Efesios 1:11 - Tupanaarü Ore

¹¹ Yerü woetama nũxcüma ga Tupana rü tamaxã nanaxuegu nax Cristugagu tá nayauxgüxü̃ i maxü̃ i taguma gúxü̃, yerü yema nixĩ ga nagu naxĩnüxü̃ ga Tupana ya norü ngúchaü̃ãcü naxücü i guxü̃ma.

Efesios 1:11 Referans Kwoze

Romanos 8:28

Rü nüxü̃ tacua̱x rü tümaarü mexü̃ca̱x nixĩ ya Tupana ínangu̱xẽẽxü̃ i guxü̃ma i ngẽma tüxü̃ üpetüxü̃ ya yíxema nüxü̃ ngechaü̃güxe ga nüma nagu naxĩnüxü̃ca̱x tüxü̃ nadexe.

Nüxíraxü̃xü̃ ga popera ga Pedru ümatüxü̃ 1:4

Rü pema rü wüxi i ngunexü̃gu tá penayauxgü i guxü̃ma i ngẽma mexü̃gü ya Tupana tá pexna ãxü̃ i ñu̱xma daxũguxü̃ i naanegu pexü̃́ namaxã nanguxü̃xü̃. Rü ngẽma mexü̃gü ya Tupana tá pexna ãxü̃ rü tagutáma nachixe, rü tagutáma naxãũãchi, rü tagutáma nangau.

Efesios 1:14

Rü ngẽma Naãxẽ ya Üünexü̃ ga Tupana tüxna muxü̃, rü ngẽmawa nixĩ i nüxü̃ icuáxü̃ nax aixcüma Tupana tá tüxna naxãxü̃ i guxü̃ma i ngẽma tamaxã inaxunetaxü̃. Rü ngẽxguma wena núma naxũxgu ya Cristu nax nügüxü̃tawa tüxü̃ nagagüxü̃ca̱x rü aixcüma tá tanayaxu i guxü̃ma i ngẽma Tupana tamaxã nüxü̃ ixuxü̃. Rü ngẽmaca̱x nüxü̃ ticua̱xüü̃gü ya Tanatü ya Tupana ya Üünecü.

Efesios 3:11

Rü Tupana rü yemaacü nanaxü, yerü woetama nũxcüma nagu narüxĩnü nax tórü Cori ya Ngechuchu ya Cristuwa tá yangu̱xẽẽãxü̃ ga yema norü ĩnü.

Gálatas 3:18

Rü ngẽxguma chi yema mugügagu yixĩxgu nax Tupana inaxunetaxü̃ rü natüca̱xmamare chi nixĩ ga yema Tupanaarü uneta ga nüxíra Abraáü̃maxã nüxü̃ yaxuxü̃. Natürü aixcüma nixĩ nax ngetanüãcüma Abraáü̃maxã nüxü̃ yaxuxü̃ ga yema uneta.

Popera ga Yudíugü ga yaxõgüxü̃ca̱x ümatüxü̃ 6:17

Rü yemaca̱x ga Tupana rü yexguma inaxunetagu namaxã ga yema duü̃xü̃gü ga nayauxgüxü̃ tá ga yema ngü̃xẽxẽ ga Tupana nüxna ãxchaü̃xü̃, rü nügüégagutama inaxuneta, yerü nanaxwa̱xe nax meama nüxü̃ nacua̱xgüxü̃ nax aixcüma tá yangu̱xẽẽãxü̃ rü tagutáma naxüchicüüãxü̃ ga yema uneta ga namaxã nüxü̃ yaxuxü̃.

Popera ga Títoca̱x naxümatüxü̃ ga Pauru 3:7

Rü yemaacü tamaxã namecüma rü tüxü̃ narüngü̃xẽxẽ ga Tupana nax nape̱xewa imexü̃ca̱x rü nayauxgüxü̃ca̱x i ngẽma ãmare i maxü̃ i taguma gúxü̃ i írüngu̱xẽẽgüxü̃.

Romanos 8:17

Rü yixema nax Tupanaxacügü ixĩgüxü̃, rü nüxü̃ tacua̱x rü daxũguxü̃ i naanewa tá tanayaxu i ngẽma mexü̃gü ya Tupana tá tüxna ãxü̃. Rü aixcüma Cristurüxü̃ tá tanayaxu i ngẽma mexü̃gü, erü naxrüxü̃ ngúxü̃ tingegü nax wüxigu nüma ínangexmaxü̃wa ingexmagüxü̃ca̱x.

