Efesios 2:20 - Tupanaarü Ore

²⁰ Pema rü ñoma wüxi ya ĩpata ya mexü̃nerüxü̃ pixĩgü. Rü yima ĩpata namaxã ixügüne nixĩ i norü ngu̱xẽẽtae ga yema ngúexü̃gü ga Tupana imugüxü̃ rü yema norü orearü uruü̃gü. Rü nüma ya Cristu nixĩ ya yimá nüxíraü̃cü ya nuta ga naétüwa inaxügücü ya yimá ĩpata.

Efesios 2:20 Referans Kwoze

Ichaía 28:16

Rü ngẽmaca̱x ya Cori ya Tupana rü ñanagürü: —Chióü̃gu tá chanaxǘ ya wüxi ya nuta ya chomatama ichaxunetacü ya mexẽchicü. Rü yimáwa tá nixĩ inaxügüxü̃ i guxü̃ma i ngẽma chaxüxü̃. Rü yíxema nagu iyauxãchíxe rü taxuca̱xma taxoegaãxẽ.

Ore i mexü̃ ga Matéu ümatüxü̃ 16:18

Rü choma cumaxã nüxü̃ chixu rü cuma rü Pedru quixĩ. Rü ngẽma cuéga rü “nuta”, ñaxü̃chiga nixĩ. Rü cuma tá nixĩ i chorü duü̃xü̃gümaxã icucuáxü̃. Rü ngẽma yuarü pora rü taxũtáma nüxü̃ narüyexera i ngẽma chorü duü̃xü̃gü.

Wiyaegü 118:22

Rü yimá nuta ya ĩpataarü üruü̃gü nüxü̃ oecü rü yima nixĩ ya ñu̱xma nüxíra yaxǘcuchigüãcü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:14

Rü guma ĩanearü poxeguxü̃ rü 12 ga nuta ga taxüchicüétüwa inaxügü. Rü wüxichigü ga gumá 12 ga nutagüwa nango̱xéga ga yema 12 ga norü ngúexü̃gü ga gumá Carnéruxacü.

1 Corintios 12:28

Rü ngẽmaca̱x ya Tupana rü nanaxwa̱xe nax mea nügü inanuxü̃ i ngẽma yaxõgüxü̃. Rü yíxema tüxíra tüxü̃ naxunetagüxe tixĩ ya yíxema norü puracüwa tüxü̃ namugüxe. Rü ngẽmawena tüxü̃ naxuneta ya toguxegü nax nüxü̃ tixugüxü̃ca̱x i norü ore. Rü ngẽmawena tüxü̃ naxuneta ya toguxegü nax duü̃xü̃güxü̃ tangúexẽẽxü̃ca̱x i norü ore. Rü ngẽxgumarüxü̃ ta tüxü̃ naxuneta ya toguxegü nax tanaxügüxü̃ca̱x i cua̱xruü̃gü i Tupanaarü poramaxã taxügüxü̃, rü toguxegü rü tüxna nanaxã i cua̱x nax tanameexẽẽxü̃ca̱x i ida̱xaweexü̃, rü toguxegü rü tüxna nanaxã i cua̱x nax nüxü̃ tarüngü̃xẽẽgüxü̃ca̱x i ngẽma togü, rü toguxegü rü tüxna nanaxã i cua̱x nax yaxõgüxü̃arü ãẽ̱xgacügü tixĩgüxü̃ca̱x. Rü toguxegü rü tüxna nanaxã i cua̱x nax ngẽma nagagü i tama nüxü̃ tacuáxü̃wa tidexagüxü̃ca̱x.

Ore i mexü̃ ga Matéu ümatüxü̃ 21:42

Rü Ngechuchu rü ñanagürü nüxü̃: —¿Taguma ẽ̱xna nawa pengúe i Tupanaarü ore i ümatüxü̃? Erü ngẽmawa rü ñanagürü: “Yimá nuta ya ĩpataarü üruü̃gü nüxü̃ oecü rü ñu̱xma rü yimá nuta nixĩ ya nüxíra ixücuchicü nax namaxã inaxügüãxü̃ca̱x ya ĩpata. Rü tórü Cori ya Tupana nixĩ ga naxücü ga yema, rü ñu̱xma rü taxca̱x namexẽchi”, ñanagürü i ngẽma ore.

