Efesios 2:2 - Tupanaarü Ore

² Yerü ga pemax rü nagu pexĩ ga yema chixexü̃ i ñoma i naanecüã̱x i duü̃xü̃gü nagu ĩxü̃. Rü pema rü naga pexĩnüe ga Chataná i ngo̱xogüarü ãẽ̱xgacü ixĩxü̃. Rü nüma nixĩ i nüxü̃́ nangúchaü̃xẽẽãxü̃ nax chixexü̃ naxügüxü̃ca̱x i ngẽma duü̃xü̃gü i tama Tupanaga ĩnüexü̃.

Efesios 2:2 Referans Kwoze

Efesios 6:12

Erü tama duü̃xü̃gü i taxrüxü̃ ãmachixü̃ rü ãxchina̱xãxü̃maxã nixĩ i yigü ida̱i̱xü̃. Natürü ngẽma namaxã yigü ida̱i̱xü̃ nixĩ i Chatanáarü duü̃xü̃gü i ngo̱xogü i chixexü̃gü i poraexü̃. Rü nümagü rü namaxã inacua̱x i ñoma i naanearü chixexü̃gü rü guxü̃wama daxũwa nangẽxmagü rü tüxü̃ narüporamaegüchaü̃.

Nüxíraxü̃xü̃ ga popera ga Cuáü̃ ümatüxü̃ 5:19

Nüxü̃ tacua̱xgü nax Tupanaxacügü ixĩgüxü̃, natürü guxü̃ma i ñoma i naanecüã̱x rü Chatanáme̱xẽwa nangẽxmagü.

Efesios 2:3

Rü guxãma ga yixema rü yemaacü chixexü̃gu tamaxẽ ga ü̃pa. Rü tóxrütama ngúchaü̃ ga chixexü̃we tarüxĩ, rü nagu taxĩ ga yema taxü̃ne naxwa̱xexü̃ rü yema taãxẽ nagu rüxĩnüxü̃. Rü yemagagu tüxna nangu i ngẽma poxcu ya Tupana norü numaxã mexẽẽxü̃ naxca̱x i guxü̃ma i ngẽma tama naga ĩnüexü̃.

Ore i mexü̃ ga Cuáü̃ ümatüxü̃ 12:31

Rü ñu̱xma tá nixĩ i napoxcuexü̃ i duü̃xü̃gü naxca̱x i norü pecadugü. Rü ñu̱xma tá nixĩ i ínata̱xüchixü̃ i ngẽma ñoma i naanewa poraxü̃ i Chataná.

Efesios 5:6

¡Rü ngẽxguma texé ta̱xacürü ngu̱xẽẽtae i taxuwama mexü̃maxã pexü̃ womüxẽxẽchaü̃gu rü taxṹ i naga pexĩnüexü̃! Erü ngẽma ngu̱xẽẽtae i taxuwama mexü̃gagu tá nixĩ ya Tupana poraãcü napoxcuexü̃ i ngẽma duü̃xü̃gü i tama naga ĩnüexü̃.

Ore i mexü̃ ga Cuáü̃ ümatüxü̃ 8:44

Penatü rü chataná nixĩ rü pema rü naxacügü pixĩgü. Rü ngẽmaca̱x penaxü i ngẽma nüma pexü̃́ nanaxwa̱xexü̃. Rü ngẽma chataná rü noxriarü ügügumama wüxi i máẽtaxü̃ nixĩ. Rü taguma ore i aixcümaxü̃gu narüxĩnü rü taguma ore i aixcümaxü̃ nixu. Rü ngẽxguma yadexaxgu rü doraxü̃xicatama nixu, erü nüma rü wüxi i dorata̱xáxü̃ nixĩ. Rü guxü̃ma i dorata̱xaxü̃natü nixĩ.

Efesios 4:22

Rü ngẽmaca̱x name nixĩ i nüxü̃ perüxoe i ngẽma nũxcümaü̃xü̃ i pecümagü ga ü̃pa nagu pexĩxü̃. Yerü yema nũxcümaü̃xü̃ ga perü maxü̃ rü nachixexüchi nagagu ga yema pexenearü ngúchaü̃gü i pexü̃ womüxẽẽxü̃.