Colosenses 1:12

Rü ngẽmaãcü penaxwa̱xe nax taãẽãcüma Tanatü ya Tupanana moxẽ pexãgüxü̃, erü nüma pexü̃ nimexẽẽgü nax pema rü ta penayauxgüxü̃ca̱x i ngẽma mexü̃gü i nüma tá nüxna naxãxü̃ i ngẽma norü duü̃xü̃gü ixĩgüxü̃.

Colosenses 3:24

Rü marü nüxü̃ pecua̱x rü daxũguxü̃ i naanewa rü tórü Cori ya Cristu tá pexna nanaxã i perü ãmare i maxü̃ i taguma gúxü̃. Erü yimá Cristu ya aixcüma perü Cori ixĩcüaxü̃́ nixĩ i pepuracüexü̃.

Ngechuchuarü ngúexü̃gü ga yamugüxü̃arü puracüchiga 26:18

Rü cuxü̃ chamu nax ngẽma duü̃xü̃güxü̃ choxü̃ cucua̱xẽẽxü̃ca̱x rü nüxü̃ naxoexü̃ca̱x i nacüma i chixexü̃gü rü chauga naxĩnüexü̃ca̱x. Rü cuxü̃ chamu nax Chatanáme̱xẽwa ícunanguxü̃xẽẽxü̃ca̱x i ngẽma duü̃xü̃gü nax chowe naxĩxü̃ca̱x rü choxü̃́ yaxõgüãxü̃ca̱x nax choma nüxü̃́ nüxü̃ icharüngümaxü̃ca̱x i norü pecadugü, rü nüxü̃́ nangẽxmaxü̃ca̱x i nachica natanüwa i guxü̃ma i chorü duü̃xü̃gü i üünegüxü̃”, ñanagürü choxü̃ ga Cori.

Ngechuchuarü ngúexü̃gü ga yamugüxü̃arü puracüchiga 20:32

Rü ñu̱xmax, Pa Chauenexẽgüx, rü Tupanana pexü̃ chamugü. Rü chanaxwa̱xe i naga pexĩnüe i norü ore i tüxü̃ nüxü̃ cua̱xẽẽxü̃ nax aixcüma poraãcü tüxü̃ nangechaü̃xü̃. Erü ngẽma norü ore tá pexü̃ naporaexẽxẽ nax tórü Corica̱x pemaxẽxü̃ca̱x rü pexü̃́ nangẽxmaxü̃ca̱x i pechica namaxã i guxü̃ma i duü̃xü̃gü ya Tupana dexü̃.

Ngechuchuarü ngúexü̃gü ga yamugüxü̃arü puracüchiga 2:23

Rü Tupana pexna nanamu ga gumá Ngechuchu, yerü yema nixĩ ga nagu naxĩnüxü̃. Rü nüma ga Tupana rü woetama nüxü̃ nacua̱x nax pecaduca̱x tá nayuxü̃. Rü pema rü penamu ga yatügü ga tama yaxõgüxü̃ nax curuchawa yapotagüãxü̃ca̱x. Rü yemaacü peyama̱xgü.

Ngechuchuarü ngúexü̃gü ga yamugüxü̃arü puracüchiga 20:27

Erü marü meama pemaxã nüxü̃ chixu i guxü̃ma i ngẽma Tupana pexü̃́ naxwa̱xexü̃, rü taxuxü̃ma ichicu̱x.

Ngechuchuarü ngúexü̃gü ga yamugüxü̃arü puracüchiga 4:28

Rü yemaacü ga yema ãẽ̱xgacügü rü nayanguxẽxẽ ga guxü̃ma ga yema cuma nũxcümama nagu curüxĩnüxü̃ rü nüxü̃ quixuxü̃ rü tá nax yanguxü̃.

Yeremía 32:19

Rü ngẽma nagu curüxĩnüxü̃ rü nataxüchi, rü ngẽma cuxüxü̃ rü namexẽchi. Rü cuma nüxü̃ cudau i guxü̃ma i ngẽma naxügüxü̃ i duü̃xü̃gü. Rü cuma rü wüxichigüna cunaxã i ngẽma nüxna üxü̃. Rü mexü̃maxã nüxü̃́ cunaxütanü i ngẽma mexü̃ ügüxü̃. Rü cunapoxcu i ngẽma chixexü̃ ügüxü̃.

Wiyaegü 37:18

Rü nüma ya Cori ya Tupana rü tüxna nadau ya yíxema mexü̃gu rüxĩnüexe. Rü tümaane rü guxü̃táma tümataagüwa naxüe.

