Édra 9:10 - Tupanaarü Ore

¹⁰ Natürü i ñu̱xmax, Pa Tupanax ¿rü ta̱xacüxü̃ tá cumaxã tixu nawena i guxü̃ma i ngẽma chixexü̃ i taxüxü̃? Erü aixcüma nixĩ nax tama naga taxĩnüexü̃ i curü mugü.

Édra 9:10 Referans Kwoze

Romanos 3:19

Rü nüxü̃ tacua̱x rü guxü̃ma i ngẽma Tupanaarü mugü nüxü̃ ixuxü̃ rü guxü̃ma i duü̃xü̃güca̱x nixĩ erü guxü̃ma rü Tupanaarü mugütüxü̃wa nangẽxmagü. Rü ngẽmaca̱x taxucürüwa texé tügüétüwa tachogü i ngẽxguma Tupana tüxü̃ icagügu i tümaarü pecaduchiga.

Auxexü̃chiga 3:22

Rü ngẽma ĩnü nixĩ nax Coriarü ngechaü̃ rü taguma iyacuáxü̃ rü norü mecüma rü taguma nagúxü̃.

Yochué 7:8

Pa Corix, ¿Ta̱xacü tá chaxüxü̃ i ñu̱xmax? Erü nüma i Iraétanüxü̃ rü marü norü uanücha̱xwa nibuxmü.

Naanearü ügüchiga 44:16

Rü yexguma ga Yudá rü nanangãxü̃, rü ñanagürü: —¿Ta̱xacüxü̃ chi cumaxã tixugüxü̃? ¿Rü ñuxãcü chi cuxca̱x tanango̱xẽẽxü̃ nax toxü̃́ cuyaxõxü̃ca̱x nax tama toma yixĩxü̃ nax cuxü̃́ tangĩ́xü̃? Bexmana Tupana rü torü chixexü̃gagu toxü̃ napoxcue. Rü daxegü tixĩgü. Rü guxãma i toma rü curü duü̃xü̃güxü̃ toxü̃ ixĩgüxẽxẽ wüxigu namaxã ya yimá axepáxü̃xü̃ naxü̃tawa nüxü̃ ipeyangauxcü —ñanagürü.

Édra 9:9

Rü woo to ga ãẽ̱xgacüme̱xẽwa nax tayexmagüxü̃ natürü i cumax rü tama toxü̃ ícuwogü. Rü ngẽma Pérchiaanearü ãẽ̱xgacügüãẽwa ícunanguxẽxẽ nax tomaxã namecümagüxü̃ca̱x. Rü toxna cudau nax ñu̱xma rü ta tamaxẽxü̃ca̱x, rü ngẽmaãcü tawoeguxü̃ca̱x, rü wena noxrirüxü̃ ga nachicagutama tanaxüxü̃ca̱x ya yima cupata ya taxü̃ne. Rü cumax, Pa Tupanax, rü toxna cudau i guxü̃ma i ñaa naane i Yudáanewa rü daa ĩane ya Yerucharéü̃wa.

Édra 9:11

Rü gumá curü orearü uruü̃gü ga curü ngü̃xẽẽruü̃gü ixĩgücüwa rü nũxcüma tomaxã nüxü̃ quixu nax yema nachixü̃ane ga nagu tachocuxü̃ rü tayapuxü̃, rü yémacüã̱x ga duü̃xü̃güarü chixexü̃maxã nayapa, rü yema chixexü̃ ga nacümagu nawa namaxẽ.

Neemía 9:30

Rü mucüma ga taunecü rü yáxna namaxã cuxĩnü ga yema torü o̱xigü. Rü Cuãxẽ ya Üünecüwa rü curü orearü uruü̃güwa cuyaxucu̱xẽgüchire̱x, natürü ga nümagü rü tama cuga naxĩnüechaü̃. Rü yemaca̱x nixĩ ga ñoma ga naanewa yexmagüxü̃ ga nachixü̃anegüme̱xẽwa cunayexmagüxẽẽxü̃.

Neemía 9:34

Rü woo tochixü̃anearü ãẽ̱xgacügü rü togü ga yatügü ga tomaxã icua̱xgüxü̃, rü chacherdótegü, rü woo ga torü o̱xigü rü taguma nayanguxẽẽgü ga curü mugü rü taguma naga naxĩnüe ga curü ucu̱xẽgü ga namaxã nüxü̃ quixuxü̃.

Wiyaegü 106:6

Rü toma rü cupe̱xewa poraãcü chixexü̃ taxü torü o̱xigürüü̃tama. Rü nüxna ítachocu i curü mugü nax tóxrütama ngúchaü̃ i chixexü̃gu tamaxẽxü̃ca̱x.