1 Corintios 6:11

Rü yexgumarüü̃tama pixĩgü ga ñuxre ga pema ga ü̃pax. Natürü i ñu̱xma ya Tupana rü marü pexü̃́ ínanapi i perü chixexü̃ nax noxrüxicatama pixĩgüxü̃ca̱x. Rü ñu̱xma rü nape̱xewa pime yerü Naãxẽ ya Üünexü̃ rü tórü Cori ya Ngechuchu ya Cristuégagu marü perü pecaduna pexü̃ ínanguxü̃xẽxẽ.

2 Corintios 4:4

Erü nümagü nax tama yaxõgüãxü̃, rü ñoma i naanearü ãẽ̱xgacü i Chataná nixĩ i nüxü̃́ naguxchaxẽẽxü̃ nax tama nüxü̃ nacua̱xgüxü̃ca̱x i Cristu ya Üünecüarü ore i ñoma omürüxü̃ poraãcü nangóonexẽẽxü̃. Rü Cristuwa nixĩ i nügü nawéxü̃ ya Tupana.

Nüxíraxü̃xü̃ ga popera ga Cuáü̃ ümatüxü̃ 5:4

Erü guxãma ya yíxema aixcüma Tupanaxacü ixĩxẽ, rü tama ñoma i naanearü ngúchaü̃ i chixexü̃gu tarüxĩnü. Rü tórü õgagu nüxü̃ tarüyexera i ngẽma ngúchaü̃gü i ñoma i naanewa ngẽxmagüxü̃.

Nüxíraxü̃xü̃ ga popera ga Cuáü̃ ümatüxü̃ 3:10

Rü marü nüxü̃ tacua̱x nax texé tixĩgüxü̃ ya Tupanaxacügü rü texé tixĩgüxü̃ ya Chatanáxacügü. Erü yíxema tama mexü̃ ǘxe rü tama tümaenexẽxü̃ ngechaü̃xe, rü tama Tupanaxacü tixĩ.

Nüxíraxü̃xü̃ ga popera ga Pedru ümatüxü̃ 1:14

Rü ñu̱xma nax Tupanaxacügü pixĩgüxü̃, rü penaxwa̱xe nax naga pexĩnüexü̃. Rü tama name i nagu pexĩ ga yema perü ngúchaü̃ ga ü̃pa nagu pexĩxü̃ ga yexguma tauta Tupanaxü̃ pecua̱xgu.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:2

Rü yema Tupanaarü orearü ngeruxü̃ rü yema coyaxü̃ niyaxu. Rü yematama coya nixĩ ga yema nũxcümaü̃xü̃ ga ãxtape ga ngo̱xo ga Chataná ixĩxü̃. Rü yema orearü ngeruxü̃ rü 1,000 ga taunecügüca̱x cadénamaxã nayana̱i̱x.

Nüxíraxü̃xü̃ ga popera ga Cuáü̃ ümatüxü̃ 4:4

Pa Chauxacügüx, pema rü Tupanaxacügü pixĩgü. Rü marü nüxü̃ perüyexera i ngẽma dorata̱a̱xgüxü̃. Erü ngẽma Tupanaãxẽ ya Üünecü i peãẽwa ngẽxmaxü̃ rü marü nüxü̃ narüyexera i ngẽma Cristuarü uanü i ñoma i naanewa ngẽxmaxü̃.

Nüxíraxü̃xü̃ ga popera ga Pedru ümatüxü̃ 4:3

Ü̃pa ga pemax, rü mucüma ga taunecü nagu pemaxẽ i ngẽma chixexü̃ i ñu̱xma ngẽma duü̃xü̃gü i tama Tupanaxü̃ cua̱xgüxü̃ nagu maxẽxü̃. Rü yexguma ga pema rü pecadugu pemaxẽ, rü penaxü ga pexenearü ngúchaü̃, rü õnagü ga taxü̃ pexügü, rü petagü ga nawa pexãũgatanüxü̃ pexügü, rü pengãxẽ, rü tupananetachicüna̱xãgüxü̃ picua̱xüü̃gü.

Colosenses 1:21

Rü pema ga ü̃pa rü Tupanana peyaxü̃gugü rü norü uanügü pixĩgü, yerü naxchi pexaie nagagu ga perü chixexü̃gü ga nagu perüxĩnüexü̃ rü nagu pemaxẽxü̃.

Gálatas 1:4

Rü nüma ga tórü Cori ya Ngechuchu rü nügü inaxã nax tórü pecaduca̱x nayuxü̃ca̱x nax nüxna tüxü̃ ínanguxü̃xẽẽxü̃ca̱x i guxü̃ma i ñoma i naanearü chixexü̃, yerü yema nixĩ ga nanaxwa̱xexü̃ ga Tanatü ya Tupana.

