Édra 8:18 - Tupanaarü Ore18 Rü Tupana rü tomaxã namecüma, rü yemaca̱x toxü̃tawa nanamu ga Cherebía ga meama poperaxü̃ cuácü ga Lebítanüxü̃ ga Máritaxa ixĩcü. Rü nüma ga Cherebía rü toxü̃tawa nangu wüxigu namaxã ga nanegü rü naenexẽgü ga meama 18 ga duü̃xü̃gü ixĩgüxü̃. Gade chapit la |
Édra 8:18
22 Referans Kwoze
Rü to ga popera ga naxca̱x íchaca̱xaxü̃, rü Acháca̱x nixĩ. Rü nüma nixĩ ga ãẽ̱xgacüarü naixnecüarü dauruxü̃ yixĩxü̃. Rü yema poperawa rü ãẽ̱xgacü nüxna naxãga nax mürapewa choxna tanaxãxü̃ca̱x nax ngẽmamaxã chanamexẽẽxü̃ca̱x i norü ĩã̱xgü ya yima Tupanapata ya taxü̃nearü dauxü̃taechica rü ngẽma ĩanearü poxeguxü̃arü ĩã̱xgü, rü yima ĩpata ya nawa tá changexmane. Rü nüma ga ãẽ̱xgacü rü choxna nanaxã ga guxü̃ma ga yema naxca̱x íchaca̱xaxü̃, yerü Cori ya Tupana rü poraãcü choxü̃ narüngü̃xẽxẽ.
Rü moxẽ cuxna chaxã, Pa Tupanax, erü cuxü̃́ changechaü̃tümüxü̃ nape̱xewa ya ãẽ̱xgacü rü ngẽma 7 i namücügü rü guxü̃ma i norü ngü̃xẽẽruü̃gü. Rü chapora erü cumax, Pa Tupanax, chauxü̃tawa cungexma rü ngẽmaca̱x choxü̃́ natauxcha nax nüxü̃́ chanangúchaü̃xẽẽxü̃ i ñuxre i chautanüxü̃ i Iraétanüxü̃arü ãẽ̱xgacügü nax chowe Yerucharéü̃ca̱x nawoeguxü̃ —ñanagürü ga norü yumüxẽwa.
Yerü chorü ãne nixĩ ga ãẽ̱xgacüxü̃tawa naxca̱x íchaca̱xaxü̃ ga churaragü ga cowarugu ĩxü̃ nax torü uanügüna toxü̃ ínapoxü̃xü̃ca̱x ga namawa, yerü yexguma taxũta itaxĩãchigu rü marü ãẽ̱xgacümaxã nüxü̃ tixugü nax Tupana tüxü̃ rüngü̃xẽẽxü̃ ya yíxema naxca̱x daugüxe, natürü tüxü̃ napoxcu ya guxãma ya tama naga ĩnüexe.
Rü nüma ga Édra rü wüxi ga ngu̱xẽẽtaeruxü̃ nixĩ, rü meama nüxü̃ nacua̱x ga Tupanaarü mugü ga Moiché ümatüxü̃. Rü wüxi ga ngunexü̃gu rü ãẽ̱xgacü ga Artayérena naca nax Yerucharéü̃ca̱x namueguaxü̃ca̱x. Rü nüma ga ãẽ̱xgacü rü naga naxĩnü, yerü Tupana rü poraãcü Édraxü̃ narüngü̃xẽxẽ. Rü yemaacü ga Édra rü Babiróniaanewa inaxũãchi rü Yerucharéü̃ca̱x nataegu.
Pa Chauenexẽgüx, tama name i ñoma buxü̃gürüxü̃ nagu perüxĩnüe i ngẽma ore i pemaxã nüxü̃ chixuxü̃. Rü narümemae nixĩ i ñoma buxü̃gürüxü̃ pegü pixĩgüxẽxẽ na̱xcha̱xwa i ngẽma chixexü̃. Natürü ngẽma perü ĩnüwa rü penaxwa̱xe i duü̃xü̃gü i marü yáxü̃rüxü̃ mea nagu perüxĩnüe rü nagu pexĩ i ngẽma ore i pemaxã nüxü̃ chixuxü̃.
Rü yema Lebítanüxü̃maxã icua̱xgüxü̃ rü ñaagü nixĩ: Achabía, rü Cherebía, rü Yochué ga Caxmié nane. Rü yexguma nawa nanguxgu nax nawiyaegüxü̃ rü nüma ga natanüxü̃ rü nape̱xegu nayachigü nax Cori ya Tupanaxü̃ yacua̱xüü̃güxü̃ca̱x rü moxẽ nüxna naxãgüxü̃, gumá Dabí ga Cori ya Tupanaarü duü̃ ixĩcü namugüxü̃ãcüma.
Rü Lebítanüxü̃ ga Yochué, rü Baní, rü Cherebía, rü Yamíü̃, rü Acúx, rü Chaxtái, rü Odía, rü Maachía, rü Queritá, rü Acharía, rü Yochabá, rü Anáü̃ rü Peraía nixĩ ga duü̃xü̃gümaxã meama nango̱xẽẽgüxü̃ nax ta̱xacüchiga yixĩxü̃ ga yema mugü. Rü yexguma ga nüma ga duü̃xü̃gü rü tama nixĩgachitanü nawa ga yema nachica ga nagu nachigüxü̃.
Rü yemaca̱x Eriécheca̱x, rü Ariéca̱x, rü Chemaíaca̱x, rü Erünatáü̃ca̱x, rü Yaríxca̱x, rü to i Erünatáü̃ca̱x, rü Natáü̃ca̱x, rü Chacaríaca̱x, rü Mechuráü̃ca̱x changema, yerü nümagü nixĩ ga Lebítanüxü̃arü ãẽ̱xgacügü yixĩxü̃. Rü yexgumarüxü̃ ta naxca̱x changema ga Yoiaríx rü Enatáü̃ ga ngu̱xẽẽtaeruü̃gü ixĩgüxü̃.
Rü nüma ga Echequía rü yema Lebítanüxü̃na moxẽ naxã naxca̱x ga yema puracü ga mea norü ngúchaü̃maxã Cori ya Tupanaca̱x naxügüxü̃. Rü yema 7 ga ngunexü̃gu rü nanangõ̱xgü ga yema Üpetüchigaarü õna. Rü Tupanaca̱x ínanagu ga ãmaregü norü ngüxmüxẽẽruxü̃. Rü ñu̱xũchi nüxü̃ nicua̱xüü̃gü ya yimá Cori ya norü o̱xigüarü Tupana.
Piblisite