Nüxíraxü̃xü̃ ga popera ga Pedru ümatüxü̃ 3:9

Rü ngẽxguma texé chixexü̃ pexca̱x üxgu, rü tama name i pema rü ta chixexü̃ tümaca̱x pexü. Rü ngẽxguma texé pemaxã guxchigagu, rü tama name i pema rü ta tümamaxã peguxchiga. Natürü name nax mexü̃ tümamaxã pexueguxü̃, erü Tupana pexü̃ nade nax mexü̃ pemaxã naxueguxü̃ca̱x.

Romanos 11:34

¿Erü texé i tatanüwa nüxü̃ tacua̱x i guxü̃ma i ngẽma tórü Cori nagu rüxĩnüxü̃? ¿Rü texé nüxü̃ tacua̱x nax tanaxucu̱xẽxü̃?

Yeremía 23:18

¿Natürü texé nüxü̃ tacua̱x i ngẽma ẽxü̃guxü̃ i Cori ya Tupanaxicatama nagu rüxĩnüxü̃? ¿Rü texé nüxü̃ tadau rüe̱xna nüxü̃ taxĩnü i ngẽma norü ore? ¿Rü texé nüxü̃́ itarüxĩnü?

Ichaía 28:29

Rü guxü̃ma i ngẽma cua̱x rü Cori ya Tupana ya Guxü̃étüwa Ngẽxmacüwa nixĩ i ne naxũxü̃. Nüma ya Cori ya Tupana rü mexü̃ i ĩnügü nüxü̃́ nangẽxma, rü norü cua̱xmaxã nayanguxẽxẽ i ngẽma nagu naxĩnüxü̃.

Ichaía 5:19

Rü pema rü ñaperügügü: —¡Paxa naxü ya Cori ya Tupana i ngẽma naxüxchaü̃xü̃, nax nüxü̃ idauxü̃ca̱x! ¡Rü Tupana ya Üünecü ya Iraéanearü Tupana rü paxa yanguxẽẽã i ngẽma nagu naxĩnüxü̃ nax nüxü̃ icuáxü̃ca̱x i ngẽma tá naxüxü̃! —ñaperügügü.

Wenaxarü naxümatü ga Tupanaarü mugü 4:20

Rü nüma ga Cori ya Tupana rü nawa pexü̃ ínamuxü̃ ga Equítuane ga pexca̱x ñoma guruxü ga nawa fieru idexẽẽnerüxü̃ ixĩxü̃. Rü yemaacü pexü̃ narüngü̃xẽxẽ nax ngẽmaãcü norü duü̃xü̃gü pixĩgüxü̃ca̱x. Rü ñu̱xma rü ta rü noxrütama pixĩgü.

Ucu̱xẽgüchiga 8:14

Choma rü nagu charüxĩnü i ngẽma chaxüxchaü̃xü̃, rü chomatátama chanaxü i ngẽma nagu charüxĩnüxü̃, erü choxrü nixĩ i ngẽma mexü̃ i ĩnü rü ngẽma pora.

Popera ga Chantiágu ümatüxü̃ 2:5

Pa Chauenexẽgü ya Pexü̃ Changechaü̃güxe, ¡Iperüxĩnüe i ñaa ore! Tupana tüxü̃ nade ya yíxema ñoma i naanewa ngearü diẽruã̱xgüxe, erü nanaxwa̱xe nax nüxü̃́ tayaxõgüxü̃ rü tanayauxgüxü̃ i ngẽma maxü̃ i taguma gúxü̃ i tümamaxã inaxunetaxü̃ ya yíxema nüxü̃ ngechaü̃güxe.

Efesios 1:8

Rü yemaacü Tupana tüxü̃ nüxü̃ nadauxẽxẽ nax poraãcü tüxü̃ nangechaü̃xü̃, rü yemaacü tüxna nanaxã ga taxü̃ ga cua̱x nax tüxü̃́ natauxchaxü̃ca̱x i norü ore rü taãẽxü̃ icuáxü̃ca̱x.

Yox 12:13

Natürü ya Tupana rü nüxü̃ cua̱xüchicü rü poraxüchicü nixĩ. Rü nüma rü nagu narüxĩnü i ta̱xacü tá naxüxü̃ rü ñu̱xũchi nayanguxẽxẽ i ngẽma nagu naxĩnüxü̃.

Yox 33:29

Rü Tupana rü muẽ̱xpü̱xcüna ngẽmaãcü duü̃xü̃gümaxã nanaxü nax ínapoxü̃ãxü̃ca̱x nüxna i yu rü ngẽmaãcü ñoma i naanearü ngóonexü̃wa namaxẽamaxü̃ca̱x.