Romanos 12:2

Rü tama name i ñoma i naanecüã̱x i duü̃xü̃gücümagu pexĩ. Natürü name nixĩ i Tupanana pegü pexãgü nax nüma pexü̃ naxüchicüüxü̃ca̱x rü ngexwaca̱xü̃xü̃ i peãxẽ pexü̃́ ngẽxmaxü̃ca̱x. Rü ngẽmaãcü tá nüxü̃ pecua̱x i ta̱xacü nixĩ ya Tupana pexü̃́ naxwa̱xexü̃, rü ta̱xacü nixĩ i nape̱xewa mexü̃, rü ta̱xacü nixĩ i namaxã nataãẽxü̃ rü ta̱xacü nixĩ i aixcüma mexü̃.

Popera ga Chantiágu ümatüxü̃ 4:4

Pa Duü̃xü̃gü i Chixri Maxẽxü̃x, ¿Tama ẽ̱xna nüxü̃ pecua̱x rü ngẽxguma ñoma i naanewa ngẽxmaxü̃ i chixexü̃güxü̃ pengechaxü̃gügu rü Tupanamaxã perüxuanügu? Erü texé ya ñoma i naanewa ngẽxmagüxü̃ i chixexü̃güxü̃ ngechaü̃güxe rü Tupanamaxã tarüxuanügü.

1 Corintios 5:10

Natürü yexguma yema ñachagu pexü̃, rü tama pemaxã nüxü̃ chixu nax nüxna pixĩgachitanüxü̃chixü̃ i ngẽma duü̃xü̃gü i ñoma i naanewa ngexü̃gü i ngĩxü̃nemaxã taxexü̃we rüxĩxü̃, rüe̱xna ngẽma duü̃xü̃gü i guxü̃ma i ta̱xacü nügüna nugüchaü̃güxü̃, rüe̱xna ngĩ́ta̱xagüxü̃, rüe̱xna ngẽma duü̃xü̃gü i tupananetachicüna̱xãxü̃ icua̱xüü̃güxü̃. Erü ngẽxguma chi na̱xcha̱xwa ípechoü̃gu i ngẽma duü̃xü̃gü, rü chi taxucürüwa i ñoma i naanewa pengẽxmagü.

Ngechuchuarü ngúexü̃gü ga yamugüxü̃arü puracüchiga 5:3

Rü yexguma ga Pedru rü ñanagürü nüxü̃: —Pa Ananíax, ¿tü̱xcüü̃ ngo̱xo i Chatanága cuxĩnü rü Tupanaãxẽ i Üünecümaxã quidora, rü cugüxü̃́ ngĩxne cuyaxu i ñuxre i ngẽma curü naanetanü?

Ore i mexü̃ ga Cuáü̃ ümatüxü̃ 15:19

Rü ngẽxguma chi ñoma i naanecüã̱x i duü̃xü̃gürüxü̃ pixĩgügu, rü ñoma i naanecüã̱x i duü̃xü̃gü rü chi pexü̃ nangechaü̃gü ngẽma natanüxü̃xü̃ nax nangechaü̃güxü̃rüxü̃. Natürü choma nixĩ ga pexca̱x chadauxü̃ natanüwa ga ñoma ga naanecüã̱x ga duü̃xü̃gü. Rü ngẽmaca̱x nixĩ i pexchi naxaiexü̃, erü marü tama naxrüxü̃ pixĩgü.

Ore i mexü̃ ga Cuáü̃ ümatüxü̃ 14:30

Marü taxũtáma muxü̃ i orexü̃ pemaxã chixu, erü marü paxa tá ínangu i Chataná i ñoma i naanemaxã icuáxü̃. Natürü nüma rü taxuwama choxü̃ narüyexera.

Ichaía 30:1

Nüma ya Cori ya Tupana rü ñanagürü: —Wüxi i ngechaü̃ nixĩ naxca̱x i ngẽma chaunegü i tama chauga ĩnüexü̃. Nümagü rü tama choxna nacagüãcüma nanaxü i ngẽma nagu naxĩnüexü̃ rü tama chauxü̃tagu naxca̱x nadaugü i chorü ucu̱xẽ. Rü ngẽmaãcü nanayexeraxẽxẽ i norü pecadugü.

