Efesios 1:23 - Tupanaarü Ore

²³ Rü ñu̱xma rü guxü̃ma i yaxõgüxü̃ rü wüxigu Cristume̱xẽwa nangẽxmagü rü nüma rü nawa nangẽxma. Rü ngẽxgumarüxü̃ ta nawa nangẽxma i guxü̃ma i ta̱xacü i ngẽxmagüxü̃.

Efesios 1:23 Referans Kwoze

Ore i mexü̃ ga Cuáü̃ ümatüxü̃ 1:16

Rü Tupana Nanearü ngechaü̃ i taxü̃gagu nixĩ i nayauxgüxü̃ i muxü̃ma i norü ngü̃xẽẽgü.

Efesios 4:12

Rü yemaacü norü duü̃xü̃güxü̃ nangúexẽxẽ nax ngẽma yaxõgüxü̃xü̃ nangü̃xẽẽgüxü̃ca̱x nax ngẽmaãcü guxü̃ma i ngẽma Cristuaxü̃́ yaxõgüxü̃ rü yexeraãcü nüxü̃ yacuáetanüxü̃ca̱x i norü ore rü naga ixĩnüexü̃.

Efesios 3:19

Rü woo tama yanguxgu i tórü cua̱x nax nüxü̃ icuáxü̃ca̱x nax nañuxraü̃xü̃ i ngẽma ngechaü̃ i namaxã Cristu tüxü̃ ngechaü̃xü̃, natürü Tupanana naxca̱x chaca nax pexca̱x nango̱xẽẽãxü̃ca̱x nax ñuxãcü nax yixĩxü̃ i ngẽma ngechaü̃ nax aixcüma pewa nangẽxmaxü̃ i guxü̃ma i Tupanacümagü.

Efesios 4:10

Rü gumátama Cristu ga ñoma ga naanegu írüxĩcü, rü gumátama nixĩ ga daxũguxü̃ i naane ya Tupana íngẽxmaxü̃wa ũcü nax guxãétüwa nangẽxmaxü̃ca̱x rü guxü̃wama nangẽxmaxü̃ca̱x.

1 Corintios 15:28

Rü ngẽxguma guxü̃ma Cristume̱xẽwa ngẽxmagügu, rü ñu̱xũchi nümatama ya Cristu ya Tupana Nane rü tá Nanatüme̱xẽwa nügü nangẽxmaxẽxẽ. Yerü nüma ga Tupana nixĩ ga Cristume̱xẽwa nayexmagüxẽẽãxü̃ ga guxü̃ma. Rü ngẽmaãcü ya Tupana rü guxü̃maxã tá inacua̱x.

Colosenses 1:24

Rü ñu̱xma nax pexca̱x ngúxü̃ chingexü̃ rü chataãxẽ erü nüxü̃ chacua̱x rü ñaa chaxunemaxã choma rü ta chayanguxẽxẽ ga yema ngúxü̃ ga Cristu ingexü̃ naxca̱x i norü duü̃xü̃gü i yaxõgüxü̃.

Colosenses 3:15

Rü name nixĩ nax pewa nangẽxmaxü̃ i ngẽma taãxẽ i Cristu pexna ãxü̃ nax ngẽmaãcü aixcüma pegü pengechaü̃güxü̃ca̱x. Yerü yemaca̱x nixĩ ga Tupana pexü̃ dexü̃ nax wüxitama i duü̃xü̃gü pixĩgüxü̃ca̱x rü mea wüxigu perüxĩnüexü̃ca̱x. Rü name nixĩ i Tupanana moxẽ pexãgü.

Colosenses 3:11

Rü ñu̱xma rü Tupanape̱xewa rü nüetama nixĩ ega Yudíu quixĩxgu rü ẽ̱xna tama. Rü nüetama nixĩ ega ícuwiecha̱xmüxü̃pe̱xechiraü̃gu rü ẽ̱xna tama. Rü nüetama nixĩ ega ta̱xacürü nachixü̃anecüã̱x i duü̃xü̃ quixĩxgu, rü ẽ̱xna duü̃xü̃ i tama poperaxü̃ icuáxü̃ quixĩxgu. Rü nüetama nixĩ ega wüxi i mugüruxü̃ quixĩxgu, rü ẽ̱xna taxúxearü duü̃xü̃ quixĩxgu. Erü ñu̱xma rü guxü̃arü yexera tüxü̃́ mexü̃ nixĩ nax Cristu rü guxü̃arü yora yixĩxü̃ rü guxü̃wa nangẽxmaxü̃.

Efesios 2:16

Rü yexguma curuchagu nayu̱xgu ga Cristu, rü inayanaxoxẽxẽ nax yigüchi ixaiexü̃. Rü yemaacü Tupanamaxã tüxü̃ inarüngüxmüẽxẽxẽ, rü wüxitama i duü̃xü̃güxü̃ tüxü̃ nixĩgüxẽxẽ.

1 Corintios 12:6

Rü Tupanaarü pora rü toraxü̃ãcü nango̱x. Natürü wüxitama nixĩ ya yimá Tanatü ya tawa nango̱xẽẽcü i ngẽma norü pora.

Romanos 13:5

Rü ngẽmaca̱x name nixĩ i naga cuxĩnü i curü ãẽ̱xgacügü. Rü tama ngẽma poxcuxü̃ nax cumuü̃xü̃ca̱xicatama nixĩ i namexü̃ nax naga cuxĩnüxü̃, natürü name nixĩ i naga cuxĩnü erü cuãẽwa nüxü̃ cucua̱x rü ngẽma nixĩ i mexü̃ nax cunaxüxü̃.

Efesios 4:4

Erü ñu̱xma nax Cristuarü duü̃xü̃gü pixĩgüxü̃, rü wüxitama i duü̃xü̃ pixĩgü. Rü wüxitama nixĩ i Naãxẽ ya Üünexü̃ i pewa ngẽxmaxü̃. Rü ñu̱xma nax Tupana pexü̃ dexü̃ rü wüxitama i maxü̃ i taguma gúxü̃ ípenangu̱xẽxẽ.

Efesios 3:10

Rü yemaacü choxü̃ namu ga Tupana nax ngẽma yaxõgüxü̃wa guxü̃ma i ngẽma daxũcüã̱x i poraexü̃ rü guxü̃ma i ngẽma daxũcüã̱x i ãẽ̱xgacügü ixĩgüxü̃ nüxü̃ cua̱xgüxü̃ca̱x i Tupanaarü cua̱x i naguxü̃raxü̃ãcü ngóxü̃.

Efesios 4:13

Rü ngẽmaãcü guxãma ya yixema rü tá nawa tangugü nax wüxigu yaxõgüxü̃ rü Tupana Nanexü̃ icuáxü̃. Rü ngẽmaãcü tá nawa tangugü nax aixcüma Cristurüxü̃ imexü̃.

Colosenses 2:19

Natürü i nümagü rü tama aixcüma naga naxĩnüe ya yimá taeru ixĩcü ya Cristu. Rü nüma ya Cristu nixĩ i tüxü̃ yamuxẽẽxü̃ rü tüxü̃ naporaexẽẽxü̃ ya guxãma ya yíxema nüxü̃́ yaxõgüxe nax guxãma wüxigu tarüxĩnüexü̃ca̱x ngẽma Tupana naxwa̱xexü̃rüxü̃.