Édra 9:11 - Tupanaarü Ore

¹¹ Rü gumá curü orearü uruü̃gü ga curü ngü̃xẽẽruü̃gü ixĩgücüwa rü nũxcüma tomaxã nüxü̃ quixu nax yema nachixü̃ane ga nagu tachocuxü̃ rü tayapuxü̃, rü yémacüã̱x ga duü̃xü̃güarü chixexü̃maxã nayapa, rü yema chixexü̃ ga nacümagu nawa namaxẽ.

Édra 9:11 Referans Kwoze

Édra 6:21

Rü guxü̃ma ga yema Iraétanüxü̃ ga Babiróniawa ne ĩxü̃ rü nachibüe nawa ga Üpetüchigaarü õna. Rü namaxã wüxigu nachibüe ga guxü̃ma ga yema Iraétanüxü̃ ga nüxü̃ rüxoexü̃ ga yema togü ga nachixü̃anecümagü nax Cori ya Iraétanüxü̃arü Tupanaca̱x nawoeguxü̃ca̱x.

2 Corintios 7:1

Pa Chauenexẽgü ya Pexü̃ Changechaü̃güxex, ngẽmagü nixĩ i Tupanaarü unetagü i marü tüxü̃́ ngẽxmagüxü̃. Rü ngẽmaca̱x tanaxwa̱xe nax yigüna idaugüxü̃ nax tama taxünemaxã rü ẽ̱xna taãẽmaxã naxüxü̃ca̱x i ngẽma Tupanape̱xewa tama mexü̃. Rü tanaxwa̱xe i Tupanaxü̃ imuü̃exü̃ rü nüxna yigü ixãgüxü̃ nax naxca̱xicatama imaxẽxü̃ca̱x.

Édra 9:1

Rü yemawena ga yema Iraétanüxü̃arü ãẽ̱xgacügü ga marü nüxíra Yerucharéü̃wa ngugüxü̃ rü cha̱u̱xca̱x naxĩ rü chomaxã nüxü̃ nayarüxugüe rü ñanagürügü: —Muxü̃ma i ngẽma tatanüxü̃ i Iraétanüxü̃ ga nüxíra tomaxã woeguxü̃, rü woo chacherdótegü rü Lebítanüxü̃ rü tama nügüxü̃́ nüxü̃ naxoo̱xgü i nacümagü i chixexü̃gü i nagu naxĩxü̃ i ngẽma togü i duü̃xü̃gü i nua tórü naanegu yaxãchiü̃güxü̃. Rü ngẽma tatanüxü̃ rü woo poraãcü Tupanape̱xewa nachixe nax ngẽma togücümagu naxĩxü̃, natürü nagu naxĩãma i nacümagü i ngẽma Canaáü̃tanüxü̃ rü Itítanüxü̃, rü Ferechéutanüxü̃, rü Yebuchéutanüxü̃, rü Amóü̃tanüxü̃, rü Moátanüxü̃, rü Equítuanecüã̱xgü, rü Amoréutanüxü̃.

Norü taxre ga to ga popera ga ãẽ̱xgacügüchiga ümatüxü̃ 33:2

Natürü yema naxüxü̃ rü Tupanape̱xewa rü poraãcü nachixe, yerü nagu nixũ ga yema nacümagü ga chixexü̃gü ga nagu naxĩxü̃ ga yema nachixü̃anegü ga Cori ya Tupana Iraétanüxü̃arü o̱xigüpe̱xewa íwoxü̃xü̃.

Wenaxarü naxümatü ga Tupanaarü mugü 18:12

Erü ya Tupana rü naxchi naxai i ngẽma duü̃xü̃gü i ngẽma nacümagügu maxẽxü̃. Rü ngẽmaca̱x nixĩ ya Cori ya perü Tupana i pepe̱xewa tá ínawoxü̃ãxü̃ i ngẽma nachixü̃anecüã̱xgü, erü nümagü rü ngẽma nacüma i chixexü̃gu nixĩ i namaxẽxü̃.

Wenaxarü naxümatü ga Tupanaarü mugü 12:31

Rü tama name nax ngẽma duü̃xü̃gü naxüxü̃rüxü̃ penaxü i ngẽxguma Cori ya Tupanaxü̃ picua̱xüü̃gügu. Erü nüma ya Cori ya Tupana rü nüxü̃́ nawa̱xtümüxü̃ i ngẽma chixexü̃ i naxügüxü̃ i ngẽma duü̃xü̃gü i ngẽxguma norü tupananetaxü̃gü yacua̱xüü̃gügu. Rü nümagü rü norü tupananetagüca̱x tüxü̃ nigu ga naxacügü.

Norü taxre ga popera ga ãẽ̱xgacügüchiga 21:16

Rü yema Manaché üxü̃ rü Tupanape̱xewa poraãcü nachixe, rü ñu̱xũchi yema duü̃xü̃gü ga Yudáanecüã̱xgüxü̃ namu nax nümagü rü ta naxügüãxü̃ ga yema chixexü̃gü. Rü naétü rü nüma ga Manaché rü Yerucharéü̃wa nanadai ga muxü̃ma ga duü̃xü̃gü ga taxuxü̃ma ga chixexü̃ ügüxü̃. Rü yemaacü ga guma ĩane rü nagümaxã nanapa.

Édra 9:10

Natürü i ñu̱xmax, Pa Tupanax ¿rü ta̱xacüxü̃ tá cumaxã tixu nawena i guxü̃ma i ngẽma chixexü̃ i taxüxü̃? Erü aixcüma nixĩ nax tama naga taxĩnüexü̃ i curü mugü.