Yox 1:7

Rü nüma ga Cori ya Tupana rü Chatanána naca rü ñanagürü: —¿Ngextá ne cuxũ i cumax? —ñanagürü. Rü nüma ga Chataná rü Corixü̃ nangãxü̃ rü ñanagürü: —Nawa ne chaxũ nax nagu íchayaxüeguxü̃ i ngẽma naane —ñanagürü.

Norü taxre ga popera ga Pedru ümatüxü̃ 2:14

Rü ngẽma ngu̱xẽẽruü̃netagü rü taxuacüma wüxi ya ngexexü̃ nadaugümare, erü naãxẽwa nüxü̃́ tangúchaü̃. Rü tama nüxü̃́ ningu nax nai i ngexü̃maxã namaxẽxü̃. Rü naxca̱x nadaugü nax ngẽma chixexü̃gu tüxü̃ nayixẽẽxü̃ ya yíxema duü̃xẽgü ya turaearü maxü̃ã̱xgüxe. Rü naxaü rü nügüna nananugüchaü̃ i guxü̃ma. Natürü marü chixexü̃ namaxã naxuegu.

Ore i mexü̃ ga Cuáü̃ ümatüxü̃ 16:11

Rü Naãxẽ ya Üünexü̃ tá duü̃xü̃güxü̃ nüxü̃ nacua̱xẽxẽ nax texé tixĩxü̃ ya yíxema Tupana marü poxcu tümamaxã naxueguxe. Rü nüma nixĩ i Chataná i ñoma i naanemaxã icuáxü̃.

Ore i mexü̃ ga Cuáü̃ ümatüxü̃ 13:27

Rü yexguma Yúda nayaxugu ga yema paũarü bücuxü̃ rü yexgumatama ngo̱xo ga Chataná rü Yúdagu naxücu. Rü yexguma ga Ngechuchu rü ñanagürü nüxü̃: —Ngẽma cuxüxchaü̃xü̃, ¡rü paxa naxü! —ñanagürü.

Ore i mexü̃ ga Cuáü̃ ümatüxü̃ 13:2

Natürü ga Chataná rü marü Yúda ga Chimóü̃ ga Icharióte nanena nangu nax bexma Ngechuchuxü̃ ínaxuaxü̃xü̃ca̱x. Rü Ngechuchu rü marü nüxü̃ nacua̱x ga Nanatüxü̃tawa nax ne naxũxü̃ rü wena táxarü Nanatüca̱x nax nataeguxü̃. Rü nüxü̃ nacua̱x ga Nanatü rü naxme̱xgu nax naxüaxü̃ ga guxü̃ma ga pora. Rü yemaca̱x ga yema chütaxü̃gu ga yexguma mechawa ínachibüeyane, rü inachi ga Ngechuchu. Rü ínacuxuchi ga norü gáuxü̃chiru, rü wüxi ga tuayamaxã nügü nigoye.

Ore i mexü̃ ga Cuáü̃ ümatüxü̃ 8:23

Rü Ngechuchu ñanagürü nüxü̃: —Pema rü ñoma i naanecüã̱x i duü̃xü̃gü pixĩgü, natürü i choma rü daxũcüã̱x chixĩ. Pema rü ñoma i naanearü duü̃xü̃gü pixĩgü, natürü i choma rü tama ñoma i naanecüã̱x chixĩ.

Ore i mexü̃ ga Cuáü̃ ümatüxü̃ 7:7

Ngẽma duü̃xü̃gü i ñoma i naanecüã̱x rü tama pexchi naxaie. Natürü chauxchi naxaie erü chanango̱xẽxẽ nax nachixexü̃ i ngẽma naxügüxü̃.

Ore i mexü̃ ga Matéu ümatüxü̃ 13:38

Rü ngẽma naane i nagu natoexü̃, rü ñoma i naane nixĩ. Rü ngẽma mexü̃ne ya triguchire rü ngẽma nixĩ i duü̃xü̃gü i Tupanaarü ixĩgüxü̃. Rü ngẽma chixexü̃ i natüane, rü ngẽma nixĩ i duü̃xü̃gü i Chatanáarü ixĩgüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:8

Rü tá ngẽma ngo̱xoxü̃ nicua̱xüü̃gü i guxü̃ma i ñoma i naanecüã̱x i ngeégagüxü̃ nawa i norü popera ya yimá Carnéruxacü ga yama̱xgüãcü. Rü noxritama naanearü ügügu rü yima Carnéruxacüarü poperagu nixĩ i naxümatüxü̃ i naéga i ngẽma duü̃xü̃gü i nüxü̃́ nangẽxmagüxü̃ i maxü̃ i taguma gúxü̃.

