Édra 8:25 - Tupanaarü Ore

²⁵ Rü nape̱xewa ichanaya ga yema diẽrumü, rü úiru, rü Tupanapata ga taxü̃nearü yemaxü̃gü ga ãẽ̱xgacü wüxigu norü ngü̃xẽẽruü̃gümaxã ixãgüxü̃, rü ãẽ̱xgacüarü churaragüerugü ixãgüxü̃, rü guxü̃ma ga duü̃xü̃gü ga yéma yexmagüxü̃ ga Iraétanüxü̃ ixãgüxü̃ nax Tupanapata ga taxü̃nearü yixĩgüxü̃ca̱x. Rü ñu̱xũchi chacherdótegüna chanana.

Édra 8:25 Referans Kwoze

Édra 8:33

Rü yexguma norü ãgümücü ga ngunexü̃wa nanguxgu nixĩ ga Tupanapata ga taxü̃ne ga Yerucharéü̃wa yexmanewa itanayáxü̃ rü chacherdóte ga Meremóx ga Uría nanena tananaxü̃ ga yema diẽrumü rü úiru rü yemaxü̃gü. Rü yéma nayexmagü ta ga chacherdóte ga Meremóxmücügü ga Ereachá ga Fineéx nane, rü yema taxre ga Lebítanüxü̃ ga Yochabá ga Yochué nane rü Noadía ga Binuí nane.

Édra 1:8

Rü nüma ga Chíru ga Pérchiaanearü ãẽ̱xgacü rü norü diẽruarü dauruxü̃ ga Miridátexü̃ namu nax Yudátanüxü̃arü ãẽ̱xgacü ga Chebachárana nanaãxü̃ca̱x ga yema Tupanapataarü yemaxü̃gü.

Filipenses 4:8

Rü ñu̱xma Pa Chauenexẽgüx, rü name nixĩ i nagu perüxĩnüe i guxü̃ma i ngẽma ore i aixcüma ixĩxü̃, rü guxü̃ma i ngẽma nacüma i taxucürüwama texé chixri nachiga idexaxü̃. Rü name nixĩ i nagu perüxĩnüe i guxü̃ma i ngẽma ore i aixcüma mea iwéxü̃, rü guxü̃ma i ngẽma Tupanape̱xewa mexü̃, rü guxü̃ma i nacümagü i duü̃xü̃gü namaxã taãẽxü̃, rü guxü̃ma i ngẽma nacümagü i duü̃xü̃gü mea nachiga idexagüxü̃. Rü ngẽmaãcü name nixĩ i nagu perüxĩnüe i guxü̃ma i ngẽma nacümagü i mexü̃ nax nüxü̃ icua̱xüü̃güxü̃.

Édra 2:69

Rü yema wüxichigü nüxü̃́ tauxchaxü̃ ga diẽru nixĩ ga inaxãgüxü̃ naxca̱x ga guma Tupanapata. Rü 488 quíru nagúxü̃ ga úiru, rü 2,750 quíru ga diẽrumü, rü 100 ga chacherdótegüchiru ga mámüxü̃ nixĩ ga inaxãgüxü̃.

Iraétanüxü̃arü muxchiga 7:85

Rü wüxichigü ga guma bachíagu rü 1,430 gramu naya, rü wüxichigü ga guma tacháũgü rü 770 gramu nixĩ ga nayaxü̃ ga yexguma Tupanapataarü yáruü̃wa inayaxgu. Rü guxü̃wama ga guma bachíagu rü tacháũgü ga diẽrumünaxca̱x ixĩgüxü̃ rü 26 quíru rü naétü 400 gramu nixĩ ga norü ya.