nax Cristuaxü̃́ peyaxõgüxü̃, rü ngẽxgumarüxü̃ tá ta pexna nanaxã i pora nax Cristuca̱x ngúxü̃ pingegüxü̃.

Romanos 10:14

¿Natürü ñuxãcü tá nüxna tacagü ya Cori, ega tama nüxü̃́ tayaxõgügu? ¿Rü ñuxãcü tá nüxü̃́ tayaxõgü, ega taguma nüxü̃ taxĩnüechigagu? ¿Rü ñuxãcü tá nüxü̃ taxĩnüechiga, ega taguma texé tümamaxã nüxü̃ ixugügu?

Ore i mexü̃ ga Matéu ümatüxü̃ 16:17

Rü Ngechuchu nanangãxü̃ rü ñanagürü nüxü̃: —Cuma rü aixcüma cutaãxẽ, Pa Chimóü̃, Pa Yoná Nanex, erü taxuxü̃ma i duü̃xü̃ nixĩ i cuxü̃ nüxü̃ cua̱xẽẽxü̃ i ngẽma, natürü Chaunatü ya daxũgucü nixĩ ya cuxü̃ nüxü̃ cua̱xẽẽcü nax Nane chixĩxü̃.

Ngechuchuarü ngúexü̃gü ga yamugüxü̃arü puracüchiga 16:14

Rü yéma iyexma ga wüxi ga ngecü ga Lídia ga ngĩéga ga Tupanaxü̃ icua̱xüxü̃cü. Rü Tiatíra ga ĩanecüã̱x iyixĩ. Rü dauxracharaxü̃ ga naxchirumaxã itaxe yerü yema nixĩ ga ngĩrü puracü. Rü ngĩma rü meama yéma irüxĩnü, yerü nüma ga Cori ya Tupana rü ngĩxü̃́ nanangúchaü̃xẽxẽ nax mea inaxĩnüxü̃ca̱x ga yema ore ga Pauru nüxü̃ ixuxü̃.

2 Tesalonicenses 1:9

Rü ngẽma duü̃xü̃gü rü poxcu i taguma guxü̃gu tá inarütauxe, rü tórü Cori ya Ngechuchuarü yáxü̃wa tá nawogü. Rü ngéma rü tagutáma nüxü̃ nadaugü i tórü Cori ya Ngechuchuarü mexü̃ rü norü pora.

Ngechuchuarü ngúexü̃gü ga yamugüxü̃arü puracüchiga 15:11

Natürü yixema rü tayaxõgü nax tórü Cori ya Ngechuchuarü ngechaxü̃gagu yixĩxü̃ nax tüxü̃́ nangẽxmaxü̃ i maxü̃ i taguma guxü̃. Rü ngẽxgumarüxü̃ ta nixĩ naxca̱x i tama Yudíugü ixĩgüxü̃ —ñanagürü ga Pedru.

Romanos 9:16

Rü ngẽmaãcü tama ngẽma tümatama tanaxwa̱xexü̃gagu rü ẽ̱xna ngẽma taxüxü̃gagu nixĩ ya Tupana tüxü̃ yaxuxü̃ ya texé. Natürü tüxü̃ nayaxu erü nüxü̃́ tangechaü̃tümüxü̃.

Popera ga Yudíugü ga yaxõgüxü̃ca̱x ümatüxü̃ 6:4

Natürü ngẽxguma chi wüxíe Cristuaxü̃́ yaxõxgu, rü chi meama Tupanaxü̃ tacua̱xgu, rü chi Naãxẽ ya Üünexü̃ tüxna nguxgu rü chi mexü̃ tümawa naxü̱xgu, rü chi Tupanaarü orexü̃ tacua̱xgu, rü chi nüxü̃ tacua̱xgu i ngẽma pora i tá ínguxü̃, natürü ngẽxguma chi Cristuna tixũgachigu, rü marü taxucürüwama texé wenaxarü Tupanaca̱x tüxü̃ tataeguxẽxẽ, erü tüma rü ñoma wena Tupana Nanexü̃ curuchawa tayapotaxü̃rüxü̃ tayaxĩxẽxẽ, rü guxü̃ i duü̃xü̃güpe̱xewa ãne nüxü̃ tingexẽxẽ.

Ore i mexü̃ ga Matéu ümatüxü̃ 20:9

Rü yéma naxĩ ga yema puracütanüxü̃ ga 5 arü oragu ga yáuanecü inaxügüexü̃ nax napuracüexü̃. Rü wüxichigü ngĩxü̃ nayauxgü ga wüxitachinü ga diẽru.