Nüxíraxü̃xü̃ ga popera ga Cuáü̃ ümatüxü̃ 3:8

Natürü yíxema pecadu üechaxe rü ngẽmawa tüxü̃ tacua̱x nax Chatanáarü duü̃xü̃ tixĩxü̃, erü nüma i Chataná rü noxriarü ügügumama pecadu naxüecha. Rü yemaca̱x ga Tupana Nane rü ñoma ga naanewa naxũ nax iyanaxoxẽẽãxü̃ca̱x ga yema Chataná üxü̃.

Popera ga Chantiágu ümatüxü̃ 1:7

Rü yíxema duü̃xẽ ya ñu̱xma mea yaxṍxe rü moxü̃ rü tama mea yaxṍxe, rü taxucürüwama nagu tarüxĩnü nax ta̱xacü Cori ya Tupanaxü̃tawa tayaxuxü̃.

Norü taxre ga popera ga Timutéuca̱x naxümatüxü̃ ga Pauru 4:10

Dema rü ñoma i naanearü ngẽmaxü̃gügu narüxĩnü rü choxna nixũ, rü ĩane ga Techarónicawa naxũ, Rü Crechénte rü Gárataanewa naxũ, rü Títo i Damáchiaanewa naxũ.

Ngechuchuarü ngúexü̃gü ga yamugüxü̃arü puracüchiga 19:35

Rü düxwa yema ĩanearü ãẽ̱xgacü nanachiãchixẽxẽ ga yema muxü̃ma ga duü̃xü̃gü, rü ñanagürü nüxü̃: —Pa Epéchiucüã̱xgüx, guxü̃ma i duü̃xü̃gü nüxü̃ nacua̱x nax daa ĩane rü tórü tupana i tacü i Artemíchaarü tupauca ya taxü̃nearü dauruxü̃ nax yixĩxü̃. Rü guxü̃ma nüxü̃ nacua̱x nax núma tüxü̃́ nangẽxmaxü̃ i Artemíchachicüna̱xã i daxũwa rünguxü̃.

Ore i mexü̃ ga Luca ümatüxü̃ 22:31

Rü Pedruxü̃ ñanagürü ta ga Cori ga Ngechuchu: —Pa Chimóü̃x, Pa Chimóü̃x, Chataná rü Tupanana naca nax ñoma triguxü̃ idüagüxü̃rüxü̃ pemaxã yixĩxü̃ca̱x.

Ore i mexü̃ ga Luca ümatüxü̃ 16:8

Rü norü cori rü nüxü̃ nicua̱xü̃ama ga yema norü duü̃xü̃ ga chixexü̃, yerü nüxü̃ nadau nax nüxü̃ nacua̱xüchixü̃ nax duü̃xü̃güaxü̃́ nangúchaü̃ẽẽãxü̃ ega ta̱xacü naxü̱xgu. Rü pemaxã nüxü̃ chixu rü ñoma i naanecüã̱x i duü̃xü̃gü, rü ngẽma yaxõgüxü̃arü yexera paxa naxca̱x nadaugü nax duü̃xü̃güaxü̃́ nangúchaü̃xẽẽãxü̃ ega ta̱xacü naxü̱xgu.

Ore i mexü̃ ga Matéu ümatüxü̃ 11:19

Rü ñu̱xũchi núma naxũ ya Tupana Nane ya duü̃xü̃xü̃ ixĩcü rü õna nangõ̱x rü bínu nayaxaxü. Rü ngẽxguma i nüma i duü̃xü̃gü rü taanüxü̃chixü̃ rü ngãxwa̱xexü̃ nüxü̃ nawogüe. Rü nüxü̃ nixugüe rü pecaduã̱xgüxü̃maxã naxãmücü, rü namaxã naxãmücü i ngẽma duü̃xü̃gü i Rómaarü ãẽ̱xgacüca̱x diẽru ngĩxü̃ ideetanüxü̃. Natürü Tupanaarü cua̱x rü tümawa nango̱x ya yíxema aixcüma mexü̃ üxe”, ñanagürü ga Ngechuchu.