Ichaía 25:1

Pa Corix, cuma nixĩ i chorü Tupana quixĩxü̃. Rü choma rü cuxü̃ chicua̱xüxü̃ rü mexü̃maxã cuxü̃ chixuchiga, erü ngẽma nũxcümacürüwatama nagu curüxĩnüxü̃ rü aixcüma cuyanguxẽxẽ rü taguma cunaxüchicüxü i ngẽma nüxü̃ quixuxü̃.

Ngechuchuarü ngúexü̃gü ga yamugüxü̃arü puracüchiga 13:48

Rü yexguma yema orexü̃ naxĩnüegu ga yema duü̃xü̃gü ga tama Yudíugü ixĩgüxü̃, rü nataãẽgü rü ñanagürügü: —Namexẽchi nixĩ i ñaa Cori ya Tupanaarü ore —ñanagürügü. Rü nayaxõgü ga guxü̃ma ga yema duü̃xü̃gü ga Tupana marü nüxü̃ unetaxü̃ nax nayauxgüãxü̃ca̱x i maxü̃ i taguma gúxü̃.

Romanos 8:29

Rü woetama nũxcümama ga Tupana rü marü tüxü̃ nacua̱x nax texégü tá tixĩgüxü̃ ya yíxema noxrü ixĩgüxe. Rü woetama nũxcümama tüxü̃ nade nax Nanerüxü̃ timexü̃ca̱x, rü Nane yixĩxü̃ ga nüxíra írüdacü natanüwa i muxü̃ma i yaxõgüxü̃.

Romanos 8:30

Rü guxema woetama nũxcümama Tupana tüxü̃ dexe, rü tümaca̱x naca nax noxrü tixĩgüxü̃ca̱x. Rü guxema tümaca̱x naca̱xaxe, rü nügüca̱x tüxü̃ nimexẽẽgü. Rü guxema nügüca̱x tüxü̃ yamexẽẽgüxe, rü tüxna nanaxã i tümachica i nügüxü̃tawa.

Romanos 9:11

Natürü yexguma tauta nabuegu rü taxuxü̃ma ga mexü̃ rü ẽ̱xna chixexü̃ naxüegu ga yema ngĩnegü, rü Rebécamaxã nidexa ga Tupana, rü ñanagürü: “Rü ngẽma nüxíra buxü̃ i cune, rü ngẽma wixweama buxü̃arü duü̃xü̃ tá nixĩ”, ñanagürü ngĩxü̃. Rü yema dexa rü namaxã nawüxigu i Tupanaarü ore i ümatüxü̃ i ñaxü̃: “Marü chanayaxu ya Acóbu, natürü nüxü̃ chaxo ya Echaú”, ñaxü̃. Rü yemaacü ga Tupana rü ngĩmaxã nanango̱xẽxẽ nax naxme̱xwa nangẽxmaxü̃ nax tüxü̃ nayaxuxü̃ ya yíxema woetama nüxü̃́ ngúchaü̃xẽ nax tümaca̱x naca̱xaxü̃, tama nagu naxĩnüãcüma i ta̱xacürü mexü̃ rü ẽ̱xna ta̱xacürü chixexü̃ nax taxüxü̃.

Efesios 1:9

Rü tüxü̃ nüxü̃ nacua̱xẽxẽ ga norü ngúchaü̃ ga noxri nüxicatama nüxü̃ nacuáxü̃. Rü yema norü ngúchaü̃ ga nũxcümaxü̃chima Cristumaxã nagu naxĩnüxü̃ ga Tupana, rü yema nixĩ ga ñoma ga naanewa nax namuaxü̃ nax tüxü̃ yamaxẽxẽẽxü̃ca̱x.

Efesios 1:18

Rü Tupanana naxca̱x chaca nax nümatama pexü̃ yango̱xnaãẽxẽẽxü̃ca̱x, nax nüxü̃ pecuáxü̃ca̱x nax ta̱xacü yixĩxü̃ i ngẽma ípenangu̱xẽẽxü̃ i naxca̱x pexca̱x naca̱xaxü̃ rü pexü̃ nadexü̃. Rü nüxna naxca̱x chaca nax pexü̃ nüxü̃ nacua̱xẽẽxü̃ca̱x nax namexẽchixü̃ i ngẽma maxü̃ i taguma gúxü̃ i nüma norü duü̃xü̃güca̱x namexẽẽxü̃ i daxũguxü̃ i naanewa.

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.