Gálatas 2:9

Rü yemaca̱x ga Chantiágu rü Pedru rü Cuáü̃ ga yaxõgüxü̃arü ãẽ̱xgacügü, rü nüxü̃ nicua̱xãchigü nax choxü̃ naxunetaxü̃ ga Tupana nax chanaxüxü̃ca̱x i norü puracü. Rü yemaca̱x ga yema ãẽ̱xgacügü, rü toxme̱x niyauxãchigü ga choma rü Bernabé nax toxü̃ nüxü̃ nadauxẽẽgüxü̃ca̱x nax aixcüma namücügü tixĩgüxü̃ i Tupanaarü puracüwa. Rü nümagü rü ta norü me nixĩ nax ngẽma duü̃xü̃gü i tama Yudíugü ixĩgüxü̃tanüwa nax tanaxüxü̃ i Tupanaarü puracü rü nümagü i Yudíugütanüwa.

Ucu̱xẽgüchiga 9:1

Ngẽma cua̱x rü naxüpata rü 7 nixĩ ga napataarü caxtagü.

Chacaría 10:4

Rü Yudátanüxü̃tanüwa tá nangóe i poraexü̃ i ãẽ̱xgacügü i chorü duü̃xü̃gümaxã tá icua̱xgüxü̃. Rü nümagü rü narüxü̃ tá nixĩgü ya yimá nuta ya nüxíra yaxǘcuchicü nax naxüaxü̃ca̱x ya wüxi ya ĩpata ya taxü̃ne. Rü ñoma norü tairuxü̃ ya yima ĩpata ya naxchirunaxca̱xrüxü̃ tá nixĩgü. Rü ñoma würa i daica̱x mexü̃rüxü̃ tá nixĩgü ya yima ãẽ̱xgacügü,

Efesios 3:5

Rü yema ore ga nüxicatama nüxü̃ nacuáxü̃ ga Tupana rü taxúexü̃ma nüxü̃ nacua̱xẽẽxü̃ ga noxrix. Natürü i ñu̱xma ya Tupana rü Naãxẽ ya Üünexü̃wa marü nanango̱xẽxẽ i ngẽma ore naxca̱x i Tupanaarü duü̃xü̃gü i üünexü̃ i yamugüxü̃ rü norü orearü uruü̃gü.

Colosenses 2:7

Rü wüxi i nanetü i waixü̃müwa meama yaxũ̱xchúma̱xaxü̃rüxü̃ rü pema rü name nax meama Cristuwa peyaxũ̱xgüxü̃ i perü õwa, yema pexü̃ tangúexẽẽxü̃rüxü̃. Rü name nixĩ i guxü̃guma Tupanana moxẽ pexãgü.

Nüxíraxü̃xü̃ ga popera ga Pedru ümatüxü̃ 2:6

Rü Tupana rü norü ore i ümatüxü̃wa rü ñanagürü: “Choma rü Chióü̃gu chanaxǘ ya wüxi ya nuta, rü yimá nixĩ ya nuta ya mexẽchicü ya chomatama chanayaxucü nax chopata namaxã ichaxügüxü̃ca̱x. Rü yíxema nüxü̃́ yaxṍxe, rü taxũtáma tüxü̃ chawomüxẽxẽ rü aixcüma tá tanayaxu i maxü̃ i taguma gúxü̃ i tümamaxã ichaxunetaxü̃”, ñanagürü.

Nüxíraxü̃xü̃ ga popera ga ãẽ̱xgacügüchiga 7:11

Rü gumá nutagüétüwa nixĩ ga nanucuxü̃ ga naxtapü̱xgüarü nutagü ga itatanücü rü guxü̃cüwawa cheramaxã meama ngugügu imexẽẽgücü. Rü ñu̱xũchi ocayiwanaxca̱x ga omütagümaxã ínananueguétü.