Yeremía 23:10

Rü ñaa nachixü̃ane rü namaxã nayapa i duü̃xü̃gü i Tupanana ixĩgachixü̃ rü tama aixcüma naga ĩnüexü̃. Rü ngẽma orearü uruü̃güneta rü paxa naxca̱x nadaugü nax chixexü̃ naxügüxü̃. Rü ngẽmaca̱x ya Cori ya Tupana rü chixexü̃ namaxã naxuegu i ñaa naane rü chianexü̃xü̃ nayangucuchixẽxẽ. Rü ñu̱xma i ngẽma wocachitaü̃güarü maxẽgü rü marü nipagü.

Ichaía 57:4

¿Rü texéxü̃ yixĩxü̃ i pecugüexü̃ i pemax? ¿Rü texécha̱xwa yixĩxü̃ i pidaugachigüxü̃? ¿Rü texéna yixĩxü̃ i pede̱xgüexü̃? Pema rü pecadu nanegü pixĩgü, rü duü̃xü̃ i dorata̱xgüxü̃ pixĩgü.

Wiyaegü 17:14

Pa Corix ¡curü poramaxã choxü̃ ínanguxuchixẽxẽ naxme̱xwa i ngẽma duü̃xü̃gü i chixexü̃! ¡Rü ñoma i naanewa ínawoxü̃! Rü ngẽma nixĩ i nüxna üxü̃ i ñoma i naanewa nax namaxẽxü̃. Rü nüetama nixĩ nax namuarü ngẽmaxü̃ã̱xgüxü̃. Rü nüetama nixĩ nax naxacügü rü meama nachibüexü̃. Rü nüetama nixĩ nax nataagüca̱x íyaxüxü̃ i õna.

Yox 31:7

Rü ngẽxguma chi nüxna chixũgachigu i ngẽma nacüma i mexü̃, rü chi tama yáxna namaxã chaxĩnügu nax togüarü ngẽmaxü̃gü choxü̃ ngúchaü̃xü̃, rü chi ngürüãchi texéaxü̃́ naxca̱x changĩ̱xgu i ta̱xacü, rü marü name nax togü nangõ̱xgüxü̃ i ngẽma chorü nanetügüarü ogü rü nabe̱xgüaxü̃ i ngẽma choma ichatogüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:17

Rü yema norü 7 ga orearü ngeruxü̃, rü buanecügumare nayabaãcu ga norü copu. Rü guma Tupanapata ya daxũguxü̃ i naanewa ngẽxmanewa inanaxũ ga wüxi ga naga ga tagaxü̃ ga yema Tupanaarü tochicaxü̃wa inaxũxü̃ ga ñaxü̃: “Marü ningu i ngẽma 7 i poxcu”, ñaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:14

Natürü ga Tupana rü tama yema ngo̱xona nanachu̱xu nax ñoma ga naanewa maxẽxü̃ ga duü̃xü̃güxü̃ nawomüxẽẽxü̃ namaxã ga yema cua̱xruü̃gü ga yema nüxíraxü̃xü̃ ga ngo̱xope̱xewa naxüxü̃. Rü yemaacü ga yema ngo̱xo rü duü̃xü̃güxü̃ namu nax naxügüã̱xü̃ca̱x ga wüxi ga naxchicüna̱xã ga yema nüxíraxü̃xü̃ ga ngo̱xo ga taramaxã chexexü̃ natürü tama yuxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:9

Rü ínata̱xüchi ga daxũguxü̃ ga naanewa ga yema coya ga yema nũxcümaü̃xü̃ ga ãxtape. Rü nüma rü Ngo̱xogu rü Chatanágu naxãéga. Rü nüma nixĩ i guxü̃ma i ñoma i naanecüã̱x i duü̃xü̃güxü̃ nawomüxẽẽxü̃. Rü nüma rü norü orearü ngeruü̃gümaxã ñoma ga naanegu narüwoü̃.

Ochéa 10:9

Rü Tupana rü ñanagürü: —Pa Iraétanüxü̃x, pema rü tama nüxü̃ perüxoe nax chixexü̃ pexügüxü̃. Rü yexguma Guibeáwa penaxügügumama nixĩ nax pecadu pexügüechaxü̃, rü ñu̱xma rü ta rü tama nüxü̃ perüxoeéga. Rü ngẽmagagu rü Guibeágu tá daigu nayue i ngẽma chixexü̃gu maxẽxü̃.

