Édra 8:23 - Tupanaarü Ore

²³ Rü yemaca̱x aureãcüma tayumüxẽgü rü Tupanana tacagüe nax toxna nadauxü̃ca̱x. Rü nüma rü aixcüma toxü̃ nangãxü̃.

Édra 8:23 Referans Kwoze

Édra 8:31

Rü natü ga Aabácutüwa itaxĩãchi meama nüxíraü̃cü ga tauemacüarü 12 arü ngunexü̃gu nax Yerucharéü̃wa taxĩxü̃ca̱x. Rü Tupana rü namawa toxna nadau rü toxü̃ ínapoxü̃ nüxna ga torü uanügü rü ngĩ́ta̱xagüxü̃.

Wenaxarü naxümatü ga Tupanaarü mugü 4:29

Natürü ngẽxguma ngẽma nachixü̃anegüwa pema rü guxü̃ma i perü ngúchaü̃maxã rü guxü̃ma i peãẽmaxã Cori ya perü Tupanaca̱x pewoegugu rü nüxü̃ tá ipeyangaugü.

Ester 4:16

—¡Ẽcü ngéma naxũ rü nangutaque̱xexẽxẽ i guxü̃ma i Yudíugü i Chúchawa ngẽxmagüxü̃ nax cha̱u̱xca̱x aureãcü nayumüxẽgüxü̃ca̱x! ¡Rü tomaepü̱x i ngunexü̃ rü tomaepü̱x i chütaxü̃ rü taxuxü̃táma ta̱xacü nangõ̱xgü rüe̱xna ta̱xacü nixaxgü! Rü chomax, rü namaxã i chauxü̃taxü̃gü rü ngẽmaãcü tátama tanaxügü. Rü ngẽmawena rü tá ãẽ̱xgacüxü̃tawa íchayadau woo nachu̱xu nax texé ngéma ũmarexü̃ tama tümaca̱x nangemayane. Natürü tá ngéma chaxũama rü nüetama ega woo chayu̱xgu —ngĩgürügü.

Danié 9:3

Rü yemaca̱x chayumüxẽ rü Cori ya Tupanana chaca nax toxü̃ ínanguxü̃xẽẽxü̃ca̱x naxme̱xwa i torü uanügü rü wena torü naanewa toxü̃ nawoeguxẽẽxü̃ca̱x. Rü yemaacü tama chachibüãcüma chayumüxẽ rü témüxü̃ ga naxchirugu chicu̱x rü tanimacate̱xewa charüto.

Ichaía 19:22

Rü Cori ya Tupana rü tá Equítuanearü duü̃xü̃güca̱x ngúxü̃ ínanguxẽxẽ. Natürü yixcama rü tá nanaxoxẽxẽ i ngẽma ngúxü̃ i yangegüxü̃. Rü nüma i Equítuanecüã̱xgü rü tá Cori ya Tupanaca̱x nawoegu, rü nüma rü tá nüxü̃́ nangechaü̃tümüü̃gü rü tá nayanaxoxẽxẽ i ngẽma ngúxü̃ i yangegüxü̃.

Ngechuchuarü ngúexü̃gü ga yamugüxü̃arü puracüchiga 10:30

Rü Cornériu nanangãxü̃, rü ñanagürü: —Marü ãgümücü i ngunexü̃ nangupetü ga ñúxgumaãcü ga tomaepü̱xarü oragu ga yáuanecü, rü nua chopatawa chayumüxẽ erü guxü̃guma ngẽmaãcü chanaxü. Rü yexguma chayumüxẽgu rü chango̱xetü, rü cha̱u̱xca̱x nango̱x ga wüxi ga yatü ga iyaurachirucüüxü̃.

Ore i mexü̃ ga Luca ümatüxü̃ 2:37

Rü yemaacü wüxi ga yutecü ga yaxguã̱xü̃chi iyixĩ, rü 84 nixĩ ga ngĩrü taunecü. Rü taguma Tupanapata ga taxü̃newa íixũxũ. Rü guxü̃guma ngunecü rü chütacü rü naxaureãcüma iyumüxẽecha. Rü yemaacü Tupanaxü̃ iyacua̱xüxü̃.

Yeremía 33:3

“¡Choxna naca rü tá cuxü̃ changãxü̃! Rü tá cuxü̃ nüxü̃ chacua̱xẽxẽ i ta̱xacü i taxü̃ i ẽxü̃guxü̃ i taguma nüxü̃ cucuáxü̃.

Neemía 9:1

Rü gumatama tauemacüarü 24 ga ngunexü̃gu rü nüma ga Iraétanüxü̃ rü nangutaque̱xegü nax aureãcüma nayumüxẽgüxü̃ca̱x. Rü nüxna nixĩgachi ga yema duü̃xü̃gü ga tama Iraétanüxü̃ ixĩgüxü̃. Rü témüxü̃ ga naxchirugu nicu̱xgü rü waixü̃müte̱xe nügüeru nagünagügü. Rü yexma nachigüãcüma Tupanamaxã nüxü̃ nixugüe ga noxrütama chixexü̃gü rü nüxna nacua̱xãchie ga norü o̱xigüarü chixexü̃gü rü ta.

Naanearü ügüchiga 25:21

Rü Ichaá naxma̱x ga Rebéca rü tama nüxü̃́ ixãxacü. Rü yemaca̱x ga Ichaá rü Cori ya Tupanana naca nax naxãxacüxü̃ca̱x. Rü nüma ga Tupana rü nüxü̃ naxĩnü ga norü yumüxẽ rü ixãxacü.

Norü taxre ga popera ga ãẽ̱xgacügüchiga 13:4

Rü yemaca̱x ga nüma ga Yoacá rü nayumüxẽ rü Cori ya Tupanana naca. Rü nüma ga Cori ya Tupana rü nanangãxü̃ ga yema norü yumüxẽ yerü nüxü̃ nadau nax ñuxãcü yema Chíriaanearü ãẽ̱xgacü rü ngúxü̃ Iraéanecüã̱xgüxü̃ yangexẽẽxü̃.

Ucu̱xẽgüchiga 3:5

¡Guxü̃ne ya curü maxü̃nemaxã nüxna rüyoe ya Cori ya Tupana, rü taxṹ i nüxna curüyoexü̃ i curü cua̱x!