Yox 1:16

Rü taũtama yagúegayane ga yema yatü rü to ga yatü yéma nangu rü ñanagürü: —Wüxi ya ãẽmacü yexma nangu rü wüxigu norü dauruü̃gümaxã nanadai i ngẽma carnérugü. Rü chaxicatama chiña nax cumaxã nüxü̃ chayarüxuxü̃ca̱x —ñanagürü.

Ore i mexü̃ ga Matéu ümatüxü̃ 13:22

Rü gumá triguchire ga tuxunecügu yixü̃nerüxü̃ nixĩ i ngẽma duü̃xü̃gü i Tupanaarü orexü̃ ĩnüexü̃ rü yaxõgüxü̃. Natürü ñoma i naanearü ngẽmaxü̃güca̱x nadaugü, rü ngẽmaguama narüxĩnüe, rü ngẽmaca̱x düxwa nüxü̃ inarüngümae i ngẽma ore. Rü guxü̃ma i ngẽma rü Tupanaarü orexü̃ nüxü̃ narüxoxẽxẽ nax tama aixcüma mea Tupanawe naxĩxü̃ca̱x i ngẽma duü̃xü̃gü.

Efesios 1:21

Rü yemaacü guxü̃étüwa nanayexmaxẽxẽ. Rü ngẽmaca̱x i ñu̱xma rü Cristume̱xẽwa nangẽxmagü i guxü̃ma i daxũguxü̃ i naanecüã̱x i ãẽ̱xgacügü rü guxü̃ma i ñoma i naanecüã̱x i ãẽ̱xgacügü rü guxü̃ma i pora i ñu̱xma ngẽxmagüxü̃ rü guxü̃ma i pora i yixcüra tá ngẽxmagüxü̃.

Efesios 2:11

Rü ngẽmaca̱x i pemax nax tama Yudíugü pixĩgüxü̃, rü name i nüxna pecua̱xãchie nax tama toma i Yudíugü i togü ítawíecha̱xmüü̃pe̱xechiraü̃güxü̃rüxü̃ pexĩgüxü̃ ga noxri. Rü toma nüxü̃ tixugüe nax tama Tupanape̱xewa pimexü̃ yerü tama pegü ípewíecha̱xmüxü̃pe̱xechiraü̃gü. Rü yexguma ga pema rü tama Cristuxü̃ pecua̱xgü, rü Iraétanüxü̃na peyáxü̃gugü. Rü tama pexca̱x nixĩ ga yema unetagü ga Tupana Yudíugüna ãxü̃. Rü ñoma ga naanewa pemaxẽmare, rü tama Tupanaxü̃ pecua̱x, rü taxuxü̃ma ípenangu̱xẽxẽ.

Efesios 2:13

Natürü i ñu̱xma nax Ngechuchu ya Cristuaxü̃́ peyaxõgüxü̃ rü pexca̱x nagü nabaxẽẽãxü̃, rü norü duü̃xü̃gü pixĩgü. Rü pema ga noxri Tupanana peyáxü̃gugü rü ñu̱xma rü nüxna pengaicamagü.

Efesios 4:17

Rü ñu̱xma rü Cristuégagu pexü̃ chaxucu̱xẽ nax tama nagu pexĩxamaxü̃ca̱x i ngẽma nacümagü i ngẽma duü̃xü̃gü i tama Tupanaxü̃ cua̱xgüxü̃ i naechitamare maxẽxü̃.

Efesios 5:8

Rü ü̃pa ga pema rü ẽanexü̃wa pemaxẽ, yerü tama Tupanaxü̃ pecua̱x. Natürü i ñu̱xma nax Cori ya Tupanaxü̃ pecuáxü̃, rü ngóonexü̃wa pemaxẽ. Rü ngẽmaca̱x name i duü̃xü̃gü i ngóonexü̃wa ngẽxmagüxü̃ãcü pemaxẽxü̃.

Popera ga Chantiágu ümatüxü̃ 1:27

Natürü tümaarü õ i Tanatü ya Tupanape̱xewa aixcüma mexü̃, rü ngẽma nixĩ nax nüxü̃ tarüngü̃xẽẽxü̃ i taxcutagü rü yutegüxü̃ rü tügüna tadauxü̃ nax tama ñoma i naanearü chixexü̃gu tanguxü̃.

Lebítanüxü̃arü puracüchiga 11:16

rü abetrú, rü murutucu, rü toxõ rü naguxü̃raü̃xü̃ i ĩyügü i íxraxü̃,